مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[fatouma2012]

فطومة مرحبا بيك في تحت المجهر

اقامة طيبة ان شاء الله​

سلام سمورة نورتيني

عنك صديقات جزائريات و الا جنسيات اخرى و كيفاه تعرفتي عليهم؟؟؟​

للاسف وين نسكن مكاش العرب ومانعرف حتى وحدة ما عدا واحد الاردنية تسكن ف مدينة أخرى تعرفت عليها ف سوق

ديرو تجمعات و الا لالا؟؟؟​

لا مكاش تجمعات ومكاش مساجد العرب ، الاتراك برك

واش الاماكن الملاح لي نقدرو نزروهم كون يعني نجيو عندكم :p؟؟

و ادا ممكن الصور حتى من نت ما فيش مشكل؟؟؟​

مرحبا بكل من جاء عندي
نشالله نديرلكم صور

 

[fatouma2012]

 

[fatouma2012]

 

[ام الحلوين]

سلام فطومة ،سامحيني حنونة سقسيتك على والديك ماكنتش عارفة بلي والدك متوفي ربي يرحمو و يوسع عليه .
ــ ما هي الاكلة لي طيبيها و تعجب زوجك ؟
ــ ماهي الاكلة لي تحبيها و هو مايحبهاش ؟
ــ واش تفضلي طيبي مالح و لا حلو ؟
ــ شكون جا عندك كي نفستي ؟
ــ هل ناوية جيبي يماك ؟
ــ هل زوجك يبات في داركم ؟
ــ هل كليتي حاجة ماشي حلال ؟
ــ ما هي الولايات لي زرتيهم في الجزائر و لا حابة تزوريهم ؟
ــ ماهي الدول لي زرتيهم في اوروبا ، و لا حابة تزوريهم ؟

 

[lina-67]

مرحبا بيك فطومة تحت المجهر
الاسئلة اللي في بالي لقيتهم سألوهم نخمم و نرجعلك

 

[fatouma2012]

سلام فطومة ،سامحيني حنونة سقسيتك على والديك ماكنتش عارفة بلي والدك متوفي ربي يرحمو و يوسع عليه .
ولا يهمك أم الحلوين الموت علينا حق وأبي عنده كتر من 18سنة مالي توفى الله يرحمه


ــ ما هي الاكلة لي طيبيها و تعجب زوجك ؟

يعجبه كلشي وخاصة الطعام بالمرقة



ــ ماهي الاكلة لي تحبيها و هو مايحبهاش ؟
أنا نبغي الحوت بزاف هو شوية


ــ واش تفضلي طيبي مالح و لا حلو ؟

في زوج بصح الحلو كتر
ــ شكون جا عندك كي نفستي ؟
ولا أحد


ــ هل ناوية جيبي يماك ؟

واه أي شاء الله
ــ هل زوجك يبات في داركم ؟
بات ليلة وحدة


ــ هل كليتي حاجة ماشي حلال ؟
واه كليت الشوكولا

ــ ما هي الولايات لي زرتم في الجزائر و لا حابة تزوريهم ؟
زرت لعاصمة ، تبسة ، تلمسان ، تموشنت ، بلعباس ، مستغانم ،قسنطينة ، تمنراست ، غليزان ، مدية ، عين الدفلى ، وطبعا معسكر ووهران
نتمنى نزور كامل الولايات


ــ ماهي الدول لي زرتيهم في اوروبا ، و لا حابة تزوريهم ؟

زرت إيطاليا ، سويسرا ، فرنسا ،
نتمنى ندير رحلة حول العالم

 

[fatouma2012]

مرحبا بيك فطومة تحت المجهر
الاسئلة اللي في بالي لقيتهم سألوهم نخمم و نرجعلك

أوكي خمي راني هنا

 

[أم أمين23]

الله يرحم الوالد حبوبة ويحفظلك الوالدة
شكون مى البنت انت والا هو؟
واش حابة او بالاحرى واش متمنيا طفلة اخرى والا ما دابيك طفل؟
مخمين تروحو كي يكبرو الولاد والا ماكنش هاد الامر في حسابات زوجك؟
وين حابة تسكني كي تروحي للبلاد وهران والا معسكر والا ولاية اخرى؟
باش تمشوفي المانيا الورق يعني؟
وعندك الجنسية والا لا؟
وثاني زوجك؟
عندكم مساعدات تاع الولاد وتاع الدار ؟
يمدو للمرا الي ماتخدمش والا ؟؟

 

[fatouma2012]

الله يرحم الوالد حبوبة ويحفظلك الوالدة
سلام أم أمين ، ربي يرحم جميع أوطى المسلمين ويحفضلك والديك نشالله


شكون مى البنت انت والا هو؟
هو اقترحه وأنا من بكري كان يعجبني إسم سارة


واش حابة او بالاحرى واش متمنيا طفلة اخرى والا ما دابيك طفل؟
متمنيا طفل إن شاالله

مخمين تروحو كي يكبرو الولاد والا ماكنش هاد الامر في حسابات زوجك؟
واه نروحو نشالله أكيد


وين حابة تسكني كي تروحي للبلاد وهران والا معسكر والا ولاية اخرى؟
نحب ولا منحبش نسكنو في وهران



باش تمشوفي المانيا الورق يعني؟

نمشو بكارت صغيرة la reidence
وعندك الجنسية والا لا؟
وثاني زوجك؟
لا في زوج معندناش

عندكم مساعدات تاع الولاد وتاع الدار ؟
عندنا 300 أرو الإطفل لمدة سنة و-185 اورو حتى سن الرشد وكل حالة وكيفاه كاين لي يعاونهم فل كرية بصح على حسب الراتب وعدد الاولاد

يمدو للمرا الي ماتخدمش والا ؟؟

أنا ميمدليش بصح سمعت لازم على الاقل تكون خدمت من قبل والله أعلم

 

[SAMIRA25]

ربي يرحمه الوالد و يسكنه فسيح جناته و جميع موتى المسلمين
و الصور رائعين يقولك جنتهم في دنيتهم كون حتى يديرونا مدينة وحدة في الجزائر كامل شابة كيما هكا
قوليلي انتم الاولاد ضروري دخلهم للحضانة و الا لا و في اي سن ؟؟؟​

 

[fatouma2012]

ربي يرحمه الوالد و يسكنه فسيح جناته و جميع موتى المسلمين

و الصور رائعين يقولك جنتهم في دنيتهم كون حتى يديرونا مدينة وحدة في الجزائر كامل شابة كيما هكا ​

وه الطبيعة خلابة والبنيان مازال الستيل تع بكري وكولشي بالقرمود الاحمر

قوليلي انتم الاولاد ضروري دخلهم للحضانة و الا لا و في اي سن ؟؟؟​

معنديش بزاف معلومات نعرف برك الحضانة على 3 سنين وكاين تاني قبل بصح معلاباليش إدا إجباري

 

[sirin2013]

فطيمة الله يرحم الوالد ويسكن فسيح جنانه
نبدامعاك اول مرا نشارك هنا
واش اديري كامل يومك؟يعني يومياتك؟
راكي حابة اديري الجنسية؟
عجباتك عقلية الالمان ؟
راه عاجبك الحال هنا مركيش نادما لتغربتي؟
هذا واش تفكرة ولا تفكرة حاجة راني نعاود نولي هههههه

 

[lina-67]

صباح الخير فطومة
صبحت مبكرة عليك:p
قوليلي ما خفتيش من الغربة كي خطبوك يعني ترددتي و لا قبلتي عادي
هل خدمتي في البلاد
شحال قعدتي ملي حطيتي الدوسي حتى اللي اعطاوك الفيزا
شحال قعدتي مور العرس و حملتي بسرسورة ربي يخليهالك
ساهلين لي بابيي في المانيا يعني راجلك ما غبنوهش كي جا تماك من ايطاليا
شاهي الحاجة اللي ما تعجبكش تما
شكون يقضي انت ولا المخلوق و تحسي روحك اقتصادية ولا هو
شحال تصرفي في الشهر على لي كوسميتيك الروائح و لي كرام ووو
تصبغي شعرك في الدار
السكن يمدو بسهولة ولا على حساب البلاصة لانو كيما احنا حابين وسط لافيل رانا في عامين حاطين دوسي والو
و الكراء البريفي غالي على تاع الدولة بزاف ولا شوية ولا كيفكيف
تتهاداو انت و زوجك ولا لا
ايا بزاف نخلي شوية امنبعد

 

[fatouma2012]

صباح لخير لبنات حطو أسلتكم وكي نكمل مع الدار نجي

 

[fatouma2012]

فطيمة الله يرحم الوالد ويسكن فسيح جنانه
أمين يا رب


نبدامعاك اول مرا نشارك هنا
واش اديري كامل يومك؟يعني يومياتك؟

نوض على 8 نطيب القهوة نلها مع راجلي حتى يروح سارة تكون ناضت قبلي مع بوها كي يروح نبدللها نلعب معاها ومنبعد الحليب وتعاود ترقد ، نتققهوا ونقي الدار ، الفطور ، ندوش نستيكي روحي شوية ، يجي راجلي نفطرو ، نصلي العشيا نوجد العشاء ونخرج كاش ما نقدي مع شوية سكايب ، شوية منتدى وهو كمل النهار
راكي حابة اديري الجنسية؟

واه نشالله
عجباتك عقلية الالمان ؟

تعجبني في جوانب معينة ك الإخلاص فالعمل والجودة المعروفين بيها وحبهم الوطنهم والمحافضة على النضام والنضافة .....
ok صح مشي عاجبني كي بعدت على ماما واخواتي بصح عجبني كي راني هانية وبعيدة على المشاكل تع العشرة مع أهل الزوج ونربي ولادي كي نبغي و......إلخ

راه عاجبك ال
ok صح مشي عاجبني كي بعدت على ماما واخواتي بصح عجبني كي راني هانية وبعيدة على المشاكل تع العشرة مع أهل الزوج ونربي ولادي كي نبغي و......إلخ
لا عمري ما ندمت بالعكس نشوفه قرار صايب لي أني نعتبرها فاكونس طويل شوية ونولي للبلاد أن شاء الله
حال هنا مركيش نادما لتغربتي؟


هذا واش تفكرة ولا تفكرة حاجة راني نعاود نولي هههههه

ok مرحبا بيك

 

[أم أمين23]

فطوم مرحبا بيك وبضيافك راني نسيت نصقصي على الماكلة في المانيا باش مشهورين؟
اكلة تعلمتيها منهم؟
عندهم اسواق مفتوحة كي المارشيات تاعنا والا لا؟
تروحي تسوقي من المارشيات والا لا؟
واش يسميو الحانوت عندهم؟

 

[fatouma2012]

صباح الخير فطومة
صبحت مبكرة عليك:p
صباح الورد جهاد


قوليلي ما خفت
شوفي أنا قبل راجلي ختبوني بزاف مغتربين وكنت دايما نرفض مشي خوفا م الغربة mais مكنتش نبغي نبعد علا ماما psq أخي مغترب وأنا أكبر خواتاتي وأختي الاصغر مني تزوجت وكاين اخرا ف دار وراجلي كي خطبني فهمني انو راه داخل للبلاد وأنا نقعد بين دارنا ودارهم ووافق باه نخدم ، عجبتني وقبلت ومنبعد كي فات الحال قالي أمنتي ؟ هادا مشي زواج أنا هنا ونتي لهيه ، ودروك كي نقوله راك عاقل ش قتلي يقولي وانتي أي حاجة تصدقيها الخطاب رطاب ههههههه
يش من الغربة كي خطبوك يعني ترددتي و لا قبلتي عادي


هل خدمتي في البلاد

واه خدمت استادة إنجليزية ف متوسط وف ليسي عام برك مكنتش مترسمة وخدمت عامين مترجمة ف شركة صينية
شحال قعدتي ملي حطيتي الدوسي حتى اللي اعطاوك الفيزا
أقل من 4 اسابيع

شحال قعدتي مور العرس و حملتي بسرسورة ربي يخليهالك
شهر

ساهلين لي بابيي في المانيا يعني راجلك ما غبنوهش كي جا تماك من ايطاليا

الاوراق صعاب هنا لكن كاين حالات خاصة كيما زوجي عطاوه إقامة تم تم psq شركة ألمانية هي لي طلباته للعمل كان عندهم نقص ف les ingeieurs د informatique وجابو يد عاملة من خارج ألمانيا
شاهي الحاجة اللي ما تعجبكش تما

مكاش حياة إجتماعية ، مكاش العرب ، البرد بزاف ، مكاش القسبر وراس الحانوت هههههههه
شكون يقضي انت ولا المخلوق و تحسي روحك اقتصادية ولا هو
أنا نقضي كولشي فالحقيقة أنا مبدرة بصح في دراهمي مشي دراهم أهلي أو زوجي نبغي الماركة ومنحرمش روحي بصح كي جيت لقيت راجلي مبدر بزاف ف بدلت لعقلية ، راني إقتصادية الحمدو للله ونشري م صلد ونستحفد على نعمة ربي باه يبارك فيها

شحال تصرفي في الشهر على لي كوسميتيك الروائح و لي كرام ووو
ف هاد المجال بالدات نصرف بزاف psq nkhaf م المنتوجات الرخيصة بصح منحسبش شعال لكن كل أسبوع يديروا تخفيضات على بعض المنتوجات نشري إدا كان خاصني وكي نشوف تخفيض كبير نشري بزاف وندس وليت نموت على sold هو حبي ههههههه
الروايح هو يشريلي م المطارات كي يسافر وأنا نبغي مواد إعناية بالبشرة والمنضفات و-risiil المكياج ندير واقي شمس وفوندوتان و-risiil و-proteg levre برك هنا كل الناس سامبل

تصبغي شعرك في الدار
عمري ف حياتي مصبغت شعري psq أنا rousse بصح هاد الايامات راها تبانلي نبدل بصح خفت

السكن يمدو بسهولة ولا على حساب البلاصة لانو كيما احنا حابين وسط لافيل رانا في عامين حاطين دوسي والو
و الكراء البريفي غالي على تاع الدولة بزاف ولا شوية ولا كيفكيف
ماعندي حتى فكرة زوجي مشي م نوع لي يروح للبيرويات ويقسسي وما نعرفو حتا واحد ينصحنا والكرا بريفي غالي احنا f2 ومدينة صغيرة ب-650 اورو

تتهاداو انت و زوجك ولا لا
ايا بزاف نخلي شوية امنبعد

مفهمتش تثهاداو ؟ تقصدي نتشاجرو ؟

 

[lina-67]

ههههه ضحكتيني فطومة قتلك تتهاداو يعني تشري لراجلك هدايا les cadeauxو هو يشريلك

 

[sirin2013]

فطومة والله غير عندك الحق انا كانت تبانلي لغربا صعيبة ومنقدر نتحملها بصح منحبطي هاذي البلاد بدلة رايي بزاف وعرفة قيمة العيشة سوسطا ,غس نشاء ربي يبعتلي شكون يونسني ومنقولش يا ربي زدني

 

[byouna]

fatoum alkber kayn aand alatrak kayen mrhi wkayen akhder