مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[ام الحلوين]

سلام فطومة
حيرتيني كيفاش معندكمش القصبر نورمالمون كاين في السبرماركت و لا عند العرب
ــ كي تزاعفي مع راجلك شكون يبادر بالمصالحة ؟
ــ هل سمنتي بعد الزواج ؟
ــ ادا هبطتو تعيشو في البلاد تخدمي ؟
ــ على ما اظن قلتي خاك متغرب في فرنسا ، هل رحتي عندو ؟ و هو جا عندك ؟
ــ خوك مزوج ؟ ادا ايه زوجتو جزائرية او فرنسية ؟
ــ و خو راجلك تاع فرنسا تروحو عندو ؟و هو يجي عندكم ؟
ــ تعلمتي الطياب من الصغر و لا حتى نخطبتي ؟
ــ جهزتي في عرسك و لا لا ؟ ادا ايه وين خليتي حوايجك ؟ قصدي على الفراش و اللبسة .
ــ ما هو رقم الطوارىء في المانيا ؟
ــ ما هي العملة المستخدمة عندكم ؟
ــ شحال تبقاو في المستشفى بعد الولادة ؟
ــ

 

[fatouma2012]

فطومة والله غير عندك الحق انا كانت تبانلي لغربا صعيبة ومنقدر نتحملها بصح منحبطي هاذي البلاد بدلة رايي بزاف وعرفة قيمة العيشة سوسطا ,غس نشاء ربي يبعتلي شكون يونسني ومنقولش يا ربي زدني

نشالله سيرين تديري صحابات وجيران يونسوك ويهونو عليك الغربة وحتى إدا مكاش تحاولي تتعايشي مع الامر وهادي هي ألمانيا صامطة وقليل فيها العرب لكن العيشة فيهاو المستقبل فيها أحسن بكتير من باقي الدول الأوروبية ورانا هنا غير ضياف ومنبعد الشامي شامي والبغدادي بغدادي ههههه

 

[fatouma2012]

فطوم مرحبا بيك وبضيافك راني نسيت نصقصي على الماكلة في المانيا باش مشهورين؟
سلام أم أمين
الماكلة ف ألمانيا غير متسقسيش عليها خير هههههه حابسين ف هاد إمجال ومعنذمش مطبخ عريق ك ايطاليين أو الفرنسين وأصلا أغلب المطاعم هنا هي لالتراك أو ايطاليين
مشهورين ب- سلطة البطاطا وكيكة la foret noir



اكلة تعلمتيها منهم؟
ماتعلمت والو ، الكيكة تع الغابة السوداء تعلمتها كي كي كنت فالبلاد

عندهم اسواق مفتوحة كي المارشيات تاعنا والا لا؟

أنا وين نسكن مدينة صغيرة ويديرو فيها وحد المرشي كل اسبوعين بصح منشريش منه ماعجبنيش الناس تشيري بالحبة وغالي
تروحي تسوقي من المارشيات والا لا؟

لا psq غالي ومفodيهش واش نحتاج نشري الخضار من aldi
واش يسميو الحانوت عندهم؟

يسموه لادن

 

[fatouma2012]

ههههه ضحكتيني فطومة قتلك تتهاداو يعني تشري لراجلك هدايا les cadeauxو هو يشريلك

هههههههه راني نفهم بلعوجي مانيش عارفة كي قريتها هادي sure نيتي الناقصة ههههه
واه نشريلة هدايا فالمناسبات وهو تاني كي يكون مسافر يخدم ف دولة أخرى يجيبلي دايما حاجة وفلمناسابات يجيبلي الورد بصح في بالي البنت لي تبيع الورد حدانا تعجبه psq شابة ههههه psq عمرلي الدار ورد بسبة وبلا سبة هههههه
مزال راهي نيتي ناقصة هههههههه

 

[fatouma2012]

fatoum alkber kayn aand alatrak kayen mrhi wkayen akhder

ماكاش ون نسكن بيونة ، الاتراك لي حدايا عندهم المعدنوس برك وحتى هو مشي دايما موجود
شكرا

 

[fatouma2012]

om el7iwiin nakhroj w kii nwalii njaawab nchallah

 

[fatouma2012]

سلام فطومة
حيرتيني كيفاش معندكمش القصبر نورمالمون كاين في السبرماركت و لا عند العرب
سلام أم الحلوين
القسبر مكاش ف سوبرماركت لينهم ميستعملوهش ف الطبخ تاعهم أنا ملي جيت لقيتو مرة ف kaufland فال pot بيه بترابه و من تم مزدتش شفتو و حوانيت العرب قلال ، أقرب واحدين ليا ف مدينة أخرى 40 كلم رحت مرة شريت عليهم هوما مغاربة يمكن لما نبدا نسوق نولي نسيركولي وحدي و نبعد ال هاد الحوانت -



ــ كي تزاعفي مع راجلك شكون يبادر بالمصالحة ؟
أنا مازال مسمعش من عندي كلمة اسمحلي psq عمري مزعفته وكي يكون مشي مليح مندورش بيه وأنا أصلا كالم بزاف بصح هو زعفني مرة ف وهران وصالحني بعدة طرق psq كانت زعفة كبيرة وبغيت نروح الدارنا .......
راني ماشية بمبدا كبرها تكبر ، صغرها تصغر ههههه نساعف وخلاص

ــ هل سمنتي بعد الزواج ؟
لا مسمنتش ماعدا 5 كيلو فالحمل وراحت منبعد

ــ ادا هبطتو تعيشو في البلاد تخدمي ؟

الله أعلم يمكن إدا كانوا الاولاد كبار شوية
ــ على ما اظن قلتي خاك متغرب في فرنسا ، هل رحتي عندو ؟ و هو جا عندك
لا مارحتش عندو وهو وعدني يجي ومازال
؟


ــ خوك مزوج ؟ ادا ايه زوجتو جزائرية او فرنسية ؟
لا مش متزوج


ــ و خو راجلك تاع فرنسا تروحو عندو ؟و هو يجي عندكم ؟
كي رحنا الفرانسا رحنا عند أخته بصح هو نشوفوه برك مرحناش الدار psq مطلق وعايش وحده وهو تاني مجاش عندنا


ــ تعلمتي الطياب من الصغر و لا حتى نخطبتي ؟

تعلمت وأنا صغيرة لي أني الكبيرة ف الدار
ــ جهزتي في عرسك و لا لا ؟ ادا ايه وين خليتي حوايجك ؟ قصدي على الفراش و اللبسة .
واه جهزت ودرت كولشي كان في قلبي ماعدا صوالح الحمام والفراش تاني وخليتهم في دارنا

ــ ما هو رقم الطوارىء في المانيا ؟
نضن 110

ــ ما هي العملة المستخدمة عندكم ؟


الاورو
ــ شحال تبقاو في المستشفى بعد الولادة ؟
ــ

أنا بقيت 5 أيام psq كان لازم تحاليل السارة بصح فالحالات العادية معلبالعيش

 

[lina-67]

فطومة قوليلي بما انك تبغي المجال تاع لي كوسميتيك و تبغي لي صولد كيما انا هههه نموت عليه
واش تستعملي من ماسك تاع الوجه و شحال من مرة
والماسك و لي كرام تاع الشعر واش تستعملي
واقي الشمس و كرام تاع كل يوم واش من مارك
قوليلي بغيت نشري كرام مغذي و en meme tempsهو فوندوتان اذا عندك فكرة
سبغتي شعرك ولا جامي وواش هي لاكولور تاعو
اذا ممكن حطيلي صور باش ندي فكرة لاني الكوسميتيك ما نشريش من المانيا باسكو ما نفهمش واش مكتوب هههه

 

[fatouma2012]

فطومة قوليلي بما انك تبغي المجال تاع لي كوسميتيك و تبغي لي صولد كيما انا هههه نموت عليه
واش تستعملي من ماسك تاع الوجه و شحال من مرة
والماسك و لي كرام تاع الشعر واش تستعملي

الشعري نغسل ب-head and schulders وكون نخطيه سمانة القشرة تدير فيا حالة منبدلهش خلاص نستعمل مرات تع الليمون ومرات الموف

ونستعمل apre شامبون غليس ولا herbal essence

نستعمل إلي فالوسط

ونستعمل بزاف زيت لوريال ف müler السمانا لي فاتت نقصوا منه شريت 6 نديهم للبلاد نشالله

واللي بوشونه أحمر خاص بشعر المصبوغ

واقي الشمس و كرام تاع كل يوم واش من مارك
واقي شمس roche de posay بصح مشي creme liquid

واليدين نستعمل creme solaire تع aldi الحمرا هي كريمة ترطيب اليدين ف نهار وف نفس فيها واقي شمس وكاين تع الليل

وصباح مور هاداك المنضف الروز ندير creme de jour nevea لي فيها الكيراتين

وف ليل نسعمل creme de nuit تاني تاعها

وكي نحس وجهي نشف شوية نستعمل زيت ارغان شريطه من aldi بصح نستعمله مرة فلسبوع وبرك ف محيط الانف والدقن وبين الحواجب البلايص لي ينشفو برك psq هو خاص بالبشرة ا

لجافة جدا





قوليلي بغيت نشري كرام مغذي و en meme tempsهو فوندوتان اذا عندك فكرة
أنا بعد ماندير المنضف نزيد كريمة نهار نخلها شوية ونزيد الواقي ومنبعد فندوتان سائل و boudre libre إدا كنت خارجة
الفوندوتان لازم تجربي وتجربي هو والبودرة باه تلقي لي يوالمك ، أنا لي جاء عليا وميبانش هو مكس فاكتر 3 في 1 فوندوتان وف نفس الوقت canceler وفيه واقي شمس spf 20 نستعمل رقم natural 50

ولازم يمسح باسفنجة خاصة باه مايجيش باين

وفوقه ندير la poudre mineral تاع لوريال تجي معاها الريشة تاعها
البودرة سموها لوريال perfect match

بصح نسيت وينه رقم تاعي psq مكتوب فالبوشون وتودرلي ، هادي مافيها لا ريحة لا مواد حافضة وكي تمسحيها متبانش

سبغتي شعرك ولا جامي وواش هي لاكولور تاعو


اذا ممكن حطيلي صور باش ندي فكرة لاني الكوسميتيك ما نشريش من المانيا باسكو ما نفهمش واش مكتوب هههه

لا عمري ما صبغت وإدا قصدك على لون شعري الطبيعي كيداير فهو roux كيما جاوبت من قبل أنا rousse
وهاد ليام غادي نجرب لوك جديد نروح بيه للبلاد نشالله برك منتبهدلش غادي نبدا بليماش و-nchooof

هادا لون كيما تاعي

 

[fatouma2012]

مشي كل الصور خرجوا نحاول نعاوذم هادا المنضف حبي نستعمله كي نوض وقبل النوم وكي نغسل مكياج

 

[fatouma2012]

foundation 3*1

 

[fatouma2012]

poudr mineral

 

[fatouma2012]

huil pour visage

 

[fatouma2012]

zit elwajh

 

[fatouma2012]

:d

 

[أم أمين23]

ما شاء الله فطوم راكي متهليا هههه انا لا علاقة ع هاد الحوايج ههههه
صح الروجية كيما نقولو احنا مشكل في الشعر ان شاء الله يطلعولك ليماش والصبغة

 

[fatouma2012]

ما شاء الله فطوم راكي متهليا هههه انا لا علاقة ع هاد الحوايج ههههه
صح الروجية كيما نقولو احنا مشكل في الشعر ان شاء الله يطلعولك ليماش والصبغة

واه أم أمين نشالله تطلع ليماش مليحة وأنا ما غاديش نتقلق ندير essai ونشوف
وبنسبة للكسميتيك علاه ماعندكش علاقة ؟ صح مع الأولاد صعيبة ومكاش الوقت خلاص الوحدة منا ملي تنوض وهي تجري ومع الايام ننسو رواحنا كامل بصح لازم نتفكرو رواحنا شوية وكي توالفي هاد الصوالح يولو حتى هوما روتين توالفي وخاصة كي راكي هنا بروفيتي كاين كولشي وخاصة الجودة وكاين لص صولد يعني ما عندنا حتى سبة بروفيتي قبل ما تروحي للبلاد وتلقي كولشي مدرح ههههه

 

[أم أمين23]

واه أم أمين نشالله تطلع ليماش مليحة وأنا ما غاديش نتقلق ندير essai ونشوف
وبنسبة للكسميتيك علاه ماعندكش علاقة ؟ صح مع الأولاد صعيبة ومكاش الوقت خلاص الوحدة منا ملي تنوض وهي تجري ومع الايام ننسو رواحنا كامل بصح لازم نتفكرو رواحنا شوية وكي توالفي هاد الصوالح يولو حتى هوما روتين توالفي وخاصة كي راكي هنا بروفيتي كاين كولشي وخاصة الجودة وكاين لص صولد يعني ما عندنا حتى سبة بروفيتي قبل ما تروحي للبلاد وتلقي كولشي مدرح ههههه

ماشي مسألة اولاد بصح انا من قبل ما نتزوج لا علاقة ما نعرفش ندير تعلمت غير حوايج خفاف تصدقي هاداك الحماير انا ما نعرفش نديرو على بيها نشري برك الي بالشيتة كي البريون الافر مي النورمال ما نعرفش نحطو يعني مازالني لضرك في التحضيري للمكياج خخخخخ

 

[SAMIRA25]

ما خرجوليش الصور كامل بصح بصحتك فطوم
ما اشاء الله راح نجيو ديرنا دروس في التجميل
ربي يهنيك ​

 

[أم أمين23]

وينك فطوم قوليلي الكرا عندكم ساهل والا لا؟
يكريو للعرب بلا مشاكل والا لازمك الضامن؟
وكي تحبو تكرو من الاجونس والا من النت؟
عندكم جمعية والا كاشي منظمة تاع الجزئريين تهتم بالمغتربين والا والو؟