مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[fatouma2012]

وينك فطوم قوليلي الكرا عندكم ساهل والا لا؟
يكريو للعرب بلا مشاكل والا لازمك الضامن؟
راني هنا أم أمين
الكرا وين نسكن ساهل تكلي على دراهمك برك حنا ، وماعندهمش خلفية مشي مليحة على العرب psq أصلا ميعرفوهومش مكاش ، فالمدينة لي نسكن نادرا يكونوا العرب بصح فالمدن لي فيها الجالية العربية الله أعلم يمكن يكون شوية تحفضات



وكي تحبو تكرو من الاجونس والا من النت؟

واه كاين لاجونس وكاين بريفي أنا هادي شفتها فالجرنان واتصلت بمولاثةا مباشرة وطبعا لي عنده معارف تكون أسهل
عندكم جمعية والا كاشي منظمة تاع الجزئريين تهتم بالمغتربين والا والو؟

والو حبيبتي المنضمات يكونوا وين تكون نسبة كبيرة من الجزيرين أو العرب ، كاين تع الاتراك برك
بلاك يديروا منضمة على جالي وراجلي وسرسورة هههههههه

 

[fatouma2012]

ماشي مسألة اولاد بصح انا من قبل ما نتزوج لا علاقة ما نعرفش ندير تعلمت غير حوايج خفاف تصدقي هاداك الحماير انا ما نعرفش نديرو على بيها نشري برك الي بالشيتة كي البريون الافر مي النورمال ما نعرفش نحطو يعني مازالني لضرك في التحضيري للمكياج خخخخخ

ههههه ضحكتيني على التحضيري
كولشي كاين فاليوتوب وكاين دروس مفصلة على كيفية وماركات الميكياج ، أنا كي تبحرلي ف حاجة يسلكني غير اليوتوب وخاصة كون تكتبي بلغة غير العربية يخرجلك العجب ، وحتى كي نبغي نشري ماركة جديدة علي نشوف أراء البنات لي جربوها فاليوتوب

 

[fatouma2012]

ما خرجوليش الصور كامل بصح بصحتك فطوم

ما اشاء الله راح نجيو ديرنا دروس في التجميل

ربي يهنيك ​

سلام سمورة
راني حاولت وطلعتهم كامل من جديد ما عدا الشومبوان نضن لي مخرجش
انتوما فالخليج نضن عندكم كل الماركات الخليجيات مشهورين بالمكياج rabii yhaniik anti taanii

 

[أم أمين23]

ههههه ضحكتيني على التحضيري
كولشي كاين فاليوتوب وكاين دروس مفصلة على كيفية وماركات الميكياج ، أنا كي تبحرلي ف حاجة يسلكني غير اليوتوب وخاصة كون تكتبي بلغة غير العربية يخرجلك العجب ، وحتى كي نبغي نشري ماركة جديدة علي نشوف أراء البنات لي جربوها فاليوتوب

يا حسراة عليا ايه نشوفهم في اليوتيوب بصح ما يجيش في بالي تعرفي هنا في الغربة حاجة خفيفة برك تكفيف وفي الدار يعني البرا ما نديرش وفي الدار خفافي ما نحتاجش اليوتيوب هههه

 

[fatouma2012]

يا حسراة عليا ايه نشوفهم في اليوتيوب بصح ما يجيش في بالي تعرفي هنا في الغربة حاجة خفيفة برك تكفيف وفي الدار يعني البرا ما نديرش وفي الدار خفافي ما نحتاجش اليوتيوب هههه

حتى أنا أم أمين ندير ال-ricil برك بصح أنا قصدت les cremes ومستحضرات العناية بالبشرة أما المكياج أكيد هنا منديرش كي داخل كي برا الناس غاع سامبل

 

[fatouma2012]

واش كملتو ولا مازال ؟ أ واه الدعوة كانت راقدة معايا

 

[أم أمين23]

شفتي يا فطو حقروك هههههه معليش حبوبة جيتي مع وقت الفاكونس على بيها خفوعليك الاسئلة
مازال نعرفورايك في المنتدى؟
في البنات تاع البيت تاع المغتربات؟
وفي الموضوع؟
وكلمة اخيرة قولي واش تحبي كيما الحصص تاع اللقاءات؟؟؟هههه

 

[fatouma2012]

شفتي يا فطو حقروك هههههه معليش حبوبة جيتي مع وقت الفاكونس على بيها خفوعليك الاسئلة
مازال نعرفورايك في المنتدى؟
في البنات تاع البيت تاع المغتربات؟
وفي الموضوع؟
وكلمة اخيرة قولي واش تحبي كيما الحصص تاع اللقاءات؟؟؟هههه

والله أم أمين رايي فالمنتدى ينحصر ف ق لمغتريات والمتزوجات والطبخ ماشاء لله تفاعل وألفة ونصائح وأخوة أما بقية الأقسام فلا علاقة ، بلاك حتى تكبر سرسورة ونلقى الوقت
رايي فالحلوات فشهادتي مجروحة psq كلكن اخوتي وكي تغيب وحدة نبقى نخمم مالها ك صونيا وإيمان
موضوعك لي أنا نسميه الكوميساريا ههه طبعا رائع كي مولاته
نقول الله ينورك ويرزقك ب- دار فالبلاد واسعة كي قلبك

 

[أم أمين23]

والله أم أمين رايي فالمنتدى ينحصر ف ق لمغتريات والمتزوجات والطبخ ماشاء لله تفاعل وألفة ونصائح وأخوة أما بقية الأقسام فلا علاقة ، بلاك حتى تكبر سرسورة ونلقى الوقت
رايي فالحلوات فشهادتي مجروحة psq كلكن اخوتي وكي تغيب وحدة نبقى نخمم مالها ك صونيا وإيمان
موضوعك لي أنا نسميه الكوميساريا ههه طبعا رائع كي مولاته
نقول الله ينورك ويرزقك ب- دار فالبلاد واسعة كي قلبك

الله اخليك على الدعوة الطيبة ولينا كامل ان شاء الله بالمثل وربي يفرحك بسارة ويرزقك الذرية الصالحة ديما

 

[fatouma2012]

آمين يا رب

ودروك نختار لي بعدي ولا مازال ؟

 

[ام الحلوين]

فطومة الله يخليك حبيبتي و يهنيك و يحفظ سارة و يثبت حملك على خير و يفرحك بشوفة مولودك


و الان تقدري تخيري الضيفة لي بعدك
سلامي

 

[lina-67]

يآآ فطومة كملت و انا جاية نسقسي ايا ما عليش نسقسيك في الدار لخرى
شكرا على اجاباتك و ربي يخليلك المخلوق وسرسورة و يرزقك خوها ان شاء الله

 

[fatouma2012]

Om el7 ilwin chokran 3ala elda3wa w laki bi elmitl in chaallah

 

[fatouma2012]

Sirin chokran 3ala eld3wa w anti rabi ytamam 3 la khir, Ana nakhtar sirin w le temp li twajad rou7 ha sa9 sini w njawbak nchallah

 

[fatouma2012]

Sirin. Sirin.

 

[SAMIRA25]

فطومة يعطيك الصحة على القعدة الزينة
و ربي يعطيك و يمنيك
و جزاك الله خيرا بالتوفيق اختي ​

 

[SAMIRA25]

سيرين مرحبا بيك و جلسة ممتعة ان شاء الله​

 

[أم أمين23]

اهلا سيرين نورتي المجهر :
يلا عرفينا بسيرين ؟
العمر ؟
مدة الاغتراب ؟
البلد والمدينة الي فيها؟
المدينة الاصلية؟
عمرك عند الزواج وعمر زوجك؟
عدد الاولاد واسمائهم ادا ممكن طبعا؟

 

[sirin2013]

اهلا سيرين نورتي المجهر :
يلا عرفينا بسيرين ؟
العمر ؟
25 سنة وقيلة لمزوزية
مدة الاغتراب ؟
عام و 8 شهور
البلد والمدينة الي فيها؟
المانيا دورتموند
المدينة الاصلية؟
ولاية غرداية
عمرك عند الزواج وعمر زوجك؟
عمري عند الزواج 23 سنة وعمر راجلي عند الزواج 37سنة
عدد الاولاد واسمائهم ادا
عند ولد اسمو فؤاد وعمرو 11 شهر قريب يدير العام

 

[sirin2013]

شكرا لبنات على الدعوة وراني هنا
فطومة شكر على اجابات الصريحة شخصيتك عجبتني