ماذا ستطبخين اليوم سيدتي انستي الجزء 32

[samah06]

لبنات اطباقي من بعض ماعندكم وراني معلياش وليت نتفتف مع الطبيخ بديت نقفاز منكم
شكرا لكل واحدة منكن شافت صوري وتركت بصمتها عليهم وراني ممتنة لكن
ابتسام حبيبتي خير واش بيك شغلتيلي بالي كي قلتي يدي واش بيها غير الخير

 

[samah06]

راني وليت للكوزينة وجبت معايا غداء البارح
وهي بطاطا في الفور مع كويس داند وشطيطحة بيض وسلاطة وكسرة رخساس
هيا تشلو عينيكم

 

[nada242008]

مساء الخيرات
ام منصف شخشوخة تاع حراير يعطيك الصحة ولا الهمبرغر مفشفش يشهي
بنت الجسور مبروك لصاحبتك عقبالك انت وعفوفة وكل عازبات اللمة عجبوني لي صالي امممممممممم
تسنيم يا عيني على طيابك راهو مغطي ومفرش امممممم سيرتو المطلوع هااايل هااايل كاش سر قولينا ولا نقولك احكيلي كيفاه ديريه من طأطأ لسلامو عليكم
حدة يا اهلين وسهلين يعطيك الصحة على التصاور متعتينا ربي يبارك فيك
سموحة اطباقك كلها تشهي ربي يبارك عليك
حسنا الفحلة تسلم الايادي الشاطرة وبصحتكم كلش هايل
روعة تطبيقات رائعة ممم سيرتو البانيني .. ان امكن طريقتك تاع الروز مع الخضار
ام علاء بصحتك العدسون بالصحة والهنا ان شاء الله
ام شيما برقوقس حامي يركص هههه عكستهم والله من لونو يشهي بصحتك
شهرا بصحتك اممممممممم مطرح ما يسري يمري
ندود بصحتك التليتلي انا ثاني ليوم كيفك بصح ما صورتش
​

 

[nada242008]

نسيت صومو الحبوبة تستاهل رد مخصوص واش نقولك قتلتيني بليزيطاp تاع السندويتش اممممممممم تحفففففففففففة تحفففففة تسلم ايديكي الغاليين
​

 

[somo_81]

مساء الخير راني مدقدقة واش نقولكم حكمتني الفحالة كي عرفت روحي فارغة الور سيقت و زدت درت رقاق الشخشوخة في انتظار نوض دوك نطيب مرقتها بصحتكم كلش ام شيماء البرقوقس لي يركص سماح و اطباقك الرائعة روعة و تطبيقاتك لي قتلتني خاصة البانيني اعطيني الوصفة تعيشي لشهرورة و روز مممممم لي يشهي و سلطة المفور بصحتكم لندى حبيبتي و ام ندوش الغالية بصحتكم التليتلي الجمعة ان شاء الله نطيبو إذا كنا من الاحياء
هادي المرة خرجتلي تشبه لتاع عجوزتي لتاع الحراير مازال ملحقتش كل مرة راني نتحسن فيها حتى نولي نديرها كي تاع الحراير :d

 

[somo_81]

ام ندوش حنونة مدرتي حتى تعليق على صبعي ههههههههههههههه

 

[nada242008]

ام ندوش حنونة مدرتي حتى تعليق على صبعي ههههههههههههههه

كنت عندير وحشمت هههه قصي ظفارك :$

 

[ام نوسه]

السلام عليكن
يعطيك الصحة صومو و سماح البلا تاع البطاطا يسخف
ام نيفين واش راكي توحشتك واش راهم الاولاد
السلفية واش راه ابنك كيفاه سميتيه

 

[nada242008]

للعشا درت معجنات بالبيض شفت الطريقة في احد المواقع ..جاو اممممممممممممممم :up:

شوفي صبعي صومو كيفاه عاقل وناس ملاح وحشمان هههههههههههههههه

​

 

[روعة2005]

السلام عليكم حبيباتي
شكرا ليكم حبيباتي الغاليات حتى انا توحشت تواجدي معاكم
شهرا مممممم غداك يشهي والسلطة نموووت عليها هكاك
شريفة الغالية مرسي ليك وبصحتك واش تغديتي
عفاف بصحتك معجنات يشهو من شكلهم صحتين وهنا سقسيتي على الروز الخضار هذيك هي حشوة الرولي تاع الجاج لي بقاتلي فورت الخضار جزر وجلبانة وذبلتهم في مغرف زبدة مع شوي بصل وملح وفلفل اكحل وزدت قليت بطاطا مربعات وفورت الروز وستفت كلش في بلا وفرغت قيس كاس من مرقة بيضاءودخلتو يتجمر وقدمتو مع الرولي
سماح غداء يشهي الله يبارك بصحتكم
سهام بصحتكم الشخشوخة مسبقا يالحرة
عشايا خفييييف سلطة روسية تاع ندوش ​

 

[ام شيماء]

سماح تفضلي حبيبتي مانعطيكش من لي بقا نديرلك وحد اخر مرحبا بيك يا غاليا على عيني وراسير العشا راه الفريت ودجاج مشوي وسلاطة والفرولة

 

[hadda0425]

مساء الخير
ام شيما سهام لالجيرواز شهرة ندى الورود سماح ام ندى شريفة
لبنات الله يسعدكم لعقوبة لولادكم بالنجاح و بصحتكم وش طيبتو
​

 

[somo_81]

مساء الخيرات عليكم روعة و حدة تعيشيو حنوناتي انا ضربت على الفرجيدار مصبت البيض ايا شخشوختي جات ناقصة شباح معليش زيدو جوزوهالي ههههههههههههه



صبتكم قع تحطو الفاكهة قلت حتى انا نحط طابلتي فارخة غير المثرد تاع الشخشوخة

 

[somo_81]

ههههههههههه ام ندوش راكي كي يما نهار كامل و هي تقولي لي يشوف ظفارك مايقول مرا تاع دار و تعجن ههههههههههه واش ندير نحب ظفار طوال راهو منقص ماكسمو منقدرش اكثر من هكذا :$

 

[أم نيفين]

السلالالالالالام عليكم ...واش راكم يا حراير ؟ بصح و الله غير حرام عليكم تعذبو فيا ...ماجيت نلحق لهاذ الصفحة حتى جغابلي نشفو هههههههه ....يعطيكم الصحة كااااااامل ماشاءالله عليكم راكم tooooooooooooooooop

اليوم جبتلكم واش قدرت نصور ...كيما تعرفو مانقدرش نصور كلش ...غير كي نكون وحدي ههههه بالتخبية

 

[أم نيفين]

 

[أم نيفين]

 

[كوثر الوهرانية]

سوموا الشخشوخة جاتك هايلة تسلم اديكي الحلوة يا حلوة
ام نفين حلويات في غاية الروعة و لي مونشوا جاوك هايلين و لي تارت روعة الله يعطيك الصحة

 

[أم نيفين]

و هذا ماكان هههههه ....ان شاءالله تعجبكم الكوطة لي حطيتها اليوم هههه ...الى الملتقى في كوطة جديدة بعد بضعة اشهر ان شاءالله هههه :regards01:

 

[somo_81]

فرودة الحنونة تعيشي دا من زوأك ههههههه رديتها مصرية تعيشي يا الزينة
ام نيفين حلويات روعة يعطيك الصحة