ماذا ستطبخين اليوم سيدتي انستي الجزء 32

[ام الحلوين]

صباح النور ان شاء الله الجميع بخير
ام نيفين ماشاء الله كلشي يشهي
بنات ربي يدومها نعمة على الجميع.

 

[oumsif]

صباحكم بالخير لبنات وصح غداكم جميعا
ام نفين ما شاء الله حلوياتك روعة تسلم ايدك
صومو بصحتك الشخشوخة والديسار
سلامي للجميع

 

[somo_81]

صباح الانوار يا الفحلات
يسلم سمورة اختي واش راكي ان شاء الله تكوني بخير
اليوم راه البرد يقطع مالا درت عدسون و تفنينت باش ندير الكسرة بلاك يهديني ربي و نوض دوك نديرها :p:p

 

[كوثر الوهرانية]

صباح الانوار
صباح الشتاء و المطر راهي دايرة حالة هنا
مكدبش اللي قال في بالي الشتاء راهي باغية تصيف معانا هههههههههههه
المم بصحت فطوركم كامل
انا درت مختر بالدجاج و البطاطة و المعدنوس

 

[ام خديجة1]

السلام عليكم ورحمة الله وبركاته بصحتكم واش طيبتو حبيباتي
اليوم عملت بطاطا بالكريما وكيكة الجزر بالنوات كوكو والبسبوسة المحشية حلى البارح

 

[ام خديجة1]

ما شاء الله عليك اختي ام نفين اطباق وحلويات خير كبير الله يبارك روعة

 

[ام شيماء]

مصحتكم كامل يا لبنات ام نفين الله يبارك يا الفحلة ...........فطوري اليوم سباقتي _ايسكالوب _تمر

 

[nada242008]

السلام عليكم وصحا غداكم جميعا
ليوم طبقت الهمبرغر وصفة ندى الورود جا هاااااااااايل بارك الله فيك

​

 

[hadda0425]

مساء الخيرات
سهام النعمة مممم تشهي بصحتك
ايمااااااااااااااااان اهلا بيك وباطباقك الشهية واااااااااو كل شي توب يعطيك الصحة
ام خديجة واخيرا حنيتي علينا بحاجة حلوة من يديك لحلويين بصحتك
ام شيما بصحتك السباقيتي والتمر نموت عليه
ام ندى تطبيق ممتاز همبرغر مممم هايل ابعثي همبرغرايا لختك هههه:d
اليوم درت عدس وانا كليت شكشوكة وبطاطا تع البارح العدس يوجعني
​

 

[hadda0425]

يا حلوة ديما تحشري وتزاحمي ما تخليش لبلاصة هههههههههههه
ليك وحشة يا طفلة
​

 

[imane27]

مساء الخير عليكم لبنات صح فوركم
ام نفين اطباق مشاء الله يعطيك الصحة كلهم هايلين
ندودة اممممممممممممم شهتينى فى همبورقر كون غير درتى 4 وبعتهولى رانى فشلانة عاد ليومين
ام خديجة اباق رائعة وتشهى بصحتكم اختى ويعطيك الصحة

 

[أم نيفين]

الله يسلمكم حبيباتي ....شكرا
اليوم درنا للغدا شربة فريك و كسرة و سلاطة خيار و الحمد لله
الله يبارك راكم دايرين حملة الهمبورغر هاذ المرة ههههه سخفتوني فيه ....عفوفة يعطيك الصحة جاك يهببببببببل لو ممكن رابط الهمبورغر تاع ندى الورود ...
صح غداواتكم كاااااااااااامل

 

[زائــــــــرة حلوة]

يا حلوة ديما تحشري وتزاحمي ما تخليش لبلاصة هههههههههههه
ليك وحشة يا طفلة
​

سلاااااااام حباباتي الفحلاااااااات
==
أهلااااا حدوووودة....قلتي حلوة قلت ماكانش حلوة أخرى حم حم:p قلتي توحشتك قلت أكييييييييييييد أنا:$
يتوحشك الخير والخمير .. راهو القلللب على القلللب يا الغالية:regards01:
والكوزينة بلا بيك ناقصة خفة دم يا عسل انتِ وبزيان السعد لعروستكم يعقوبة لآدم وحنين إن شاء الله .....\\ شفتي حافظة فلالسك:up:
و سلامتك من وجع العدسون هههههههههههه:p:p و كون مانحاشرش مانعودش حبايتكم ههههههههه:$
==
ابتيسو يا العزيزة توححححشتك هلبة هلبة هههههههه :love01:
==
وما شاء الله عليكم كاااااامل يا حراير كللللشي من ايديكم يفتح النفس ويسيل الريوق هههه ممممممم....راني جاميتكم من جواااااااااااااااااات ألبي:$
وربي يدومها نعمة على الجمييييييييع ويحفظها من الزوال
​

 

[hasna23]

مســـاء الخير

صح غداكم يالفحلات

كوثر الوهرانية صحة وعافية الدجاج والبطاطا

ام خديجة بصحتكم اختي البطاطا وكيكة الجزر والبسوسة يمممي باينة بنة على بنة

ام شيماء بصحتك السباقيتي مايطرح مايسري يمري

nada242008 امممممم هذا الهمبورغر قالهم اسكتو الكل يشهي كنت نتغدى شفتو وشفت في الصحن قلت والله مانزيد فيها مغرف حتان للعشية نعبيها بهمبوغرات كيما تاعك

hadda0425 صحة وراحة العدسون والشكشون

imane27 توحشنا اطباقك حبوبتي سيغتو هذاك البروكلي لخضر يبرق يهبل

هذو اطباق البارح











والغداء طيبتلهم لوبيا>>>ندورو ندورو وماتخلصنا غير اللوبيا والعدس :d


http://4algeria.com/forum/members/137317/

 

[ام شيماء]

سلام يا لبنات درت مقروض رولي للقهوة جاني روعة يذوب في الفم نتمنى تجربوه

 

[ام خديجة1]

حالياً الأعضاء النشيطين الذين يشاهدون هذا الموضوع : 44 (18 عضو و 26 ضيف)
‏ام خديجة1, ‏ام أمينة, ‏ام مراس, ‏ام شيماء, ‏اماني الحياة, ‏اسال الله الفردوس, ‏fatima der, ‏hadda0425, ‏iman88, ‏l'algeroise, ‏nono_02, ‏prncess fifi, ‏sara76, ‏shahrazad, ‏somo_81, ‏كوثر الوهرانية, ‏عائشة حسان, ‏فايزة1207

مساء الانوار عليكم حبيباتي نشوف واش فاتني من الخيرات الله يبارك ويعطيكم الصحة كامل على الطياب اللي يشهي

 

[somo_81]

مساء الانوار الشتا راهي دايرة حلة عندنا على الوحدة كنت راح نحط فطوري ايييه فطرنا اليوم بصح دارتها بيا النت









عصير القارص و تشينة و البنان

 

[prncess fifi]

بسومتي وين راكي ان شاء الله تكوني مليحة حنونة وما يكونش لحقك الاعصار البارح
تقلقت عليك عمري :love01:
يعطيكم الصحة لبنات على الاطباق وربي يدوم النعمة على الجميع​

 

[nada242008]

هجرت بعض احبتي طوعا لانني"
رايت قلوبهم تهوى الفراق"
نعم اشتاق " ولكن وضعت كرامتي فوق اشتياقي
ارغب في وصولهم دوما ولكن!
طريق الذل لاتهواه ساقي

الله الله حكم يا ست فيفي والله عجبني توقيعك
وتقول طبطبتي على قلبي
اسمحيلي نسرقو ونهز الراية معاك

---
الله يسلمكم للبنات ربي يحفظكم
لويزة ارواحي ندير 4 و 6 و 8 تستاهلي كل خير والله توحشت طيابك
حدودتي بصحتك العدسون .. بوشلاغم راهو يتوحم عليه قتلو ما نطيبوش والله ماناقادرينو :d
حسنا اطباقك تشهي اممممم سيرتو الدلعون راهي عندي واحدة باردة في الفريجيدار من بعد نقسمها هههههه
ام خديجة اطباق رائعة تسلم الايادي
صومو طابلة منظمة ومقيومة يعطيك الصحة بصح نقصي شوي ولا معولة تدي الوسام الجاي ثاني :-o:p
ام نيفين تفضلي
http://4algeria.com/forum/threads/368387/
​

 

[somo_81]

ام ندوش يا الغالية وعلاه لالا بلاك تزيدو تحنو عليا و تعطو هادي المرة وسام :$ و فيفي مطلتش غير على قلبك حتى انا ههههههه معاندة في كلش مي و الله والو صح تقولشي راهي طالة على قلبي و الهامبورغر تاعك شهاني نخلي حتى شمس شوية و نعاودو
حسنة تبارك الله على اطباقك بصحتكم
ام شيماء بصحتك واش فطرتي و ممكن وصفة المقروط الرولي