ماذا ستطبخين اليوم سيدتي انستي الجزء 32

[samah06]

يعطيكم الصحة لبنات طياباتكم يشهيو
ومبروك الف مبروك على بسمة دخولها القفص الدهبي ولعقوبة للبنات اللي بقاو
اكيد انتتم ماتعرفوش بسمة نعرفها انا وحدة برك
راني خلصت خدمتي ورجعتلكم
سهام الخبز العربي والصوندويتش تاعك يهبلو انا البارح عشيتهم همبرغر لكن مخلاوهش تجمل وصورتو اللي نوجدها يخطفها واحد بقاو تاعي زدت كملتهم
وهاهي بعض الصور كنت ماش قاعدا ماحطيتلكمش هيا شلو عينيكم

 

[samah06]

راني ما حطيتش كل شيء راح الحال وذرك يجيني انيس يقولي كرشي تفيبري وانا ما درتش لغدا من بعد نزيد نحط صور اخرى

 

[l'algeroise]

صباح الخير عليكم واش أحوالكم نشالله نكونو كااامل بخير
منين نبدا كلشي يشهي تسنيم حسنا العنابية طيابك يشهى أم ندى حاملة المسك سومو شهرزاد حدة لويزة سميرة (نشالله مانسيت حتى وحدة)
عشانا البارح بيري و ايسكالوب أمبعد نحط الصور
صحا غداكم

 

[l'algeroise]

أطباق هايلين سماح يعطيك الصحة

 

[كوثر الوهرانية]

صباح الخير
كيراكم دايرين خوتاتي
سامحوني منيش نشارك بزاف هنا
مشاء الله عليكم خوتاتي طيابكم يسخف الله يكتر خيركم
اليوم الغداء مقرونة بالتونة و الفرماج اسهل حاجة عندي كي نكون تعبانة نديرهالهم و الحمد الله ولادي يحبوها

 

[ام شيماء]

سلالالالالالالالالالالالالالالالام يا الفحلات الله يبارك كل صبع بحرفة فطوري راه البركوكس مع البرد هدا مايليق

 

[كوثر الوهرانية]

ام شيماء بركوكس باين معطر و محرر و بنين اممم من صابني عندك و مع هدا البرد اللي راه هدا ما يليق الله يعطيك الصحة

 

[ام شيماء]

مرحبا بيك حبيبتي فريدة على عيني وراسي

 

[أم علاء الدين]

السلام عليكم كيف أحوالكم أختي فريدة كيف حال وليدك ربي يشافيه ويعافيه
كالعادة أطباقكم تحفة ربي يزيد ويكثرلكم الخيرات
فطوري اليوم والحمد لله عدسون على قولة أم ندى ربي يخليها وسلاطة اللهم أدمها نعمة

 

[shahrazad]

صباح الخيرات:d
سهام اللوزة سندوشات الخبز العربي جاوك امممممم عندو الحق راجلك كي عجبوه بصحتكم ان شاء الله
حسنا بصحتكم الشطاطح والمكرونة فارسي نموووت عليها ماطرح مايسري يمري
شريفة الشخشوخة تشهي ولا الهمبرغر خفيف مفشفش بصحتكم حبيبتي
حدة مبروك عليكم وان شاء الله ربي يهنيها ويسعدها لهقوبة لقااع عازبات اللمة
فوفوتي ربي يرجعلك ميمتك بخير يارب وتملي عينك بشوفتها
بنت الجسور مبروك على صاحبتك لعقوبة اليك حنونة وكلشي هايل وبالطبع
تسنييم ياالغالية ترحب بيك الجنة ان شاء الله والله حتا انا توحشت طيابك و روحك الحلوة معانا ربي يحفظك ويعطيك الصحة على الاطباق كل واحد ينسي في خوه
سماح الله الله عليك وشنو هاد لاخير كامل يعطيك الصخة يالشاطرة ربي يسلم يديك
ام شيماء بركوكس وعليه لكلام من صابني معاك كيما قالك فريدة واقيلا دوك نجو عندك بصحتكم يالفحلة
فريدة الحمدلله يسال عليك الخير ونتيا كيفاه راكي ...بصحتكم المقرونة والصح قع كي يحبوها لولاد تهني راسك
لالجيرواز مرحبا بيك ختي ان شاء الله تكوني مليحة بصحتكم البيري والاسكالوب
​

 

[ام شيماء]

شهرزاد مرحبا بيك يا حبيبتي على عيني وراسي وكامل لبنات مرحبا بيهم

 

[روعة2005]

ماشاء الله تبارك الله لبنات كلش تحفة براااااااvوووووووووووووووووووووووووووووووووووو
هذو طياباتي
هامبرغر وقوارب البطاطا تطبيقي لندوشة فعلااااا وصفاتك ادمان حبيبتي

اليوم تغدينا خبز بانيني الوصفة معتمدة تاع فلة فود بارك الله فيها الحشو كان شورما وفريت وفرماج وهريسة للكبار وكاتشب لصغار

رولي تاع اخت غالية ممممممم روعة حشيتو كرام ليمون

​

 

[أم علاء الدين]

الله الله عليك أختي روعة تبارك الرحمن غبت وجبت الخير معاك ربي يهنيك ويسر حملك وكيف أحوالك مع الحمل ربي يتمم على خير

 

[روعة2005]

باااارك الله فيك ام علاء الغالية انا نحمد ربي هذه الساعة راني بخير والحمل راه يددش خخخخخخ منعرف علاه الحامل يولي الوقت معاها بطييييييييييييييئ هههههههه

 

[shahrazad]

امممم يافوفة وشنو هاد الخير ولخمير كامل كلشي يشهي تبارك الله عليك تطبيقات كامل ناجحين بصحتكم ماطرح مايسري يمري وان شاء الله وقفة ساهلة يااااارب غييير بشوية على صحتك

اليوم فطورنا روز بالجاج وسلاطة مفورة

​

 

[ibtesem]

سلام عليكم يالبنات
سموحة بصحتك اختي كل شئ هايل
ام شيما بصحتك البركوكس
شهرورة اممم على الروز فكرتيني في سلاطة البطاطة احنا تاني نعملوها كيما هكداك
فوفو امممممممم على الخير لي جبتيه معاك رواش راكي ان شاء الله راكي احسن
شريفتي بصحتك اختي على الشخشوخة
كون مجاش عندي مشكل في يدي راني شخشخت تاع لعراس
كوكو بصحتك المقرون بالتونة والفرماج
بصحت الجميع

​

 

[ام منصف]

tasnim55 الله يسلمك يا الحبيبة وماكلتك ثاني لا يعلى عليها وهذيك الخميرة طالعة وخفيفة بالصحة
hadda0425 مولاة التقرير المصور والمكتوب مبروك ما درتو ولعقوبة لاولادك يا رب كل شيء بالطبع
معتــــــز اللمـــــة بصحتك البربوشة راك جايبها نتاع الصح يعني ماناش موالفين شباب يطيبوا هكذا يحبوا غير الخفيف يعطيك الصحة
عفاف الجزائرية ربي يجيبهم بخير وعلى خير خاوتك وخالتنا زكية ربي يحفظها
somo_81 بصحتك الخبز العربي الروايل باين امممممممم معمر كيما يحب الخاطر
hasna23 بصحتكم الشطيطحة والمكرونة
حتى انا جربت الوصفة هذيك نتاع لاكرام وجات اممممممم درتها البارح في الليل امبعد نصورها والشكر موصول لصاحبة الوصفة
samah06 بصحتكم سماح كل شيء هايل
l'algeroise اهلا وسهلا بيك هذي غيبة وبصحتكم البيري والسكالوب
كوثر الوهرانية فريدة والله زمان راكي مفاشيتنا هذه الايام ربي يكون في عونك اختي وبصحتكم المقرونة سهلة وبنينة
ام شيماء بصحتكم البركوكس باين يشهي
روعة2005 واش هذا يا فوفة الله يبارك توحشنا طيابك نتاع الصح من الهمبرغر للبانيني اممممممممم حبيب قلبي والا لي باركات جاوك تحفة والحلو قالهم اسكتو يعطيك الصحة حبيبتي ونورينا ساعة على ساعة باطباقك ما تغيبيش علينا وتنساينا
أم علاء الدين بصحتك العدس
shahrazad بصحتكم الروز والسلاطة حتى حنا نديروها خفيفة وباردة تليق في الصيف والسخانة
ibtesem واش بيها بسومتي واش بيها يدك ماكانش مشكل نبعث لاختي العزيزة ماعليك غير تربعي وتسمي بسم الله
**
وللجميع صحى غداواتكم
​

 

[l'algeroise]

روعة و شهرة شهيتونا

 

[ندى الورود]

السلام عليكم

صحا غدواتكم كامل كل وحدة باسمها
يعطيكم الصحة يا الفحلات اطباقكم كلها تشهي

ام منصف البارح خرجت وما شفتش الكوطة التالية تاع الماكلة تاعك
اممممممممم على هذاك المسمن مع الحليب ولا الهمبرغر يسخف بصحتكم
تسنيم اممممممم مطلوع هايل مفشش والكبدة تشهي والسلاطة هايلة بصحتكم
عفوفة بصحتكم العيش وربي يرد الوالدة على خير
حدة ماشاء الله كل شي هايل بالربح والهنا لعرايسكم
وبصحتكم الشخشوخة واللاندومي وهاذيك الشوكولا علاه حطيتيها تسخفي فينا
معتز اللمة بصحتك خويا البربوشة بلحم الخروف
صومو ساندويتشات الخبز العربي هايلة درك بوشلاغم تاعك اللي بلا شلاغم يلصق فيهم يولي يطلبهم كي الما

حسنا بصحتكم

والمقرون حبيبة قلبي والدلاع نموت عليه
سماح واخيرا صورتي الله يبارك اطباق رائعة وشهية بصحتكم
لالجيرواز بصحتكم لابيري والاسكلوب
فريدة بصحتكم المقرونة بالتون والفرماج نقطة ضعفي المعكرونة نموت عليها
ام شيماء اممممم عيش يشهي بصحتكم
روعة يا روعة ماشاء الله كل شسي هايل هايل من الهومبرغر للقوارب للرولي تاع الجاج
للمطلوع المفشش لساندويتشات البانيني تقتل ريوقي سالو
للرولي بكريمة الليمون لعصير الفريز ولاكريم والمكسرات ياعيني بصحتكم كل شي
شهرا روز هايل مع ذيك السلطة الصحية اممممممم بصحتكم كل شي
والباقيات امسيتكم سعيدة

غدانا تليتلي مع سلطة




​

 

[samah06]

لبنات بصحتكم غداواتكم ويعطيكم الصحة على واش راكم تحطو من خير وخمير
واش نقول غير خموس عليكم تعود تدخل كاش زائرة بعينها تحسدكم و تحبسكم
ام شيما كاشما بقلك عيش نجي نديه راني ما تغديتش