بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[SAMIRA25]

هداك ندير بيه كل شيء كيما يقولو يدي ليمنى في رمضان يرحي اللحم يدير لاسوب يرحي الجزر الفواكه المجففة بصل طماطم :p ​

 

[أم ندى]

السلام عليكم يا بنات كي راكم نتمنا تكونو بخير

ام الحلوين انا عجبني اللون نتاع الكوات لكان كانت الكاليتي مليحي اديها مام الموتيف الي فيها روعه

ميما الصالون نتاعك تحفة ربي يبارك تتهناي بيه يا رب

سمورة ليروبو نتوعك مزالهم شادين رواحهم كلي خرجو من الماقازا وليمارك نتاعهم وشكلهم رائع تتهناي بيهم حنونة

وجهاد بالصحة عليك الميكسور لامارك نتاعو هايلة وشكلو يهبل ما شاء الله عليه تتهناي بيه حبيبتي

انا لبارح لعشية خرجت مع صحبتي رحنا لوحد الميركاتو بعيد بزاف مشينا حتان دخنا هي وولادها درنا وشرينا حوايج نتاع ماكلة

و روحنا تعشينا بسكو متفاهمين من الصباح وجدنا عشانا بكري وكي رجعنا من الميركاتو تعشينا ومن بعد عاودنا خرجنا لوحد حفلة نتاع اطفال روعه قعدنا حتان 11 ونص وباه روحنا رقدنا وكي عادت السبعة ونص نضنا رحنا للسوق زدنا شرينا حوايج وتسوقنا خضرة جديدة فريشكا وروحنا مع 10 ونص درنا لغدا تغدينا ورقدنا ونضت جيت نطل عليكم هذا وين تنحالي التعب نتاع المشي علبالكم الواحد كي يلقى الونس ميحسش بالغربة

وهذي صحبتي مغربية من ثلاث سنوات كانت في المغرب روحت غير هذي السمانة برك هذا وين رجعولي الخرجات والتحويسات والتلعات ههههههههه

هذا هو التقرير نتاعي :d​

 

[SAMIRA25]

بصحتك ام ندى روعة كي تلقاي الونس و التهاويد ما تحسيش خلاص للوقت ربي يهنيك و يسعد ايامك​

 

[أم ندى]

ايه سمورة والله غير عندك الحق علابالك من لي رجعت منيش نحس بالوقت كي يفوت ديراكت

ونسيت مقتلكمش بلي رانا رايحين نتلاقاو من بعد ان شاء الله على 7 ونروحو نسهرو في لبحر انحيو على بالنا شوية

سميرة نتي وين تسكني قسنطينة ولا في الغربة كيفنا ؟

على فكرة راني حطيت الدرس الثالث لا حبيتي تطبقي مع وليدك

 

[أم أمين23]

ميما الصالون تاعك هيل عجبني بصح انا الحق نخافالابيض في الموبل خاصة مع الاولاد يولي اسود هههه
جهاد بصحتك الميكسور انا ما نعرفهاش الماركة
وبصحتكم الشمبوان انا ثاني رحت شريت هدا اول مرة راح نجربو شعري في حالة يرثى لها ههههه وشريت معاه الماسك تاعو وما نعرف الا مليح والا لا نجرب والا ساعدني نولي نشري منو ديما وشريت هدا بعد الاسود لخاطر للشعر الجاف ومكسر :

سميرة بصحتك الروبوات والله اعاونو في الكوزينة وملاح الخدمة بيهم اسهل ديما
ام ندى بصحتك الخرجة انا ثاني نحب الخرجات تاع الجماعة ما تحسيش بالوقت صح بالصح تروحي مكسرة تاع الصح انا راني مانيش ندخل للدروس لخاطر يعرفوهم ولادي الارقام الحروف صح الصغير مازال ما يعرفهمش بصح الارقام يعرفوهم الحمد الله والصغير لا علاقة مع القراية ما يحبش خلاص يتعلم اي شيء غير اللعب عكس الكبير

 

[أم أمين23]

الفوطو ما حبتش تخرج:

 

[om siraje]

salam lebnat nshallah rakom bkher​

 

[أم أمين23]

يا ختي واش هدا الكسل وينكم يا البنات باين قتلتكم السخانة والا مفاشييني واش بيكم ضربوكم بعين والا؟؟؟

 

[sirin2013]

صباح الخير عليكم كامل
وينكم غير الخير غبتو
لبارح مرض وليدي سخانة و لقريب ويبكي مبغاش يسكة ولا ياكل والو الي نديرلو ولو .و كلش مغلوق باش ندوه لطبيب حتى حوسنا في لنترنات شكون خدامين اليوم وادناه عتالو دواوات ونفس المشكل لفرماسي ميخدموش حوسنا تاني صبنا وحدا في طرف ادنيا ورحنا جبنالو عتطلو ادوا شرب والحمد الله رقد
المهيم فات عليا وحد نهار لهلا يشوفكم فيه

 

[fatouma2012]

أم ندى راني روتار بصح معليش نقلك مسحتك واش شريتي تتهني بيهم نشالله

جهاد انتي تاني مسحتك المكسور تحتاجيه ف رمضان نشالله

ميما صالونك شباب وبالباركة عليكم الدار الجديدة وتتهني فيها وتعمريها ولاد نشالله

أم أمين الشومبويان غليس شباب بزاف ويعاون الشعر كي يكون تعبان أنا نستعمل غير ابري شمبوان تاعه

أم الحلوين جل دوش تاعك شميت ريحته في بالي راكي خالة القرعة محلولة ههههههه

سيرين بالشفاء على ولدك ماله شا قالولك عنده ؟

 

[أم أمين23]

الغريب تاع الصيف تقتل الكبير وما يحملهاش ان شاء الله برك يكون ريح شوي يا سيرين بالشفا عليه
اهلا فطوم منورة وينك ضعتي؟؟

 

[sirin2013]

يسال عليكم الخير فطومة ام امين ريح شويا حبطتلو سخانة درك راه غير فشلان ويبكي بصح الحمد الله ريح على البارح

 

[fatouma2012]

سلام أم أمين ضيعتني سارة راها تبغي التشحاب برا وكي نجي نكون عاية وراجلي يحلاله غير الميكرو تاعي يتفرج فيه لي ماتش

سيرين الحمدلله كي ريح مسكين

 

[fatouma2012]

البنات لي مجربين ليماش ا صباغة فيدوني بخبرتكم أنا غادي نجرب أول مرة ليماش ومنبعد صباغة la coifeuse قاتلي التلاتاء تديرلي غير تجربة في جزى صغير من الشعر ومنبعد نشوفو راني باغية نبدل شوية ملي خلقت ولون شعري هو هو

 

[joumane]

سلام البنات اخواتي العزيزات توحشتكم بزااااااااف كل وحده باسمها ومتلوموش عليا راني مع الشريات هاد الايام والبقاج واش نقولكم منقعدش خلاص
المهم ان شاء الله كامل تكونو لاباس وراكم مع الكوسمتيك مالا يالبنات ننصحكم ب lush (fresh handmade cosmetics رااااايع شمبواناتو ولي ابري وصابوناتو تحفه والرييييحه منحكيلكمش هوما شوي غاليين مي هايلييين لي برودوي تاعهم واسمحولي درك منقدرش نصوركم مي ان شاء الله نلحق بخير للبلاد السمانه هادي وكي نقعد في داري نصورلكم كلشي واش حبطت معايا
سلامي الحار ليكم البنات وادعيولي نلحق بخير

 

[ام الحلوين]

سلام بنات
دموعي راهم على خدي جدي غير دروك مات ادعولو بالرحمة
سلام

 

[joumane]

انا لله وانا اليه راجعون
ربي يرحمو حببتي ام الحلوين ويحسن مثواه
هادي هيا سنة الحياة متبكيش و وسعي خاطرك حببتي واش حاديري

 

[أم أمين23]

انا لله وانا اليه راجعون
ربي يرحمو ام الحلوين ويصبركم وصلت الساعة ما نقولو الا مرحبا

 

[lina-67]

السلام عليكم
ان لله و انا اليه راجعون
ربي يرحمو و يجعل مثواه الجنة يا رب و الله يصبركم حنونة

 

[lina-67]

سيرين ربي يجيب الشفاء لوليدك
رنيم ان شاء الله تكوني ريحتي
جمانة طريق السلامة حنونة و سلمينا على البلاد و ما تنسايناش طلي علينا مرة على مرة