بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

سيرين غير السمانة لي فاتت قلت الخبز جا بنين بصح كليتو غير انا .
و الخبز لي نطيبو في الدار مانقدرش نقليه .

 

[ام الحلوين]

بنات هذو شريتهم نهار السبت
هذي مفرمة صغيرة نستعملها هنا

و هذا كوفر تاع كوات نديه للبلاد

و دروك قولولي واش رايكم في هذا التوستر و الكاتل حبيت نشريهم و نديهم للبلاد كاينين الوان اخرى بصح غير هذا اللون لي دارو في الصولد و كاين الغوز بصح غير التوستر و الكاتل ماكانش و انا حبيت يكونو نفس اللون.

 

[أم ندى]

السلام عليكم ورحمة الله تعالى وبركاته

أم الحلوين إن لله و إن إليه رجعون لله ما اخذ ولله وما اعطى عظم الله اجرك وربي يعطيكم الصبر يا رب وش اديري ختي لعزيزة هذي سنة الحياة مي الصبر زين في هذ لحوايج

جمانة طريق السلامة ختي لعزيز توصلي بالصحة ولهنا يا رب

وبقية البنات ام امين سميرة جهاد سيرين مريومة ام سيراج ميمي فطومة رنيم الغربة بيونة والي نسيت مذكرتش اسمها تسمحلي بزاف توحشتكم كامل يا رب تكونو بخير وعافية​

 

[أم ندى]

ام الحلوين مبروك عليك المفرمة الصغيرة والكوات تتمتعي وتتهناي بيهم يا رب

بالنسبة للالتوستر و الكاتل الموف لونو مليح عجبني

ابروفيتي لوكازيون كاين فرص ممتعاودش هههه​

 

[أم أمين23]

صباح الخير عليكم لبنات ان شاء الله كامل بخي و على خيري
قولولي واش وجدتو للرمضان و لا راكنا كامل كيف كيف مقابلين الميكرو و انسناو ههههه؟؟؟؟؟؟؟​

انا ثاني ما عنديش توجاد اصلا ما كاين ما توجدي الي نديروه في رمضان هو العادي تاع ديما هههه

 

[أم أمين23]

شكرا سميرة بصح سمعت بلي ماكانش منها كنت معولة كي نهبط للبلاد ان شاء الله نسبغ لكان هكا نخليه و خلاص

انا ثاني قالولي ماشي مليح الصبغة وليماش في الحمل العام الي هبطت فيه كنت حامل ما حبوش لا يصبغولي لا يديرولي ليماش

 

[أم أمين23]

بنات حبيت نسقسيكم
الخبز و لا اللباب لي يزايد وين تديروه ؟؟؟؟
انا ماعنديش وين نحطو مرات نخبيه و نروحو عند البط نديهلو بصح مانروحوش دايما و كون نخليه يطول في الكوزينة يخسر و يدير الريحة و مرات نعملو في ساشي وحدو و نرميه في المزبلة (اعزكم الله)
و الله يغيضني كي نرميه بصح ماكانش حل .

انا بالعادة ما يكونش عندي اللبابة ولا الخبز زايد لخاطر ندير الكسرة ديما والكسرة ما فيهاش البابة وتتكل وحتى كي يبقالي الخبز يابس شوي نحمرو في الكوشة نشربو بيه الحليب مع الكونفيتور متهنيا في هاد الحاجة الحمد الله

 

[أم أمين23]

سيرين ربي يسهل ان شاء الله وتعجبكم الدار وتكون عتبة خير عليكم

 

[أم أمين23]

ام الحلوين تاخدي راي ما تشريش التوستر واش اديري بيه في البلاد ههههه كاين الخبز محمص في الكوشة وخلاص
وبصحتك المفرمة والكوات

 

[ام الحلوين]

مشكورات حبيباتي على ارائكم
ام امين التوستر قلت نسخن فيه الكسرة كيما تاعكم بسكو تعملت نطيبها و بلاك نتعلم نطيب التوست ههههه

 

[رنيم الغربه]

سلااام
كيف الاحوال توحشتكم و لكن الوقت ضاق عليا شويه ما وليتش نقدر ندخل بزاف
ام الحلوين حبيبتي عظم الله اجركم الله يعطيكم الصبر يا رب

 

[SAMIRA25]

لبنات مالا رانا كامل كيف كيف ما نوجدو والو للرمضان
ربي يقدرنا على صيامه و قيامه و يهدينا للخير

 

[sirin2013]

سلام لبنات
ام الحلوين بصحتك واش شريتي
رحة شفة الدار خصارة معجبتناش البالكون جاي مكشوف بزاف وجاي في صالون والكوزينا صغيرة هذي لقلقتني كتر يله معليش نشاء الله نصيبو وحدا تسعدنا

 

[ام الحلوين]

رنيم ربي يخليك حنونة
سيرين تعيشي حبيبتي و معليش ان شاء الله تلقاي دار شابة .

 

[lina-67]

ام الحلوين بصحتك واش شريتي
سيرين ما عليش ان شاء الله تصيبو خير منها

 

[أم أمين23]

مشكورات حبيباتي على ارائكم
ام امين التوستر قلت نسخن فيه الكسرة كيما تاعكم بسكو تعملت نطيبها و بلاك نتعلم نطيب التوست ههههه

ام الحلوين التوست راه مربع وكسرتنا مدورة كيفاش اديريلها ههههه وزاد في الكوشة تتسخن افضل والا الاحسن فوق الغاز والا الطابونة مباشرة واش نقولك ياختي طعم اخر لا تستر ولا هو يحزنون:p:p:p:p:p:p:p

 

[أم أمين23]

سلااام
كيف الاحوال توحشتكم و لكن الوقت ضاق عليا شويه ما وليتش نقدر ندخل بزاف
ام الحلوين حبيبتي عظم الله اجركم الله يعطيكم الصبر يا رب

علاش يا رنيم واش راكي اديري هادا حتى ما عندكش الوقت قوليلنا خلينا احنا ثاني نعمرو وقتنا ههههه فضول ندخل في روحي في الي ما يخصنيش :$:$:$:$

 

[أم أمين23]

سيرين ما عليش حبوبة بالشوي برك حتان تلقاي حاجة مليحة راكم تشوفو مع الاجونس والا من النت؟؟؟؟

 

[أم أمين23]

حالياً الأعضاء النشيطين الذين يشاهدون هذا الموضوع : 7 (4 عضو و 3 ضيف) ‏أم أمين23, ‏Mima Anoussi, ‏رنيم الغربه, ‏sirin2013ما تحشموش اطلعو اطلعو

 

[ام الحلوين]

ام امين علاه الكسرة تحطوها خبزة كاملة ؟؟؟؟
انا كي نروح عند صحباتي يحطوها مقطعة و مرات يخرجوها من الكونجيلاتور و يسخنوها في التوستر
هدي هي الكسرة و لا رانا متغالطين في الاسم ؟؟