بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

بنات قولولي عيد الفطر فاش يجي اعطوني التاريخ بالضبط
من قبل مانشري البيي قريت بلي يجي في 10 او 11 اوت رحت شريت البيي في 10 اوت و دروك قالو رمضان باقيلو 12 يوم يعني العيد يجي في 6 او 7 اوت .
راني مخربطة بسكو قلت للزين نبدلوه نروحو في 6 اوت مسكين بقى ساكت خلعتو هههههه كل مرة فاش نقولو العيد

 

[lina-67]

ام الحلوين نورمالمون 8 اوت ان شاء الله

 

[lina-67]

ام امين شريت لبسة ويلا حبيتي نصورلك

 

[أم أمين23]

بنات قولولي عيد الفطر فاش يجي اعطوني التاريخ بالضبط
من قبل مانشري البيي قريت بلي يجي في 10 او 11 اوت رحت شريت البيي في 10 اوت و دروك قالو رمضان باقيلو 12 يوم يعني العيد يجي في 6 او 7 اوت .
راني مخربطة بسكو قلت للزين نبدلوه نروحو في 6 اوت مسكين بقى ساكت خلعتو هههههه كل مرة فاش نقولو العيد

المفروض احنا 16 شعبان ورمضان يكون 9 او 10 جويلية والعيد يكون 7 او 8 على بيها الافضل لو اديري 5 او 4 يكون افضل واضمن

 

[ام الحلوين]

ام امين مشكورة حبيبتي بصح عندي في قناة اقرا دايرين اليوم 17 شعبان
جهاد مدابينا تصوريلنا اللبسة تاعك .

 

[رنيم الغربه]

خخخخخ لابي يعينك حبوبة ما نجي ما نعوانك هههه انا ما نحبش الصبغة وريحتها راهم في البطيما الي مقابلتنا قاعدين يصبغو فيها رهجوني دبري راسك وحدك ياك برك بيبان ههههه

هههههههههههه شفتي راني دوك اللي رقدت الدراري و دوشت و جيت نشوف على قداش تلحقي حتى شوكيتيني ههههههههههه راهم مازالولي 3 بيبان عييييييييييييت و الله دراعي راهو يووجع عندي غير البيبان و كاش ما حتجتي عيطيلي دوك نعطيك نيميررو ههههه شفتي انا:p:p:p:p:p
​

 

[imen ahmad]

وااقيلا جيت روطار راكم راقدين هههههههه بالاك

 

[imen ahmad]

سيرين ربي يسهلك في الداار وعلاش ماديرو دوسي عند الدولة احسن

 

[byouna]

باح الخير لبنات ،وش حولكم ،فطوم أنا تاني عندي permi تع زاير وحبيت نعاود ،بصح gueli راجلي لزم naawdou gaa ،ويسقم 2500رجلي تاني aawdou gaa، تع زاير valable هنا 6 mois برك ،sahbou تاني جزائري gueli حتى aawdou gaa
العيد يجي في 8 أوت
لبنات أنا بنتي غدوة تغلق 4 أشهر wtrdaa من عندي وكتش ندخل المكلة ،وش نمدله

 

[fatouma2012]

صباح الخlير عليكم

أم سراج ومريومة على سلامتكم

رنيم الله يعاونك فالبنتورة فكرتيني بدارنا كنا غير البنات مع ماما ونديرو كولشي وحدنا في تلاتة عندنا ديبلوم تع ماصو وبنتار ههههههه وقلت كي نتزوج راجلي يدير كولشي لقيته فنيان ف هاد الصوالح البريزات راهم مصارينهم خارجين في عام وهاد الاسبوع التيو تع لافابو طرطق وعمرلي الكوزينة ماء يقولي غير منبعد راني دايرتلة السكوتش حتى نعيط المول الدار لي كارين عليه يجي

 

[fatouma2012]

أم أمين نضن قلتي من قبل كي كان والدك الكبير عنده 10 شهور حملتي بالتاني يعني كيفي ، قوليلي كي كنتي تديري باه تخرجيهم في زوج مع بعض كانت عندك poussaete تع 2 بلايس ؟ رالهخمم كي نولد سرسورة يكون عندها نشالله عام و-5 أشهر ويكون جانفي والتلج معمر الدنيا وراجلي ميلهاليش أكيد ، لازم البوسات تع 2 بلايس

 

[ام الحلوين]

صباح النور بنات واش راكم .
بيونة ربي يحفظلك بنتك و الماكلة مديلها الخضار و لا شري كومبوت و ماتكثريلهاش البطاطا بزاف
فطومة انا كي زاد اسحاق اراء كان باقيلها سمانة و دير عام و ماشريتش لابوسات تاع 2 بصح تعذبت كي نخرجهم نتي من الاحسن اشري تاع 2 و كي تكمل بنتك عامين استعملي هذي لي راهي عندك و شري board ركبيها فيها باش تبقى بنتك واقفة ، ربي يحفظ بنتك و يكملك الحمل بخير .

 

[fatouma2012]

باح الخير لبنات ،وش حولكم ،فطوم أنا تاني عندي permi تع زاير وحبيت نعاود ،بصح gueli راجلي لزم naawdou gaa ،ويسقم 2500رجلي تاني aawdou gaa، تع زاير valable هنا 6 mois برك ،sahbou تاني جزائري gueli حتى aawdou gaa
العيد يجي في 8 أوت
لبنات أنا بنتي غدوة تغلق 4 أشهر wtrdaa من عندي وكتش ندخل المكلة ،وش نمدله

سلام بيونة لا حبيبتي إدا عندك تع البلاد صح تسوقي بيه 6 أشهر ومنبعد تعاودي غير الامتحانين النضري والعملي بدون دروس إلا إدا انتي حبيتي لكن مش إجباري والدروس هوما لي يتقىامو غاليين الامتحان النضري ب-90 اورو والعملي ب-200 اورو و-50 أرو مصاريف المدرسة و30 اورو اسعافات أولية و-test تع العيون والصور وباه تحفضي النضري تكري جهاز فيه الدروس وإمتحانات تجريبية 20 اورو للسبوع وإدا حبيتي تديري دروس سياقة 35 اورو لساعة
مشي كيما قالولك 2500 اورو هادوك لي معنذومش أصلا بارمي من قبل
أنا صديقتي نقاملها ب-600 اورو وأنا قررت ندير سوايع سياقة فالبلاد رخيص لي أني نسيت كولشي وراجلي منتكلش عليه ميصبرش ومقلق وهنا ندير 2 أو 3 برك والله يسهل نشالله
الماكلة أنا بديتلها من 5 شهور حواج خفاف كيما ياغورت natur welcompot تع الخضار والتفاح بصح غير 2 مغارف أو 3 ف نهار باه توالف
أم الحلوين الله أعلم العيد فال-7 أو 8 أوت كما قاتلك أم أمين ديرو 4 ولا 5 أحسن والله يسهل

 

[om siraje]

sbah lkher 3likom ya lebnat ana ma3labalish wela kayn esold wela lala rani jaybetha gher fi dar n3ayaf wma3andi kharjat bzf

ana weldi bdet nwakalo ki3ad 6 mois psq kan yarda3 men sedri bark haka 9atli 6biba ebdayli fi 6 mois wkont na36ih gher lkhodra merhiya wrabi ykon fi 3onek hanona​

 

[byouna]

fatoum tkdri thawsi ala double pousette mstaamlt ,hawsi fi Ebay .aktbi fi google Ebay maa ism staat taak ,matalan ana nsken fi bottrop nkteb Ebay bottrop tkhrej lek hawsi fi alle categorien

 

[joumane]

سلاموووو البنات انا راني لحقت البارح فليل البلاد وسوفريت في ليسكال واش نقولك تمردت تاع الصح البارح وزيد مزال ودرولي فاليزا رانا نسناو قالولي بالام تلحق اليوم المهم الحمد لله لحقت لاباس ولعقوبه ليكم كااااامل

 

[om siraje]

lhmdollah 3la slamtek okhti joumanne​

 

[lina-67]

على سلامتك جمانة واش راهي لبلاد و عايلتك كامل

 

[lina-67]

لبنات لعشية نصورلكم مشترياتي ان شاء الله

 

[lina-67]

:p:p:p:p