بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[imen ahmad]

البنات وبيونة تولهو من واش تكتبو الموضوع راه مفتوح ويدخلولو ممكن حتى الشباب والبنات على بيها عسو كلامكم ما تفضحوناش ههههههه بيونة في الاول ما فهمتش مليح واش كتبتي من بعد كي ردت ام الحلوين باش عاودت قريت وفهمت ردو بالكم القسم مفتوح وماشنا مجمعين وحدنا

هههههههههه انالا ندخلو بخيماراتنا

 

[fatouma2012]

سلام عليكم

جمانة الحمدللة على سلامتك بلغي السلام الداركم

أم الحلوين درت ليكو يامس وقاتلي كولشي مليح لحمدو لله

جهاد مسحتك واش شريتي تلبسيهم بالصحة نشالله

ملابس البيبي كاين ف c und a و- h und m و- NKD و- TAKKO و- KIK
و- babywalz وكي نتفكر نرسلك ف سكايب

الملابس سموها BABYKLEIDUNG و-POUSSETE سموها KINDERWAGEN كتبي ف GOOGLE

 

[أم أمين23]

هههههههههه انالا ندخلو بخيماراتنا

هههههه هاداك هو لازمك لخاطر مرة على مرة ويدخل واحد على غرادة - يمعني فجأة للي ما فهمش الكلمة خخخ- للاحطياط لازم نتولهو

 

[fatouma2012]

بصحتهم الي شريتيلهم جهاد
على سلامتك جومانة وسلامنا لناس دزاير
فطومة انا ما كنتش نخرج كي كانو صغار نخرج غير مع المخلوق والا راني ديما في الدار وكي كبرو واحد في الكروسة ولاخر يمشي وما نروح بيهم بعيد

ربي يخليلك المخلوق ههههه

 

[fatouma2012]

صباح النور بنات واش راكم .
بيونة ربي يحفظلك بنتك و الماكلة مديلها الخضار و لا شري كومبوت و ماتكثريلهاش البطاطا بزاف
فطومة انا كي زاد اسحاق اراء كان باقيلها سمانة و دير عام و ماشريتش لابوسات تاع 2 بصح تعذبت كي نخرجهم نتي من الاحسن اشري تاع 2 و كي تكمل بنتك عامين استعملي هذي لي راهي عندك و شري board ركبيها فيها باش تبقى بنتك واقفة ، ربي يحفظ بنتك و يكملك الحمل بخير .

أم الحلوين أملا إسراء ضحت ببلاصتاها فالبوسات على جال خوها هههه مسكينة كانت مازال صغيرة ، لازم كي يكبر يخلفلها الخير

 

[أم ندى]

بسم الله الرحمن الرحيم
مساءالخير عليكم لبنات جبتلكم تشمو رحة رمضان وبعض من تحضيراتي



السلام عليكم ورحمة الله تعالى وبركاته

اليوم احظرت لكم بعض من تحضيراتي واظن انها موجودة في كل بيت لكن للزوجات الجدد وللبنات العازبات هذه التحضيرات للاستفادة منها مستقبلا في العش الزوجية


قمت اليوم بتحضير لفريك واستعملت كيلو فريك وخلطت معاه نصف رطل مرمز يخلي لفريك يخثار بالاظافة الى الذوق الرائع



وبما انني لا احب التركيز على نوع واحد من الشربة قمت بgلي او تحميص تحمير الشربة نتاع لخيوط او الدويدة وكاين الي يسميها فارميسال لانه القلي يعطيها ذوق رائع جربوها ومراحش تندمو ان شاء الله



وايضا gليت لسان عصفور نحب شربتو ايضا



وشريت ايضا شربة خيوط فارميسال لكن حجمها شوية خشيت نديرها في لحريرة




حضرت لفاح الي هو خليط من فلفل اسود كصبر ثوم يابس مرحي فلفل احمر حار وحلو كروية وخلطتهم مع بعض من كل واحد 50 غ



رحيت القصبر



فلفل احمر حلو وحار



وشريت فلفل اسود جوزة الطيب زنجبيل زعتر قرنفل قرفة فلفل احمز حار


ولتحضير طاجين لحلو ولا المرقة لحلوة
عين بقرة لعوينة الزينة ههه


المشمش



الزبيب شريت نوعين الاصفر للطاجين لحلو والاحمر او الاسود للمسفوف يجي شكلو روعة



اللوز لتحظير الطاجين لحلو والصامصة



الجوز للبقلاوة





وحضرت الجلجلانية للمطلوه ولقريوش بعد ما نقيتها وحمصتها



السينوج او الجبة السوداء نقيتها وحضرتها لخبز الدار والمطلوع



كانت هذه بعض من تحضيراتي الى ان القاكم بتحضيرات جديدة لكم ودي مع باقات وردي​

 

[أم أمين23]

اهلا ام ندى اعطيك الصحة على النشاط والافكار فحلة انا راني نوجد للولادة ضرك ههههه على بيها راني لا علاقة برمضان واصلا ما نحضرلوش للامانة يعني هههه

 

[أم ندى]

اهلا ام ندى اعطيك الصحة على النشاط والافكار فحلة انا راني نوجد للولادة ضرك ههههه على بيها راني لا علاقة برمضان واصلا ما نحضرلوش للامانة يعني هههه

بيك اهلا ختي لعزيزة ربي يخليك

الله يسلمك حنونة ربييسلك وحلك بخير وعلى خير يا رب

وش وجدتي للولادة كشما قاطوات ولا والو واصلا كشما يجو يباركولك ولا توجدي في لفاليزا نتاعك باه تولدي مفهمتش اي تحضيرات راكي تقصديها

بالنسبة لرمضان انا راه عندو نكهة خاصة هو ولا الاعياد نحب نوجدلهم ونغرس في ولادي هذي العادات والتقاليد خطراكش عندها نكهة وطابع خاص في قلبي

حابة الشي الي ورثاتولي ماما ليا نزرثو لاولادي


ههههههه ربي يجازيك حبيبتي بالنسبة للاتي بولفري راني لقيتو لبارح سقسيت عليه في الميركانو مي قاتلي منجيبوهش بزاف كوناد و لقيتو مع لحليب السائل من فوق ​

 

[أم أمين23]

بيك اهلا ختي لعزيزة ربي يخليك

الله يسلمك حنونة ربييسلك وحلك بخير وعلى خير يا رب
امين يا رب واخليك
وش وجدتي للولادة كشما قاطوات ولا والو واصلا كشما يجو يباركولك ولا توجدي في لفاليزا نتاعك باه تولدي مفهمتش اي تحضيرات راكي تقصديها
كلو على بعض ايه راح ندير شوي حلو عندي شوي كعبات يجوني بصح مع لى باليش في رمضان والا بعدو
بالنسبة لرمضان انا راه عندو نكهة خاصة هو ولا الاعياد نحب نوجدلهم ونغرس في ولادي هذي العادات والتقاليد خطراكش عندها نكهة وطابع خاص في قلبي
انا العيد صح مالفة ندير الحلو ونشريلهم قش العيد والصلاة لازمة بصح رمضان يعني عادي ما نوجدش حوايج بزاف السمانة لخرة نشري واش خصني وفرات
حابة الشي الي ورثاتولي ماما ليا نزرثو لاولادي
مليح ماشاء الله حاجة مليحة اكيد وخصوصا لو عندك بنات يتعلمو

ههههههه ربي يجازيك حبيبتي بالنسبة للاتي بولفري راني لقيتو لبارح سقسيت عليه في الميركانو مي قاتلي منجيبوهش بزاف كوناد و لقيتو مع لحليب السائل من فوق ​

اوك ضرك نفركت انا ثاني ان شاء الله كاشما نلقاه لتم ربي يعيشك

 

[مريومةمم]

مساء النور
مريومة واش راكي يااختنا الصغيرة
جهاد حنا تاني بداو الصولد بصح انا على حسابي راني رايحة عريانة للبلاد ههههههه صعيبة في الشري

لباس اخت
ملا انتهزي الفرصة وتكساي مليح

 

[مريومةمم]

سلالالالام للجميع
مرحبااااا بكم
جمانة على سلالالالامتك اختي
وش تحكيو؟

 

[fatouma2012]

jihaad choofii les poussetes f REAL w MY TOYS w dork siriin w bayoona yziidoo y9oolalak wiin

 

[SAMIRA25]

ام ندى يعطيك الصحة يا الفحلة جبتينا ريحت رمضان للغربة
قوليلي ربي يجازيك كيفاه ترحي الفريك و الا عندكم مطاحن؟؟؟؟

 

[ريمو]

السلام عليكم ورحمة الله وبركاته


واش راكم خياتي

ان شاء الله الكل بخير وكل اموركم مليحة

اكيد راكم مع توجاد لرمضان

نقولكم رمضان مبارك مسبقا وان شاء الله يكون شهر لنكثروا من الطاعات والعبادات


سلامي لكل وحدة فيكم يا بنات بلادي​

 

[SAMIRA25]

اهلا بيك ريمو ان شاء الله انت ايضا امورك كلها مليحة
و رمضان كريم ليك و لاسرتك بالتوفيق​

 

[SAMIRA25]

سيرين واش احوال وليدك ان شاء الله رتاح و واش من مرحلة راه دورك او في سنيه و الا يمشي و الا؟؟؟ راه كمل 1-0 اشهر و لا مازال ربي يحفظه
رنيم ان شاء الله تاني تكون بخير و ريحت

 

[ام الحلوين]

سلام بنات واش احوالكم و اخباركم؟؟
انا هاد الويكاند ماقعدتش في الدار بزاف غير مع الخرجات و الشري تاع البلاد

 

[Mima Anoussi]

وعليكم السلام ام الحلوين
مالا راكي مروحة للبلاد​

 

[ام الحلوين]

وعليكم السلام ام الحلوين​

مالا راكي مروحة للبلاد ​

​

ميما ادا كتب الله نروح في 10 اوت و راني نقضي دروك قبل رمضان .

 

[Mima Anoussi]

ميما ادا كتب الله نروح في 10 اوت و راني نقضي دروك قبل رمضان .

ربي يوصلك بخير وعلى خير حنونة
سلمي عل البلاد والله نتوحشها بزاف سورتو هاد ليامات
راكي تعرفي رمضان في البلاد كبفاش بنتو وهنا كيفاش
اهنا ماتحسيش لا بعيد ولا برمضان
مي الحمدلله على كل حال​

​