بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

روعة شكرا على الدعاء بصح علاه يا لحبيبة ماترجعيش ، ادا غير على الخدمة ربي يعاونك بصح احكي معانا بالويكاند .

 

[ام الحلوين]

بنات جهاد و جمان مابانوش اليوم ان شاء الله خير .

 

[أم أمين23]

البقلاوة من وين نشريها حنونة هنا ما يبيعوش الحلو كاينة تاع الترك شريتها مرة ما تشبه لوالو حاشا نعمة ربي
ان شاء الله ربي اعيني ونديرها واحدة واحدة
الجاري حنونة اسهل منو ماكانش
بصا ومعدنوس وكرافس وحمص واللحم قليهم في الزيت مع الملح والفلفل اسود مليح لازم يتقى البصل حتان يذبال خليه حتان سطفى بالكل وانا هنا تعلمت نزيد حتى الجزر والكوسة مرابية ونقليهم مليح ومن بعد تمرقي بالماء وخليه يغلي مليح وزيدي الطماطم ومع ال10 او ربع ساعة الاخيرة تزيدي الفريك بعد ما تكوني طبعا غسلتيه وخلي يهز الغلوة وطفي وبالصحة والراحة

 

[أم أمين23]

ايه روعة كيما قاتلك ام الحلوين الا الخدمة برك ممكن اطلي علينا في الويكاند

 

[ام الحلوين]

الله يخليك ام امين ان شاء الله غدوة نطيبو .

 

[روعة انثى]

ايه روعة كيما قاتلك ام الحلوين الا الخدمة برك ممكن اطلي علينا في الويكاند

ان شاء الله يا الغالية نحاول نطل عليكم كي يسمح الوقت

 

[sirin2013]

سلام لبنات
و مبروك علينا ادار جديدا نشاء تلم بيناتنا بالخير والهناء والبراكا ونقعدو دايمن متونسين وكلخواة

 

[fatouma2012]

مبروك الدار الجديدة

روعة مطوليش علينا رانا توالفنا وما نبغو حتى وحدة تنقص

رميسة مرحبا بيك معانا

أم الحلوين أحسن الافران هو le-four ventilli لي فيهم مروحة وبتريسينتي داخل تدورو توزع الهواءلساخن وميحتاجش به يتسخن من قبل وتدخلي فيه شعال من سنيوة وعادي psq الهواء يدور عليهم ويطيب الخبز والقاتو والكرواسون كيما تع برا نفس النوع يستعملوه المخابز بحجم أكبر أنا عندي ماركة miele وصحيح أنه بكهرباء بصح ياخد وقت أقل ف طياب لنتيجة روعة

 

[fatouma2012]

صباحكم صباح الورد والفل والياسمين

سيرين وصلوني 2 دعوات صداقة ف سكايب معرفتش وينه تاعك باه نقبلك عندي ، تاعك باه يبدا وباه يكمل هههههههه

 

[fatouma2012]

سيرين وقتاش راه أدان الفجر عندكم ؟

جهاد مبنتيش وحنا رحلنا بلا بيك ؟

 

[أم أمين23]

صباح الخير البنات واش احوالكم ان شاء الله كامل بخير
ايمان راني رسلتك السكايب بصح نسيت الا كتبتو والا لا قولي لي باش نتأكد

 

[byouna]

صباح الخير لبنات كي راكم ،فطوم رني عندي skype taak كي نقعد نبعث لك invitation،أم ندى بش تكيلي سميد هل العلبة تع الطماطم الكبيرة أو الصغيرة يعني تع kilou ولا تع رتل .
سيرين شكراً على المعلومات

 

[byouna]

فطوم أنا أندي aldi talk في بورتابل وشوية غالية ،في fix درنا o2 شوية غالية ،كي نحب naayat كينين les cartes في taxi phone مكتوبين marokko فيها 2.5 يورو ،البارح هدرت بها للفكس لدارنا 18 دقيقة .ولبورتابل تع زاير تحكم 9 دقايق

 

[أم أمين23]

صح جهاد مختفية ان شاء الله خير شكون كلمها ؟؟؟

 

[sirin2013]

صباحكم صباح الورد والفل والياسمين

سيرين وصلوني 2 دعوات صداقة ف سكايب معرفتش وينه تاعك باه نقبلك عندي ، تاعك باه يبدا وباه يكمل هههههههه

ههههههههههه دحكتيني لغز يبدا h ويخلاص ب l ععفتيه؟؟؟؟

 

[sirin2013]

سيرين وقتاش راه أدان الفجر عندكم ؟

جهاد مبنتيش وحنا رحلنا بلا بيك ؟

الفجر راه 2,54

المغرب 9,49

راهي ليوم وحد سخانة وحدها ربي يصتر ولا قعدة ارمضان

 

[ام الحلوين]

سلام بنات واش حوالكم ؟
ام امين هنا القاطو يتباع عند المغاربة و الزيريين و كاين واحد مغربي يبيع حلويات مغربية و جزائرية هايلة البارح الزين قالي راني رايح عندو واش نجيبلك قتلو خلط و خلاص من بعد جا يديه فارغين ههههههه بسكو يبيعو تاني الماكلة و صاحبو قالو نروحو و ناكل لوبيا و لا عدس بنين و راجلي كي راح قالي هما ياكلو و انا نشوف هههه ماعجبوش العدس ،و زادو دارولو بروصي على السيارة هههه
اليوم طيبت الجاري جا بنين بصح خفيف و لا غير انا كي موالفة الحريرة جي شوية ثقيلة ،يعطيك الصحة حبيبتي .
فطومة مرسي حنونة و دروك نشوف هذي لامارك
البقية ان شاء الله راكم بخير .

 

[ام الحلوين]

صح جهاد مختفية ان شاء الله خير شكون كلمها ؟؟؟

حكيت معاها راهي عيانة ب les angines ربي يشفيها و ترجع تحكي معانا .
هيا بنات ادعولها .

 

[SAMIRA25]

SAMIRA25, ‏djihad-17, ‏sirin2013
السلام عليكم
واش احوالكم لبنات
جهاد بالشفاء عليك اختي وما تشوفي شر كيفاه صبحتي ان شاء الله احسن
ام امين قوليلي انت يجيو عندك الناس كي تزيدي حتى راكي ديري في القواطو؟؟؟؟:d
خيتك كي تزيد تشتاق تشوف خلقة عبدة ما نكدبش هدا المرة جاتني مرت صاحبه برك

 

[ام الحلوين]

سميرة المفروض راكي في بلاد العرب نتي لي يكونو عندك صديقات بزاف
انا في بنتي جاتني مرت صاحبو و في اسحاق ولا وحدة بصح في الختانة جاوني 6 نسا صحابو و وحدة حتى من بعد جات باركتلي .
هيا عولي هاد المرة و نهجمو عليك بنا بولادنا و زيدي تبعثي لرجالنا بسكو مانقدروش نجيبوهم هههههه