بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

بنات راني ناوية نشري فور صغير نطيب فيه هنا و نقدر نديه معايا للبلاد بصح ماعرفتش
نشوف للــــــواط و لا للدرجــــــــــــات ؟؟؟
بسكو لي عندي فيه 230 درجة و ماشي سخون.

 

[ام الحلوين]

زواج الغربة أحسن زواج هههههههه
كيما قتلك بيونة أنا نشوفه فيه بزاف ايجابيات وكون نتعمق إليوم منكملش هههه هنا ولا لهيه المهم الهنا بصح بيناتنا اهنا خير من لهيه هههههه تفكرت الغنية تع دور بيها يا الشيباني دور بيها ......أهنا ، الهيه ، هنا خير من لهيه ههههه تعرفو هاد الغنية ؟ جاوبوني ف بيت المغتربين psq أم أمين تسوطنا كون تجاوبو هنا هههههههه
فطومة ربي يعطيك واش تتمناي و الله غير ضحكت من قلبي و بالدموع على الغنية و على تسوطنا هههههههه مزية اسحاق راه راقد كون راه قاعد يقول أمي هبلت ، ايه يا خيتي الغنية نعرفها بصح لبنات منيش عارفة ؟؟

 

[SAMIRA25]

ام الحلوين هدي طريقتي في الشربة فريك
تحطي طراف لحم من الاحسن غنمي مقطعين وسط جي بنينة و ميدمة :p في كوكوت تزيديلهم بصلة مرابية مليح و شوي زيت لانه اللحم غنمي يجي فيه الشحمة و تقليهم على نار دليلة تضيفي ملح و فلفل اكحل اعواد كرافس حابة طماطم و الا زوج مرحيين مليح و تمرقي على حسب الرغبة و تزيدي تاني طماطم علب كيما تحبيها حمرة بزاف و الا شوي برك تقفلي الكوكوت حتى يطيب اللحم تحبي تزيديلها كريات اللحم المرحي جي اللذ كيما تاع العراس :p وتحطي الفريك يغلي و تنقصي النار حتى تخثار الشربة و شوي تقيلة ما شي ماوية و في التقديم ترشي عليها شوي دبشة جي امممم انا رمضان 30 يوم فوق الطاولة
و في المكيال انا نمرق ب1 لتر ماء و 1 فجان قهوة فريك يجيوني 2 صحونة و عينك ميزانك​

 

[SAMIRA25]

ام الحلوين و الله مرحبا بيكم و بولادكم و برجالتكم و الا ما هزتكمش الدار نهزكم فوق راسي
تعرفي ما يغركش بلاد عرب و الا لا كل واحد حاكم دارو و اولادو واحد ما يدور بخوه حتى الجزائريين مع بعضهم ما كانش مرات نبغى نهبل نقول واش بيها الدنيا ..... ربي يجيب الخير​

 

[ام الحلوين]

سميرة الله يخليك يا لحبيبة
و الجاري طيبتو الصباح جاني بنين نستنا راي الزين فيه ههههه
و هنا تاني تلقاي جزائريين جابدين من بعضاهم بصح على جال مشاكل النسا و الهدرة الرايحة و الجاية و انا الحمد لله كامل نسا صحابو ملاح بصح مانتلاقاوش دايما و تاني الانسان يعرف واش يهدر .

 

[SAMIRA25]

لبنات عجبني هدا الموضوع و بما انه يفيد المغتربين
http://4algeria.com/forum/threads/374662/​

 

[مريومةمم]

بنات ممكن تعطوني طريقة الجاري ؟؟؟
و لي عندها فور صغير و مليح ممكن تمدلي لامارك تاعو ؟؟ عندي فور عادي بصح اعلى درجة 230 باش نطيب الخبز لازم نسخنو ساعة و لا كثر من قبل ، و نحب نحمر الجاج بصح كي ولا يجي يابس و مايتحمرش .

سلالالالام
وش راكم كاااامل
ميرة راني الحمد لله
ام الحلوين انا مليحة سوااااااال عليكم
الجاري هو شربة فريك
ولا وش قصدك لاني نظن ماكانش لي مايعرفوش وادا قصدك شربة فريك انا نطيبو يهبل والله يج روعة

 

[مريومةمم]

مساء النور لبنات راكم منورين يا الوردات في داركم الجديدة
نتمنالكم كل خير و ربي يهنيكم و يحفظكم
انا راني مشغولة هادو ليام ان شاء الله بلاك ما رانيش رايحة نولي ندخل بزاف
اللي حاملة ربي يثبت حملها و يوفقها و يعطيها وقفة ساهلة
اللي رايحة تجي للبلاد مرحبا بيها
و صحا رمضانكم تصومو بالصحة و صحا عيدكم يا الوردات و السماح اذا غلطت مع وحدة نطلب منها تسمحلي و تهلاو في رواحكم و في وليداتكم و ازواجكم
و السلام عليكم و رحمة الله و بركاته

مساء انوررررررررررر
خير انشاء يالغالية مش مقبولة منك تهجرنا
والله العظيم غير انت الدات عنك مكانة خاصة في قلبي تشبهيلي بزاف وصراولي حوايج كما انت
خيرانشاء الله ؟
نتمنى تراسليني في رسائل الخاصة
ويارب ترجعي كي بكري

 

[مريومةمم]

اختي جهااااد الله يشفيك ويعاافيك يااااررب
بانتظارك طلي علينا

 

[SAMIRA25]

هيا مريومة الفحلة اعطينا طريقتك تاع الشربة؟؟؟؟

 

[مريومةمم]

هيا مريومة الفحلة اعطينا طريقتك تاع الشربة؟؟؟؟

من عيوني
حبة بصلة كبيرة+03ملاعق زيت+ص ربطة دبشة+حبة طمطم وترحي كل شئ في الخلاط
تم تضفي التوابل ملح وفلفل اسود راس الحانوت والحمار
وتحطي اللحم وتخلطيهم وتخليهم يتقلاو مليح ثم تمرقي البرمة مثلا 03 لتر ماء وتخليهم يغليو كي يطيب اللحم شوي حطي فنجال فريك ومعاه كويرات كفتة وشوي طماطم مرحيةوخليهم يطيبو كي ينشف طفي ورشي بالدبشة من فووووووووووووووووق
وبالصحةكم

 

[ام الحلوين]

مريومة صحيتي حنونة
و الجاري انا كنت نسمع بيه بصح جامي ضقتو حتى جيت هنا كليتو عندو صحاباتي من ميلة و قسنطينة ، و نظن في الغرب كامل مايطيبوهش و الله اعلم .
بصح فهموني الجاري هو شربة فريك ؟؟؟
بسكو حنا نقولو شربة لي جي بالفارميسال و لا لسان الطير و لي نديرو فيها التشيشة (فريك) نسموها حريرة .

 

[أم أمين23]

ام الحلوين الجاري هو شربة الفريك والفرق بينو وبين الحريرة مايجيش فيه الخضرة والتوابل ومايكونش ثاني تقيل كيف الحريرة
ايه يطيبوه ناس الشرق ناس الغرب يديرو الحريرة

 

[أم أمين23]

ام الحلوين هنا الطريقة تقريبا كيما احنا شوفيها مصورة تجيك اسهل واشنو احنا ما نديروش الثوم وكرات اللحم في عنابة بصح كاين الي يديرها في جوايه اخرين وهي نفسها شربة فريك

 

[أم أمين23]

سلام بنات واش حوالكم ؟
ام امين هنا القاطو يتباع عند المغاربة و الزيريين و كاين واحد مغربي يبيع حلويات مغربية و جزائرية هايلة
بصحتكم والله احنا شيء غير في رمضان يديرو شي حوايج برك
البارح الزين قالي راني رايح عندو واش نجيبلك قتلو خلط و خلاص من بعد جا يديه فارغين
ههههه يعني طمعك وخلاك
ههههههه بسكو يبيعو تاني الماكلة و صاحبو قالو نروحو و ناكل لوبيا و لا عدس بنين و راجلي كي راح قالي هما ياكلو و انا نشوف هههه ماعجبوش العدس ،و زادو دارولو بروصي على السيارة هههه
اليوم طيبت الجاري جا بنين بصح خفيف و لا غير انا كي موالفة الحريرة جي شوية ثقيلة ،يعطيك الصحة حبيبتي .
ايه الحريرة تجي اثقل من الجاري وثاني في التوابل ما يجيش فيها بزاف التوابل بصح الا تحبي اثقليها ممكن تزودي الفريك
فطومة مرسي حنونة و دروك نشوف هذي لامارك
البقية ان شاء الله راكم بخير .

 

[أم أمين23]

SAMIRA25, ‏djihad-17, ‏sirin2013
السلام عليكم
واش احوالكم لبنات
جهاد بالشفاء عليك اختي وما تشوفي شر كيفاه صبحتي ان شاء الله احسن
ام امين قوليلي انت يجيو عندك الناس كي تزيدي حتى راكي ديري في القواطو؟؟؟؟:d
في ولادي لولين ماجاوني غير زوج جارتي ومرط صاحبو الي ولات صاحبتي
بصح ضرك راهم كاينين ثلاثة قالولي نجيو بلا الي نعرفهم الي هوما 4 ومشيتلهم يعني ممكن يجيو وما تنسايش العيد وممكن تجيني فيه سلفتي ومرط سلفي مالا الاحتياط واجب ههههه ولو اني انا ميزيتيا شوي لخاطر نولد في رمضان وعلى يالي قليل الي يمشي فيه بصح ما تدري

 

[أم أمين23]

جهاد بالشفا عليك حبوبة وان شاء الله راكي خير ضرك ؟
ام الحلوين انا ما نعرفش للفور ما نقدرش نفيدك والله انا نفضل الكويزنيار اطيب خير

 

[lina-67]

سلام عليكم لبنات واش راكم توحشتكم
مبروك علينا الدار الجديدة سمحولي ما عاونتكمش في الرحلة :d
وشكرا كامل اللي سقساو عليا اني الحمد لله احسن من قبل
درك نراجع و نولي

 

[SAMIRA25]

الحمد لله على السلامة جهاد
و خدي راحتك اختي صحتك اولى ​

 

[Mima Anoussi]

السلام عليكم
واش راكم يا بنات بلادي