بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

سلام بنات وين راكم ؟؟؟
رنيم ،فطومة ،بيونة ، مريومة ، روعة ،جمان ،ام ندى ؟؟؟؟؟
ميما مرحبا بيك اختي رانا بخير الحمد لله و نتي واش راكي ؟ نظن مغتربة في فرنسا و لا راني غالطة ؟؟

 

[رنيم الغربه]

صباح الخير عليكم
كيف الاحوال و الله توحشتكم بزااااااف مي راني مريضه نقرا و نخرج ههههه نعجز ان شاء الله تكونو كامل ملاح
اليوم الدراري ماقدرتش نديهم الليكول راني grippée دايخه كامل نروح نخدم الدار اليوم مادرت والو و نطيب و نرجع

 

[sirin2013]

صباح الخير يا وجوه الخير كصبحتو ؟
جهاد ربي يكملك اشفاء يارب
رنيم تاني نتي ربي يشفيك صعيب لواحد يمرض في هاذ الوقت سختو ولا راهي سخانة كما هنا

 

[ЯǾᵯẫḭṧşẰ]

romaissa2011 مرحبا بيك معانا انت مغتربة وشاركتي معانا قبل والا راكي جديدة؟؟؟
وفي كل الاحوال مرحبا بيك راني نصقصي برك

ترحب بيك الجنة ام امين
في الحقيقة كنت مغتربة ومعنديش مدة ملي دخلت
مي حبيت نشارك معاكم على خاطرش تعجبني اللمة ديالكم والgصرة الزينة
شكرا
​

 

[ام الحلوين]

صباح النور و الياسمين
جهاد و رنيم ربي يشفيكم حبيباتي
سميرة و ام امين و جمان و مريومة و روعة و سيرين و رميساء و ايمان و فطومة و بيونة و ام ندى و ميما ان شاء الله راكم بخير و واش اخباركم ؟

 

[ام الحلوين]

رميساء شفتي حنا كيفاش عاقلات و نعرفو نجمعو هههههه
بصح مافهمتش وين دخلتي ؟؟ دخلتي للبلاد نهائيا و لا غير فاكونس ؟؟؟
اعدريني يا لحبيبة مرات مخي مايحبش يخدم على هكدا مانفهمش بصح ماشي دايما .
سلامي

 

[رنيم الغربه]

صباح الخير يا وجوه الخير كصبحتو ؟
جهاد ربي يكملك اشفاء يارب
رنيم تاني نتي ربي يشفيك صعيب لواحد يمرض في هاذ الوقت سختو ولا راهي سخانة كما هنا

صببباح الانوار حبيبتي بارك الله فيك و الله هدا وين فطنت رحت درت دوش و كملت شغل الدار و جيت حنا ما راهيش السخانه و ماشي برد مي الشتا تروح و تجي هبلتنا هيا اللي مرضتنا
​

 

[رنيم الغربه]

صباح النور و الياسمين
جهاد و رنيم ربي يشفيكم حبيباتي
سميرة و ام امين و جمان و مريومة و روعة و سيرين و رميساء و ايمان و فطومة و بيونة و ام ندى و ميما ان شاء الله راكم بخير و واش اخباركم ؟

ربي يحفظك حبيبتي و انتي كيفاش راكي

 

[أم ندى]

سلام بنات وين راكم ؟؟؟
رنيم ،فطومة ،بيونة ، مريومة ، روعة ،جمان ،ام ندى ؟؟؟؟؟
ميما مرحبا بيك اختي رانا بخير الحمد لله و نتي واش راكي ؟ نظن مغتربة في فرنسا و لا راني غالطة ؟؟

يسقسي عليك الخير حنونة ربي يخليك

راني جيت ابن الناس عند ذكرو بيبان ههههه

حوحو يشكر روحو علابالكم البارح مدخلتش للنت طول رحت للبور حوست شويا انا وراجلي وبنتي كانت تحويسة هايلة

وقبل لبارح ثاني مدخلتش بصح شريت حوايج باه نهبطهم معايا للبلاد روبو كينوود

وشريت باتور وشريت روبو صغيور نرحي فيه البصلة والثوم ولحوايج الساهلين باه منجبدش لكبير

وشريت شيكولاتيريا بالطليانية يعني الة تذوبي فيها الشوكولا اليكتريك متضايش تديري فيها في الحمام البخاري تتمرمدي وشريت طوابع وشريت بزاق حوايج لاحبيتو صورلكم تشوفو ههههه

الحمد له كي راكم بخير توحشتكم بزاف​

 

[ام الحلوين]

رنيم راني بخير الحمد لله
ام ندى بصحتك التحويسة و الحوايج و صوريهم بليز انا تاني ناوية نشري و نهبط باش نستافدو من بعضانا ربي يخليك حنونة .

 

[ام الحلوين]

ام ندى تما في ايطاليا مايسقسوكش على وليدك لي في البلاد ؟؟؟؟ يعني في السكن مثلا نتي تقولي عندي 3 ولاد بصح هما كي يشوفو عندك غير 2 تما .
ربي يحفظهملك .

 

[رنيم الغربه]

يسقسي عليك الخير حنونة ربي يخليك

راني جيت ابن الناس عند ذكرو بيبان ههههه

حوحو يشكر روحو علابالكم البارح مدخلتش للنت طول رحت للبور حوست شويا انا وراجلي وبنتي كانت تحويسة هايلة

وقبل لبارح ثاني مدخلتش بصح شريت حوايج باه نهبطهم معايا للبلاد روبو كينوود

وشريت باتور وشريت روبو صغيور نرحي فيه البصلة والثوم ولحوايج الساهلين باه منجبدش لكبير

وشريت شيكولاتيريا بالطليانية يعني الة تذوبي فيها الشوكولا اليكتريك متضايش تديري فيها في الحمام البخاري تتمرمدي وشريت طوابع وشريت بزاق حوايج لاحبيتو صورلكم تشوفو ههههه

الحمد له كي راكم بخير توحشتكم بزاف​

بصحتك التحويسه حنونه و بصحتك المشتريات ههههه يالا صوري مانقولوش لالا اكييييد :p على الاقل ناخدو افكار
​

 

[lina-67]

سلام لبنات واش راكم
نرحب بالجديدات روميساء و ميما مرحبا بيكم معانا
جمانة ما بانتش وقيلة مازالت مودرة البارح حكيت معاها قاتلي اللمة ما حبتش تخرجلي بصح نورمالمو لقاتها ولا ما لقاتش الدار الجديدة
نروح لفطومة نقرعج شوية

 

[Mima Anoussi]

مرسي بزاف يالبنات
ام الحلوين ايه انا متغربة في فرنسا
هاد ليامات بالدات ضاق عليا الحال والله نبكي ليل ونهار توحشت البلاد بزاف وغير ولاتي اللي عمرولي حياتي
قولولي وانتوما واش دارت فيكم الغربة والفتو ولا
انا اللي زاد عليا اني ماعنديش حتى صحبة هنا
عندي اختي مي مانتلاقاوش ديما كل حد لاهي بحياتو وزيد ماشي قريبة ليا​

 

[SAMIRA25]

حالياً الأعضاء النشيطين الذين يشاهدون هذا الموضوع : 10 (6 عضو و 4 ضيف) ‏SAMIRA25, ‏djihad-17, ‏Mima Anoussi, ‏om siraje, ‏sirin2013, ‏كناري
السلام عليكم جميعا الحاضرين و الغائبين و حتى الضيوف مرحبا بيكم جوزوو
ام ندى بصحتك حنونة التحويسة و القضية تتهني بيهم ان شاء الله
ام الحلوين نهارك مبروك يا حلوة سالتي علينا كامل ما خليتي حتى وحدة
رنيم ربي يجيب الشفاء اختى صح كي يعود الجو ما هوش مستقر يمرض بعدي على الاولاد برك باه ما تعديهمش انا تاني اولادي كانو انفهم يسيح و يعطسو بصح دوك الحمد لله
​

 

[ام الحلوين]

يا لحباب و شكون نشيت الثباح كامل دكرتهم غير ام ســـــــــــــراج سامحيني حنونتي ان شاء الله راكي بخير
ميمــــــا علاه تبكي يا لحبيبة ياك رانا هنا و لي ثقيلة عليك خفيفة علينا و لبنات هنا ماشاء الله عليهم ماتقدريش تفرقي تقولي هدي مليحة و هدي لا كامل كيفكيف و دروك مع العشرة و تشوفي .و الغربة هدي هي فيها حوايج ملاح و حوايج ماشي ملاح و مع الوقت ديري وليدات و حبابات ينسوك في الغربة .
بنات ربي معاكم انا راني خارجة نجيب اسراء من المدرسة و نديهم للابيسين ادا كتب الله
العشية ان شاء الله نجي بصح ماتشربوش القهوة و تخليوني .

 

[lina-67]

راني نسنى ام الحلوين بصح اليوم عند من نشربوها
ميما وين مغتربة و شحال عندك حتى انا في فرنسا ستراسبورغ و هذي هي الغربة مع الوقت توالفي و سيي ديري صحابات تروحي عندهم و يجو عندك باش ما تتضايقيش

 

[SAMIRA25]

جهاد مرحبا بيكم عندي تتقهواو صامصة سخونة من المقلة كيما يحب الخاطر بصح جيبي معاك الشايات :p و لا نقولك خلي نسناو ام الحلوين جيبهم

 

[lina-67]

ممممممم يا سميرة يسخفو يعطيك الصحة
ايا ام الحلوين دوك ما تلقاوش الصامصة:mo:

 

[رنيم الغربه]

ممممممممممممممممممم سمييييرة شهيتيني ربي يبارك في هدوك اليدين لوكان غير تقوليلي كيفاش نديرهم بزاف يعجبوني سورتو الرمضان