بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
صباح الخير عليكم نهاركم زين
و صحة رمضانكم نصوموه بالصحة و الهناء ان شاء الله
ايمان ايه عندنا المكيفات و الا رانا سايحين في الارض
فطومة عمرة مقبولة للوالدة ان شاء الله تروح و ترجع بالسلامة
 
انا فطرت البارح صمنا نصف نهار ومن بعد عيطلي المخلوق قالي الغاشي نصو فاطر افطري راني رايح نفطر وفطرنا وانا كنت وجدت كل شيء الجاري وتفاتف البوراك ههه
المهم اليوم رانا صايمين كامل صح رمضانكم وفطوركم
مبروك على ماماك العمرة وان شاءا لله ربي يعينها وتكملها على خير
اليوم حنا صبحت مطر ما نقولكمش الحل مغيم يهبل ههههه
جهاد رحت البارح نشري الكمبيوتر لقيتهم فضو ونحاو الاوفرطا ما عنديش الزهر ما كتبليش هههه
 
صيام مقبول لبنات .فطوم حنا smna البارح العرب تاني samou فطوم وين جاي المرشي ل-shriti منو لا بوست في ألمانيا ولا في ستراسبورج
 
صباح النور و صح رمضان ربي يتقبل منا و منكم
املا غير انا و بيونة اللي صمنا البارح
سمورة البارح ما شفتش رسالتك حتى لعشية قلت درك خلاص النهار علاش نفطر كملتو و خلاص
ام امين ما عندكش الزهر زيدي حوسي بالاك تلقاي
 
saha ramdankom lebnat wrabi yet9abal nshallah

wzawji lhamdollah raho kher men 9bal mais maya9daresh yo9of bzf gher ra9ed wejih es6ar bzf fi lil rani nbat ga3da wlhamdollah

7na lyom saymin wash y3agabli hadi sbah psq ta3 l9ahwa ana tani hakma fiya rabi y9adarna nshallah​
 
ام سيراج ربي يشفيه زوجك اختي و ما تشوفو شر و جميع مرضى المسلمين
جهاد صح فطورك تاع البارح مالا :p
ام امين خيرها في غيرها
 
صباح الخيرات
رمضانكم كريم و كل عام و انتم بألف خير نتوما و الاهل و الاحباب
راني مع الفطور بسكو العشية لولاد عندهم لابيسين و ماعنديش الوقت
سلام
 
ام الحلوين يعطيك الصحة انا حبيت نطيب الصباح كي حسبتها لقيت اكتر من 6 سوايع و هو طايب لازم نخبيه في الثلاجة و نزيد نفرغ البرم امالا قلت خلي لعشية احسن و الا كيفاه ديرو انتم؟؟؟
 
سلام وعليكم و صحا رمضانكم و ربي يتقبل صيامكم وقيامكم
ام سراج ربي يكمل اشفا الراجلك عاجلا غير اجلا يارب
فطيمة مبروك العمرة للمماك نشاله تروه ودجي بسلامة وربي يتقبل
هنا ره الجو هايل 24 درجة ماش صخانة ومش البرد
طيبة شربتي و براك خدمتو و لمتلوع درتو خص نتيبو وراني حبا ندير لحم بالحلو والافطار حتى للعشرة و45 د ربي يصبرنا
ايا صحا فطووووووووووووووووووووووووووركم
 
صح رمضانكم

و صح فطوركم احنا الفطور على 10 سا
 
سلام لبنات وصحة صيامكم

شكرا كل لي دعيتو الماما والعقوبة لكل مومن نشالله

سميرة أنا طيبت الصباح على 10 حريرة وجلبان بالجاج وبوراك والبرقوق وحشية راني مريحة نقلي برك البوراك واللوز باه نعمر التمر قبل المغرب هاكا موالفة ندير ميخسروش

بيونة البوسات شريتها من FLOHMARKT خاص بملابس الاطفال هنا فالمدينة لي نسكن فيها ؛ انتي كتبي في جوجل متلا 2013......... KINDER FLOHMARKT in وإسم مدينتك يخرجلك كل مواعيد السنة
أم الحلوين راكي تصومي ؟
 
فطومة راكي ساجية طيبتي صباح بصح كيما قالت سميرة بزاف حتى للمغرب لازم ديريها في frigo انا حتى نصلي العصر و نبدا
يادرا ماماك لحقت مليح ربي يتقبل ان شاء الله قوليلها تدعيلنا كامل الحوامل:)
 
جهاد نفضل الصباح خير وكوزنة عندي مشي حامية والعشية سرسورة تهبلني و راجلي يجي بكري نبغي كي نطيب نكون وحدي ، الحريرة متلا نطيب تع يومين و كي يقرب المغرب نديرلها التدويرا تع الفرينة ، واللحام تع الجلبان تاني نحيه وقبل المغرب نحمره وانتي واش طيبتي ؟

أم أمين واش المونو تع إليوم

ماما الحمدلله وصلت بصح مازال مهدرت معاها
 
سلام
سميرة الطياب نحب الصباح و تاني العشية نكون عيانة مع نخرج 2 مرات في اليوم و نرجع و الماكلة ماتخسرش و الحريرة و و الطعام و الحلو درت تاع يومين و بعد الفطور نحطهم في الثلاجة حتى غدوة ان شاء الله قبل المغرب نخرجهم و نسخنهم
و حتى في غير رمضان نطيب الفطور و العشا الصباح يعني ندير 2 بلا و العشية نبقى قاعدة
فطومة راني صايمة و الصباح ماحسيت بوالو و دروك على 5 بدا وجهي يصفار ههههه بصح سير من العيا كرهت الخرجة البارح قلت لراجلي نحبس اسحاق من القراية بقالو 5 ايام قالي لالا خليه يزيد يتعلم قتلو رايح يجيب الباك هههه
دروك نصلي العصر و ندوش لولادي بسكو ديتهم لابيسين
 
انا تاع اليوم هو تاع البارح زدت برك الكسرة الصباح
انا المخلوق مهنيني ياكل غير الشربة والبوراك وانا زدت البارح الملوخية وناكلها غير انا وهدا هو تقريبا واش نطيب يومي الا ادا عندي ضياف نزيد بلا اخر وكاش حلوى اما وحدي غير هاد متهنيا ههههه
انا قبل ما لفة نطيب العشية بصح هاد المرة قلت نطيب على الصباح ما نعرف من الصباح للعشية واش يكون ممكن نولد ممكن نتعب مالا نوجد كل شيء من غير البوراك الي نقليه على المغرب نحبو سخون وعادي ما نحطش في الفريجيدار ما يصرالهم والو
 
فطومة انا كنت معولة على زيتون بلي بول و لحم حلو باسكو راجلي قالي نعرض صحابي و من بعد عيط قالي خلي حتى لغدوة ايا بدلت طيبت البوراك و لحم سوتي مع شومبنيون و باذنجال و الحريرة طيبت البارح و درت قلب اللوز البارح جا في قلبي مور الفطور قلت لراجلي راني نتوحم روح جيبلي قالي كون قلتي ساع دورك ماكانش اللي حال بت ننوم فيه الصباح صبحت عليه:d
صح فطوركم
 
بصحتك قلب اللوز اعطينا الوصفة تاعك الا ساهلة انا نحب ندير بزاف البسبوسات والهريسة وقلب اللوز في رمضان
 
صباح الخير عليكم
نهاركم زين
صحة فطوركم تاع البارح و بصحتكم واش طيبتو كامل
انا كي ام امين مهنيني ياكل شربة و بوراك وشوي سلاطة و حاجة اخرى نديرها زيادة برك
جهاد شكرا على الرابط تاع قلب اللوز
شفتو من قبل بصح نسيت عليه
ام الحلوين وليداتك ما زلهم يقراو كيفاه النظام تاعكم ​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top