بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ملااااك]

اهلين بيكـ جهاد

انا ملاكـ 22 سنة مقيمة ببي امارات

ام لبنت عمرها عام ونص اسمها عشتار و لد جاي فطريق راني فشهر الثاني مزال شوية

والله نمل بزااف من قعاد وحدي وماذا بيا تكونو خياتي وصدقاتي

واهلا وسهلا بيكم ومتشرفة بيكم وحدة وحدة مع اني منعرف حتى وحدة فيكم

وتعملو مزية لوكان تعرفوني برواحكم

اختكم ملاكــ
​

 

[روعة انثى]

مساء الخير الوردات كي راكم دايرين صحا رمضانكم تصوموا بالصحة و الهنا
​

ام الحلوين و مريومة و سميرة و رنيم و جهاد وجمان و فطومة و ام سراج و بيونة و ام ندى و تاني سرين و كاينة ملاك جديدة مرحبا بيها فالبيت نتمنالها اقامة طيبة
لبنات الكل توحشتكم كاملين كل وحدة باسمها خاصة ام الحلوين و رنيم و جهاد و فطومة و جمان و سمورة و مريومة اختنا الصغيرة و ام ندى واش اخباركم و احوالكم مع رمضان ؟؟؟؟؟؟؟؟؟؟؟
و الف الف مبروك على ام امين مبروك عليها مريومة تتربى في عزها و نتمنالها الشفاء العاجل و تعاود تجي و تزهي الحالة كيما العادة
العقوبة للحوامل اللي مازال ام الحلوين و فطومة و جهاد و ام سراج ربي يعطيكم وقفة ساهلة و يفرحكم بوليداتكم و العقوبة للي مازالو تاني يحملو و يفرحو يا رب

 

[ام الحلوين]

سلام
ام امين ولدت البارح ربي يشفيها و ترجع لينا بالسلامة هي و مريومة الصغيرة
واش راني نشووووووووووف روعة جات يا عمري و الله توحشتك واش راكي نتي و العائلة ؟ و الميقري جا و لا مازال ؟؟؟؟؟؟
ملاك مرحبا بيك حنونة و ربي يجازيك على العرضة و مبروك عليك الحمل و نظن راكي مع ام سراج كيفكيف ممكن تولدو في شهر
بصح مافهمتش اسم بنتك عشتار ؟؟
ام سراج اذا شفتي روحك عيتي بزاف افطري

 

[ام الحلوين]

ملاك ماتتقلقيش رانا هنا خيات و نتقاسمو الحلوة و المرة ، و كاين هاذ الموضوع اذا حبيتي تتعرفي علينا اكثر و تحبي تسقسي اي سؤال تفضلي هاذ السمانة راه دور بيونة غير البارح بدينا نسقسيو فيها
http://4algeria.com/forum/threads/368991-62/

 

[lina-67]

اهلا اهلا اهلا روعة واش راكي حبيبتي توحشناك صح رمضانك ايا احكيلنا واش راكي دايرة فيها
ملاك حنونة متشرفين و رانا كامل اخواتات هنا نعرفك بنفسي انا جهاد عمري 23سنة مغتربة في فرنسا و حامل في الشهر الرابع ربي يسهلك و لينا اجمعين

 

[ملااااك]

صحة فطوركم لبنات وربي يتقبل صيامكم

ام حلوين صراحة بنتي ماشي انا لي سمتها عشتار

هذي جارتي وصديقتي وامي امارتية جارتي بالعمارة يعني لباب للباب

قلتلها سميها راهي حفيدتكـ نحبها كيما ماما

ولكن يوم عرفت معناه معنى عشتار يعني قريب نغميت خليها على ربي وخلاص

مشكوـوـوـوة حياتي جهاد كلكـ ذوق ياذوق اهلين بيكـ حنونة رانا قريب نفس سن ربي يطيك سويعة انا وياك​

 

[روعة انثى]

صحا فطوركم لبنات واش اخباركم و احوالكم
ام الحلوين يا الغالية كي راكي و الزين كي راه و اسراء و اسحاق و البيبي اللي مازال ما شرفش سلمي كامل عليهم
يا عمري انا تاني توحشتك بزاف راني مرة على مرة نضرب طلة عليكم من التاقة هههههه ما نسيتكمش
انا راني مليحة الحمد لله نعمة و العائلة الكل راهم بخير ربي يخليك بصح مع الخدمة فالبلاد كاين شوية تعب و الوقت مكانش خلاص و زيد السخانة جات و جابت اولادها ههههههه
الميقري حكا معايا و الحمد لله فراولو اوراق الطلاق نتاعو كانو حاصلين :yahoo01: قالي بقا غير يدير الكونجي نتاعو باش يجي ان شاء الله ما يطولوش و يعطوه الكونجي زيدو ادعولي في هدا رمضان باش ربي يسهل لي الباقي راني حاسة روحي راني نجاهد و الله
جهاد يا اختي الصغيرة كي راكي مع زوجك و مع الحمل والفتي شوية الغربة و رمضان فالغربة و يماك و العايلة كي راهم
سيرين يا الغلية كي راكي صحا فطورك راني نشوف فيك التاقة انتي مغتربة في المانيا ؟؟؟؟؟ اذا ما غلطتش

 

[SAMIRA25]

روعة الحمد لله على السلامة اختي و ربي يسهلك امورك و يهنيك و يسعدك

 

[روعة انثى]

روعة الحمد لله على السلامة اختي و ربي يسهلك امورك و يهنيك و يسعدك

سمورة الله يسلمك و انتي كي راكي مع السخانة تاع الامارات و رمضان و بنتك كي راهي ؟
صحيتي سمورة على الدعوة يا الحنينة انتي قاع ما تتبدليش ما زلتي حنينة ربي يهنيك و يفرحك و يعطيك ما تتمناي

 

[SAMIRA25]

مرحبا بيك ملاك راه البيت ما شاء الله تعمر حوامل ربي يكمللكم حملكم على خير و يجيبلكم وقفة ساهلة
راكي في الشهر التاني؟؟؟؟

 

[ملااااك]

ايه راني في الثاني معنديش سمانة ملى دخلت فيه .سمورة مرقتيش راح لحال راهي 1.24 ههههه روحي ترقدي :d​

 

[SAMIRA25]

يعطيك الصحة روعة على الكلام العسل يا عسل
رانا الحمد لله السخانة شوي و الحمد لله
و بنتي تاني الحمد لله كانت شوي من سنسها بصح دوك راهي دير في القباحة بسلمتها
ربي يفرحك روعة و تفرحينا بفرحتك ان شاء الله

 

[روعة انثى]

ملاك مرحبا اختي و ربي يسهل حملك و يعطيك وقفة ساهلة و صحا فطورك

 

[روعة انثى]

الله يسلمك سمورة الغالية نفرح كي تجاوبيني ماعلاباليش علاش :d نحس روحي صغنونة هههههه
صحا سحورك حنونة

 

[SAMIRA25]

ايه راني في الثاني معنديش سمانة ملى دخلت فيه .سمورة مرقتيش راح لحال راهي 1.24 ههههه روحي ترقدي :d​

و الله شربت قهوة راني عيانة بصح ما جانيش الرقاد ما حسيتش خلاص للوقت
راني بلاك مكملتها حتى للفجر مناه كون نرقد دوك ما نقدرش نوض
و انت واش مسهرك؟؟؟؟:p
وعرفتي ديجا جنس الجنين؟؟؟
ربي يكملك حملك ان شاء الله

 

[ملااااك]

ههههه ايا بصحة قهوة ومعيتليش نجي نشربها معاك صحة فيك :d


اانا راني نسنا فالاذان لبارح صمنا بلا سحور اسكتي بركـ قريب ماتلي بالعطش


قلت والله مانرقد كي نتسحرو نصلى ونرقد ومرات نسهر وخلاص يكون خدام

نلقى روحي وحدي ندخل نقرقب هنا وقتاش ناوية تروحي للبلاد ؟؟؟​

​

 

[SAMIRA25]

الله يسلمك راكي بعيدة شوي عليا سينو راني تقهوينا كيف كيف
مليح انا تاني معولة للسحور
و الله ما ني عارف المرواح ما زال ما هوش محدد اكي تعرفي العطل لي فيه الخير يجيبو ربي
و ما نيش متعودة نروح كل عام عندي عامين من لي هبطت برك و انت مروحة ان شاء الله؟؟

 

[ملااااك]

ايه اكيد نهبط في 1 اوت ان شاء الله ندير العيد مع دارنا والله توحشت ماما بزااف


انا كل عام نهبط هكا تفهمت معاه من اللول يختي هو قبل يدبر راسو ههههه


واش من جيهة راكي انتي ؟؟؟​

 

[SAMIRA25]

ايه اكيد نهبط في 1 اوت ان شاء الله ندير العيد مع دارنا والله توحشت ماما بزااف​

انا كل عام نهبط هكا تفهمت معاه من اللول يختي هو قبل يدبر راسو ههههه​

واش من جيهة راكي انتي ؟؟؟​

يعطيك الصحة انت فحلة شرطتي المرواح
انا هو شرط عليا ما كانش مرواح كل عام هههه
طريق السلامة اختي و تروحي و ترجعي بالسلامة مالا راكي توجدي في روحك ؟؟؟

 

[روعة انثى]

صحا سحوركم لبنات ربي يهنيكم يا رب و سلامي ليكم كامل