بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
صباح النور
واش والفتو الصيام و لا راكم دايخين ههههه
جهاد بصحتك حنونة قلب اللوز و دروك سير راكي مع فطور الضياف ربي يجازيك و صدقة مقبولة
ام امين انا تاني الزين ياكل غير الحريرة و السلاطة و البوراك مرات بصح لازم نزيد طبق اخر لان ولد خوه يجي يفطر و ياكل الحمد لله
سميرة ولادي مازالو يقراو اسحاق غدوة عندو نزهة لازم نروح معاه و نبقى ساعتين واقفة برا و الثلاثاء القادم اخر يوم بسكو هو حضانة ،و اسراء حتى الجمعة اي في 19 جويلية باش تدي العطلة هي راهي في التحضيري .

بيونة راني سقسيتك في تحت المجهر روحي تجاوبي

بنات مالاحظتوش غياب الاخت ام ندى و رنيم عندهم مدة مابانوش
و روعة و مريومة قالو بلي مايوليوش يدخلو بزاف
ايمان تاني وين راكي ؟؟
سلامي للبقية .
 
رمضان مبااااااااارك ان شاء الله يدخل على الجميع بالصحه و الهنا يا رب
حبيبتي ام الحلوين ميرسي اللي تفكرتيني هههههههه انا كنت شويه مشغوووله نفتح غير الفيس بوك اااااسفه و انتوما كيفاش راكم توحشتكم بزاف كيفاش جاز عليكم النهار الاول ديال رمضان ان شاء الله بخير ​
 
سلام صح فطوركم لي فطرتو حنا راهي 16:47 و نفطرو على 21:18
مرحبا بيك ملاك و الله ماشفيت ادا نتي جديدة و لا كنتي هنا من قبل سامحيني عقلي غير على قدي ههههه
رنيم الحمد لله كي رجعتي معانا و كل عام و نتي بالف خير واش راهم علاء و وائل ؟؟
ام امين و جهاد و فطومة و ام سراج كيفاش مع الصيام انا ماحسيتش بالجوع و لا العطش بصح عييت من الخرجة بزاف
لي عندهم وليدات ربي يحفظهملكم كيفاش مع الفطور مايهبلوكمش ؟؟؟؟؟
 
بنات لي تفطر جيب كاس قازوز بـــــــــارد و لا قهوة و تدخل تحت المجهر و تسقسي رانا استضفنا بيونة الزينة و هي غير تكمل فطورها تاني جي تجاوب براحتها
 
اهلين بيك ام الحلوين لا لا عسولة انا جديدة هنا معندش شهر ملي سجلت

حنا يأذن على 7:14

انا عندي بنوتة عمرها عام ونص وقت لي نكون فالكوزينة يكون باباها شادها ولا مكانش هنا نرقدها نتاع بسيف

متهبلنيش بزااف نسكتها بطيور الجنة ولا بالعاب نتوعها

وسهرة عليا اليوم تشرفت بالقعدة معاكم خيااتي راني غير وحدي ندور

كرهت

attachment.php


نتمنى تقبلوني معاكم :d​
 
سلام لبنات
هنا تقريب و حد 3 سوايع باش يادن هههههمش يادن يدخل وقت المغرب
ملاك مرحبا بيك معانا شرفتينا رانا هنا كخياتك ومغتربات كما نتي يعني نفس المعانات وكينا سميرة في الامارات
سميرة لباس مغلبنيش وانا صايمة بصح غير فطرة حكمتني راسي نشاء الله ليوم والو
لبنات كامل صحا فطروركم
ملاك نسية مقتلكش يعطك الصحة على لعردة يبانو يشهو راني رقد وليدي ونجي
 
سرين وليدكـ مازال غير مارقدش


خرج ولم يعد هههه


وينكم بنات رجت ندور وحدي :(


images


​
 
صباح الخير عليكم جميعا جمعة مباركة عليكم
مرحبا بيك اختي ملاك معانا اقامة طيبة بيناتنا ان شاء الله
و يعطيك الصحة على الضيافة​
 
صباح لخير عليكم

رنيم الحمدلله لراكي بخير

ملاك مرحبا بيك معانا وإقامة طيبة

أنا سرسورة وقت الفطور راها تهبلني تغير كي تشوفنا نفترو وهي لا ، البارح مسكتتش حتى عطيتها نص تمرة مصثها والخنز مشمخ بالحريرة ههههه وف سهرة كملتها بالشامية زعمة كيفها كيفنا ههههههه مزية مافاقتش بينا بلي رانا نتسحرو هههههه
 
صباح النور عليكم لبنات واش راكم
يادرا لبنات راكم قادرين على رمضان انا والفتو خلاص
ملاك مرحبا بيك معانا و دخلتي علينا بالحلو ربي يحلي ايامك
مبروك على ام امين لعقوبة لينا ام الحلوين و انا و فطومة و ام سراج ربي يسهلنا ان شاء الله
 
صباح الخير عليكم وجمعة مباركة
جهاد علاه ام امين ولدة ؟
 
sbah lkher wsaha ramdankom wsaha syamkom wsaha f6orkom nshallah tkono bkher ya rabi ana mazal mawaleftesh esyam hhhhhhhh gher ta3 keresh hhh:dbesah wallah gher rani nefchel bzf yemken men lhamel wsiraje rah dayer rayo zayd gher le9baha bes;lamto
om amin nshallah tkon bkher yadra weldet wela lala rabi ykon m3aha ya rabi wesahalelha nshallah​
 
صباااح الخيييير
مبرووووك على ام امين جهاد واش جابت و الاسم من فضلك ههههههههههه تحقيق معقوبه للي مازالوووووا

ام الحلوين حبيبتي الله يسلمك

انا ولادي كي نكمل الطياب نعشيهم و يرقدوا نبقى وحدي قبل المغرب بساعه و نص هكداك حتى يجي راجلي من الخدمه
​
 


tumblr_lqd4mlamav1qh78lgo1_400.jpg






صبااح النور وجمعة مباركة عليكم بنات


اللف مبروكـ لام امين لعقوبة ليا ان شاء الله انا راني قريب تاني :-r


ولعقوبة ليكم لبنات ربي يهنينها ويقومها بسلامة يارب


مرسي لعزيزة على الخبر شباب كما انتي


images


​
 
رنيم واش راكي هاذي غيبة كاش غوسات كاش اطباق
لبنات اللي عندها غوسات جديدة تقولهالنا;)
رنيم ام امين جابت مريومة اذا ما بدلتش الاسم لعقوبة ليك:p
ملاك عرفينا بنفسك حنونة و شحال راكي من شهر ربي يسهلك و يعطيك وقفة سهلة
 
الحالة
مغلق ولا يسمح بالمزيد من الردود.

المواضيع المشابهة

N
الموسوعه الشامله للأحاديث الضعيفه والادعيه والقصص الباطله والموضوعه ...
المشاركات
1
المشاهدات
4K
سفيان اسلام
سفيان اسلام
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top