بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

صباح الخير
ان شاء الله الجميع بخير
ام امين واش راهي ميمي ؟؟؟ و لولاد كاش غيرة ؟؟؟
فطومة راكي رايحة هاذ السمانة ؟؟؟؟؟؟ و صبغتي شعرك و لا لا ؟؟؟
سيرين راكي تحت واش راكي نتي و فؤادووو؟؟؟؟

 

[روعة انثى]

بنات كيراكم أنا يامس وإليوم راه غالبني ملي جاء رمضان مخرجتش حتى يامس وعييت وحكمتني الدوخة

روعة أهلا بعودتك ، قوللي روعة نضن قلتي مرة بلي جبتي عمرة في رمضان قوليلي جبتيها ف صيف والصيام صعيب تم ؟ مكنتيش تعطشي مع حرارة مكة ، ماما رها تم وبالي راه مشغول عليها

صحة فطوركم

سلام لبنات كي راكم
فطومة راه غالبك رمضان مع الحمل ربي يعطيك القوة حنونة غير بالشوية على روحك
نعم رحت للعمرة العام اللي فات و قعدت 32 يوم تماك في رمضان و زدت يامات بعد رمضان و الحمد لله
اول مرة نزلت من الطيارة في السعودية على التاسعة تاع الصباح و حكمتني السخانة نتاع السعودية انخلعت :-o تقولي شاليمو راه في وجهي قلت في بالي انا ما نجيب عمرة ما والو انا نبقى غير فالاوتيل راقدة عند الكليماتيزور و خلاص محال نخرج في هادي السخانة
لكن ربي برحمتو وصلت لمكة و كنت كل وقت نروح نصلي نطلع ونهبط للفندق و عادي
فطومة ما تتقلقيش على ماماك غير توصل مكة و تشرب ماء زمزم و تشوف الكعبة المشرفة تنسى كامل التعب و هاديك الفرحة تعطيها الطاقة و تؤدي المناسك نتاعها
يماك راهي ضيفة الرحمان راهي ضيفة ربي سبحانه راهي في رعايته انتي كي يجي عندك ضيف شوفي شحال تقومي بيه ربي سبحانه تاني يهون على ضيافه المناسك و يعطيهم القوة و الصحة رحمة منه سبحانه و يستجيب دعاءهم
ما هي رايحة تنغبن لا في ماكلة و لا حتى شي انا كنت عايشة فالتمر و ماء زمزم ما بغيتش ناكل الماكلة مرات برك يحتمو عليا الجماعة اللي معايا قلتلهم اللحم الدجاج العصائر و كل شي كي نرجع للبلاد نلقاه لكن ماء زمزم ما نلقاهش :d
بالنسبة ليا فطومة انا ما كنتش نعطش و لا نجوع و تاني الجماعة اللي كانو معايا كامل كبار فالسن بالصح صامو لباس و تاني الاوتيل ما كانش بعيد على الحرم سواء مكة و لا المدينة
فطومة ربي يطمنك على يماك و ربي يهون على يماك غربتها و يعطيها القوة و الصحة و يفرحها بعمرتها و يتقبل زيارتها اللهم امين

 

[sirin2013]

سلام لبنات
راه اليوم ليلة 15 رمضان كفاش راه يفوة الحوامل ولغلبو رمضان اصبرو هذك اجر
ام امين الحمد الله لركي بخير وريحتي اما على الموضوع درك منضنش نفدكم راني غير في دار ملي بدا رمضان انشاء الله ولا خرجة راني نقلكم
ام الحلوين يسالك عليك الخير حنونا رانا لباس حمد الله غير في دار سخانة هذ ليامات لواحد يخرج يعطش ويتغلب
ربي يتقبل صيام وقيام الجميع وصحا فطوركم

 

[مريومةمم]

سلالالالام للجميع
نتمنى تكونو بخير كااامل

 

[أم أمين23]

الحمد الله ام الحلوين لضرك الدعوة ماشية لخاطر راهي اغلب الوقت راقدة مازالو ما فاقولهاش مليح يجو برك يطلو عليها ويحبو يمسوها ويبوسوها وانا راني نعس ونعيط
امين قالي ماما انا ثاني حاب نشرب الحليب كيفها ومعاذ كيف كيف قالي ديريلي كيما اديرلها ورقديني بحداك زعما برك قالي ماشي صح

 

[روعة انثى]

ام امين على السلامة حنونة نورتينا و نورتي البيت
مينونة الصغيرة كي راهي دايرة راهي ترقد فالليل ؟؟؟
باينة عليها عاقلة خاطر خلاتك تشرفينا

مريوووووووووووووووومة كي راكي يا خيتي راكي مليحة
باينة راكي مع الطيابات ما خليتي والو :d
و الخدمة ديتي كونجي و لا مازال

لبنات الكل يا الوردات صحا فطوركم

 

[أم أمين23]

ايه يا روعة للضرك الحمد الله راهي مديتها برك رقاد
وينكم البنات راكم غالبكم رمضان تاع الصح ماشي تمسخير

 

[أم أمين23]

البنات جبتلكم واحد الصفحة فيها نشرات تاع اعلانات تاع الحوانت هنا بعض المحلات هنا تشوفو الاسعار كيفكم ارخص والا اغلى:
Sfoglia i volantini e scopri le offerte a Roma

 

[مريومةمم]

ام امين على السلامة حنونة نورتينا و نورتي البيت
مينونة الصغيرة كي راهي دايرة راهي ترقد فالليل ؟؟؟
باينة عليها عاقلة خاطر خلاتك تشرفينا

مريوووووووووووووووومة كي راكي يا خيتي راكي مليحة
باينة راكي مع الطيابات ما خليتي والو :d
و الخدمة ديتي كونجي و لا مازال

لبنات الكل يا الوردات صحا فطوركم

وش راكي اختي روعة والله هدي غيبة كبيرة عييت مانحوس عليك
امهم ربي يهنيك نتمنى كوني بخير
انا الحمد لله كما قلتي والله غير الخدمة والطياب مازال ماديتش كونجي
وانت وش عاملة؟
وبقية لبنااااات نتمنى تكونو ب1000خيررررررررر

 

[fatouma2012]

إسلام عليكم نشالله كامل بخير

روعة ربي يحفضك على الإجابات المفصلة والله غير كنت خايفة عليها بصح الحمد لله جات بخير بصح خالي مسكين مرض ربي يشفيه ، وكيما قلتي قاتلي كنت ناكل غير التمر وماء زمزم ، الحمدلله والعقوبة لينا نشالله وشكرا

أم الحلوين نركب الاتنين نشالله وشعري درتله ليماش bland وكترت كلي صباغة ومقستة زعما نيو لوك

أم أمين ليكوش احنا نرموهم وحدهم في بورسة نشروها من عند البواب ب-1 اورو بصح مين كنت ف طليان ماشفتش عندهم نضام الفرز كي hnaa شفتهم يخلطوا مع البلاستيك

لبنات نسلم عليكم بالوحدة يمكن ميكفينيش الوقت باه نطل عليكم تبقاو على خير ونحاول نتواصل ملبلاد إدا كتب ربي

ذالاو في رواحكم

 

[lina-67]

فطومة الحمد لله على سلامة ماماك مبروك عليها و طريق السلامة ليك توصلي بخير ان شاء الله و سلميلي على البلاد و على ماماك و لافامي كامل بوسيلي سرسورة بزاف

 

[أم أمين23]

الحمد الله على سلامة الوالدة فطوم وطريق السلامة وسلميلنا على كامل ناس البلاد ههههه
هنا يفرزو بصح كيما قلتي البلاستيك والكارط وتاع الماكلة اما الكوش ما على باليش مرسي حنونة

 

[sirin2013]

سلام لبنات
فطومة على سلامة ماماك ربي يتقبل ولعقوبا لنا ولكل لراه متمني يروح يارب
وطريق سلامة لكل لراه حابط وسلمو على لامي وعلى لبلا هههه

 

[روعة انثى]

سلام لبنات كي راكم
فطومة الحمدلله على سلامة الوالدة ربي يحفظها و يتقبل منها الزيارة
العقوبة ليك ان شاء الله
و طريق السلامة حنونة سلمي على سرسورة قوليلها بوسة طاطا روعة
ان شاء الله توصلي بخير و على خير ربي يحفظك و يهنيك و يعطيك ما تتمناي
و يرزقك من حيث تحتسبين و من لا تحتسبين
​

 

[روعة انثى]

وش راكي اختي روعة والله هدي غيبة كبيرة عييت مانحوس عليك
امهم ربي يهنيك نتمنى كوني بخير
انا الحمد لله كما قلتي والله غير الخدمة والطياب مازال ماديتش كونجي
وانت وش عاملة؟
وبقية لبنااااات نتمنى تكونو ب1000خيررررررررر

الله يسلمك مريومة الحمدلله كي راكي بخير يا الغالية
صح مانيش ندخل بزاف خاطر على بالك البلاد الخدمة و الدار و الوقت مكانش
الصباح نخدم من التاسعة حتى للزوج و لا الزوج و نص نروح للدار نريح شوية مرات نرقد
العصر نوض نصلي و ندخل للكوزينة ههههههه ما تحسبيش نطيب ندخل ندير سلاطة بوراك مرات ندير قلب اللوز قبل الفطور و نطيبو بعد الفطور خاطر بابا يحبو و انا يخرجلي مليح
و تاني نحط الطابلة و من بعد نقولهم عييت صايي ههههههه
من بعد نفطر و مرات نوض نغسل مواعن مرات نقلهم كليت بزاف كون انوض كرشي تقعد هههههه يكملو هوما يرفدو و يغسلو المواعن
الكونجي نديه في 04 اوت يعني بقاتلي سمانة اذا كتب ربي
مخلوقي ما حبش يقولي وقتاش يدي الكونجي و يجي زعمة باغي يديرهالي مفاجأة ههههههه بصح انا عربية ما نيش تاع مفاجأت قلبي راه قريب يحبس و انا نستنا هادو ليزيمقري عندهم عقلية تاع les surprises و الورد :d و انا راني هاك ههههههه
غاضتني مرت بابا مسكينة كانت رايحة للعمرة مع خوها و باباها في 15 يوم الثانية تاع رمضان بصح خرجتلهمش الفيزا قدر الله و ما شاء فعل

 

[روعة انثى]

نسيت نقلكم جمعة مباركة لبنات كثرو من الصلاة و السلام على حبيبنا محمد صلي و سلم على نبينا محمد
ان الله جعل ملائكة سياحين في الارض يبلغونه السلام منا فيرد علينا السلام صلى الله عليه وسلم
​

 

[مريومةمم]

الله يسلمك مريومة الحمدلله كي راكي بخير يا الغالية
صح مانيش ندخل بزاف خاطر على بالك البلاد الخدمة و الدار و الوقت مكانش
الصباح نخدم من التاسعة حتى للزوج و لا الزوج و نص نروح للدار نريح شوية مرات نرقد
العصر نوض نصلي و ندخل للكوزينة ههههههه ما تحسبيش نطيب ندخل ندير سلاطة بوراك مرات ندير قلب اللوز قبل الفطور و نطيبو بعد الفطور خاطر بابا يحبو و انا يخرجلي مليح
و تاني نحط الطابلة و من بعد نقولهم عييت صايي ههههههه
من بعد نفطر و مرات نوض نغسل مواعن مرات نقلهم كليت بزاف كون انوض كرشي تقعد هههههه يكملو هوما يرفدو و يغسلو المواعن
الكونجي نديه في 04 اوت يعني بقاتلي سمانة اذا كتب ربي
مخلوقي ما حبش يقولي وقتاش يدي الكونجي و يجي زعمة باغي يديرهالي مفاجأة ههههههه بصح انا عربية ما نيش تاع مفاجأت قلبي راه قريب يحبس و انا نستنا هادو ليزيمقري عندهم عقلية تاع les surprises و الورد :d و انا راني هاك ههههههه
غاضتني مرت بابا مسكينة كانت رايحة للعمرة مع خوها و باباها في 15 يوم الثانية تاع رمضان بصح خرجتلهمش الفيزا قدر الله و ما شاء فعل

الحمد لله كي راك لباس
رمضان هكدا قد ماهو حلو تعب ونفس لي صرالك صرالي
خدمة برا ولداخل اله غالب
وراجلك الله يوصلو بخير ويسهللكم
وكتا العرس هيا ازربي

 

[روعة انثى]

الحمد لله كي راك لباس
رمضان هكدا قد ماهو حلو تعب ونفس لي صرالك صرالي
خدمة برا ولداخل اله غالب
وراجلك الله يوصلو بخير ويسهللكم
وكتا العرس هيا ازربي

الله يسلمك يا مريومة الغالية
الحمد لله على كل حال
مخلوقي لازم تكثريلو من الدعاء في هذا رمضان و العشر الاواخر على الابواب باش ربي يطلق سراحو من الغربة و يجي
يا رب يوصل بخير و يسهل لنا الباقي من فمك لربي مريومة الغالية

 

[ام الحلوين]

صباح النور و السرور
ان شاء الله الجميع بخير نتوما و الاهل و الاحباب و الازواج و لوليدات و البيبيات لي زادو و لي راهم في بطون امهاتهم ههههههه

انا راني يميع التوجاد كل يوم نخرج ندور 4 سوايع نشري 2 حوايج و نجي كرهت سيرتو انا مالقيتش لبسة الحجاب ،راني نحوس غير فاش نقطع للبلاد و ربي يرحمها عيطت ليما قلتلها وجديلي 2 جبب تاع دار و حجاب و غير نهبط ان شاء الله نجهز كيما العرايس من حجاب لي جبب لي خمارات ووووو
فطومة الف مبروك للوالدة و الحمد لله على سلامتها و العقوبة لامي و لكل متمني
و طريق السلامة و سلمي على الاهل و سيرتو الوالدة .
روعة ربي يفرج و يسهل امورك ان شاء الله
مريومة ربي يرزقك الزوج الصالح يا رب
البقية سلااااااااااااااااااامي ليكم

 

[مريومةمم]

الله يسلمك يا مريومة الغالية
الحمد لله على كل حال
مخلوقي لازم تكثريلو من الدعاء في هذا رمضان و العشر الاواخر على الابواب باش ربي يطلق سراحو من الغربة و يجي
يا رب يوصل بخير و يسهل لنا الباقي من فمك لربي مريومة الغالية

ياااااااااااارب يجي بخير ونشوفوك عروسة هاد العام
والله ندعيلك باه تتهناي
دعيلي معاك