بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

السلام عليكم ورحمة الله تعالى وبركاته

صباح الخير عليكن ان شاء الله راكم لاباس

اليوم ايضا لاتنسو قراءة سورة الكهف

 
رد: بيت المغتربين 2

صباح الخير حبيباتي وخواتاتي
جمعة مباركة للجميع متنساوش سورة الكهف اليوم وتاني باش تدعو للمنتخب الوطني غدوا يلعب :d روح وطنية ههههههههه
ام سراج يسال عليك الخير حنونة راني لباس حمد الله راني مع ارحلة حلتي بلحالة
لبنات ربي يعطيكم ماتتمنو كل وحدا بإسمها لركو تسكسو على حوالي وعيدكم مبروك وبالبراكة لشراو بعد الكبش حنا كنا معولين نشرو هاذ العام و مكتبش ربي مع ارحلا و لمساريف قتلو معليش اشري لحم ولعام الجاي نشاء الله نشرو
 
رد: بيت المغتربين 2

سلام بنات
ياسمين ربي يعيشك حبيبتي
ام سراج ان شاء الله يكون رتاح سراج من البرد
مينة كاش خرجة اليوم ؟شفتي الحال كيفاش داير تقولي الشتا تاع الصح
سيرين ربي يعاونك في التخمال و بلاكي غير ديري فؤاد في كاش كرتونة هههه
سميرة صنعتي القاطو ؟؟
ام امين راهي غايبة ان شاء الله خير
ميما و لاميشكو و فطومة و مريومة و ملاك ووووو ،وين رحتو و خليتونا ؟؟؟؟و لا ماكاش البلاصة ؟؟؟؟
 
رد: بيت المغتربين 2

نسيت ماقلتلكمش اليوم راني نصنع في التشاراك زعما ههه الصباح كان خاصني السكر و الزبدة خرجت شريتهم و كي جيت لقيت ماعنديش الكوكاو عاودت خرجت شريتو وجبتو نحمص فيه حرقتو شوية قلت معليش من بعد كي خلطت العجينة لقيت بلي ماعنديش الفرينة قلت و الله مانخرج نشري لميتها بالمايزينة درك راني نطيب فيه منيش عارفة كيفاش يخرج و نزيدكم حاجة معنديش المزهر فاش نغطسو هههههه
و درك نتوما شفتو مرا شاطرة كيما انا ؟؟؟؟؟؟مزية و ماعنديش العجوز كون راهي شبعتني معاير اليوم هههه
 
رد: بيت المغتربين 2

هههه تصرا ام الحلوين انا تاني نجي ندير حاجة نشري حاجة وننسى حتى نكره
متخميش هدا هو التشاراك المخير ياخي يقولو خلطها تصفى هههه
 
رد: بيت المغتربين 2

السلام البنات كيرا انا درا الطعام اليوم قطرنا و غسلت لماعن و دوشت و صليت و قريت سورة الكهف و جيت نفقد خواتاتي
سيرين ما تخميش دوك كي ندبحو نزيفطلك نص الكبش تاعنا بصح الدوارة. تاني انا نغسل النص و نتي النص و باش ما نغبتكش انل نغسل المصارين و نتي غسلي اللي بقا ههههه(عاذ مين ما غبنتكش ههه)
ام الحلوين راكي رايحة تخترعي قاطو جديد المهم كي تكملي مديينا روسات نيشان
 
رد: بيت المغتربين 2

شكرا اختي ياسمين لا مغبنتينيش كنتي انص وانا نص معليش
لبنات قلولي ايامات العيد يفوتو نرمال انا اصعب ايمات الغربة عندي هي ايامات العيد نحس بضيقة الخاطر غير ربي ليعلم بحالي وسيختو ككون راجلي خدام هذاك نهار نزيد كثر
راني وحدي رحتو ترقدو بكري ليوم ايا تصبحو بالف خير نشاء الله
 
رد: بيت المغتربين 2

السلام خواتاتي راني عاد ما رقدش باركولي اول مرة فالتاريخ خرجت انا و راجلي وحدنا هنا في الجزاير في فرنسا واه بصح هنا هاذي اول مرة علاخاطر كلما نجي خارجة لوستي و ولادها و راجلها نصيبهم قبلي فالوطو حتى انا ما يبقاليش لبلاص نركب الرول مع ولادها و هي و اليوم غتنمت الفرصة هي راحت لدار عجوزتها و انا و راجلي خرجنا تعشينا برة هذا وين جينا
ما قلتلكمش اليوم الكبش تاعي صبتو ماشي يسويسدي علاخاطر راني دايرينو فالسطح و محوطين عليه و خرج كان ماشي ينقز حتى رباطنالو رجليه بصح بيني و بينكم هاذ الكبش كبر في عيني عندو روح الوطنية غير سمع بلي راني حابة نبعث نصو لسيرين فضل يموت في بلادو و ما يروحش لبلد وحدخرى هههههههه
واش راكي لاميشكو و سيرين و ملاك ما راهاش تبان و ام الحلوين باينة راها تعيا و ترقد بكري ربي يكون معاها
 
رد: بيت المغتربين 2

هههههههه ياك شفتي ياسمين عسي عليه ووكليه مليح انا راني طمعا فيه ونتي تقوليلي راح يرمي روحو
وبصحتك الخرجة ولعشا نتي وراجلك نشاء الله تقعد عند عجوزتها والله غير وحلة هاد اللوسة لوكان مجاتش مزوجا انقولو الله يهدي
 
الحالة
مغلق ولا يسمح بالمزيد من الردود.

المواضيع المشابهة

N
الموسوعه الشامله للأحاديث الضعيفه والادعيه والقصص الباطله والموضوعه ...
المشاركات
1
المشاهدات
4K
سفيان اسلام
سفيان اسلام
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top