بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

الله يخليك ختي ياسمين
ام الحلوين راكي تبعدي فالعين ياسيدي نقولو الله يبارك غير ورينا
ميني تارت ممممم انا معنديش المول ديالهم عندي تاع السليلات برك
غامقين
راكي حابة ديري كاش حاجة بصوص تومات
انا نعطيك وصفة ولا في الاحلام
افتحي الخبز بالموس مايكون ماضي مايكون حافي
اجبدي طوماطيشة وقطعيها دوايرات مارقاق ماخشان
حطي عليهم فرماج ومالاحسن كومومبير تاع لول عام لي فات
رشة زيت زيتون وملح وشهية طيبة ههههه
علابالي بلي صعيبة جربي قالك لي يحب اللو يسهرلو :d

واش راكم جماعة الخير ؟
 
رد: بيت المغتربين 2

ام الحلوين حطي العلبة في كوكوطة منصفة بالما
وخليها واحد 40 دقيقة طفيها متفتحيهاش تم تم تبرد ممبعد افتحيها
وشهية طيبة :p
 
رد: بيت المغتربين 2

مينة هاذ الويكاند ان شاء الله نشري صوارة و نصورلكم واش صنعت
و ميني تارت مادرتهمش في لي مول تاعهم درتهم في هذوك الغامقين باش نكمل بلخف
اوكي حنونة غدوة ان شاء الله نطيب الحليب بسكو درك راهم جاييني تاع لاجونس باش يشوفو الكاربت رايحين يبدلوها .
 
رد: بيت المغتربين 2

الله يسلمك الحلوين
و كيما قالت مينا زعمة كي شفتينا نقوبو ام الخلوين شاطرة راكي تبعدي العين على روحك ما تخميش هاذ المرة كي نجي نجيبلك معايا خامسة كبييييييرة و علقيها فالميكرو ههههه
و على الحليب كيما قاتلك مينا من 40 دقيقة حتى لساعة باش يجيك كاراميل انا ما زال ما درت ختى حاجة راني نسناكم حتى تكملو و تبعتولي باطة باطة و ما نديرش
نقولكم الصح انا حلفت باش مل نزيدش ندير علاخطر فاميلية راجلي ما يعرفوش يديرو و انا نحصب و كي ندير يتفشو انا نحب هاذ الصوالح و فالعيد الصغير مين درت عجبوهم درت 6 انواع غير وحدي نؤايطاتي ما يديرو حتى حاجة و حد النهلر كي فات العيد عجوزتي غفلتنا و رمات كل شي دارته ف لابوبال قاتلك الحلاوة ماشي مليحة و ما خصنيش نمرض قالتلها بنتها نتي ما تةليش كاين اللي ياكل قالتلها لا ما حدو قدامي و انا ناكل يخي هبال نلعب و اللا نحرم
 
رد: بيت المغتربين 2

ام الحلوين راني غير نتمهبل على الوصفة تاع الطوماطيش بصح انا صح موالفة نديرها نحب الطوماطيش بالفرماج
وزيت الزيتون
ياسمين عجوزتك ماشي نورمال ترمي نعمة ربي الله يهديها ويهدينا
 
رد: بيت المغتربين 2

لميشكو ما قلتيليش بلي تحبي تلمسان راني قريت بلي تتمناي تزوري تلمسان امالا نقولك ديريها شيش عليك و رواحي تحوسي عند ختك ياسمين و راني معاك صح يلا حبيتي تزؤري تلمسان ما اقوليش ما عنديش وين نروح راني هنا ختي نديرك فوق راسي و ندور و الدعوة موجهة للجميييييع
 
رد: بيت المغتربين 2

rabi inaourak yassmine ana nssit ga3 bali raki tlamsania 3labiha rani nhabak bazaf bla manchoufak sah ana nhab bazaf tlamcen ou rani haba nji bidnillah ouanhab hatta nassha nhasshoum hnan bazaf sah 3raft tlamsaniat klal mbassah machallah 3lihoum 3ssal
 
رد: بيت المغتربين 2

ta3arfi bkat f9albi ouahd albant tlakit m3aha 3andi bazaf falmatar ta3 alger kanat tlamsania chhal dakhlat fi 9albi hkit m3aha ou 3raft bali kanat raiha lalhaj ou koultalha tad3ili alhaja li ndamt 3liha houa ani masaksithach 3la assamha mbassah matmania rabi ilakini biha
 
رد: بيت المغتربين 2

الله يسلمك ختي و يعيشك انا تلمسانية وقتاش ما تخبي تزور تلمسان عرفي بلي عندك ختك تما تجي لعندها و تحوس بيك مرحبا بيك حتى انا ربي عالم شحاب حبيتك و الله كي نشوفك كونيكتي نفرح و راني مقلقة كي نطلع باش نهدرو فالتليفون
و هاذ التلمسانية ربي يلاقيك بيها نشاالله
ام سيراج ربي يشافي وليدك يارب
 
رد: بيت المغتربين 2

صباح الانوار و جمعة مباركة و لا راني مخربطة اليوم ماشي الجمعة :s
ام سراج ربي يخليك حنونة و يشفي سراج ،خلاص دخل الشتا درك لازم دايما تدفيه و اذا مازال عندك vicks ديريهلو في الما و دوشيلو بيه راه يرتاح ان شاء الله ،و حليلو حليبو بالعسل الحر تاني مليح
ياسمين عجوزتك كي رمات القاطو كون قابلتيها و قلتيلها يا الغيرة يا الغيرة تهدر هههه سير
البقية سلامي ليكم كامل
 
رد: بيت المغتربين 2

صباح النور و الياسمين عليكم
ام الحلوين صباحك سكر و عسل كيما نتي ما راكيش مخربطة اليوم الجمعة و الدراري راهم لاباس

يا البنات اليم الجمعة اكثرن من الصلاة على نبينا و حبيبنا عليه ازكى الصلاة و السلام
 
الحالة
مغلق ولا يسمح بالمزيد من الردود.

المواضيع المشابهة

N
الموسوعه الشامله للأحاديث الضعيفه والادعيه والقصص الباطله والموضوعه ...
المشاركات
1
المشاهدات
4K
سفيان اسلام
سفيان اسلام
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top