بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

ميما عندك الحق اشري العافية كيما يقولو في البلاد بصح ماشي العافية تاع المغاربة بسكو هي (النار) هههههه
لاميشكو ساعفي خيك مسكين المهم راه يوصلك لخبار هههه
 
رد: بيت المغتربين 2

ام الحلوين بلاعقل راكي في شهرك غير تسلكي بخير وارواحي اهنا نديرو قعدات بالبوقلات تضحكي حتان تشبعي :d
شوفي نحكيولكم موقف صرا معايا كي كنت نسكن مع عجوزتي
انا كل ماندير ماكلة عجوزتي تخللي حتان نقعدو في الجماعة وتقولي ماكلتك مالحة بزاف ديما تقولها
كل مرة نقص الملح بصح مايعجبهاش العجب وديما تقول مالحة مام تكون مش مالحة
قال ايا نديرلها عفسة هكا باش ماتعايرني ماتزيد تكسرلي راسي ربي يسامحني :(
المهم في الويكاند ديما يجو ولادتها ونساهم وبناتها
وهي دارت شربة فريك وانا درت الكفتة وبورالك وسلاطة المهم خليتها خرجت من الكوزينة زدت لحت مغرف تاع ملح في الشربة فريك هههه
المهم كي حطيا الماكلة كامل بداو يعلقو على اللول يحسبو فيا انا اللي درت الشربة وغير اللي يقول معمرة ملح هي تحسب بللي هي اللي كثرت الملح وانا درت روحي ماعلاباليش :d
الشايب تاعها يحب الشربة قالها اانا ماناكلش الشط هذا وهي كلش كلش ولا واحد يعلقلها على ماكلتها هههه
ومن داك اليوم مازادتش قاتلي بلللي ماكلتك مالحة هههه
​
 
رد: بيت المغتربين 2

صباح الخير البنات كي صبحتو بصحتكم هاذ القعدة الحلوة كيما نتوما
واش راكم ام الحلوين لميشكو مينا ميما ملااااااااااااااااااك ام سراج ام امين سميرة سيرين نتمنا ما نكون نست حتى وحدة
اولا حبيت نبارك للحاجة لاميشكو على اللي عرفت اصل و فصل الميكرو ديالها بصح حضي روحك راهو يسجل و يروح يخبر على ميما كل اللي قالتو ما تنسايش مرة على مرة ديريلو فورماتاج هههه و بصحتك العمرة عقبال الحج نشالله ليك و للسامعين
ام الحلوين يعطيك الصحة على رايك ف ليميش و تهلاي فروحك ختي راه ما باقيلكش بزاف
ميما و الله غير نستعرف بيك درت حل رائع باش تتهناي م التعليقات تاع عجوزتك
مينا بصحتك الكبش و راني غرت و بعثت راجلي للسوق قتلو جيبلي كبش مشارك ف الاولمياد التالي و ما نقبلش اقل مالميدالية الذهبية هههه(بالاك راه جايب قط و فرحان بيه ههه)
راجلي راح يشري الكبش و ما نعرف واش يدير
 
رد: بيت المغتربين 2

لاميشكو ما تخميش راني هنا نفهم ختي و هاداك الميكرو كي شاف ميما تهدر على فاميلتو جابو النيف عليهم علاخاطر قالت بلي عجوزتها كانت دايما تقولها ماكاتك مالحة حتى و لو ما تكونش مالحة و حد المرة عجوزتها دارت شربة و خلاتها حتى خرجت و زادت الملح فالشربة و كانو عندها ولادها و نساهم و و بداو يعلقو و هي لعبتها معلابالهاش. و من داك اليوم ما زادتش قالتلها بلي الماكلة مالحة
 
رد: بيت المغتربين 2

باركولي لبنات شرينا كبش و جبناه بصح عندو الميدالية البرونزية برك علاخاطرس وصل لافينال مع الكبش تاع مينا بصح تاع مينا ربح ههههه
 
رد: بيت المغتربين 2

سلام خياتي
الصباح صنعت شوية صابلي خرجلي قاع مكرفس و زدت دي ميني تارتلات بالشكلاطة بسكو مرت خويا تحبهم خرجولي حاجة و خلاص مايشبهو لوالو هههههه ،و خرجت جبت لولاد و جيت عجنت الخبز و درت اللوبيا ماشطو راهي طيب و راهي نافحتلي في حاجة بلاصوص تومات درك نخترع كاش حاجة و نديرها هههه
ياسمين بصحتكم الكبش
البقية واش راكم ديرو ؟؟؟؟؟؟؟؟؟؟
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top