بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

سلام عليكم بنات
اليوم راكم صايمين سير راكم كامل تنعسو هههه انا مانقدرش نصوم مع الحمل
ياسمين حتى انا راني غير نضحك و الله كون نلقى لي يجي عندي نحطو فوق راسي
ام سراج ربي يخليك حبيبتي و ماتنسايش ديري لسراج الحنة
لاميشكو ربي يرجع راجلك بخير و على خير
سلامي للغايبات و الحاضرات
 
رد: بيت المغتربين 2

السلام لبنات واش راكم
ايه انا راني صايمة و البقية باينة علاخاطر. حتى وحدة ما بانت
ام الحلوين ربي يخليك حنونتي علابالي كريمة و حلوة كي العسل و نتي درتي لولادك الحنة
و الله راح ندعيلك باش تولدي بخير نتي و ملاك و ندعيلكم كامل و اللي في قلبها امنية ربي يوصلهالها يا رب
و مينة ما نسيتكش راح ندعيلك باش ربي يرزقنا بالذرية الصلحة و نتي ما تنساينيش
لاميشكو ربي يرجعلك قرة عينك سالما غانما بمرضاة الله
سيرين ربي يخليلك وليدك و الدار تدخليها بالصحة و تكون فاتحة خير عليك
ام سراج ربي يحفظلك وليدك
ام امين و سميرة و ميما ربي يفرحكم بولادكم يااااا رب
ميما وين راكي توحشناك
نتمنى ما نكون نسيت حتى وحدة و ربي يتقبل منا و منكم صالح الاعمال و تعيدو بالصحة
 
رد: بيت المغتربين 2

وين راكم يا البنات الصيام راه باين عليكم تاع الصح كانش فطور. انا راني ف دارنا نفطر انا و راجلي معاهم ما طيبت والو و راي راه واجعني بالجوع
 
رد: بيت المغتربين 2

وين راكم يا البنات توحشتكككككككككم
انا انقولكم عيدكم مبروووووووووووووك و تعيدو و تعاودو و كل وحدة منكم نبعثلها 4 بوسات نشاالله يوصلوكم
ام الحلوين ام امين سميرة لاميشكو ملاااااك مينة ميما ام سراج سييييرييييين
كل عام و حنا خواتات و كل عام و حنا ملمومين ياااا رب
 
رد: بيت المغتربين 2

السلام عليكم
بلاك جيت شوي روطار
واش راكم يالبنات والله توحشتكم بزاف
كنت لاهية مع القاطو واليوم خرجت شريت اللبسة تاع العيد لجنى وانس
بصح والله العيد ماعندو بنة من قبيل وانا نبكي
راجلي غدوة خدام وانا راح نقعد في الدار مع هاد البرد ماعندي وين نروح
راحت بنة العيد تاع زمان
كرهت والله كرهت
​
 
رد: بيت المغتربين 2

السلام ميما واش راكي يوحشك الخير و بصحتهم ولادك الحوايج تعيشي و تجيبيلهم
و علاش تبكي حنونة معليش رانا كامل معيدين معاك و كاين بزاف ناس اللي معيديهم في بلادهم و مع حبابهم و ماشي هانيين المهم الهنا ختي العيد ليلة و تفوت بصح العيشة تاع دايما هي اللي تهم و ربي كان مكتبلنل الغربة الحمد الله راكي معيذة مع وليداتك هذاك هو الصح ختي و كاين اللي راهم ف بلادهم و ما عندهم حتى عيد كسما السوريين و المصريين ربي يقرج كربة كل مومن
و لازن دروك تضربي تبسيمة و راني نشوف فيك يلا ما تبسمتيش نزعف
 
رد: بيت المغتربين 2

تعيشي ياسمين ربي يخليك ليا
واش راح نقول هادا ثالث عيد هكاا
راني مقلقة شوي من راجلي كعاد غدوة ماداش نهار ورايح يخدم
وانتي وش راكي
وجدي ذرعيك تغسلي الدوارة
​
 
رد: بيت المغتربين 2

ايه يا ختي سعداتكم انا اليوم ناكل طريحة
صح عيدكم انا الاولى اللي سبقت و قلتها البنات راها 4 و نص و رانا نايضة سمعنا الخيان حبو يخونو الكباش
 
رد: بيت المغتربين 2

تقبل الله منا ومنكم وغفر لنا ولكم
عيد مبارك وكل عام وانتن بخير العاقبة للعام الجاي ان شاء الله
تعيدو بالصحة ولهنا كامل
ام امين ام الحلوين ام سراج سميرة لاميشكو ياسمين سرين ميما وكل اعضاء اللمة
 
رد: بيت المغتربين 2

صباح الفل و الياسمين على خياتي الحلوين
صح عيدكم و كل عام و انتم بالف خير نتوما و احبابكم و اهلكم
البارح مادخلتش في الليل بسكو جاو صحاب راجلي فطرو هنا و راكم عارفين مع الكوزينة
و في الليل درت لولاد الحنة و رقدو و اليوم وليدي صبح يبكي قالي الحوايج شريتيهملي غاليين مانلبسهمش و بكى تاني على الحنة قالي لازم تنحيهالي درك
درك راحو للجامع يصلو مع باباهم و بنتي قاتلي امي بلاكي ديريلي خمار
 
رد: بيت المغتربين 2

ياسمين ربي يخليك حنونة و شفتي السرقة هاذ الناس ماحبوش يخافو الله
مينة طابلتك تشهي بصحتك حبيبتي
ميما علاه تقلقي روحك يا لحبيبة كامل رانا في الغربة و صابرين المهم الصحة و الهنا (تفكري الناس لي فقدوا ولادهم و لا والديهم و لا ازواجهم في هاذ العواشير كيفاش راه الاحساس تاعهم ) اصبري حنونة و راجلك يخدم الصباح بصح العشية يكون معاكم نتي فوتي وقت مع وليداتك ربي يفرحك بيهم
لاميشكو ان شاء الله تكوني حكيتي مع راجلك واطمنتي عليه ،و لولاد سير راهم متوحشين باباهم ،ربي يرجعو بالسلامة
ام امين كاش حنة لمريومة ؟؟؟؟؟؟
سميرة كل عام و نتي بالف خير حبيبتي
ملاك راهي غايبة ان شاء الله راهي بخير
مريومة و ام سراج و فطومة و روعة وووووو كل عام و انتم بالف خير
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top