ماذا ستطبخين اليوم سيدتي انستي الجزء **35 **

[oumsif]

رد: ماذا ستطبخين اليوم سيدتي انستي الجزء **35 **

مساكم بالخير لبنات
ما شاء الله تبارك الرحمان اطباقكم كلها روعة من العدسون للبان كيك والبغرير والكساكيس والشخشوخة للمحمر والمشمر للقرنطيط كيفاه طالعة لله يبارك للحلويات والبينيي ربي يبعد عين المحساد اعليكم
جبتلكم غداي وعشاي

وهدو سندوتشات خفاف روعة بعجينة العشر دقائق مكانش عندي لحليب البودر حطيت في بلاصتوا شوية لبن جاء خفيف

 

[عفاف الجزائرية]

رد: ماذا ستطبخين اليوم سيدتي انستي الجزء **35 **

نسيت سمورة في الديديكاش نتاعي هيا وهاذي هدية 100 اورو نتوما راكم تتعاملو بالاورو قلنا 100 اورو في خاطرك سااااااااااااااااااااك ساك اختي سمورة

 

[shahrazad]

رد: ماذا ستطبخين اليوم سيدتي انستي الجزء **35 **

مساء النور عليكم
راني راحعت دروسي ماشاء الله على كل وحدة فيكم
نرحب بسهام اهليييين والله وش هاد الغيبة ياللوزة توحشناك وكل مانشوفك نتفك سماح ماعرفتش علاه ان شاء الله تكون بخيرطهياا حطي البيني باش نشوفو ههه بصحتكم
ميمييي كل عام وماميتك بالف خييير سلمي عليها وقوليلها ربي يطول في عمرها ويحفظها وربي يصبرها على واش عندها خخخخ :p
البينيي جاك هايل بصحتكم عزيزتي
فووفة تاني عيد ميلادك سنة حلوة ياجميل طولت العمر والصحة والستر ان شاء الله
عفاف لوكان لا نسيتيني باش تفليكسيلي يا الشركة :p

بسم الله
لي بولات تع القرنون

وهادو طباسا جدد شراتهم يما 2 كبار و2 صغار

معجون تع السفرجل دارتو يما

والقهوة

​

 

[oumsif]

رد: ماذا ستطبخين اليوم سيدتي انستي الجزء **35 **

ربي يعيشك عفوفتي :regards01:

 

[oumsif]

رد: ماذا ستطبخين اليوم سيدتي انستي الجزء **35 **

امممممممم شهرورة تسلم ايدك يالفحلة كل شئ يشهي وبصحتكم الطباسا

 

[hadda0425]

رد: ماذا ستطبخين اليوم سيدتي انستي الجزء **35 **

ميمي عيد ميلاد سعيد لامك كل عام وهي بخير
ولي بيني خرجولك روعة والكيكة ما نحكيش حرام عليكم راكم تخمتونا خخخخخ
لويزة الله يسلمك وبصحتك المشرمل ولفريت بصح لوكان صورة وصوت ههههه
سهام عجينة البيتزا من بكري نزيدلها حليب غبرةولا اي عجينة بريوش ولا سينابون جي طرية
جاو ناس لمسيلة لحرار وجابولنا غناية تبرد القلب هههه جيبو البندير والزرنا وهيا نغنوها
كنتو تحوسو عليها غاب حسكم بصح كي جيتي جبتيهامن الرجلين والبيجامات وطلع خخخخخخخ
وبشورة راهي تبخر في يديها
بصحتكم الماكولات والتحويسات كل شي رائع والله مليح الواحد يتحرك ويبدل الجو الله يهنيكم وطريق السلامة لصحاب فرنسا
ندوش راك تغري في الطفلة وتقوليلها هزي وش حتبعي لا جيبلك ابو الشباب في كميونة وجي تسوقو هههههههههه
املا احجزيلي نهار من النهارات حتى نلقى كاميو قالشاها ادم :d:d​

 

[ام ايناس]

رد: ماذا ستطبخين اليوم سيدتي انستي الجزء **35 **

مساء الانوار عليكم لبنات انا كنت برا ديت لولاد يلعبو حصلتا فيهم باش نخرج :d نكره نخرج وحدي
سومو يا سومو اطباق تشهي يعطيك الصحة يا الفحلة وبصحتكم البيزا انا تاني نديرلها اللحظة ولا ماكانتش عندي لم العجينة باللحليب
ندوش العدس راه يشهي ااممم خص غير الزيت الزيتون والعشا وين راه
حدة راكي الله يبارك البغرير على قولة ندوش ما خليتي لاعربي ولا قاوري والشخشوخة والبربوشة كلش يشهييي اممم
فوفة عيد ميلاد سعيد كل عام وانتي بالف خير مالو الامر زعلان باينة ابو الشباب ماجابلكش الكادو بصحتك البركوكس
بصحتك لويزة والصور وين راهم
ميمي البينيي خرجولك هايلين وعيد ميلاد سعيد لماماك كل عام وهي بالف خير
عفوفة اممم كلش يشهي يعطيك الصحة على الصور ماعليش ابروفيتي مداممكم ملمومين منبعد ارواحي قابلينا وبيزو كبيرة لبشرى
سمورة واش احوالك البربوشة راهي تشهييي امممم والسندوش ماعندي ما نقول بصحتكم
شهرورة لي بول تاع الفن مع الفريت تحفة يعطيك الصحوة وواش نقول على الكيكة بالميرانغ ومعجون السفرجل اممم وبصحتكم الطباسا
انا كنت غير نكتب قريب نكمل جا بلال بالشوية وطفالي الميكرو عاودت من جديد
عشايا جبتو من برا جاج وفريت غدوة نحطو راني عيااانة
بسوم وين غبتي


​

 

[hadda0425]

رد: ماذا ستطبخين اليوم سيدتي انستي الجزء **35 **

حالياً الأعضاء النشيطين الذين يشاهدون هذا الموضوع : 59 (24 عضو و 35 ضيف) ‏hadda0425, ‏معتــــــز اللمـــــة, ‏هند21, ‏ام التوام, ‏ام ايناس, ‏ام بزة و بزوز, ‏ام بسومة, ‏اميرة وهران, ‏fatima der, ‏ibtesem+, ‏imane27, ‏جنان, ‏meryem5, ‏nassima88, ‏nono_02, ‏om mima, ‏ضوء الخيال, ‏rameche .dal3, ‏samora68, ‏sarah11, ‏s_luna, ‏كوثر الوهرانية, ‏عاشقة الوردة, ‏عفاف الجزائرية

Why are you silent

 

[M3TaZ eLLMa]

رد: ماذا ستطبخين اليوم سيدتي انستي الجزء **35 **

السلام عليكم

مرحبا بالجميع وبأهل اللمة الطيبين وخاصة أمهاتنا واخوتنا في منتدى الطبخ

ربي يفرحكم وربي يحميكم وربي يعطيكم ما تتمنوا وربي يفتح عليكم أبواب الرزق يارب

قلوا اميييييييييين


إن شاء الله ربي يفرج على كل واحدة فيكم بالخير يارب

أولا بدون مجاملة مني ما شاء الله ما شاء الله اللهم لا حسد يارب راني نشووف في الموضوع متغير من الاحسن إلى الاحسن

يعني تركت الموضوع نايم شوي وكانت امي الطيبة ام منصف تقوول اين نشاطكم لكن اليوم راني نشووف الاحوال تغيرت ورجع الموضوع إلى سابق عهده يعني اصبح الكل يشارك حتى ما تقدر تقرا رد ولا تبع وصفة كلهم رائعبين وربي يبارك على كل حااال هذا هو المطلووب منكم يا طيبين وربي يخليكم ناشطين دائما يارب

ثانيا نقوول لأخت الطيبة حدة أم البواقي مممم لغرايف وما ادراك وما لغرايف وخاصة من مكانوا الاصلي الولاية الرابعة له نكهى خاصة وشكرا على الوصفة راح نعمل بيها ويارب يخرج كما شفتوا في صورك يارب .

الاخت الطيبة mimi53 شكرا على السؤاال ونقلك لظروورة أحكاام الله غالب الخدمة لي تبعدني هذا هو الغطيس نتاعي يا طيبة وربي يوفقك وربي يحميك يارب

الاخت الغالية عفاف لي راني نشووف حسوسها غابوا ربي يوفقك وربي يعطيك ما تتمني يارب وربي يفرجها عليك دنيا وأخرة يارب وشكرا يا طيبة

الاخت زهرة بلا أوراق ربي يفرحك وربي يعطيك ما تتمني يارب وشكرا على السؤاال يا طيبة

الاخت روعة مشرفتنا الطيبة ربي يفرحك وربي يعطيك ما تتمني يارب


وشكري الخااص إليكم جميعا يا طيبين دوون استثاء

ربي يوفقكم وسامحوني طولت عليكم في الرد

تحياتي
​

 

[ام ايناس]

رد: ماذا ستطبخين اليوم سيدتي انستي الجزء **35 **

باش ما تقولوش ما حطت والو

​

 

[ام ايناس]

رد: ماذا ستطبخين اليوم سيدتي انستي الجزء **35 **

هادو اكلات نتاع نهارات فاتو

​

 

[nada242008]

رد: ماذا ستطبخين اليوم سيدتي انستي الجزء **35 **

شهرا امممممممم المعجون قريب ينطق يعطيها الصحة ماماك والكيكة هايلة والقرنون يشهي امممممم وبصحتكم الطباسا
سمرمر ساندويتشات هايلين تسلم الايادي
عفوف بصحتك المشاوي والمطاعم والعرضات نموت على الوااجد
ام ايناس بصحتك الخرجة ..حوستي ومانسيتيش تصقصي على عشايا خخخ انا قليل وين نطيب في الليل كان بقات حاجة من لغدا نسخنها واذا ماكانش repas froid سيرتو كي عاد ابو العيال وقت العشا خدام ومايتعشاش ..يعني نطيب علجالو برك كون يسافر مانطيبش هههههههه بعيد عنك كارهة من الكوزينة
الله يبارك على اايناس الزينة كبرت يا كشايفي لبسيها تريكو ههههههه وبلبل البطبوط طاحلو القارو
راتي درت زوووووم وشفتك انت وابو العيال من النواظرتاع ايناس ..يخي نتي لي صورتيهم:d

 

[hadda0425]

رد: ماذا ستطبخين اليوم سيدتي انستي الجزء **35 **

سميرة بربوشة حمرا بالحليب ولا بن المهم بصحتك والسندويتش اكسترا
شهرة وقهوة لعشية لي ما تراطيهاش مح حلوة كيكة قاطو المهم تسخفنا وخلاص
معتز الله يسلمك اخي جرب غرايف الشاوية وما تنساش تبعثلي وحدة برك
دليلة انا نتغطى بزوج كوفيرطات دوبل فاص ونتوما مزلتو تبحرو جمرتوني هههههه
وهذا تلتلي تع نهارنهار موسى الحاج والحاج موسى بصحتك احنا الشخاخش ولبرابش جاو صدفة كش لعام الجاي :d
​

 

[hadda0425]

رد: ماذا ستطبخين اليوم سيدتي انستي الجزء **35 **

ندوش بابابابا ين عمي نظر 6/6 الله يبارك الناس تشوف لبحر ونت تخزري في الضيق يا كشايفي هاد التبهادل هههههههه
​

 

[ام ايناس]

رد: ماذا ستطبخين اليوم سيدتي انستي الجزء **35 **

هههه ندوش خلعتيني رحت درت زوم وقعدت نشوف قلت بالاك راني نبان ههههه وبصحتك تسخان العشا :d
حدة الله يسلمك الصورة نتاع الصيف ههههه قتلتيني بالضحك حنا تاني البرد واليوم السخانة اليوم صورتهم غدوة نحطهم انشا الله
تصبحو بخير لبنات راني عيااانة
سلالالامي للجميع

​

 

[بنت الجسور المعلقة]

رد: ماذا ستطبخين اليوم سيدتي انستي الجزء **35 **

من طواجن والمعاجن نتاع لحومي عودة قوية للعدس و لوبيا والمحاجب
صحا عشاكم كـــامل
درتلهم شخشوخة الظفر كنت ديجا خابزة الكسرة وفاتتها ومخبيتها في الكونجلتور ليوم عولت عليها درت غير لمرقة وجمرتها جات بنينة وخفيفة

​

 

[hadda0425]

رد: ماذا ستطبخين اليوم سيدتي انستي الجزء **35 **

رقية الشخشوخة كيما تع اختي هي تاني ديرها هاك وبالدهان والفلفل الاحمر يا دلالي تاكلي صوابعك وراها بصحتكم بالشوفة برك زت كيلو خخخ
لقيت صورة تع ادم وهو في سينية تع مقشقشة ناس تعرس وهو يفرزع فيها:d

تصبحو على خير



​

 

[المشتاقة لأمها]

رد: ماذا ستطبخين اليوم سيدتي انستي الجزء **35 **

ماشاء الله راكم فور والله
بغيتكم تعاونوني شكون تقولي كيفاه ندير القطايف شريتهم وما فهمت فيها والو تعيشو يا حراير والشفات

 

[prncess fifi]

رد: ماذا ستطبخين اليوم سيدتي انستي الجزء **35 **

برنسااااااس فيفي يا لحبيبة ربي يبارك فيك تطيري مع الطيوووور يعطيك الصحة وهاذاك ي فوق خبز الدار واش هو اللي مع الزيتون

الله يسلمك حنونة وانتي تانيت اطباقك يعجبوني ونتشهاهم صح ههههه
هداك بصل يابس يتباع هكداك بصح انا خليتو تحرق شوية :$

 

[somo_81]

رد: ماذا ستطبخين اليوم سيدتي انستي الجزء **35 **

صباح الخير عليكم يا فحلات اللمة









صورتهم قبل مندخلهم يذوب الفرماج غير خرجو هجم عليهم راجلي و خوه