ماذا ستطبخين اليوم سيدتي انستي الجزء **35 **

[مطبخ الأحلام]

رد: ماذا ستطبخين اليوم سيدتي انستي الجزء **35 **

السلام عليكم

والله راكم تجريو يخزي العين المكان منور ومليان مليان مليان لذة وحلاوة باطباقكم الجميلة وحظروركم القوي والجميل

زهرة بلا اورااق طلبي ليك رجعيلنا ميس سوسو راكيكنتي ميييس يا طفيلة نحبك ختيتي وربي يبارك عندك حضور خااااااص

تحبك الجنة وياكي يالغالية عفوفة وراكي تعرفي راكي عزيزة عليا ^^ بالنسبة لاسمي راني في شهر طلبت اعادة التغيير لا فتحي ولا عمو ابو فيصل داخلين باش يلبيو الطلع عن قريب ان شاء الله درك مانيش ميس كبرنا وراكي شيب بان في راسي :d


تحية كبيرة لام منصف وندى الورود وروز وإبتسام و رغود و زائرة حلوة :dغايبين عنا توحشنا حضورهم

معتز اخينا بحضورك تزيد النص ^_^

كـــــــــــــــل الأطبــــــــــــــــــــــــــاق جميلة

راني نشوف الكل يجري ورا لخفاف ايا حتى انا كي نروح راني نديرلكم لخفاف باش تتكوفاو :d

ربي يخلي الأمامير أنوسة و بلآل وآدم و أويس و ندوشة و رائد و منصف وندوشة و صهيب و مريومة والكل راني عادا نكتاشف في اطفالكم :$

​

 

[oumsif]

رد: ماذا ستطبخين اليوم سيدتي انستي الجزء **35 **

صباحكم بالخير كيف اصبحتم لبنات ان شاء الله تكونوا بخير
حملة دات منفعة عامة لخفاف راهو مدير حالة قبالي انروح نديرو ان شاء الله
يعطيكم الصحة علي الاطباق التحفونين
اختي المشتاقة لامها هو ليك الرابط انتاع القطايف للاخت ام ندوش
http://4algeria.com/forum/threads/273155/

 

[hadda0425]

رد: ماذا ستطبخين اليوم سيدتي انستي الجزء **35 **

ماشاء الله راكم فور والله

بغيتكم تعاونوني شكون تقولي كيفاه ندير القطايف شريتهم وما فهمت فيها والو تعيشو يا حراير والشفات​

تفضلي روابط طريقة لقطايف من عند حرات اللمة

صْبـيعَات الكــنَافة مــن مطـبخـي وبطريقة Zehor

قطايف تركية من مطبخي

قطايف من مطبخي

​

ونت خيري الطريقة لي تعجبك
​

 

[hadda0425]

رد: ماذا ستطبخين اليوم سيدتي انستي الجزء **35 **

صباح الخير صح غداكم
سهام لي بيني ممم وللبيتزا كان ذاب الفرماج راني ذبت معاها هههه بصحتو المسيو وخو المسيو
سوسو ما تنسايش لخفاف الضراف خخخخخ
نبداو بعشا البارح هو عشا تع حنين هي لي بغات المقرونة والباقي لي تعشا شكشوكة ولي ما تعشاش ولي مكانش هنا هههه
المهم قاتلي ديري مقرونة بالحليب ايا قلتلها ساهلة نطيب المقرونة ومن بعد نزيدلها لحليب قاتلي لالا انا كليتها عند خالتي طيبتها سع في المرقة وبشوي برك تع الطماطم ومن بعد لحتلها لحليب :s ايييه قتلها عندي طباخة هنا وانا منيش فايقة
ايا درتلها كيما قالت وجات ممممم بنة وحدها :-r

واليوم درت كسرةخميرة في طاجيني جديد احم احم خمسة وخموس :p

شربة الفارميسال

عصير الرمان بقات حبة زدتلها عصير الليمون وبردت بيها قلبي

عصير التفاح والحليب تكلحو بيها ولادكم لي ما يشربوش لحليب

​

 

[انريس]

رد: ماذا ستطبخين اليوم سيدتي انستي الجزء **35 **

الله يبارك عليكم راكم جايبينها
نورمالمو بديت معاكم نكمل معاكم لاه ما ستنيتونيش

نبداو من الصفحة 28
تقرير قنات الجزيرة للتقرعيج
نبداوها بقارنطيطة لويزة اللي الشهرة نتاعها لحقت للماريكان و راه صدر قرار بمنع صنع القارنطيطا في الديار خطراكش لولو رايحا تحل حانوت و لحوانت تاع القارنطيطا كامل رايحين يتغلقوواااااحد القارنطيطة واش نقولكم تهبل تهبل تهبل
انا راني نديرلك في البيبليسيتي تاع الحانوت بصح هاذا الشي ماشي باطل راني نرسم على الحانوت باه ندخل شريكة فيه داكوووووووووووووور؟؟
وبعد غياب للمتألقة روعة كاين ترحيب حار من طرف زهرة بلا اوراق شهرا ونسيمةو بنت عروس الزيبان
بلا ما ننساو بلي شهرور دات 10/ 10 في السفنج من عند ام عبودي
وهنا في وسط هذي الاحداث تدخل علينا فرود او ام كوثر بالقنبلة الفصلية عيش او بركوكس حامي يرقص في القصعة يا عيني يا عيني
عودة ميمونة لبنت الجسور المعلقة جات و جابت خيرها معاها دخلتي علينا بالحلو ربي يحلي ايامك
الصفحة 29 و 30
هذي الباجا داتها نسيمة بالعرصة الفور اللي دارتها و اللي خطف الاصواء السارفيس اللي الغاشي كامل هبلو عليه
واش نسيمة السارفيس مازال و الا كشما صرالو؟ههههههههه
وهكذاك زادت كملت علينا بالجاج و الطرشي المحشي بلعقل برك علينا
الجديد هنا زيارة معتز اللمة الللي كان يتكرر السؤال عليه و انا ماكنتش فاهمة علاه ضرك بديت نفهمكي قريت الصفحة 31
ام ايناس بصحتك لفريت اوملات بالمايونيز و لا انت ماكليتيش منها كليتي الجاج
هنا نلاحظو بلي ام ايناس برك سقسات عليا ربي يخليك ضرك نعود نشكرك بزاف ف التقارير الجايين
ضرك تشوفي
حدة مالا خبز الدار نتاعك قاستو العالمية هيا مبروك عليك
الصفحة 32
نسيمة ترد على المعجبين و بنت الجسور المعلقة دخلت علينا بحلاواتها الجميلة
برانس فيفي جابتلنا الحمر و المجمر ياعيني على الجلبانة راني نموت عليها اطباق روووووووووعة
و دليلة راهي هربتلنا بالتشاراك يا جماعة
و سومودخلت علينا دخلة واعرة الطابلة تقل للاخرى بعدي لهيه
الصفحة33
جااااااااتكم فوفة (انت قرعجت قرعجت معرفتش اسمك) وجابتلكم العدسون و حطتلكم معاه الحار يا خالي
وفي هذه الغضون حدةتدير القلب وتدخل بحرارة هذا غريف و هذي شخاشيخ و هذي برابيش و هذو محاجب و هذا مسمن ماناش قادين خلاص
ام ندوش وش حكايت الحماة و الكنة هذي مبعدا فهميني فيها خلاص راني عرفت اسمك
الصفحة34
حدود ميرسي على الارشادات القيمة
ميمي ياعمري ياعمري هذاك التقرير واش مليح كامل و شامل و زاد عجبني بزاف كي بديتي بيا اممممممممممواح
عيد ميلاد سعيد لماماك لحبيبة و لعقوبة لاعوام الجاية ربي يحفضهملنا ااامين
عفاف حكمها لانتربول و سلمها لسلطات اللمة الجزائرية اللي بدورها سلمتها لركن واش طيبتي اللوم على سلامتك عفاف و مرحبا بلي جا و جاب تسلم مجايبك راكي قلبتينا لايامات العيد
الصفحة 35
سمورة بداتهالنا بالبرابيش و السوندويتش تقول عليه جا من ماك دونالدز
شهرورة يعطيك الصحة على لي بولات نتاع القرنون و لي فريت التارتا تقتتتتتتتتتتتل و المعجون فوق الروعة جا تقولهو زجاج صافي و طرونسبارن روووووووووعة
ام اينااااااااااس رحتي لبحر و ماديتينيش :very_mad:
بصحتكم التبحير و ايناس راهي تهبل بصح بانتلي شيانت شوي و بلال راجل صغير و خلاص
ومارسي على الاكلات اللي بعثتي
مابانش حسك اليوم وقيلا فيها غديوة باهية
خلاص قناة الجزيرة عيات طاحولي الباتريات و ريناد راهي تبكي
سنعود بعد قليل
بعد ماحطيت هذا التقرير لقيت المطلوع الباهي نتاعك حدود مقدرتش منعلقش عليه هو هذيك الشريبة والمقرونة الجديدة راهم حدث الساعة :up: درت تعديل و حطيتو مع نشرة الاخبار زعمة خبر عاجل هههههههههه

 

[✿أسيـل✿]

رد: ماذا ستطبخين اليوم سيدتي انستي الجزء **35 **

هادي شخشوخة سبيسيال للعضوة
✿أسيـل✿

​

ممممممممممممممممممم أول مرة ندير شخشوخـة وبصراحة راني فرحـانة بزاف

عخاطر خرجتلي مليحة وبنينة وكامل عجبتهـم
طاطا لعزيزة أعطيني رايك :$ واش مليــــــــــحة؟؟
وصحيتي عالشخشوخة راهي تهبل
ربي يهنيك يالحبيــبة ربي يعطيك واش تتمناي

​

​

 

[somo_81]

رد: ماذا ستطبخين اليوم سيدتي انستي الجزء **35 **

تعيشي اختي ام ايناس حتى انت اطباقك لا يعلى عليهم و الله يبارك على ايناس و بلا ربي يحفظهملك
مشكورة اختي انريس مي راكي ماشاء الله تم تم اندمجتي مع الجماعة ان شاء الله ربي يدومهانا لمة حلوة
حدود راني روطار مالا العجينة القديمة كنت نديرلها الحليب مي عجينة 10 د طبقتها كيما راهي بلا حليب غير كيما بديت نزيدلها في الحليب
ممممممممممم واشنو هادا الخير قع يا حدود الله يبارك بصحتكم و مبروك عليك الطاجين
اسيل اختي بصحتك الشخشوخة تشهي
انا اليوم راني معولة على رشتة بإذن الله في العشا

 

[hadda0425]

رد: ماذا ستطبخين اليوم سيدتي انستي الجزء **35 **

انريس وش هذا الله يبارك راك cnn ههههه الله يبارك عليك والله عسل مقطر تدخلي للقلب بلا اذن
سهام يبارك فيك ولعقزبة ليك بتاجرة خخخخخ
اسيل الله الله في الضربة لولى جبتيها شطورة الشخشوخة هايلة 10/10 تستاهلي تقييم
​

 

[ام ايناس]

رد: ماذا ستطبخين اليوم سيدتي انستي الجزء **35 **

الله يسلمكم لبنات ربي يخليكم
يعطيكم الصحة لبنات كلش يشهي اممممم بصحتكم
انريس وين كنتي ههههه راني نقرا في الاخبار ديت غير التشاراك حرام عليك :d
​

 

[nada242008]

رد: ماذا ستطبخين اليوم سيدتي انستي الجزء **35 **

السلام عليكم وصحت غداكم
اليوم غير العجين يسركل هههههه ام نوسة بصحتك التليتلي
رقية يعطيك لصحة على الشخشوخة لونها يعطي الخبر :up:
حدة سخفتيني بلخميرة جاتك هاااااااااايلة وبصحة حنين المقرونة والله درتي فيها لامان هي تملي وانت طبقي ههههه والفارميسال حمرا وخاثرة اممممممممممممم والعصائر هاتي تاع الرمان :up:
اسيل شخشوخة هااايلة تسلم الايادي
انريس طيرتيها لقناة الخنزيرة ههههه والله تقول كنتي معانا من قبل ..عجبتيني ناشطة ثم ثم هزيتي الميتيي :d ماقلتيش واش درتي في العرضة
سوسو اهلا والله بها الطلة اشتقنا لعيونك والله :$
صومو بيتزا هااااااااااايلة بالصحة والهنا
انا درت الرقبة ومعاها بطاطا وسنارية صوطي

 

[شرشالية]

رد: ماذا ستطبخين اليوم سيدتي انستي الجزء **35 **

السلام عليكم يااحلى لمة
ماشاء الله عليكم يابنات الجزائر والله حمستوني اني نشاركم هذ اللمة الرائعة ويعطيكم الصحة على هذه الاطباق اللي تشهي وانا اليوم جبتلكم المحاجب تاع الغذا ومعارك للقهوة نتاع العشية ان شاء الله يعجبوكم

 

[imane27]

رد: ماذا ستطبخين اليوم سيدتي انستي الجزء **35 **

سلام عليكم صح فطوركم كامل
يعطيكم الصحة لى حطيتو اطباقكم كلهم يشهو بصحتكم
كل من سومو سمورة ندى عفاف شرشالية انريس بنت قسنطينة يعطيكم الصحة ولى نسيتها تسمحلى رانى نغاول باش ندى اسلام لمدرسة
لبارح عشاء كان من طلب لآمة توحشو شطيطحة بطاطا ايا قلت متكلف لا مصاريف لا وقت هههههههه

 

[ام ايناس]

رد: ماذا ستطبخين اليوم سيدتي انستي الجزء **35 **

مساء الانوار عليكم
ندوش الفطور راه يشهي بصحتكم
شرشالية المحاجب راهم اممم والمسمن ماعندي مانقول فيه
انا نضت من الرقاد قاع رايحة فيها هادا وين فطنت هههه
هادا فطوري تاع البارح

وهادا العشا

وهادا عدسون سخفت عليه البارح درتو اليوم للفطور

​

 

[ibtesem]

رد: ماذا ستطبخين اليوم سيدتي انستي الجزء **35 **

السلام عليكم
واش راكم يالبنات توحشتكم ياسر بزاف برشا بكو توماتش
الله ابارك راكم فيالقمة النشاط لي عجبني اكثر تقاريركم
والله نقرا فيها حرف حرف بتمعن
هدا عشايا تاع نهار الخميس تطبيقي للسوفلي ام خديجة جاهايل خاصة الكريمة لي تتكون من الفوق
السبت كان عندي ضياف حشمت نصور كانت معايا في الكوزينة
طيبتلها روز بالمكسرات دجاج في الفرن مع شربة وسلاطة
والحمد لله
البارح الاحد بيتزا
​

 

[ibtesem]

رد: ماذا ستطبخين اليوم سيدتي انستي الجزء **35 **

هدا المدلان تاع الفيت الفيت

بصحتكم
​

 

[oumsif]

رد: ماذا ستطبخين اليوم سيدتي انستي الجزء **35 **

مساكم بالخير لبنات و صح قهوتكم
صحفية جزيرة اللمة يعطيك الصحة ما نسيتي حتى وحدةبرافو عليك
حدودة بصحتك الطجين جات فيه لكسرة روعة ولروسات انتاع بنتك باينة بنينة كيفها بصحتها
ندوشة راني نشوف مزالك اللحم انتاع العيد ولا كملتها بالرقبة اليوم ههههه تاكلوها بالصحة
ام ايناس صح النوم اطباق تشهي خاصة العدسون ولكسيرة تسلم ايدك
بصحتك الشخشوخة اسيل
شرشالية يعطيك الصحة علي لمحاجب ولمعارك
لويزتي قبالي الرجيم فض فيك توحشت اطباقك الزينين يازينة وبصحت الفريق الوطني الشطيطحة
بسومتي واش احوالك واش راهم الاولاد ومريومة بدات تدخل للكوزينة هههههه
يعطيك الصحة يالفحلة علي العراضة والسوفلي ولو اني ماشفتش الصور
اما انا غداي الروز بالخضر ودرن لبيني انتاع شهرورة واش نقوللها تبارك الله فيك ورايحة نعتمد ها نعود نديرهم غير هما ما يشربوش الزيت وخفاف يهبلوا ما شاء الله

 

[mimi53]

رد: ماذا ستطبخين اليوم سيدتي انستي الجزء **35 **

صومو حنونة ربي يخليك تسلميلي حبيبتي ويعطيك الصحة حتى انت وصلاتك ريحة ليبيني ههههههخرجولك يشهو
عفوفتي ياعفوفة وكلامك الي زي الشربات يسلملي المزوق انا
ههههههه
بصحتكم شهيتيني يعطيك الصحة والكتكوتة ديالك الله يبارك متربعة باينة راكي متهليا فيها كيما يلزم
ندوشتي مرسي حبيبتي ويخللك كل غالي يارب
سمرمر السندويشات تحفة يعطيك الصحة ولا ليبيني اديتيها لشهرا شهرا غير بعدي خلاصو دراهمك مع البيني ههههههههههه
شهرورتي ويطول في عمر امك ويخليهالك سلامك يوصل حبيبتي وهاديك نتاع ربي يصبرها مركيها عندك برك ياك راهي 2 هههههههههه
البولات فوووور والله ديما نقول نسييهم مي الله غالب كيما تقولي ماما انت درتي كلش مي ماشفنا والو ههههههههههههههه
وتالرتة والسفرجل عداااااااااااااب يعطيك الصحة وتسلم الايادي
حدودتي مرسي بوكو ههه تسلميلي ربي يخليك والله يبارك خموس على وليدك الزين
ام ايناس ربي يحفظك حبيبتي
اخي معتز ربي يخليك اخي
رقرق شخشوخة نتاع الصح تسلم ايدك
انريس هاو كيفاه قناة الجزيرة قاع ومنبداوش بيها راهي متصراش هههههههههههه
مغسي حبيبتي ويخليك الوالدة ديالك ويحفظهالك يارب ويطول عمرها
شرشالية مرحبا بيك معانا ويعطيك الصحة مسمانت هايلين
ابتسامو ايه النشاط دا كولو تسلم ايدك

 

[ibtesem]

رد: ماذا ستطبخين اليوم سيدتي انستي الجزء **35 **

سمورة بصحتكم
ميمي شكرا كل عام والماما بالف خير​

 

[imane27]

رد: ماذا ستطبخين اليوم سيدتي انستي الجزء **35 **

سمورة وابتسام بصحتكم اطباقكم تشهى يعطيكم الصحة
انا كونت رايحا نطبق لبني تاع شهرا لبارح قولت خلى كى نكون وحدى الاز خير

 

[كوثر الوهرانية]

رد: ماذا ستطبخين اليوم سيدتي انستي الجزء **35 **

مساكم الله بالخير و اليمن و البركات
راه كاين غياب للاختين رغود و ام منصف ان شاء الله يكونوا بخير
انريس تقرير فاق التفوق الله يعطيك الصحة راكي تنفعي صحفية
بصحتكم يا لحبابات كامل طيابكم يسخف
روعة عيد ميلاد سعيد اخت
ميمي عيد ميلاد سعيد للوالدة الكريمة
راني غير نتفرج و نمتع في نضري باطباقك الشهية خموس عليكم
الاخ معتز مرحبا بيك من جديد عيدك مبارك كل عا و انت بالف خير
شرشالية مرحبا بيك اختي في كوزينتك و المحاجب امممم تحفة و المدلوك جاك يهبل بصحتكم
دليلة بصحتك التحويسة و التبحيرة و عضيلي نوسة من الزنود و بلال مشاء الله عليه كبر راه راجل تبارك الله
حدة و طيابها امممممممممممممم و ادم فلقسعة نتاع الناير يهبل
سمورة بصحتك التعريسة
بيسوا بصحتهم ضيافك العرضة كون غير جيت في بلاستهم
ندوشة العدس و الرقبة هايليين
عفاف المسيلية حبيبت روحي بصحتك الخرجات و العرضات في وسط العايلة الله يدومها لمة
اليوم تغدينا مرقة بالجاج و الجلبان و سلاطة تقهوينا بالمسمن و العشاء مشحمة سخفت عليها وخلي الميزان على ربي هههههههههه