ماذا ستطبخين اليوم سيدتي انستي الجزء **35 **

[كوثر الوهرانية]

رد: ماذا ستطبخين اليوم سيدتي انستي الجزء **35 **

لويزة بصحتكم الشطيطحة هدا ما ينفع كي تكون العايلة كبيرة
ندى الورود راهي غايبة عن الساحة المطبخية
خيرة ليك وحشة كبيرة يا قنيل
ياسوا وين راكي متخبية توحشت نشوف مايدتك و طيابك و حلوياتك
الاخت مريم حاسي يادرا واش راهي و وين راهي توحشتها بزااااااااااااف
دهبية اسومة عرستنا الزينة

 

[ام ايناس]

رد: ماذا ستطبخين اليوم سيدتي انستي الجزء **35 **

حدودة ادم كي شفتو تفكرت نوسة كي كانت صغيرة صورناها هاكاك هههه ربي يحفظو
بسوم اطباق تشهي يعطيك الصحة والمادلان تاع فيت فيت جاك هايل بصح فرطاس هههه:d
سمورة الروز يبان يشهي والبيني جاوك روووعة يعطيك الصحة
فريدة واش احوالك وربي يخليك ويخليلك وليداتك مافهمتش واش هي لمشحمة خلي الميزان يزيد رانا كامل ضاربينها بطالو :d اييه شريفة ورغود عندهم مدة مابانوش انشا الله يكونو بخير
​

 

[ام ايناس]

رد: ماذا ستطبخين اليوم سيدتي انستي الجزء **35 **

ايييه فريدة فكرتينا في الغايبات ومريم حاسي والله سقسيت عليها ومكانش خبر عليها ونسيتي ياسمين الاء الرحمان تاني عندها مدة مابانتش
​

 

[كوثر الوهرانية]

رد: ماذا ستطبخين اليوم سيدتي انستي الجزء **35 **

سوموا سامحيني اختي مدكرتكش من قبيل كيراكي و كيراهي العزبة و واش احوالك مع الحمل كي نشوف اطباقك نتفكر رمضان الله يبارك و يزيد
دليلة المشحمة هي تعجني المطلوع و تخليه يخمر على جيه و تقلي البصل و الطماطم و ديري توابل و الفلفل الحار و طماطم الباطة و تخليها تطيب و تتجمر و من بعد تقطعي قرصة نتاع عجين و تحليها مليح و تعمريها بالحشوة ادا تحبيالشحم ديريها مقطعة صغيرة بزاف و ادا متحبيهاش مديريهاش تغلقي غليها و تطيبيها في الطاجين تاع المطلوع و شهية طيبة

 

[كوثر الوهرانية]

رد: ماذا ستطبخين اليوم سيدتي انستي الجزء **35 **

دليلة راني دكرت ياسمين انا ندلعها و ناديها ياسوا ان شاء الله يكونوا بخير

 

[انريس]

رد: ماذا ستطبخين اليوم سيدتي انستي الجزء **35 **

راني جاميتكم كااااامل التقرير مبعدا يجي
عفوف راهي تسقسي على العرضة نتاعي والله غير مصورتلكمش مليح تلهلجت شويا
شوفو نبداو بالاطباق اللي درت ونروحو حتى نلحقو للحلو يا حلوين
الديفو الاول راني ماقدرتش نصور
الطابلة جاو بكري و هو اللي دخللهم الاطباق
الديفو الثان البورتابل مايصورش مليح في اليل
نبداو باسم الله
الطبق الرئيسي رشتة

الطبق الثاني كتف مفور

وهنا كي قطعتوكنت رايحة ندير الرولي تاع اللحم والجاج وكي درت الكتف مرولي مادرتوش

ودرت طجين الخوخ بالموزريلا

شوفوووووووووو الفرماج

ودرتسلاطة رولي وسلاطة الحمص بلاكرام فراش هذيك اللي في لي كوتي

ودرت البوراك بالجاج و الكرام فراش ونسيت ما صورتوش صورت غير الحشو (الجاج بلاكرام فراش) كنت رايحة نحطو موضوع تالمن بنين بزااف فينالمن نسيت مصورتش الصح المهم البوراك باين كامل نعرفوه مازال عندي شويا ديزل ضرك نعاودوهذا الحشو برك

ودرت خبز الدار

هذو الاطباق نروحو للحلويات

درت لاتارت نتاع البطات قبل بيوم طاحلي فيها راجلي كلالي طرف و البطات تاع الميرانق كي باتو في لاكرام تاع القارص طاحو روسهم وليت عاودتلها الديكور شويا هاهي

و درت لي بابا

و هذي كلات منها انريسو

ودرت سلاد دو فروي نص كرام ديسار و نص سلاد دو فروي

و درت التاي
وهذي الطابلة نتاع الحلويات بصح مازال منيش حاطة فيها كلش

نسيت ماحطيتش لا موس بدلت فيها شويا قلت نخرج من عفسة الكيسان درتها هنا

لاموس راهي لداخل

ودرت المكسرات بصح نسيت ما صورتهمش
نشاء الله تعجبكم العرضة نتاعي

 

[راضية حامدة]

رد: ماذا ستطبخين اليوم سيدتي انستي الجزء **35 **

اليوم طبقت بينيي الاجت شهرزاد
يعطيها الصحة على الوصفة جاني بنين و خفيف رغم اني اول مرة نعملو

 

[راضية حامدة]

رد: ماذا ستطبخين اليوم سيدتي انستي الجزء **35 **

عشايا الرشتة راهي تطيب
ان شاء الله نتفكر و نصورها

 

[انريس]

رد: ماذا ستطبخين اليوم سيدتي انستي الجزء **35 **

عشايا الرشتة راهي تطيب
ان شاء الله نتفكر و نصورها

كن قلتيلي كن بعثتلك و علاه تشقي في روحك

 

[hadda0425]

رد: ماذا ستطبخين اليوم سيدتي انستي الجزء **35 **

صح عشاكم
ندوشة وصلتي للكرومة خخخخخ بصح عجبني لبلا مممم نموت على البطاطا لمصوتة :$ ههه بصح وينهي لفليفلة ولاما صوتهاش
شرشالية اهلا بيك وبصحتك لمحاجب والسمنيات
دلول وين كنتي داك نوم يا دلالي ههه مم الفلفل الحلو نموت عليه وعدستي اليوم بصحتك
ابتسام حكموك الضياف وحنا درنا لالارت ونت لا خبر بصحتهم ضيافك والمادلين فيت فيت بصح هيت هيت هههههههه
اووووو سمورة لي بيني طلعو هايلييييييين يعطيك الصحة وبصحتك الروز
ميمي الله يسلمك ويخليك
فريدة بصحتك الميزان خخخخ قصدي بصحتك وش تغديتي وش حتتعشاي
انا مزلتلي النعمة والخبز الدار نديرهم ونزيد نروح عند اختي ديرلي شخشوختها كيما تع رقية نزيد نضرب شبعة ومن بعد نشوفو مع الميزان هههههه يا غالب يا مغلوب :-o
انريس كل شي بالطبع هايل هايل يا بنتي قلشتيهم يجبو عام ما ياكلوش
يعطيك الصحة روعة من الطبق الرئيسي للحلو
عجبني طجين الخوخ معليش طريقتو من فضلك وطريقة سلاطة الحمص بلاكرام فراش
نسرين كملتي علينا بلي بيني قتلتكم السخفة هههه بصحتك جاوك روعة
​

 

[مطبخ الأحلام]

رد: ماذا ستطبخين اليوم سيدتي انستي الجزء **35 **

السلام عليكم

اه اه كي ندخل هنا نحس بروحي راني في عالم تاني اه اه


اطباق جميلة ترد الروح بصحاتكم لبنات ويعطيكم الصحة وحدة وحدة


اليوم جبت معي كونفيتوخ ولا معجون خير :d نتاع الكرموس ( التين )



كرموس + كيلو سكر + شوية ليمون



ماتحركيهش بمغرف برك قلبيه باش السكر يدخل فيه كامل وغطي عليه ودخليه الثلاجة يبات



يصبح هاكا




وهكا شكله الاخير





​

 

[مطبخ الأحلام]

رد: ماذا ستطبخين اليوم سيدتي انستي الجزء **35 **

وهاد القاطو اول تجربة



هادي لابتسام :d


​

 

[راضية حامدة]

رد: ماذا ستطبخين اليوم سيدتي انستي الجزء **35 **

هذا كان فطوري الصباح
دولمة سردين

و هنا عشايا الرشتة صورت عالسريع

 

[ام خديجة1]

رد: ماذا ستطبخين اليوم سيدتي انستي الجزء **35 **

ما شاء الله عليكم كل شئ من يديكم يشهي على سلامت الغايبات اللي عادو لينا ولعقوبة للي مازالو غايبات ربي يبشرنا بخبار زينة عليهم

 

[nada242008]

رد: ماذا ستطبخين اليوم سيدتي انستي الجزء **35 **

صحا عشاكم
شرشالية محجوبة ومسمن هايلين يعطيك الصحة
فريد بصحتك المشحمة ..اخرتها موت كولي وعاودي :d
ابتسام قمتي بضيافك كلشي من يديك بنين
سمرمر البيني تحفة والروز هايل ههههه الخروف تعيشي وترحمي بقاو عضيمات برك
ام ايناس فلفل مقلي مع سلاطة غدا خفيف ظريف بصحتكم
انريس الله يبارك على لعرضة كلشي درتيهولهم قوليلي قداه من ساعة ونت في الكوزينة وعندك بيبي
طيابك هايل الرشتة تسخف والكتف والسلاطة المنوعة والكرام ديسار راني نستنج في الشكل كيفاه درتيه ميلتي الكيسان وخليتيهم يجمدو ؟ يعطيك الصحة حمرتي وجه راجلك :$:p
سوسو معجون خرجلك امممممممممممممممم تمنيت نذوقو..والبوتي فور متحوف
اك زهرو بصحتك الرشتة وتنواصل حملة البيني ههه جاك هايل
ام خدووج العنب مستف :up: والرخساس محمر علكيف
--
من 6 تاع العشية وندوش تصقصي واش نتعشاو ايا قلت ندللها كيما حدة دللت بنتها هههه قلتلها مقرونة عيطت عيطة كبييييييرة من الفرحة هههههههه

 

[انريس]

رد: ماذا ستطبخين اليوم سيدتي انستي الجزء **35 **

شوفي حدود هو طجين الخوخ في الاصل يجي بالحمص ماش زيتون و البطاطة تتحشى بالحم المرحي انا راني بدلت فيه هذا راهو على طريقتي
تحمري الجاج و ترابي بصلة كبيرة و تقليها مع الجاج و الفلفل الاسود والملح تزيديلهم الما وتخليهم يطيبو وكي يطيبو اقلي الزيتون نتاعك(ذبليه) و لوحيه معاهم
و 2حبات ولا 3 بطاطة كبار تحطيهم يتشرشمو وكي يطيبو امعسيهم بالفرشيطة و زيديلهم الملح و الفرماج اللي عندك و كثري كن تصيبي شكليهم كويرات و احفري فيهم حفرة في النص و حطي فيها الفرماج الروج ولا الشيدار و الاحسن الموزريلا و اغلقي مليح
حضري الخبز المرحي عقبيه في السيار باه يجي رقيق و زيديلو ثومة برك مرحية وشوية توابل اللي تحبي و الحمار شوية برك خليهم مليح
كسري بيضة وملحيها واغطسي فيها لي بول نتاع الباطاطة و مرمديهم في الخبز المرحي واقليهم
زيدي حمري الجاج مليح وحطيهم في الطبق و سقيهم بالصوص بلونش نتاعهم اعصري عليهم القارص و زيني بالمعدنوس
و صلاطة الحمص مانمدش رايحة نحل انا و لويزة حانوت ارواحو اشريوها من عندنا لاه كيما هي راحت مدتلكم الكارنطيطا:tongue02:
راني نضحك برك هاني مصورتها بالمراحل ضرك نديرهالكم موضوع

 

[مطبخ الأحلام]

رد: ماذا ستطبخين اليوم سيدتي انستي الجزء **35 **

الله يسلمك ختيتي ام ندوشة شفتي شفتي لكان راكي جارتي لكان بعتلك طبسي دوقي \^^

بصحتكم مقرونة راها تشهي وبصحتها الامورة نتاعي ندوشتي
​

 

[مطبخ الأحلام]

رد: ماذا ستطبخين اليوم سيدتي انستي الجزء **35 **

ختيتي انريس ماعليش تعرفينا على حالك ^^ باش نكون معاكم فالخط:$ :d:$
​

 

[hadda0425]

رد: ماذا ستطبخين اليوم سيدتي انستي الجزء **35 **

سوسو معجون خرجلك امممممممممممممممم تمنيت نذوقو..والبوتي فور متحوف
ام خدووج العنب مستف :up: والرخساس محمر علكيف
نقلت تنقيلا ههههههههه
ندوش كان كملتي رديتي على روحك اوموان نقلت الرد خخخخ
دللتي الست الهانم بصحتها يقولو ناس بكري طيعو ولادكم لا تكلكم النار هههه
وحنا قلبناها زعم ندللو فيهم ادلل عليا ادااااااالل:d
​

 

[انريس]

رد: ماذا ستطبخين اليوم سيدتي انستي الجزء **35 **

ام ندوش بصحتكم المقرونة
و لاكرام ديسا راكي جبتيها ميلت الكيسان حتان جمدت و مبعد حطيت لي فروي
البيبي و كيفاه درت معاها يخي العرضة كانت قبل بيوم و واحد من صحابو كانت عندو طريق اجلوها لغدوا انا بروفيتيت وجدت لاتارت و لا موس ولي بابا و الحشوة نتاع البوراك و داويت لكتف و روليتو قبل بيوم و اليوم الثاني كملت الشي اللي بقا