ماذا ستطبخين اليوم سيدتي انستي الجزء37

[انريس]

رد: ماذا ستطبخين اليوم سيدتي انستي الجزء37

مرحبا بيكم ولا تقدري اعقبي تشربي قهوة عندي راني قريبة خلاص للبارك
المناخ راكي تعرفيه النو مكانش ساااعات برك و خفيفة بصح البرد يقتل راهم يقولو تاع ثلج لبسي للبنات مليح
تحبي تتصوري في الثلج راهو كاين في مقرس هكذا قالولي انا مارحت ما شفت راهو يلحق لينا غير السم نتاعو

 

[نور الحبوبة]

رد: ماذا ستطبخين اليوم سيدتي انستي الجزء37

ام ريهام اسمك كيما اسمي واسم نور اسم بنتي الصغيرة الي قبل معتز صح لغدا ولعشاء حاجة تقلقانا تاني راني نخمم واش اندير

 

[shahrazad]

رد: ماذا ستطبخين اليوم سيدتي انستي الجزء37

لفطور تع اليوم كرمب محشي
ودرت بيسكوي رولي دايما عندي مشكل معاه كي نروليه
اليوم جا يشبه شوية
بصح قولولي علاه كي نروليه على منشفة ولا بابي ممبعد كي نحلو يلصق فالمنشفة رغم اني نخليه يبرد

​

 

[انريس]

رد: ماذا ستطبخين اليوم سيدتي انستي الجزء37

شهرور بصحتط لكرنب اممممممممم
البيسكوي رولي ماجاش يشبه جا هو بالذات يعطيك الصحة
المنشفة بالاك ماكيش تشمخي فيها

 

[نور الحبوبة]

رد: ماذا ستطبخين اليوم سيدتي انستي الجزء37

شهرا زاد لكرمب اشهي اممممم والرولي مفشش يعطيك الصحا

 

[نور الحبوبة]

رد: ماذا ستطبخين اليوم سيدتي انستي الجزء37

انريس لقيتي واش اديري لعشاء ولا مازال انا واقيلة اندير قوارب البطاطا والله ماشفيت على مولاتهم ونشكرها

 

[ام ايناس]

رد: ماذا ستطبخين اليوم سيدتي انستي الجزء37

الله يسلمكم لبنات
اممممم نور الحبوبة كلش يشهي يعطيك الصحة
شهرا دلمة الكرنب راهي تشهي والبسكوي جااااك هايل
انا رايحة نرمي جاجة في الكوكوت تتحمر والسلام كرهت من الطياب

​

 

[انريس]

رد: ماذا ستطبخين اليوم سيدتي انستي الجزء37

انريس لقيتي واش اديري لعشاء ولا مازال انا واقيلة اندير قوارب البطاطا والله ماشفيت على مولاتهم ونشكرها

انا عندي اللويا زليقو و جنحين نتاع الجاج كلما نشري جاجة نخبي جنحيها نحبهم مقليين في لا شابلير ننصبها بيهم و نحيهم نقليهم في لاشلبلير و خلاص

 

[shahrazad]

رد: ماذا ستطبخين اليوم سيدتي انستي الجزء37

الله يسلمكم حبوباتي
ايييه صح بالاك هاديك هيا السبة انريسوو نديرها في بالي المرة الجاية مرسي
مالقيتوش وش ديرو لعشا انا ندير غراتان وصايي

​

 

[ام ريهام]

رد: ماذا ستطبخين اليوم سيدتي انستي الجزء37

صحيتي انريس ربي يخليك
ايه مقرس راني مصورة تم في الثلج يا حصراه والله نتمنى نسكن في سطيف طول حياتي وراني ندير في بطا طا كوشة تاعك نحطها مع الكتف لي بقالي وزدت حطيت زوج طراف جاج

نور عاشت الاسامي وربي يخليلك نور ومعتز

شهرزاد بصحتكم كلشي راه يشهي والبسكوي رولي تفاهمنا عليه اليوم بصح انا كي بدا يتكسر انسحبت باش نروليه وليت درتو حبات عادي راني حطيت الصور وتاعك جا هايل صح حتى انا ولا يلصقلي في المنشفة وبيلتها
المهم موراه حتى نجيبو

ام ايناس بصحتكم الجاجة وانريس بصحتكم اللوبيا
وكامل بصحتكم واش درتو عشا

 

[ام ريهام]

رد: ماذا ستطبخين اليوم سيدتي انستي الجزء37

اه انريس ما تقويش ماكلة الجنحين عود طيري للراجل في اليل وما يحكمكش انا تاني نحبهم بصح كي نديرهم لازم ندير معاهم فخذ ابو البنات ما يكلهمش بصحتكم

 

[nada242008]

رد: ماذا ستطبخين اليوم سيدتي انستي الجزء37

بونسوارنو ليديز هههه اقراوها صحيحة
يعطيكم الصحة والله متعتونا بالاطباق والروليات والحميصات لي سيلولي ريوقي ااااااه منك يابنت كوسطونتين هههه وروعة لي تحفتنا باالمحمر والمجمر والعرضات ولازيتون حدة هههه نسعرب بيك هههه ودلولة الفحلة واشمن بروشات الله الله ..ميمي والبيتزا المشرية ههههه يعطيك الصحة عرفتي تشري ههههه وام ريهام الشطورة لي نفضت دارها وجاها كتف محمر امممممممم يا بختك انا لي ععندي اقتليه وماياكلش حاجة من برا سخفتت نعار نسبن حاجة واجدة وام فيروزا مانيش مسامحاتك دنيا واخرة على تشيشة الفريك امممممممممممممممممممممممممممممممممممممممممممممممممممممم
ام رزق الله وام ميمي يعطيكم الصحة يالنحلات
انريس يعطيم الصحة على لومبيونص هههه عجبتني ووصفة لبطاطا كاش نهارر نجربها
ثاني نور الحبوبة عجبني للقرتان تاعك هااايل
شهرور على سلامتك حبيبتي بصحتك كوستيم التقاعد ههه لونو كيما السالوبات تاع الميكانسيان هههه هاني تخيلتك لابستها
ملينا طيابك هايل يالشاطرة تسلم الايادي يا جيش بلادي هههه تعرفوها الغناية خخخخ
هههههههههه زيدو شكون نسيت لويزة مريضة الزهايمر هههه عندك تتغشي عمرها ماتدكر الاسامي ديما تجملهم في كلمتين هههه يعطيك الصحة على اللوبيا
ابتيسو حبي الاول والاخير تووووووووووووووحشتك وبلا ماننسى عفوفتي الحنينة طال غيابك ارواحي يا لوكان اكتبي حرف باش نشوف توقيعك هههههه

فيفي الغالية ام منصف وسوسو وفريدة وسماح ولبنات كل ولي نسيتها تسمحلي تحياتي ليكم
لاحظت غياب الااخت نسيمة
جبتلكم رشتة درتها لبارح

وهذو التصاور سبيسيال لرغودة ههههه هو ياكل وانا نصور

هنا راهو يوزع فيهم برجلو هههههه

---
وليوم درت جاري فريك وخميرة وسلاطة

ولعشية درت لبابا بالبرتقال شفت الوصفة في قناة سميرة

 

[أم انس عبد الله]

رد: ماذا ستطبخين اليوم سيدتي انستي الجزء37

السلام عليكم ورحمة الله وبركاته
ان شاء الله راكم بخير وعافية
حنا اليوم ديناها قليان كرهنا واش نطيبو
هادا طرشي مقلى

وهادا حوت التونة مقلى مع لاصوص تاعو

وهادا بيدنجال

بطاطا مقلية

وهادي لاسوب تاع وليدي

وهادا وليدي ونور عينى ربي يحفضهولى ويكبرو في طاعتو

​

 

[om mimi.mili]

رد: ماذا ستطبخين اليوم سيدتي انستي الجزء37

العطلة في 19 مازال 21 يوم كاملين كرهنا من التبكار تع ال63969مليح وديري كاس صباح المهم الاخت نور لاغوسات تع الطرشي ساهلة ديري شوية روز يغلي مع شوية زبدة وملح من جهة اخرى درت صدر جاج مع نصف بصلة مرابية وملح وفلفل اكحل وشوية زعفران قلي مليح وديري كاس ماء برك وكي يطيب الروز ويبرد زيديلو كاشير مقطع رقيق وزيتون بلا عظم مقطع رقيق وهاداك الجاج لي يكون طاب فتيه وقليه وزيديه للروز ونحي الراس تع الطرشي وعمريه وقليه شوية برك قيس ما يتنقالك ومنبعد كي تنقيه حطيه في البلا ورابي طماطيش ديريها فوق الطرشي مع لاصوص لي بقاتلك لي طيبتي فيها الجاج ودخليه للفور ومنبعد ديري بيشامال وهي فرماج عندك د يريه من الفوق وبصحتكم:dوالاخت شهرزاد الكرنب هايل *ام ريهام*رايحة لسطيف بلا بيا منتفهموش رجلي عتى رجلك اروح اروح اروح ندير لعبد الله هكا كي يجي انوض كاش ما نوجد شوية عشا درك يجي عيان راه من 5 برى منبعد لبنات

 

[shahrazad]

رد: ماذا ستطبخين اليوم سيدتي انستي الجزء37

هههههه صحا ياربي انا وليت ميكانيسيانة خخخخ عندك واحد تخيلات وحدهم ههههه
بصحتكم الرشتة امممم هداك الجاري بالخميرة قتلوني رئود جاه اللعب كلشي كلا معاه هههه ياحليلك
قوليلي كيفاه جاك البابا انا تاني شفت لاروسات الشكل جاك هااايل سواسوا والبنة كيفاه؟
يعجبني هداك فارس يطيب فوور بزاف مانعرف متزوج ولا لالا ياسعدها الي تديه :d
سلفية الصغيرة راكي مع القليان خفيف ظريف بصحتكم ياعمري ماشاء الله وليدك كبر ورجع راجل ربي يحفظهولك
​

 

[أم انس عبد الله]

رد: ماذا ستطبخين اليوم سيدتي انستي الجزء37

هههههه صحا ياربي انا وليت ميكانيسيانة خخخخ عندك واحد تخيلات وحدهم ههههه
بصحتكم الرشتة امممم هداك الجاري بالخميرة قتلوني رئود جاه اللعب كلشي كلا معاه هههه ياحليلك
قوليلي كيفاه جاك البابا انا تاني شفت لاروسات الشكل جاك هااايل سواسوا والبنة كيفاه؟
يعجبني هداك فارس يطيب فوور بزاف مانعرف متزوج ولا لالا ياسعدها الي تديه :d
سلفية الصغيرة راكي مع القليان خفيف ظريف بصحتكم ياعمري ماشاء الله وليدك كبر ورجع راجل ربي يحفظهولك
​

لالا ياختى والله تحيا غفسة في الكوكوطة تغلقى تم تم طيب القليان يعيي

 

[nada242008]

رد: ماذا ستطبخين اليوم سيدتي انستي الجزء37

هههههههههههههههههههههههه وحدك يا شهرا انا ثاني يعجبني فارس يديه تقول فيهم التريسيتي هههه فحل ربي بارك
انا مانشتيش لي بابا بصح ابو العيال عجباااااتو وشكر فيها قالي خير من تاع لبرا ولباقي فليكسيتو لعجوزتي
نسيت نقولك فارس ماهوش لابس لاليونس هههههه كاين امل يعني هههههههههههههههه

 

[ام نوسه]

رد: ماذا ستطبخين اليوم سيدتي انستي الجزء37

السلام عليكن
يعطيكم الصحة كلش رائع ويسخف ربي يكون في عون المتوحمات
راني ندخل نطل ونشوف برك وما نيش نشارك ازمة التصوير والميزانية ما تسمحش باش نشري صوارة اخرى الوغ نتفرج ساكته
ضحكتيني شهرا والبارح انا نشوف في فارس ونقول الله يبارك خفيف وفحل سعدها لي تتزوج بيه
ام ندى حتى حاجة ما تفوتك شفتي انوا ما يديرش لا ليونس ربي يحفظك والله ليك وحشة

 

[hadda0425]

رد: ماذا ستطبخين اليوم سيدتي انستي الجزء37

سلام لبنات
ام ريهام واخيرا عرفنا اسمك يا نعيمة بصحتكم لكتف يشهي
سمورة ربي يخليك اختي
شهورة وش بيك زرg وك هههه ولكرمب والرولي يشهيو يعطيك الصحة
دليلة بصحتك وش قدمتي سيرتو هادوك البيض والروطي
نور الحبوبة شكرا حبيبتي وراكم مع حملة الروطي بصحتك والله يبان يشهي
ام ميمي الله يسلمك اختي
اسما مرسي ليك هاو لازم عاند وما تسمنش هههههه
ندوشة صورتي خطوات العمل والتسياق هههههه
نت اوموان رائد كلا وسيح انا ادم كي يشوف ماكلة تع عذاب كيما هادي يقولي مما شخوخة هههه نفتلو شوية كسرة في كش تشراف ونتهنى
بصحتكم الرشتة والشربة والماما قصدي البابا تشهي ههههه
هاجر بصحتكم القليان ونور عينك يهبل ما شاء الله ربي يحفظو
​

 

[انريس]

رد: ماذا ستطبخين اليوم سيدتي انستي الجزء37

عفااااااااااااااااااااف توحشناك هذي غيبة سمعت بلي ندوش كانت مريضة و زاد لحقها رائد يخي غير الخير ما عليهمش رضرك؟
قتلتيني بالسخفة على هذاك السباقيتي اللي ماخلى ما بقى فيه لفسايدي نتاعك احكميه لنجي ناكلو هو بالذات هههه
و بصحتك الشريبة و المطلوع راهو يبان من بعيد ماشي كيما نتاعي لا تضحكو عليا مطلوعي كونجلي خليوها بيناتنا هذي ندير نهار الجمعة 7 ولا 8 ناكلو اللي كليناه و نكونجلي الباقي و كل يوم نجبدلو وحدة نسخنها في الميكروند ونحطهالو وهو مسكين يضل يشكر و يعاود مرتي فحلة تخدم و كل يوم طيبلي الكسرة و المطلوع ههههه هذا ما يستاهلو الرجالة
السلفية الصغيرة بصحتك المقالي و ربي يحفضلك البوبون نتاعك بوسيهلي امممممممممممممواح
هذا عشايا نتاع الزرب جنحين مقليين بلاشابلير

اللوبيا زليقو

الطابلة نتاعي مضلمة كي العادة غدوا نشري لامبا200 باه يبانو لي فوتو