ماذا ستطبخين اليوم سيدتي ..الجزء ال50 .

[shahrazad]

ميمي اهلاااااا توحشاتك الكوزينة خخخخ
الله يباااارك ماخليتيش فينا لاتورت ولا الحوتة ولا القاطووو ولا الحلاوي امممممممممممممم
كلشي توب زينة تاعي ربي يحفظك
وبصحتكم الرشتة كيما قالت دلول رشتة ربحت اليوووووم ههه
​

 

[faith8]

لبنات ليوم جيت نقوللكم تبقاو على خير حباباتي
وما تنساونيش ادعولي ربي يوفقني وان شاء الله نولي نحطلكم حلوة نجاحي
اتهلاو في روحتيكم عسولاتي
سلام الله عليكم...~

 

[هدوء المطر]

السلام عليكم
بصحتكم
ربي يدومها عليكم نعمة
الله يبارك كل شي روعة
حبيبتي هدوء المطر من فضلك جيبيلي الوصفة نتاع العصيدة أنا وراسك ههه

وعليكم السلآم
من عيوني حبيبتي:
المقآدير:
1 كغ من الزقوقو
750 غ من الطحين
500 غ من السكر
مقادير الكريمة:
لتر ونصف من الحليب
500 غ من السكر
أربع صفار بيض
أربع ملاعق أكل نشاء
ماء الزهر أو الفانيليا على حسب الذوق
طريقة التحضير:
تنقي الزقوقو وتغسليه مليح، منبعد ترحيه، وتحطيه في 1 لتر من الماء خلطيه مليح ومنبعد جيبي الغربال وصفيه، فرغي الخليط اللي صفيتيه في وعاء وديري الطحين ونص كيمة السكر (250غ) حركيهم مليح حتان يذوبو، حطيهم على النار خليهم على النار ونتي تحركي منبعد زيدي حطي النصف المتبقي نتاع السكر، ومنبعد كي تتخثر العصيدة تحطيها في أكواب إلى النصف وتحطيها في الفريجيدار تبرد، وتروحي تحضري الكريمة بالمقادير المذكورة، تخرجي الأكواب اللي فيها العصيدة بعدما تكون بردت طبعاً وتصبي فوق كل كوب الكريمة اللي حضرتيها وأخيراً تزينيها بالمكسرات اللي عندك ( لوز، بيسطاش...)
بالصحة والهناء.​

 

[*amina*]

اهلا بيكم لبنات
مساء الخير عليكم كاااااااامل

 

[*amina*]

ليوم كنت حابة ندير الرشتة للعشا و نعجن المطلوع ايا عجوزي بكرت و شرات الخبز راحلي البروقرام

 

[BLEU PEARL]

صباح الخير عليكم يا ملكات الطبخ
اليوم درنا المخلع وكاين ألي يسموه خبزة الشحم

ودرنا شوربة روز

صح فطوركم

 

[هدوء المطر]

السلآم عليكم
وين راكم بنآت؟ واقيلا راكم توجدوا باش ترجعوا للقراية والخدمة :-r​

 

[راضية حامدة]

يعطيكم الصحة البنات
هبلتونا بالمواكل و الله


شهرا اختي تعيشي
يا ريت تحطينا وصفة الكيكة تع الشوكولا لي راهي في الصفحات لي فاتت

 

[نبض الحياة]

الســــــــــلآم عليكن
ما شاء الله عليكم
بصحآآتكم كامل واش درتوواا في المولوود
الله غالب كمل وقتنا هنا ورجعنا للصح :p
جبتلكم طبق خآآص، علابالي كامل تكرهوه وكآين اللي توحشووه، المهم انا جامي نمل منوو كل يوم نديره وما نكرهش :p :p :p

صح عشآكم كآمل
​

 

[قوقا]

السلام البنات واش راكم
روكا وهدوء وامينة وشهرور المتالقة وراضية ولينا و ميليسا
توحشتكم البارح رحت للحمام وخلصتها غالية ضربني البرد الليل كامل ونا نعاني حتى الصباح ماقدرتش النوض عجوزي دارت الحوت الساردين والعدس فالفطور انا كي صحصحت درتللهم الحرشة بالزيت الزيتون والعشا رانا دتيرين الخبيزة عجوزي تموت عليها هي وشيخي وانا وراجلي راه باقي الحوت نعملو بلا وصايي مانحملهاش الخبيزة

 

[نبض الحياة]

قوقااا حبيبتي بصحتك التحميمة
وسلآمتك من البرد هآ اطووووووونسيون اطووووونسيون الحمام وااااعر في البرد
ربي يشافيك حنونة
وصح عشاك
​

 

[هدوء المطر]

رآضية الله يسلمك ختي
روكآ الطبق الخاص اللي جبتيه اليوم نشتيه ومانشتيهش :p
قوقآ سلآمتك لحبيبة، هذا وين بدا البرد نتاع الصح لازم تحافظوا على رواحكم من الأحسن التدواش في الدار خير
صحآ عشاكم​

 

[قوقا]

اوه سوغتو الحمام نتاع النجاح رهج البرا وين تلبسي البرد نتاع بصح بناقص منو حمام

 

[هدوء المطر]

بنآت نحوس نحط تصآور المولد النبوي الشريف ما عرفتش واش من قسم​

 

[نبض الحياة]

هدوووء اذا كانوا اطبااق متنوعين وكذا حطيهم في التطبيقات ولا في ركن المطبخ العام يعني ماشي في الاقسام
اما اذا تحطي الوصفات والطريقة شوفي القسم المناسب بكل طبق
​

 

[هدوء المطر]

لآلآ روكا عندي لاتاغت نتاع السهرة وتصاور ثآني نتاع السهرة (شموع...) قلت نديرهم في موضوع مستقل معرفتش واش من قسم ولآ نحطهم هنا وخلآص​

 

[نبض الحياة]

اممممممممممم انا تبآنلي حبيبة التطبيقآت احسن اذا حابة ديري موضوع
كيما موضوع عيد ميلادي هههههههه
مام انتبهت بلي بزاف بنات حطو مواضيع نتاع عرضات وحفلات تم
ولا حطيهم هنا كيما تحبي انتِ
​

 

[هدوء المطر]

ههههه أوكي حبوبتي ضرك نحط موضوع في ركن التطبيقآت إذا ماعادتش بلآصتو المشرفات راهم يتصرفو
صحيتي الحب​

 

[anissa 13]

السلام عليكم لبنات كيراكم

حبيت نسقسيكم هاد الشكل كيفاه تعملوه ؟ نقصد الوردات هادوك الخطوط البنية جابلي ربي بالقرفة وطابع تاع القاطو بصح كيفاه الطريقة ماعرفتش ؟
هاهي الصورة (ماخودة من النت)


​

 

[نبض الحياة]

انوووسة انا تبانلي بطابع قلب صغير تطراسي قلوب حدا بعضاها بشكل دائري حتى تتحصلي على وردة
ترشميها بالقرفة والباقي تكمليه تاني بالقرفة
مخيلة فقط هههههههه جامي جربتها
​