ماذا ستطبخين اليوم سيدتي ..الجزء ال50 .

[آهات القلب]

أأأأأأأأأه الله يبارك اللهيبارك الله يبارك ما شاء الله عليك يا طاطا
ممكن تعلميني كيفاش عملتيهم أو تعرفي مزالني ما حكمتش يدي مليح و نحب نتعلم خاصة البيتزا هذيك و الله
جوعتيني هههه يعطيك الصحة

 

[آهات القلب]

ههههههههههههههههههههههه
انا قلت عندها 60 سنة هههههههههههه
ربي يخليها

 

[nassima 87]

السلام عليكم كيف حوالكم غيرتوني واش نسيتو ام لقمان انريس ام سيراج الدين نسيمه والبنوته اهات القلوب تفكروني في دردشتكم

والله مانسينا حتى واحد ياختيتي تالمون كاين بزاف الله يبارك مينداك منجبدوش كامل ان شاء الله نولو كامل​

 

[مطبخ الأحلام]

اهلين أمورتي واش راكي يابنتي :P حتى انا توحشتك والله هدي شحال ماتلاقينا ^^

راني نستناكي تكبري شويا وتفتحي فايس باش نتلاقاو على طول سلميلي على العائلة الكريمة

تعديل لقلة الدردشة

معليش يا أهات خلي في عمري 60 سنة أحسن

بالنسبة للبيتزا عندي زوج أنواع

وحدة بعجينة 10 دقائق وحدة بالعجينة الذهبية

أول مرة نجرب العجينة الذهبية وهاد العجينة يستعملوها الخلجيين بزاف والصراحة هايلة هايلة

المقادير

2 ونصف كوب طحين ( فرينة)
خمارة حلوى ( بيكنج باودر)
ملعقة كبيرة خميرة فورية
علبة ياغورت nature
ربع كوب زيت
3 ملاعق كبيرة سكر
حاطين نصف كوب حليب ولكن انا استعملت اكثر من نصف الكوب اي حتى لميت لعجينة

طريقة التحضير

نخلط جميع المقادير بالعجانه ونتركه تنعجن جدا لمدة ربع ساعة على الاقل ويمكن دلكها باليد ثم نتركها ترتاح نصف ساعة او اكثر حسب درجة حرارة المطبخ ثم استعمليها وشكلي بها اي شيء تريدين حسب الرغبة حتى وانك تحشيها بالشوكولا

عجينة 10 دقائق

فنجان فرينة + زوج ملاعق خميرة عجين+ زوج ملاعق كبيرة حليب بودرة+زوج ملاعق
كبيرة سكر + فنجان ماء عبري الماء بنفس الفنجان الي عبرتي بيه الفرينة
خلطيهم مليح وخليها ترتاح عشر دقائق في مكان دافي ومن بعد ظيفي 2 ملاعق زيت
زيتون و 4 ملاعق زيت نباتي + خمارة حلوة
وحدة + ملعقة صغيرة ملح وظيفي الفرينة بالتدريج حتى تتحصلي على عجينة
متماسكة وتدلكيها مليح مليح وتخليها ترتاح في مكان دافي حتى يتضاعف حجمها
ومن بعد استعمليها وبالصحة والهنى

​

 

[nassima 87]

اها واش هو لفطير ؟؟؟؟؟؟
بصحتك

لفطير هو خبز كاين اللي يقولو فطير كاين اللي يقولو كسرة ولا رخساس
​

 

[آهات القلب]

اوكي اوكي فهمت بالصحة عليك حنونة

 

[AmiR@RoRo]

طاطا نسيمة بالبراكة عليكم هاد البنبونة

مشاء الله تغـــــوي

ربي يحفظهالكم ويكبرها في طاعتو
​

 

[AmiR@RoRo]

اهلا بيكي سمسومة ربي يحفظك
تتوحشك الجنة ان شا الله
ان شا الله زينة ربي يخليك
يسلمك ونتي تاني سلمي عليهم خاصة الشبيب تاعنا عبود ^^
​

 

[قوقا]

الله الله على هدوك الماكل كامل يغوو
العيش عجبني بزاف نموت عليه ياريت الطريقة

 

[مطبخ الأحلام]

الله يسلمك اختي اميرة يبلغ ان شاااء الله

قوقا شكرا لكي اختي واش هو العيش ؟؟
​

 

[بنت الـ25]

العيش هو البركوكس على ما أعتقد
يا سوسو
​

 

[أم منيــــــر]

السلام عليكم
صح فطوركم
ما شاء الله اليوم راكم ناشطين الله يدومها هكدا
​

 

[أم منيــــــر]

العيش هو البركوكس على ما أعتقد
يا سوسو
​

انا نضن الخبز السوري لي حاطاتو سوسو هو العيش
​

 

[أم منيــــــر]

الله يعطيك الصحة سوسو
ماشاء الله عليك والله يبارك
كل شي شباب ويشهي ولي جوعتني بزاف
هادي

لو كان غير تقوليلي كفاش درتيها الله يحفظك
​

 

[nassima 87]

طاطا نسيمة بالبراكة عليكم هاد البنبونة

مشاء الله تغـــــوي

ربي يحفظهالكم ويكبرها في طاعتو
​

امين ان شاء الله الله يبارك فيك​

 

[آهات القلب]

العيش هو لمحمصة نورمالمو

 

[مطبخ الأحلام]

حياكي الله يا ختيتي مينات ياهلا ياهلا منورة ^_^

ام منير بارك الله فيكي أختي هدا من لطفكي تشكرين ختيتي

انا سألت عن العيش قلت بلاك حاجة من لي راني حاطتهم يسموها العيش باش نشرحلها او نعطيها الوصفة لما تجي نفهم منها وشكرا لكن على التوضيح ولكن تبقى علامة استفهام هههههه

تحياتي للجميع الغايبين والحاضرين
​

 

[انريس]

السلااااام عليكم هاني جييييت
مازال ما شفتش واش درتو فيها تلاقيت غير بالتارتة نتاع سمسومة الله يبارك تشهييييييييييي
وقيلا راكم جايبينها وكملتو المشوار وانا من قبيل وانا متحيرة يادرا دخلو ولا لالة
علابالكم يا البنات والله رجعنا البارح لايامات فاتو هايلين
حقا درت رولي بصح حتى مبعدا ونحطو درتو البارح على الثناش تاع الليل
ايه تفكرت حنا في سطيف البركوكس هو اللي نقولولو العيش و الخبز نتاع الشاورما نعيطولو الخبز العربي وكاين خبز الفاهيتاس اللي يجي رقيق وكاين خبز البانين تقريبا هو نفسو خبز الفاهيتاس

 

[آهات القلب]

اهلا الا بيك و الله الدعوة راهي مليحة مع الاخوات
الله يبارك ري يدومها مرحبا بيك طاطا انريس ههههه

 

[انريس]

تزيدي تقوليلي طاطا نشمر ونجري من وراك هههههههه
هكداك ومازال كاين الغيان وقيلا نبدا نقص في النقاط وخلاص المجموعة هدي عندها 10على 10 في التقويم


حالياً الأعضاء النشيطين الذين يشاهدون هذا الموضوع : 28 (10 عضو و 18 ضيف) ‏انريس, ‏றĭṩṤ❤Ṡoşσ, ‏ام منصف, ‏اميرة في مملكة العلم, ‏MIMI 33, ‏nassima 87, ‏Oum Loukmane, ‏ساندريلا زماني, ‏shahrazad, ‏قوقا