جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

بوزلوف محمر لندى242008​

ولا في طنجرة الضغط عمريها حوالي النصف ماء عادي
وحطي البوزلوف ومعاه حبة بصل كبيرة مقطعة ارباع وورقة رند وملح وفلفل اكحل سكنجبير واغلقي عليها وخليها حتان يطيب نص طياب
من بعد صفيها والماء اللي طاب فيه خلاص سيحيه //ماتحتاجيهش
وجدي التتبيلة رابي الثوم بزيادة ملح وفلفل اكحل ورند قطعيه والتوابل اللي مالفين طيبوا بيهم وقطرة زيت فقط وحكي البوزلوف مليح بالتوابل
حطيه في بلاطو ودخليه لفرن مسخن مسبقا ومعاه كاس ماء باش مايتحرقش
وغطيه بورق الالمنيوم وخليه يكمل طيابو
بعد مايطيب انزعي ورق الالمنيوم وخليه يتحمر في الكوشة
قدميه مع بطاطا مقلية وفلفل حار مقلي كيما يديروا تاع برا

بتنجال محشي لإبمان​

اما بتنجال تحليهم على زوج اومبعد وجدى لحم مرحى مع بصل ملح فلفل لكحل قرفة شوية روز وفرماج رابى وحبة بيض تخلطيهم وتعمري بتنجالودريى صوص توما ت عادى وتستفيهم فى بلا وحطى عليهم صوص طومات ودخليه للفرن كى يطيب دردري عليه فرماج رابى وخليه يحمار

 

[rose09000]

رد: جميع وصفات عضوات ماذا ستطبخين اليوم سيدتي

القطايف لندى242008​

لقطايف الماركة تاع العائلة //كيما البوراك نوعيتها هايلة ورقيقة كي تاع سوريا
اولا تذوبي مارغارين ولا زبدة
تحلي القطايف تاعك مليح شعرة شعرة هههه
وتصبي عليها الزبدة الذايبة وتفركيها بالشوية حتان تغطي الزبدة القطايف بكلها
تقسميها الى قسمين
توجدي الحشو انا درت جوز ولوز وكثرت الجوز يواتيها
ترحيه كي تاع البقلاوة ودرت 4 كيلات بكيلة سكر احرش وتبليه بماء الزهر
تدهني البلاطو تحطي نصف كمية القطايف وتقرصيها بيدك باش تحكم روحها
وطبقة حشو وطيقة قطايف
في الاخير تزيدي تذوبي شوية زبدة وترشيها من فوق عليها
تدخليها للكوشة وتدوري البلاطو ساهة على ساعة باش تطيب لون واحد
بعد ماتحمار تكوني سخنتي العسل وتزيديلو كمية مليحة من ماء الزهر
تسقيها مليح راهي تشرب ياسر وترجعيها للفرن وهو سخون
تخليها ليلة كاملة ولا نهار كامل تتشرب ..تقسميها وتقدميها

 

[rose09000]

رد: جميع وصفات عضوات ماذا ستطبخين اليوم سيدتي

غراتان جلبانة[ziassia/SIZE]​

حمسي البصل و ديري معاه قطع انتاع الجاج و شوية جلبانة و التوابل ألي تحبيهم
انا درت الكمون و فلفل أسود و الزنجبيل و الزيت و الملح و تحمسيهم مليح ممبعد تديريلهم الماء و تخليهم يطيبو
و من جهة أخرى تقلي البطاطا و بعدما يطيب الجاج خلي فيه شوي مرقة انتاعو و أجبدي الجاج و فتيه قطع صغيرة و ممبعد خلطيه هو و البطاطا في المرقة انتاعو و زيديلو 3 حبات بيض و لا كيما تحبي و خلطيهم
ممبعد جيبي المول و فرشي نصف الكمية و جيبي الفرماج و فرشيه فوقو و بعدها كملي النص الباقي من الكمية ألي خليتيها و ديريلوا فرماج رابي من الفوق ادا حبيتي و ديريه في كوشة قيس مايطيب هداك البيض

 

[rose09000]

رد: جميع وصفات عضوات ماذا ستطبخين اليوم سيدتي

كيكة بالبيمو النسلي لراجية العفو​

1و1/2ك بيمو مرحي + 1/2ك زيت + 1/2ك سكر
+ 1/2ك جوز الهند + 1/2 ك حليب + 1 بيض + فآني
+ 1 م ك خميرة كيميآئية

يخلط البيض مع السكر والفآني جيدآ ثم نضيف الزيت ونخلط ثم الحليب
مع الخلط ثم جوز الهند والبيمو والخمآرة تفرغ في قآلب وتدخل للفرن تطهى
ومن الفوق حطيت نستلي طآيب كرمآل وزينتهآ بجوز هند مقلي وفوقهآ
خطوط شكولآ تبرد وتقطع

 

[rose09000]

رد: جميع وصفات عضوات ماذا ستطبخين اليوم سيدتي

ديسار بالبيمو وكريم كراميل لراجية العفو​

الكيك: 2بيض + 3 م ك سكر يخلط جيدآ ثم 6 م ك زيت
و6م ك حليب ويخلط + 6 م ك فرينة و1 خمآرة يخلط يفرغ في قآلب
ويطهى يشرب بالسيرو ونخضر الحشو
في كسرونة 2 ك حليب + 2 فلآن أو 1 كبيرة كريم كرميل
وسكر ونخلط حتى يغلي نحطوه في الروبو ونضيف 10 حبآت بيمو
ونطحن الكل ثم نضيف 20سل كريم فريش ونخلط
يفرغ فوق الكيك ويترك حتى يبرد جيدآ يقطع مرلبعآت ويزين
حسب الرغبة

 

[rose09000]

رد: جميع وصفات عضوات ماذا ستطبخين اليوم سيدتي

كاسات بالنوتيلا و البيمو​

طبقة 1: بيمور مشرب في الحليب ونحطو الحبة في قآع الكآس
طبقة2: 1/2 علبة كريم فريش + 3م ك نوتيلـآ نخلطهم مع بعض
ونفرغهم فوق البيمو
طبقة3: بيمو مشرب في الحليب ونحطو حبة فوقه
طبقة4: كمية كريم شآنتيي تخلطيهآ مع كريم بآتسيير حليب
و 4 حبآت جبن كيري نخلطهم ونحطهم فوق البيمو كطبقة 4
طبقة5: شكولآطة + 3م ك نوتيلآ نذوبهم ونحطهم من الفوق
يزين ويترك ليبرد

 

[rose09000]

رد: جميع وصفات عضوات ماذا ستطبخين اليوم سيدتي

طاجين الحلو بالعقدةلراجية العفو​

العقدة: كمية كوكآو مقلي ومطحون وبيآض بيض ومآء زهر حتى
تتلم العجينة تشكل حسب الرغبة وتقلى ثم نضعهآ في صوص الحلو
ونخليهآ تتشرب مليح وتقدم

بطاطا في الفور بالجاج و الزيتون لرلجية العفو​

تقطع بطآطآ دوآئر
وفي طنجرة نضع دجآج وبصل مرحي وثوم مرحي وشوية زيت ونقليهم
مليح ثم نضيف جزر مبشور مع زيتون مبشور ونخلط ونضيف توآبل مع
طمآطم مصبرة ونقليهم نضيف المآء ونخليهم يطيبو
من بعد نصفي المرقة ونفتت الجآج ونخلطه مع الجزر والزيتون والبصل
يعني اللي صفينآهم تقلى البطآطآ وفي بلآ تآع الفور نحطو طبقة
بطآطآ وفوقهآ الحشو وجبن مرحي ونحط طبقة بطآطآ ونخلط بيض مع
مرق ومعدنوس ونفرغوه على البطآطآ من فوق ونضيف جبن مرحي
وتدخل للفور حتى تطهى

 

[rose09000]

رد: جميع وصفات عضوات ماذا ستطبخين اليوم سيدتي

تورت باللحم و صلصة الطماطم لراجية العفو​

عيجنة مورقة تفرد وتلبس في قآلب ونضع صلصة طمآطم وجبن مبشور
وفوقهم لحم مرحي طآيب أنآ حطيت كورني دبآف مقلي وفوقهآ جبن مرحي
وتغطة بالعجينة تدهن بيض وتطهى

باركات محشين بصلصة الطماطم و البيض لراجية العفو​

عيجنة بريزي تلبس في قوآلب بآركآت وتطهى نصف طهي
أنآ شريتهم وآجدين والحشو في مقلآة تحطي طمآطم مقطعة أربآع
وتقلى في قليل من زيت مع ملح وحرور ورآس الحآنوت
ثم نرحوهآ في الميكسور ونخطلهآ مع بيض مخفوق وزيتون مقطع
دوآئر وتحشى البآركآت ومن فوق نضع جبن مبشور وتطهى
أنآ زينتهآ بالمآيونيز

 

[rose09000]

رد: جميع وصفات عضوات ماذا ستطبخين اليوم سيدتي

بابا بالنواة كوكو​

السيرو: 2ك سكر + 1 ك مآء يغلو وحتى تثقل ننزعهآ من فوق النآر
ونضيف عصير 1 ليمون ومآء زهر

العجينة: 4 بيض نخلطهم مع فآني و 2 فنجآن سكر قلآصي نخلطهم
مليح مليح ونضيف 2 فنجآن زين ونخلط + 2 فنجآن حليب ونخلط
ثم نضيف 2 فنجآن نوآة كوكو ونخلط بـ fouet ونضيف
2 فنجآن فرينة و1 خمآرة نتركهآ تتخمر ثم نخلطلهآ مليح
تفرغ في قوآلب وتطهى ثم نضعهآ في السيرو حتى تتشرب

 

[rose09000]

رد: جميع وصفات عضوات ماذا ستطبخين اليوم سيدتي

بوراك بالبطاطة لراجية العفو​

درت بطآطآ مطحونة يعني مفورة وخلطتهآ بالتوآبل كيمآ المعقوة وزدت
حبة بيض وزدت عليهآ علبة تون شوية كبيرة وزيتون خضر مقطع
دوآئر وعلبة جين طري صغيرة وجبن مبشور وخلطت وزدت بيض مغلي
مقطع صغير وحشيتهم وحطيت من فوق مغرف صغيرة مآ يونيز وغلقت
الحبة وقليتهم وجآو روعة في البنة

القاضي و جماعتو لبرنسيسة اللمة​

وفي تديري لاصوص بيضاء و تطيبي لحم الخروغ و لحم الدجاج مع بعض في لاصوص و كي يطيبو قطعيهم على قيس عدد الأفراد حطيهم في بلا تاع زجاج و فرغي فوقهم لاصوص البيضا و حطيهم في الفور و كي تشوفيهم بداو يغليو فقسي فوقهم بيض على قد الأفراد تاني

 

[rose09000]

رد: جميع وصفات عضوات ماذا ستطبخين اليوم سيدتي

قاطو البيمو و النسلي لمريم حاسي​

لبة بيمو مطحونة
كاوكاو محمص و مطحون
جلجلان مطحون و محمص
ديول محمصين و مقصوصين
عرق السوس مطحون
حبة حلاوة مطحونة
خلطت المقادير بالعسل و الزبدة مدوبة عيني ميزلني حتي تحصلت علي عجينة طرية
حضرت الحشوة
خلطت النيسلي مع حلوة الترك ملييح و زدتلهم قشور الليمون
و حطيت الحشوة فوق العجينة ثم دخلتها للثلاجة و من بعد عملتلها قلاصاج شوكولا
و من بعد قسمتها
علي فكرة النيسلي خدمتو في الدار هي وصفة راجية العفو تبارك الله عليها و كي كان سخون زدتلو حلوة الترك حتي يولي كريمة
و لا حبيتي طيبي النيسلي في الكوكوط حتي يولي كراميل بصح انا حبيت تكون الطبقات بالالوان اي بني ابيض اسود

 

[rose09000]

رد: جميع وصفات عضوات ماذا ستطبخين اليوم سيدتي

طاجين الجبن لإيمان27​

يبى لجاج مع حبة بصل وملح وفلفل لكحل كى يطيب لجاج فتيه واتفضى بالمرقة مترمهاش
قطعى بطاطا مكعبات صغار وقليها وصفيها
فى صحن كبير حطى بطاطا ولجاج واحكمى كاس من المرقة لى بقات حطلها 6حبات بيض وانا نضيف لكريم فراش هدا اختيارى بصح انا شفتها جى بنينة به وفرغيه على بطاطا ولجاج وخلطى
اومبعد قطعى جبن مكعابات تاع كيري ومعدنوس وضفيه على الخليط وفرغيه فى مول ودخليه للفور حتى يطيب ويحمار

الكبدة مشرملة لروز​

انا نرابيلها الثوم ونقطعلها الكسبر (ولا نعملهم في الميكسورولا ندقهم في المهراس تاع الخشب )
ونقطع الجزر دوائر ونرابي حبة طماطم ورند وكمون وفلفل أحمر وملح ولاجمبو
و نحط شوي حمص وشوي زيت ونتكتك الكل مع بعض على نار هادئة
بعدها نقطع الكبدة قطع صغيرة نوعا مآ (مش صغير ياسر ) ونحطها ونخلطمليح بالشوي برك ونمرقها
وكي اطيب الكبدة نزيد طماطم نتاع القوابس باش تخثار
ونقلي معاهاالبطاطة تجي هايلة

 

[rose09000]

رد: جميع وصفات عضوات ماذا ستطبخين اليوم سيدتي

غراتان بطاطة تعziassia​

قطعت البطاطا دوائر و غليتها
و من جهة أخرى درت الروز يطيب و بعدها قطعت بصل و حمستو و ممبعد قليتو مع اللحم مرحي
و كي غلات البطاطا فرشتها و درت طبقة من البطاطا و بعد فرغت الروز و فوقوا اللحم المرحي و ممبعد كملت البطاطا ألي بقاتلي
و كسرت 3 حبات بيض و ضربتهم مليح و فرغتهم فوقو و درت الفرماج رابي و شوي اللحم المرحي و دخلتو للفرن

عجينة مسكرة لندى242008​

0 غ فرينة
175 غ زبدة بدرجة حرارة الغرفة من الاحسن تكون ستار
2 صفار بيض
2 م ك سكر ارطب
رشة ملح

تمحريها مليح ومن بعد تضيفي الصفار
تهليها ترتاح شوية ومن بعد تحطيها في المول وتثقبيها ودخليها لفرن مسخن مسبقا 200 درجة وبعد ما تطيب تحشيها بالكريمة وتزينيها

 

[rose09000]

رد: جميع وصفات عضوات ماذا ستطبخين اليوم سيدتي

صلصة الطحينة لإبتسام​

ملعقتين طحينة
عصير قارس
ملح
سنة ثوم
ماء
باش تحليها فيه او تعمليها في الخلاط
توصع في الشورما والمشاوي مع الطماطم
خيار
فلفل
معدنوس
بصل اخضر

كريمة الباتيسير لراجية العفو​

1ل حليب و 200غ سكر و 100غ نشآ و 1 بيض
نقلعي كآس حليب تخلطيه مع النشآ والبيض وتخلطيهم مليح
وبآقي الحليب تزيدي عليه السكر وحطيه فوق النآس كي تشوفيه
بدآ يغلي زيدي عليه خليط النشآ والحليب وخلطي بسرعة حتى
تثقل

 

[rose09000]

رد: جميع وصفات عضوات ماذا ستطبخين اليوم سيدتي

​

حمص السوري لأم فاروق

عبارة عن حمص مشمخ ليلة كاملة مع بكربونات الصوديوم ومبعد طيبيه في الماء فيه شوية سكر في كوكوت منيت طنجرة الضغط حتى يطيب ويتهرى ومبعد تحطيه في خلاط كهربائي ترحيه وانتي ترحي تحطيلوا يعني مثلا 250غ حمص تحطيلوا فنجان طحينة وفنجان رايب وشوية عصير قارس وسنة ثوم وشوية ملح وشوية ماء وتبقاي ترحي فيه حتى يولي كريمة ومبعد تحطيه في صحن وتزينيه بزيت زيتون وحبات حمص وشوية كمون

غراتان الكرم لمريم حاسي​

غليت الكرم في الماء مع جومبو و فلفل اسود و زنجبيل مطحون و كي غلي صفيتو و خليتو يبرد
ثم حضرت الكفتة و تبلتها مليح و متنسايش البصل و المعدنوس و الثوم
جبت بلا خاص بالفرن شكلو صغير دهنتو بالزبدة و فرشت اوراق الكرم و من بعد وضعت في الوسط الكفتة مع الفرماج و بيضة ثم غلقت و دهنت الكرم من الفوق بالزبدة و دخلتو للفرن كي يحمار خرجيه
و انا زدتلو الكاتشوب و الفرماج من فوق

 

[rose09000]

رد: جميع وصفات عضوات ماذا ستطبخين اليوم سيدتي

فلان لإيمان27​

صف لتر حليب حطيه يغلى
فى صحن حطى 4حبات بيض ودربيهم بلباتور مع 150غ سكر وساشى لفانى
كى يغلى لحليب ضفيه غير بشوية وخلطى باش ميطيبش لبيض
فى كسرونة دري شوية سكر وخليه حتى يولى كرمال وفرغيه فى قوالب وفرغى فوقو لفلون وحتيه فى سنوة فيها حمام مائى ودخليه للفرن يطيب باش تعرفى بلى طاب دخلى موس ولا خرج نقى صافى طاب

بوراك كروفيت لروز​

لكروفيت بعد ما نغسلها وانضفها
نقطعها قطع صغار ونعمللها الثوم وطماطم مرابية كمون وملح
وشوي زيت ونقلبها على نار هادئة حتى اطيب
بعدها نحط فوقها رشتة معدنوس أو كسبر ونعملها في البوراك
واذا ماعندكش منها بزاف تقدري تقطعي البطاطة صغير وتقليها وتزيديها معاها وتعمليهم في الديول

وكاين لي يرابيها الجزر والكورجيت ويطيبهم معاها مع الطماطم والكسبر والكمون كما قتلك
نتي واختيارك

 

[rose09000]

رد: جميع وصفات عضوات ماذا ستطبخين اليوم سيدتي

بوراك الكروفيت لإبتسام​

تقدري تعملي بوراك تاع الكروفات بالبشاميل والشامبنيو
تدبال البصل مقطع جوانح في الزبدة ملح فلفل اسود نضفيلو الشامبنيو من بعد زيدي الكروفات مع المعدنوس
والزيتون والفرماج لافاش كيري وخلطيلهم في2 ملاعق كبار تع بشامال كان محتاجة زديها ملعقة اخرى
لفيها في الورق واقليه

فولوفون لروز​

فولوفون دهنتهم بصفار البيض ودرتهم يطيبو بعد ما طابو درت فوقهم ملعقة صغيرة طون و وفوقهم (خضرطايبة في الماء والملح خلطتهم مع الزيتون والمايونيز) وحطيتهم من فوق وفرماج رابي وحبة زيتون سوداء

طاجين الجبن لأم إبناس​

نقلي الجاج نورمال ونمرقو ونخليه يطيب كي يطيب الجاج نفتو ونزيدلو كاس تاع مرقة لي طاب فيها وكاس حليب وكاس خبز يابس مرحي وندير فرماج مثلثات و5 حبات بيض ومعدنوس وملح وفلفل اسود ونخلطهم كااامل وندخلهم للفرن

 

[rose09000]

رد: جميع وصفات عضوات ماذا ستطبخين اليوم سيدتي

المونجتو لندى 242008​

بلت اللحم ملح وفلفل اكحل وعصرة قارص وخليتو في الفريجيدار
في طنجرة حبة بصل مفرومة مع شوية زبدة ملح وفلفل اكحل قليتها مليح
ومن بعد ضفتلها المونجتو وبعد ماتقلات مرقتها وخليتها تطيب
بعد ماطابت نحيت المونجتو وقليت اللحم في نفس الطنجرة حتان تحمر
قليت البطاطا عادي ومن بعد ضفتها للطنجرة اللي فيها اللحم وخليتها معاه حوالي 5 دقائق باش تدي بنة اللحم وتتحمر كثر
عند التقديم سخنت المونجتو وحطيت معاها البطاطا المقلية واللحم مع شرائح قارص

 

[rose09000]

رد: جميع وصفات عضوات ماذا ستطبخين اليوم سيدتي

تارت الفلان لراجية العفو​

بآت بريزي : 250غ فرينة + 125غ زبدة + 1 صفآر بيض
1/2ك مآء ( كآس تآع لآتآي) + رشة ملح + 25غ سكر
نخدم العجينة وترتآح سآعة في الثلآجة
ثم تفرد في قآلب وتدخل للفرن تطهى نصف طيآب ونخرجهآ ونحضر
الحشو
5ك مآء + 1 بيض + 350غ سكر + 3م ك لحظة +
50غ نشآ + 150غ فرينة + ملون أصفر + عطر موز أو فآني

في كسرونة نحطو 3 ك مآء مع سكر وفوق النآر يغلو
ومن جهة أخرى نخلط 2 ك مآء مع البيض والنشآ واللحظة والفرينة
والملون والعطر نخلطهم مليح ونفرغ عليهم السيرو ونخلطو ونرجعو
كل شي فوق النآر حتى تثقل شوي تفرغ على العجينة وتدخل للفرن
حتى تطهى ثم تزين بنبآج أو عسل أو مربة ولوز إيفيلي

هآذ الكمية تخدم لك تورت كبيرو ووحدة متوسطة

 

[rose09000]

رد: جميع وصفات عضوات ماذا ستطبخين اليوم سيدتي

ديسار بالتفاح الرحي و الكراميل لراجية العفو​

كرميل: 2 م ك زبدة + 1 ك شآي سكر + نذوبهم فوق النآر +
2 م ك مآء ونتركهآ على نآر هآدئة حتى يصبح لونه أصفر خفيف

ونحضر الديسآر : 1ل حليب ننزع منه كآس حليب ونحطوه في ميكسآر
+ 2 حبآت تفآح كبآر ونرحوهم ونضيفو 3 م ك نشآ ونخلطوهم
وفي كسرونة نضع الحليب الآخر مع 1 ك سكر فوق النآر كي يبدآ
يغلي نضيفو خليط التفآح المرحي والنشآ ونخلطو كي تبدآ تثقل نضيفو
الكرميل ونخلطو ونقطع تفآح مربعآت صغآر أو أي فآكهة ونضيفهآ
للخليط ونخلطو كل شي وكي تثقل نفرغوه في أكوآب يبردو
والتزيين حسب الرغبة