جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

الشربة البيضا تع setifienne ​

قطعي البصل والثوم وقليهم مع الجاج في شوية زيت وزبدة و ديري الملح و الفلفل اكحل ثم مرقي وادير المعدنوس وعود كرافس وخليها الطيب بعدما ايطيب الجاج نحيه مع الحزمة تيع الكرافس و المعدنوس و ارحي الشربة اتيعك ثم رجعيها لنار وخليها تغلي و زيدي vermicelles
كي الطيب رجعي الجاج مفتت في المرقة وحضري العقدة خدي 3 ملاعق من الشربة +صفار 1بيض +عصيرنصف ليمون خلطيهم مليح وفرغيهم فوق الشربة مع التحريك المستمر وطفي عليه وديري المعدنوس المقطع رقيق وشهية طيبة نتمنى انو افدتك ولو بالقليل

كروفات بصوص الطماطم مع الروز لندى 242008​

كوب ارز بسمتي
2 م ك زبدة
3 م ك زيت
حبة طماطم
طماطم مصبرة
4 الى 5 فصوص ثوم
توابل ملح وفلفل اكحل
فلفل احمر حار
راس الحانوت
كمون
دبشة// كسبر
الطريقة
في طنجرة تكون ثقيلة نوعا ما
نذوب 2 م ك زبدة ونحمص معاها كوب الارز
ومن بعد نزيدولها 2 كوب ماء دافئ
وم ص ملح
بعد ما يبدا في الغليان
نغلق عليه ونخليه على نار هادئة جدا

وبعد ما ينشف نخليه بالمغطة تاع الطنجرة حتان يبرد مليح

----
الصوص
في طنجرة اخرى نرابي فصوص الثوم + 3 م ك زيت + فلفل حار احمر كمية مليحة + ملح وشوية راس الحانوت وفلفل اكحل

نقليهم مليح ومانخليش الثوم يتحرق

نضيفلهم حبة طماطم مرابية + طماطم مصبرة

ونخليهم يتكتكو مع بعض
من بعد نمرق ب 2 كوب ماء

بعد ماتهز الغلية
نكونو وجدنا الكروفات انا استعملت المجمد
وملاحظة فقط من الافضل استعمال اللي بقشورو
تعود بنتو اقوى واحسن

نلوحو في المرقة

ونخليه يطيب لمدة 10 دقائق
ومن بعد نضيفلو دبشة مقطعة ورشة كمون

نخليه 5 دقائق اخرى ونطفي عليه
ونقدمو مع الارز

 

[rose09000]

رد: جميع وصفات عضوات ماذا ستطبخين اليوم سيدتي

طعام بالمرق حمرا لكوثر الواهرنية​

لحم خروف او دجاج بصل طماطم جزر قرعة و لفت ملح فلفل اسود زعفران عود قرفة زوج حبات كبابة سكنجبير فلفلة حمرة حلوة و ادا تحبي الحار زيدي فلفلة حمرة حارة خليهم حمص خليهم يتقلوا مليح و مرقي بالماء سخون و خليه يطيب
من جهة اخر فوري الطعام مرتين و شمخي الزبيب في الماء سخون و منبعد فوريه مدة عشرة دقائق و حطيه مع الطعام و دهنيه مليح بلزبدة او السمن
في صحن كبير حطي الطعام الي مخلط مع الزبيب و سقيه بالمرقة كان تحبي الخضرة حطيها كان محبيتيش حطي غير الحمص و اللحم
و كاين نفس المرق و نفس كيفية الطعام لكن طرق التزين تختلف

 

[rose09000]

رد: جميع وصفات عضوات ماذا ستطبخين اليوم سيدتي

فطائر محشية بالتفاح لتسنيم الهناء

​

- رطل (500غ) فرينة
- 3 معالق زبدة دايبة
- معلقة خميرة الخبز
- 1 خمارة
- 1 فاني
- شوية الملح
- ماء دافئ للعجن زبده مخلط بالزيت باش نفرقو العجينة
الحشو:
- تفاح مقشر ونزولو ليه القلب ديالو +سكر عادي + زبده

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لأم إيناس​

3 كيسان سميد يكون شوية حرش ماشي بزاف + كاس فرينة + 4 مغارف زيت + 4 مغارف حليب غبرة + مغرف كبيرة خميرة الكسرة + تلميهم بالماء وتخلي العجينة ترتاح 20 دقيقة منبعد كسري العجينة واعجنيها وظيفيلها الملح واقعدي تعجني فيها والعجينة لازم تكون طرية تاخدي بلا لي ديريها فية وتدهنيه بالزيت وتفرشي العجينة وتخليها تخمر منبعد رشيها بالسيد لحرش ودخليها للفرن

 

[rose09000]

رد: جميع وصفات عضوات ماذا ستطبخين اليوم سيدتي

كيكة التمر بالتوفي لراجية العفو​

1ك تمر + 1ك مآء سآخن نتركم 1/2 سآعة
في خلآط العضير تحطي 2 بيض + فآني وتخلطي حتى تتكون فقآعآت
نضيف 1/2 ك سكر نآعم ونخلط جيدآ ثم نضيف 1/2 ك زيت
مع الخلط دآئمآ ثم نضيف خليط التمر ويخلط الكل جيدآ
ننخل 1ك فرينة مع 1م ك خميرة حلوة
ونفرغ السوآئل على الجآف مع بالخلط بالخلآط سرعة بطيئة
يفرغ الخليط في صينينة مدهونة وتدخل للفرت حتى تطهى
تبرد قليلآ ونحضر التوفي
نذوب 1 فنجآن سكر حتى يتغير لونه ولآ يحترق نضيف 1 ع صغيرة
كريم فريش ونخلط
يفرغ التوفي على الكيكة وتزين بشرآئح اللوز

شربة بيضا لإيمان 27​

في طنجرة قلي لجاج مع بصل ملح فلفل لكحل قرفة خليهم يتقلو مليح اومبعد مرقي وضفي واش حبتي شوية حميصة ولا جلبانة وجي بنينة بالجلبانة خير وحلي كلش يطيب وكي يطيب فرغي عليها فرميسال ولا شوية روز كل واحد كيفاش يحب يدرها وخليها حتي طيب وكسري حبة بيض وعصري عليها حبة قارص ومعدنوس وضفيه وخليها تعقد شوية وطفي وتتقدم سخونة وتقدري دريها بصدر تاع لجاج مرحي ودرلو شوية بصل ونفس التوابل لي فالمرقة وكوريه ودريه يطيب فالمرقة انشاء الله تعجبك

 

[Oussama.GF]

رد: جميع وصفات عضوات ماذا ستطبخين اليوم سيدتي

السلام عليكم
اكلة طيبة وشهية
بصحلي راخوا جوعان ياكل ههههه
​

 

[rose09000]

رد: جميع وصفات عضوات ماذا ستطبخين اليوم سيدتي

تارت اللحم و الروز لروعة2005​

يبي الروز تاعك وحطيه بجيهة
اقلي البطاطا دوائر وحطي بجيهة
طيبي لحم مفروم+بصل مفروم+كمية مليحة تاع معدنوس+توابل +جزر مرابي واحد 3حبات جزر ذبليهم مليح وحطي بجيه
جيبي المول تاعك وادهني بزبدة مليح وحطي طبقة تاع بطاطا المقلية وفرغي فوقها خليط تاع بيضة ثم طبقة من الكفته والروز بعدما خلطيتهم مع بعض ثم بطاطا ثم كفته و روز ثم في الاخير بطاطا وفرغي فوقها 3او4 بيضات مخلطين وطيبيها في الفور خليها تبرد شوي وقلبيها وقدميها
----------

كفتة طاجين مغربي لروعة 2005​

ولا في الطاجين فرغي كميه مليحة تاع زيت الزيتون وكي يسخن اقلي فيها دوائر الكفته لي خدمتيها كيما مالفة ثم نحي الكفته وحطيها بجيهة وفي نفس الزيت حطي كمية تاع بصل مقطع وذبليه منين يذبال مليح ولي لوحي فيه صوص تومات مع ورقات رند وهي تغلي هذيك لصوص وانت رجعي الكفته وغطي ونقصي النار اخر حاجة وخلي تطيب وفي الاخير كي تعودي راح قريب تقدميه كسري فوق الطاجين تاعك بيضات ورشي عليهم ملح+فلفل كحل +معدنوس مقطع وصحة وهنا

 

[rose09000]

رد: جميع وصفات عضوات ماذا ستطبخين اليوم سيدتي

بونفور لتنسيم 55​

كالمحجوبة لاصوص انتاعها جيبي 2البصل قطعيه مربعات صغيرة سكرفجي 3طماطم حب وطماطم المصبرة2 ملاعق كبار و3سنات توم انا سكرفجتو والفلفل لخضر حار 2 مقطع رقيق دري شوية راس الحنوت فلفل حار مرحي احمر ملح و شوية زيت وانا ندير شوية شحمة نذوها في شوية زيت وبعد نرميها وانتي كيما تحبي وشوية دبشة مقطعة وتكوني وجدتي جزر مقطع ومفور ميز 2 حبات ولاصوص ماطيبهاش خطراش ريحة تفوريها
وتكوني وجدتي العيش مفتول اقل شوية من حبة البركوكس وفورتيه مثل الطعام مرتين وتفويرة الثالثة دري طبقةعيش وبعد طبقة لاصوص وبعد طبقة عيش وخليه يفور وبعد ديري في القصعة وخلطي الكل مع بعض وزيدي ملعقة بوفجوخ وخلطي واذا ستعملتي الطعام تقدري بنفس الطريقة هنا مادريش الجزر تولي اسمها بربوشة مشخشخة

 

[rose09000]

رد: جميع وصفات عضوات ماذا ستطبخين اليوم سيدتي

سفنج لبنت الجسور المعلقة​

درت فيه 3 كيسان فرينة وقرصة ملح وحبة عضمة (بيض) وزدت فيه مغرف جلجلان محمصة ولخميرة نتاع لخبز 3مغارف نتآع قهوة خلطت نواشف معا بعضاها ومبعد جريتها بلماء بلباتور حتان تخلط كلش مليح وخليتها تطلع لعجينة
سخنت زيت وقيتهم ومبعد عسلتهم بصحة ولهنا

الكشري المصري لروعة2005​

1 كوب عدس
2 كوب أرز
1 كوب مكرونة صغيرة
نصف كوب شعرية /فارميسال/
نصف كوب حمص
4 بصلة كبيرة

2 كوب عصير طماطم
1 ملعقة صلصة طماطم
3 فصوص ثوم مدقوقين
خل و ملح و كمون

2 حبة طماطم متوسطة
زيت


الطريقة:

- نغسل العدس جيدا و نتركه ينشف ثم ننقيه ثم نسلق العدس في كوبان ماء و بعد السلق نتركه في ماء سلقه .
- نقطع البصل أربع إرباع ثم شرايح رقيقة جدا , نضع في اناء صغير كمية من الزيت لتحمير شرايح البصل و نقلب البصل باستمرار حتى يصبح لونه ذهبي مائل للاحمرار .
- نبعد الحلة عن النار و نميل الحلة على جانب حتى يفصل الزيت عن البصل و نرفع البصل من الزيت بالملعقة ثم نضعه في طبق مسطح مفرود و نوزعه بالملعقة كي لا يلتصق بعضه ببعض .
- في نفس الزيت نضع العدس المسلوق بمياهه (أنها سبب لون الكشري المتعارف عليه شبه رمادي) و نضيف نصف ملعقة ملح و نتركها تغلي ثم نضيف الأرز بعد تنقيته و غسله و يجب أن يغطي الماء الأرز و العدس , نقلبهم جيداً و نغطي الحلة , و عندما يبدأ الرز بشرب الماء نوطي النار و نطبخه مثل الارز العادي.
- نسلق الحمص في ماء مملح و نصفيه من الماء .
- نسلق المكرونة في ماء مملح و نصفيها .
- نسخن زيت ثم نضع المكرونة و نقلبها في الزيت تقليبتين ثم نهدي النار و نتركها دقيقتين .
- نحمر الشعرية في القليل من الزيت ثم نضيف لها القليل من الماء الساخن و نغطيها و نملحلها و نطبخها مثل الأرز.
- لتحضير الصلصة : ناخد الجزء الأكبر من الثوم المدقوق و نقلبه في القليل من الزيت إلى أن يصفر لونه ثم نضيف عصير الطماطم و ندعها حتى تتسبك ( أي ينشف منها الماء ) .
- نضيف لها الصلصة و الخل و الملح و الكمون و نقلبهم , ثم نضيف لها ماء حتى يصبح قوامها متوسط مثل الصوص ( لا غليظة و لا خفيفة ) و نطفي عليها النار لما تغلي.
- لتحضير سلطة الدقة : نقطع الطماطم مكعبات و نضيف لها خل و ملح و كمون و بقية الثوم المدقوق و ماء و تبقى سلطة بالدقة , ممكن الإستغناء عن الطماطم و اضافة شطة حمراء مطحونة فنحصل على الدقة .

- تقديم الطبق :
- نضع الكشري (الأرز بالعدس) و فوقه الشعرية ثم المكرونة ثم التقلية (البصل المحمر) ثم الحمص و يقدم بجواره الصلصة و السلطة بالدقة أو الدقة وحدها .

راح تبالك فيه خدمة كبيرة بصح لوكان تجربيه راح توالفيه وتعودي ساعة ساعة طيبه يجي مممممممم

 

[rose09000]

رد: جميع وصفات عضوات ماذا ستطبخين اليوم سيدتي

المقلوبة تع
l'algeroise


​

4 حبات باذنجان (ممكن أقل ممكن أكثر حسب حجم البلاطو)
2 حبات طماطم
دجاج أو لحم مرحي
بصلة
سنة ثوم
ملح
فلفل أكحل
قرفة
زعفران
كركم
زيت
روز
طريقة التحضير
نحضر أولا المرقة نفرم البصل و الثوم و الدجاج و التوابل كاملة و الزيت و تقليها فوق النار منبعد تمرقي و تخليها طيب
ثم تنقي الباذنجان و تقطعيه شرائح بالطول و ديريلو الملح و تقليه و تخليه جانبا
شمخي الروز و صفيه كي الطيب المرقة نحي الجاج و فتيه و خليه جانبا لوحي الروز يطيب كي يطيب خلي فيه شوية مرقة و جيبي بلاطو يكون ما يلسقش فرشي الباذنجان في سطح البلاطو و في الجوانب أيضا ثم الطماطم مقطعة دوائر ثم الدجاج المفتت ثم الروز و دخليها في الفرن تكمل تنشف المرقة كي تنشف نحيه من الفرن و قلبيها في طبسي
ملاحظة
إذا درتي لحم مرحي ماديريهش في المرقة طيبيه وحدو في مقلة مع شوية زيت باه تقدري ديريه فوق الطماطم

 

[rose09000]

رد: جميع وصفات عضوات ماذا ستطبخين اليوم سيدتي

بيتزا رولي لأسيا دز​

هاذيك بيتزا رولي، عجينة البيتزا تحليها رقيقة، تدهنيها بصلصة الطماطم، فوقها زيتون أخضر دوائر، زيتون أسود قطع صغيرة، طون، دجاج طايب مفتت أو لحم مرحي، فرماج ومعدنوس ومبعد تروليها تجي حربوش خشين شوية وتقطعيها دوائربسمك 2 سم تقريبا تدهني الجناب بشوية صلصة طماطم ولا بيض باه يحمارو وتحطيها تطيب،ترابي فرماج من فوق في آخر الطياب يذوب برك.

البروانيز لإبتسام​

كاس مرقرين او زبدة ذائبة بدرجة الحرارة البيت
120 كاكاو او 4 مكعبات من الشيكولة المرة
2 كؤوس سكر
ملعقة قهوة فانيلة
3 بيض
1 كاس فرينة
ذرة تاع ملح
كاس جوز او بيكان مكسر صغير جدا انا هنا معملتهاش لانو الاولاد ميحبوهاش
التحضير
نذيب نصف الزبدو زالكاكاو في حمام مائي على نار قليلة
نضعها في جهة لتبرد
نضع النصف التاني من الزبذة مع السكر والفانيلة في الخلاط ونخلط لمدة 30 ثانية
بعد نضعها على سرعة رقم 6 لمدة 2 قيقتين
نضيف البيض مع بعض
ونخلط جيدا نضيف الخليط الاول تاع الشكولة بعد ماتكون بردت
ونخلط الكل مع بعض جدا
ونحضر البلاطو الخاص بالبراونيز او بلاطو عادي صغير الجوانب
هدا المقياس البلاطو
33 سنتي متر في 22 سنتي متر في 5 سنتي متر طبعا الخمسة هو العلو
على درجة 176
لمدة 45 د ممكن تكون اقل بشوية

 

[rose09000]

رد: جميع وصفات عضوات ماذا ستطبخين اليوم سيدتي

لوبيا لسمورة68​

وبيا طيبتها كالتالي قليت البصل و الجاج مع التوابل حتى دبل لبصل زدت امعهم الطماطم حتى تقلوا مليح مرقتها وحطيت اللوبيا وغلقت عليها لكوكوط مينيط كي تبدا تصفر ربع ساعة وفتحها تكون غرجتي 2كعبات بطاطا ووحدة جريوات ووحدة فلفل لحلو تقصهم وتحطهم علي اللوبيا وخليها الطيب حتى اطيب الخضرة وتنشف شوية كي تحط الخضرة متقفلش لكوكوط مينيط وشهية طيبة

البالميى لأم منصف​

تتخدم بالعجينة المورقة
حليها وذرذري السكر مليح ولفي العجينة على الجيهتين حتى يتلاقاو
وقصي لفائف بسمك 2 سم او اقل
وحطيهم في البلاتو وزيذي ذرذري شوية سكر على الوجه ديريها في الفرن حتى تطيب
نحيها وادهني الوجه بشوية عسل وهذا اختياري

 

[rose09000]

رد: جميع وصفات عضوات ماذا ستطبخين اليوم سيدتي

كوكا لإيمان27​

لبات فويتي انا نشريها ولا تحبي تخدميها
الحشو بصل مقطع مكعبات صغير قليه في شوية زيت وصفي ملح وفلفل لكحل ولا حبتي فلفلحار قطعيه صغير وضفي طماطم مقطعة مكعبات ناني وخليه يطيب وينشف من الماء
حلي لبات فويتي وقطعي مربعات وحطي الحشو فيها وحطي مربع اخر فوقها وغلقي مليح بالفرشيطة ودهنيها بالبيض ودخليهم للفور درجة حرارة عالية وخليهم يطبو حتا يحمرو من فوق

المشقوق لإيمان27​

250 غ لوز مرحي +175 غ سكر قلاصي +25 غ فرينة + ربع كيس خمارة الحلوة وعاودي ارحيهم مع بعض ولميهم با2 بياض بيض حتى تولي عجينة طرية وحطي الملون وكوري كورات 30 غ لكل واحدة ورمديهم فى سكر قلاصي ودرهم فلكسات ودخليهم للفرن درجة 180 وغير يتشقو نحيهم

 

[rose09000]

رد: جميع وصفات عضوات ماذا ستطبخين اليوم سيدتي

تحلية لتسنيم الهناء​

علبة بسكويت بيمو. كاس قهوة باردة . 1/2 لتر حليب . 5ملاعق كبيرة سكر . 2 ملعقة كبيرة مايزينة .

الطـــــــــــريــــقة :

في كسرونة حطي الحليب والسكر وغربلي عليهم المايزينة وخلطيهم مليح
و زيديلهم لاروم انتاع القارص هذي انا نستعملها بزاف



وحطيهم على النار مع التحريك المستمر حتى تصل درجة الغليان وتثقل الكريمة
أول ما تصل درجة الغليان نحيها من على النار ولازم ما يكونش فيها تكتلات

في وعاء التقديم ''بيراكس''
مدهون بشوية زبدة وخذي حبة بسكويت غمسيها في القهوة الباردة ورصيهم في الطبق حتى تشكلي طبقة

اسكبي عليها شوية كريمة حتى تغطيها كامل ورشي عليهم المكسرات المدشدشة
وتعاودي العملية حتى ديري 3 طبقات
في الطبقة الاخيرة خليها تجمد شوي و من بعد ديري شوية شيكولا بخطوط عشوائية

غطيه بالبلاستيك وحطيه بالثلاجة لمدة 3 ساعات على الاقل

 

[rose09000]

رد: جميع وصفات عضوات ماذا ستطبخين اليوم سيدتي

التورت بالسلق لكوثر الواهرنية​

للعجينة
خمسة عبار فرينة و عبر زيت و ملح رشة جوزة الطيب و نلمها بالماء خليها ترتاح نص ساعة

الحشوة نفور السلق و نقطره مليح في مقلة نضع زيت ثوم يتقلوا نضيف ملح فلفل اسود و نضع السلق و نخلط جيد و نطفي النار و من جهة اخرى نحضر صلصة البيشمال تكون تقيلة نضيف لها الفرماج
نخلط السلق مع صلصة البيشمال
نورق العجين و نضعها في مول نضع الحشوة ثم نغلق بعجينة اخرى و نزين بباقي العجين و ندهن بصفار البيض و ندخله الفرن مسخن مسبقا نتركها حتى تحمار مليح

الحمص لندى242008​

طيبي الحمص عادي حتان يطيب مليح و تخلي الما اللي طاب فيه شوية لازم تكون خاثرة
تقطعي الطماطم وفلفل طرشي يعني مرقد و معدنوس وبصل قطع صغيرة جدا
البصل تذبليه في شوية زيت زيتون غير شوية برك لازم تبقى فيه القرمشة
تسقي الحمص وتحطي عليه الطماطم والفلفل والمعدنوس والبصل وتخلطي وتضيفيلو الكمون وتزينيه برشة معدنوس وزيت زيتون
--

 

[rose09000]

رد: جميع وصفات عضوات ماذا ستطبخين اليوم سيدتي

الكفتاجي لإبتسام​

دنجال والبطاطة والقرعة ودجاج تاع الصدر
تقطعيهم كلهم مكعبات وتقليهم كل واحدة وحدها الى ان تنتهي
تجبي مقلات تقطعي 2 حبات طماطم دوائر وفلفلة خصرا كي يدبالو ارمي عليهم الخضر لقلتيهم
وتقطعي السنة ثوم ومعدنوس وطفي النار

معمول تع oumsif​

2 كيلات دقيق رطب +1كيلة فرينة+1كيلة زبدة+مغرف خميرة انتاع الخبز+2مغارف سكر رطب
الحشوة
الغرس+شوية قرنفل مطحون
ماء زهر
قرفة
شوية زبدة
الطريقة
نخلط الفرينة مع الدقيقو 2مغارف سكر رطب حكو بيدك وخليه يرتاح بلا ما تبلها و كي ترتاح تأخد الخميرة و دوبها بماء الزهرو بل بيها العجينة ,
تكون حظرتي الغرس من قبل ومن بعد شكلهم في الطابع و طيبهم كي طيبوا دردري اعليهم سكر رطب

 

[rose09000]

رد: جميع وصفات عضوات ماذا ستطبخين اليوم سيدتي

المثوم لروز​

ام نفين المثوم درت للاصوص الثومة درتها في المكسور مع الكسبر والرند والطماطم مقطعة وامبعد درتها في الطنجرة مع الزيت والكمون والفلفل احمر وفلفل اسود والملح والحمص ولما ذبلو مرقتها
واللحم درتو نورمال الكسبر والكمون والملح والفلفل اسود وبيضة
وخلطت مليح ودرتهم دي بولات ولما تقلبت لاصوص لي في الطنجرة درت لي بولات وكي طابو درت طماطم نتاع القوابس باش تخثار وكي خثارت طفيت النار فقط

 

[rose09000]

رد: جميع وصفات عضوات ماذا ستطبخين اليوم سيدتي

العصبان تع لالجيرواز​

تنقي الدوارة و تقطعيها قطع كبيرة و تحضري الحشو
ترابي الثوم و تزيديلو الكبدة مقطعة قطع صغار و تضيفي الرية مقطعة قطع وتضيفي الروز و البقايا صغار تاع الدوارة كي تقطعيها قطعيهم و ضيفيهم و الديري الملح فلفل أكحل فلفل أحمر كسبر كمون حمص و الدبشة ثم تخلطي مليح و تعمري الدوارة و تخيطيها ثم تحضري المرقة ديري الثوم الملح فلفل أكحل فلفل أحمر كسبر كمون حمص زيت و تقليها شوية ثم ضيفي الدوارة و تخليها طيب كي تقرب طيب تحبي ديري القرعة و الجلبانة

الغراتان سردين تع لالجيرواز​

تنقي السردين و تنحيلو الشوك تاع النص و تحضري الشرمولة ترابي الثوم وديري المعدنوس الملح فلفل أكحل فلفل أحمر كسبر كمون كركم سكنجبير شوية طماطم تاع الباطات و تخلطي مليح تهزي وحدة سردين و ديري شوية من الحشو و تحطي وحدة أخرى فوقها و هكذا ديري كامل السردين و تخلي شوية من الحشو ثم تنقي البطاطا و تقطعيها دوائر و تستفيها في بلاطو و تستفي فوقها السردين ثم تنقي الطماطم تاع الحب و ترابيها و تحطيها فوقهم وهذيك الشرمولة لي قعدتلك ديريلها شوية ماء و تفرغيها فوقهم و دخليه الفرن

 

[rose09000]

رد: جميع وصفات عضوات ماذا ستطبخين اليوم سيدتي

خبز الهبرجر لراجية العفو​

3ك فرينة + 2م ك سكر+ 1م ك خميرة فورية+ مليح+ 2م ك زبدة طرية
1 بيض+ 1ك مـآء+ 2م ك حليب بودرة
تعجن العجينة جيدآ نتركهآ طرية شوية ومش يآبسة نتركهآ ترتآح
قليلآ وتعجن مرة ثآنية وتشكل كرآت صغيرة نتركهـآ تخمر 1 سـآ
ويمسح على الوجه حليب وسمسم وتدخل للفرن

أو



2ك فرينة+ 1/2م ص خميرة فورية+ 1/2م ص خميرة حلوى+
ملح+ 2م ك سكر + 2م ك زيت + 1و1/2م ك حليب بودرة+
1ك مـآء وتعجن ,,,,

 

[rose09000]

رد: جميع وصفات عضوات ماذا ستطبخين اليوم سيدتي

غراتان المونجتو لندى242008​

شوفي نقي المونجتو وقصي كل حبة على زوج
انصبي مرقة بيضا بصلة مقطعة + صدر دجاج + شوية زيت وزبدة وملح وفلفل اكحل + جامبو دجاج
ولوحي معاها اللوبيا الخضرا امرقي بكاس ماء وخليها تطيب
البطاطا قطعيها واقليها .. // انا هنا ماقليتهاش قطعتها دوائر وطيبتها في المرقة تاع اللوبيا وماتخليهاش تتهرى ..لازم تبقى حاكمة روحها
بعد ماتطيب المرقة صفي لاصوص تاعها بجيهة
الدجاج فتتيه شوية
جيبي مول حطي طبقة لوبيا خضرا مع البطاطا وطبقة دجاج وطبقة لوبيا مع البطاطا
لاصوص كسري عليها 3 بيضات وسقي بيها
خليها تطيب حتان تنشف شوية ماتنشفيهاش خلاص باش ماتجيش ناشفة ياسر
في اخر 5 دقائق لوحي فوقها فرماج مرحي وشهية طيبة

بريك عنابي لحاملة المسك​

طيبي اللحم المرحي مع الملح قرفة و فلفل اكحل وزيت
حلي الوريقة حطي عليها شويا بطاطا مهرسة الفرماج البصل مقطع مربعات صغيرة
ضروري جدا البصل ثم اللحم و الزيتون الاخضر مقطع دوائر و أخيرا المعدنوس
ونت تحطي فيهم حاولي تجعلي حفرة في الوسط كسري عليها بيضة و رشي شويا ملح و أكحل
اغلقي الوريقة على شكل مربع
تحبي الهريسة زيدي نت و دوقك... درتها بالهريسة ديال الدار
كنطيبها نخلي البيضة نص طياب هكداك نحبها بصح الديول طايب مليح يقرمش