جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

البذنجان المحشى بالفرماج​

لندى242008[/CENTER]

تقشري الباذنجان بقشارة البطاطا زيgـة زيـgـــة على قولة الله يرحمو chmoll:
ومن بعد تقطعيه شرائح وتحطيهم في بلاطو .. تدهنيهم ب pinceau بالزيت وتذرذري عليهم الملح في الجهتين
تدخليهم للفور يطيبو حتان يحمارو وتقلبيهم من الجهة الاخرى ثاني يحمارو
ومن بعد تحطي فرماج بين كل شريحتين // انا استعملت لافاش كيري
تغمسيهم في حبة بيضة فيها فلفل اكحل ومن بعد في لاشابلير وتقليهم في زيت سخووون غير قيس ما تتحمر خطراه راهو طايب
تنشفيه من الزيت وتقدميه

وصفات تع
Setifienne​

لوصفة الاولى مقروط الجلجلانية :
500غ زبدة دائبة 6ملاعق اكل سكر عادي كاس كوكاو مرحي كاس جلجلان محمص حب قشور الليمون والفرينة تنشفي بها ثم تخلبها تريح 5د وتعملي مقروطات وطيبيهم وهما سخان ترمديهم في السكر الناعم
الوصفة لقيتها في وحد المنتدى جربتها وجات روعة
الوصفة الثانية boules miellees aux raisins secs et grains de sesames
100غ زبدة 50غ سكر عادي 100غ زبيب 1 ملعقة صغيرة فاني قشور الليمون 1 بيض كاملة +1صفار 1 ملعقة صغيرة خميرة الحلوى 1 ملعقة كبيرة نشا 300غ فرينة تكربعيهم ثم ديريهم في البياض ليبق ورمديهم في الجلجلان او الكوكاو كيما انا درتهم طيبيهم في لي كيسات بعد النضج عسليهم
الوصفة الثالثة تشبه للكاستال
250غ زبدة +250غ سكر عادي +قشور الليمون +150غ كاوكاو مقلي و مرحي+250غ فرينة ثم خلطي
بشوي مع 3 بياض البيض كالثلج فرغي في البلاطو الصغير وطيبيها و في هدا الاثناء حضري القلاصاج 3صفار البيض +125غ سكر ناعم + عصير نصف حبة ليمون وطلعي بالباتور بعدما اطيب الحلوى و هي سخونة فرغي لقلاصاج وزيني بخطوط من الزيقزاق بملعقة صغيرة كاكاو وملعقة صغيرة حليب مخلطين مع بعض

 

[rose09000]

رد: جميع وصفات عضوات ماذا ستطبخين اليوم سيدتي

تارت لروز​

6بيضات وكاس سكر وبالباتور حتى تولي بيضا
بعدهاديري كأس الزيت بالشوي وضربي مليح راه يتضاعف حجمها
بعدها نصف ملعقة صغيرة قهوة ولا نسكافيه
وملعقتين عسل
و3ملاعق كاكاو
وأفاني وليمون مرابي
وكاس ونصف فرينة ولا كأسين نتي شوفي القوام ماتكونش ثقيلة بزاف
و2الخمارة
وكاس جوز ولا لوز ولا كوكاو ولا اي مكسرات مطحونين خشين
ديريها اطيب وبعدها اقسميها على 2 ديري دريم ويب وشرائح الاناناس والجوز وامبعد رجعي الطبقة الثانية والديكور نتي حرة فيه من فوق
تحبي شكولاطة وجوز تحبي دريم ويب وشكولة وجوز اي شي المهم تحطي شوي جوز من فوق

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لندى242008​

كار سميد 3 م ك لحظة+ قشور ليمون + م ك خميرة خبز + م ص محسن + م ك سكر
تبسيه بفنجان زيت وتبلي بالماء الدافئ وتخليه يرتاح ربع ساعة
ومن بعد تبقاي تعجني وتضيفي الما تديريجيا وفي الاخر تضيفي الملح وماء الزهر
وتكون العجينة مرخوفة خلاص باش يجيك خفيف
تخليه يخمر ومن بعد تهني المول بالزيت وتقرصيه وتخليه يخمر
ومن بعد تدهنين بالبيض مع شوية سكر وتزينيه بالجلجلانيةولا السينوج
وتطيبه على 200 درجة مئوية

 

[rose09000]

رد: جميع وصفات عضوات ماذا ستطبخين اليوم سيدتي

شطيطحة لحم تع ألاء الرحمن​

أنا ندير حبة بصل مع فصوص ثوم مع طماطم حب نسكرفجهم بيان شوية زيت وتوابل كمون وفلفل حكل وملح على حساب الحاجة ونقليهم مليح حتى يذوبو ونحط اللحم مع الحميصة تكون مشمخة ونبدا نقليهم على نار قليلة حتى نشوف لسوس اللحم شربت مليح لصوص وتقلات بيان نمرقها ونزيد نحطلها طماطم مصبرة انا نطيبها فلايكوت وكل مرة نشوفها حتى تطيب وتخرجلي لصوص عاقدة ومن فوق نحطلها معدنوس للتشباح برك حاجة ساهلة مفيهاش مجهود

 

[rose09000]

رد: جميع وصفات عضوات ماذا ستطبخين اليوم سيدتي

الكبدة مشرملة لبرنساس فيفي​

تقلي الكبدة في الزيت حتى تحمار وتصفيها تنقصي الزيت من المقلة وتحطي فيها زوج حبات بصل مقطعين بالطول ونصف راس توم والملح والكمون والفلفل الاسود شوية عكري وتغطي المقلة وتخليهم حت يدبل البصل وتضيفي زوج حبات طماطم مرابية تخليهم حت يعقدوا وترجعي الكبدة للمقلة وتخليهم 5دقايق وتقطعي فوقهم القصبر والحار اخضر وشهية طيبة

الدوبارة لندى242008​

لدوبارة تحبيها فول ولا حمص ولا ميلونج
ترنخي الفول ولا الحمص ليلة كاملة مع البيكربونات او خميرة الحلوى
وفي الغد تطيبيه في لاكوكوت مع شريحة قارص اذا كان فول حتان يطيب زبدة والما اللي طاب فيه احتفظي بيه
وجدي لاصوص بارد في بارد يعني ماتطيبيهاش
رابي الطماطم // الكمية حسب افراد العائلة 2 حبات ولا 3 كبار اذا كانت العائلة صغيرة واذا العكس ديري حتان 6 حبات وتكون طايبة مليح
فصوص ثوم مرابية
م ص طماطم مركزة
ملح فلفل اكحل كمون شوية راس الحانوت فلفل احمر حار وتضيفيلها شوية زيت وتخلطي مليح من بعد تضيفيلها الطماطم المرحية والثوم والمصبرة
ودبشة مقطعة رقيق + شرائح فلفل اخضر حار + شرائح قارص
تكوني سخنتي الفول والحمص بالما اللي طاب فيه
تحطي كمية منو في صحن وفوقو لاصوص // كيما قتلك ماتطيبهاش
وتزينيها بقطرات زيت زيتون والفلفل المرقد

 

[rose09000]

رد: جميع وصفات عضوات ماذا ستطبخين اليوم سيدتي

المقرونة لأم منصف​

غلي المقرونة نتاعك وصفيها
كرفجي بصلة مع شوية ثوم ذبليهم في شوية زبدة وزيت مع وحدة جومبو دجاج وورقة رند وامرقي بشوية ماء كي تغلي لاصوص حطي الزيتون الفرماج والطون وطفي ولوحي المقرونة خلطيهم مع بعض
امبعد ديريهم في بلاتو والى الفرن
وشهية طيبة
تقدري تزيدي معاها السلق ثاني تجي هايلة

سلاطة لأم خديجة1​

السلطة اختي قصيت الخس رقيق ووالطماطم كاريات صغار والجزر برشتو رقيق والخيار مقطع كاريات صغار وفلفل احمر وزيتون اخضر مقطع حلقات مقطع مربعات صغار ولميتهم بالمايوناز وراني نسيت الروز طايب في ماء وملح ثم تصفيه وتضيفيه للسلطة

 

[rose09000]

رد: جميع وصفات عضوات ماذا ستطبخين اليوم سيدتي

الغرير سمية دز​

جيبي السميد احرش شويا + شويا فرينة قدر كاس صغير فقط + مغرف اكل خمارة + الملح واعجنيها شويا برك كيما المطلوع وممبعد ابداي زيدي في الماء بشويا حتى تكون العجينة جارية وحطيه قرب المدفأءة مدة نصف ساعة حتى يتخمر وممبعد طيبيه
ملاحظة : الماء يكون شوية سخون وتانى باش ينجحلك البغرير ملازمش يكون جاري من البداية بل اعجنيها قبل

المحاجب لفلوسة​

قيص زوج قرصات يعنى زوج كيلات دقيق ارطب +زوج مغارف نتاع قهوة ملح وتبلي بالماء وتعجني مليح ثم لازم تكون طرية العجينة وتدهنيها بالزيت وخليها ترتاح ربع ساعة ثم كوريها كويرات صغيرة بحجم لامندارين ودهنيها من الفوق بالزيت وخليها ترتاح
الحشو
حبة بصل زوج قرون فلفل وزوج حبات طماطم وترحيهم في الميكسار وتحطيهم يطيبو في مقلاة فيها شوية زيت وتضيفى طماطم مصبرة نصف مغرف كبيرة وملح وخليها تتقلى مليح اضيفى نصف فنجال ماء وخليها حتى تنشف شوية
ممكن تستعملى شوية شحمة مع الحشو انا ما نستعملهاش لان زوجي ما يحبش ريحتها
تحلي الكويرة نتاع العجينة بالزيت ترقيها مليح ثم تتدهنيها بمغرف نتاع الحشو وطبقيها وطيبيها في مقلاة او طاجين سبيسيال

 

[rose09000]

رد: جميع وصفات عضوات ماذا ستطبخين اليوم سيدتي

الرقبة محمرة لندى242008​

انا استعملت رقبة كاملة معاها تقريبا راس ثوم كامل
ترابي الثوم في طنجرة الضغط بلا ماتحطي ولا قطرة زيت ومعاه الرقبة وحوالي فنجان خل وملح وفلفل اكحل كمية مليحة وتمرقي بالماء الدافئ بلا ماتقلي
تغلقي الطنجرة وتخليها حتان تنقص كل كمية الما بعد ما ينشف تقلبيه من الجهتين باش يتحمر في ليدام تاعو
تعرفي يطيب زبدة ويذوب في الفم والشحم كامل يروح
ونفس الطريقة نستعملها مع لي كوطلات تجي هايلة وطريةخير من المقلية يابسة ومعمرة زيت
ونكهة الخل ماتبانش خلاص

 

[hadil21]

رد: جميع وصفات عضوات ماذا ستطبخين اليوم سيدتي

شكراا

 

[rose09000]

رد: جميع وصفات عضوات ماذا ستطبخين اليوم سيدتي

قاطو اللمبوط لأم خديجة​

2بيضات حكيهم مليح مع200 غ سكر عادي وفاني ثم اضيفي 250 غ زبدة طرية وحكيهم مليح وشيحي ب500 غ فرينة فيها م/ك خمارة ولما تلميها ضعيها في الثلاجة نصف ساعة ثم ضعيها في اللمبوط او المشينة وعملي الاشكال اللي بغيتي

 

[rose09000]

رد: جميع وصفات عضوات ماذا ستطبخين اليوم سيدتي

السمو صوص طماطم لإيمان 27​

فى طنجرة دري فيها زيت زيتون وثوم ملح فلفل لكحل وفلفل عكرى حار وحلو وكمون وزعيترة وخليهم يتقلاو وبجيه رابي طماطم وضفيها وضفى طماطم علب وخليها تتقلا ودريلها شوية ماء وخليها تغلى وينقص لما اومبعد حطى سمو وخليه يطيب فالمرقة حوالى 10 دقائق برك وطفى عليها وزينيها بمعدنوس وقارص

تورتة السلق لأحلامو​

,لا بات انا ندير فرينة عيني ميزاني و نزيد حبة بيض و ندير ملح و نبسسها باالزيت (كثر من خبز فطير) نبسسها كي لا بات بريزي مي فبلاصة الزبدة ندير الزيت ,كي نبسسوها مليح ندير نص مغرفة صغيرة خميرة فالما و نلم لعجينة,تجي كي لابات بريزي ماتجيش جارية,نشالله المرة الجاية ننتبه على الكمية و نحطهالكم
بالنسبة للسلق نغليه و نصفيه مبعد ندير شوية زيت و نقليه حتى ينشف,مبعد نقسم لعجينة على 2 و ننحلها ,نديرها فبلاتو و نحط عليها السلق(ولا بصل و طماطم)و ندير زيتون بلا عظم و فرماج بيض ولا بيشاميل(في حالة نديرو بصل و طمطم يعني تشكتشوكة ممكن نزيدو طن ممكن فيونداشي), نضرب 2او3بيضات و نغطيها بالعجينة اللي نثقبوها بالفرشيطة و نديرولها صفار بيضة باش تحمار و ندخلوها للفور بعد ما يكون سخن و نطيبوها

 

[rose09000]

رد: جميع وصفات عضوات ماذا ستطبخين اليوم سيدتي

شطيطحة بسباس لسمية دز​

تجيبي البسباس وتقطعيه شرائح صغيرة وتغليه في الماء + قليل من الملح ثم تقطريه في كسكاس
من الجهة الاخرى
تحضري بصل مقطع رقيق + ثوم+ زيت وتقليهم ثم تضيفيلهم الطماطم مقطعة مكعبات + كمون + ملح+فلفل اكحل+فلفل حار ونخليهم شوي يطيبوا وفي الاخير ضيفي لهم البسباس لمدة 5 دقايق فوق النار
ولحبيتى في الاخير تضيفي البطاطا مقلية وفرماج مبشور لهم تعطي بنة هايلة

 

[rose09000]

رد: جميع وصفات عضوات ماذا ستطبخين اليوم سيدتي

السلق كوشة لعفاف الجزائرية​

شوفي السلق غسلتو وقطعتو رقيق
حطيتو في مقلاة وغطيتو باه يتعرق ويطلق روحو
بعد ما طلق الماء نتاعو زدتلو للنار درتلو فصين توم ملح فلفل اكحل بعد ماطاب حطيتو بجنب
رحيت سكالوب وزدتلو اللحم المرحي(حسب الاختيار والموجود وتقدري تستغناي عليهم)وحمصتو مع شوي بصلة مرحية وكسبر مقطع بعد ماطاب
اضفتلو السلق وخلطتو
وحطيت عليهم كرام فراش ولا ياوورت طبيعي نص علبه وطفيت النار
رحت قطعت الفلفل والطماطم مربعات صغار بزاف
حطيت شويا زيت في المقلة وخليت حتان سخن مليح ولحت الفلفل تحمص شوي وزدت حمصت الطماطم فوقه وحاولت باه ما تتفرتتش تبقى حاكمة شكلها
بعد ذلك خطلت كل شي مع بعضو وزدتلو الفرماج غرويار و 2 مغارف خبز يابس مطحون
دهنت الاطباق نتاعي
كسرت بيضتين طلعتهم مليح وعصرت عليهم حبة قارص ومع الزاست نتاعها
خلطتهم مع الخليط
لحتهم في الفور بعد ماطابو ومع التقديم تعصري عليهم القارس
يجيو بنان بزاااف

 

[rose09000]

رد: جميع وصفات عضوات ماذا ستطبخين اليوم سيدتي

الكاشير لإبتسام ​

نصف صدر تاع الدجاح تقطعيه
4 حبات بيض
3 ملاعق اكل روز مرحي بودرا
2 سنينات ثوم
ملح
كمون
فلفل اسود
ملون مي ماتكثريش منو
تحطيهم كامل في الخلاط مع بعض وتطحنيهم مليح
تقطعي الفرماج وترمي الزيتون
تحطي الخليط في ساشي تاع سباقيتي وتربطيه ولفيه بالالمنيوم وحطيها في قدر فيه الماء
خليها تطيب مليح حوالي ساعة على نار قليلة كي طيب انزعي كل شئ
حطيها في الثلاجة تبرد باش تقطعيه

 

[rose09000]

رد: جميع وصفات عضوات ماذا ستطبخين اليوم سيدتي

دولمة كرمب لسمية دز​

تجيبي الكرنب تغسليه وتغليه مليح حوالى 5 دقائق
والحشوة : لحم مرحي +روز +كمون ابيض +شويا فلفل اكحل + شوي قرفة +شوي بسباس + حشاوش +ملح وقلييل من الثوم ماتكثريش
بالنسبة للمرق : ديري كركم + شويا كمون + فلفل اكحل +ثوم +زيت +قليل من الماء قدر مايغطى الكرم
وتحشي الكرنب وتربطييه بخيط وتحطيه في المرق + شوي حمص وابراج بطاطا وديريه يطيب في الكيكوط

 

[rose09000]

رد: جميع وصفات عضوات ماذا ستطبخين اليوم سيدتي

الدجاج محمر لإيمان27​

لجاج ديالى نديرلو تتبيلة تتكون من ثوم ملح فلفل لكحل وعكرى زيت زيتون واحد جمبو دجاج كاتشوب ونزيد ندير لزبيس سبسيال تاع لجاج هاد نشريه وفيه زعفران هوا لى يخلى لونو هاك ونتبل لجاج ونخليه لمدة حتى يتشرب مليح اومبعد نحمروheer:

طبق الخبيز أمبرة الساحل​

ندي كمية من الاعشاب و هي ربطة خبيز و ربطة سلق ( سبانخ) و ربطة صغيرة حميضة نقطعوهم رقاق كيما معدنوس وتوضعيهم في قدر و ديري عليهم حبة بصل مقطعة+ فصوص ثوم+ حار +ملح و مانديرش زيت لان في الاخير نضيف زيت الزيتون و نضيف عليه كمية من الماء و نخليه على نار حتى تشوفي بلي المكونات تشربت فيما بعضاها و نقصت كمية الماء فيه هنا تروحي تضيفي تشيشة الشعير و هي فريك اللي نديروه في الشربة من الاحسن تكون نتاع شعير و تخليه يطبخ شوية من بعد طفي عليه و تضيفي عليه كمية من زيت الزيتون و يقدم و هو طبق لذيذ و مغذي في نفس الوقت و نطيبوه بزاف في هذا الموسم لان الاعشاب المستعملة فيه تنمو في هذا الموسم و تكون طازجة

 

[rose09000]

رد: جميع وصفات عضوات ماذا ستطبخين اليوم سيدتي

طاجين الدجاج لأم إيناس و فاروق​

نضع قطع الدجاج في الطاجين ولا الكوكوت وندير بصل مرابي ونقلي ونزيد طماطم مرابية ونقليهم مليحثم نضيف البهارات والملح والزعفران لانا حنا صحاب الغرب نستعملوه في كلشي وشويه ماء والحمص من جهة ثانية نقي البطاطا ونقطعها طوليا ونملحها ونفورها مليح من بعد نحمرها في شوية زيت هي والجاج او نحمرها في الفور بعدين طريقة الحط نحط البطاطا ثم نفرغ عليها المرق مع الحمص وفوقها الدجاج

 

[rose09000]

رد: جميع وصفات عضوات ماذا ستطبخين اليوم سيدتي

البغرير ل
oumniati


​

رت تاع الميكسور فوفة بصح ماشفيتش على المقادير امالا درت 2 سميد+1 ناقصة فرينة وخميرة لعجين ومغرفة ص خميرة الحلوى وسكر والماء دافي عيني ميزاني
تعرفي فرغتو في القدرة مالحقوش 10 د بديت نطيب حتى درت 2 مقالي هههه

 

[Oussama.GF]

رد: جميع وصفات عضوات ماذا ستطبخين اليوم سيدتي

يهبل بغريرل حنانقلوا غرايف نموت عليه اختي rose طيبهنا جوايه مغارب نجي ناكل هههههه

 

[rose09000]

رد: جميع وصفات عضوات ماذا ستطبخين اليوم سيدتي

الروز كوشة لأم منصف​

بصلة مقطعة طويلة فلفل حلو او حار حسب الرغبة مقطع طويل ثوم مرحي طماطم حب مرحية مغرف طماطم مصبرة اختياري بهارات وملح وورقة رند زيتون مقطع
صدر دجاج مقطع طويل اقليه في شوية زيت وزبدة نحيه وفي نفس الزيت ذبلي البصل والفلفل والثوم
امبعد حطي الطماطم وطماطم مصبرة والبهارات كي يطيب حطي الدجاج معاهم وطفي النار وحطي الزيتون
طيبي الارز عادي ديرولي شوية زبدة
في طبق الفرن حطي طبقة روز وطبقة من الصوص وغطي بطبقة من الروز غلفي المول بالالمنيوم والى الفرن مدة 45 دقيقة وقدميه
بنين وساهل ما يحكمش اليد