جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

مسكوشو لإيمان27​

فى صحن كبير دري كاس سكر + كاس زيت + كاس ماء و4 مغارف حليب بدرة و4 مغارف كاكاو وخلطي مليح بخلاط كهربائ ومبعد نحي كاس غير ربع حطيه بجيه
ولباقي لى فصحن ضفلو 2 حبات بيض وكيس خميرة حلوة وكاس ونصف فرينة خلطي وفرغي فى مول وحطيه يطيب كي يطيب وهوا سخون فرغي عليه الخليط لخبناه بجيه وخليه حتي يبرد باش تقطعيه

طاجين الكرم لمريم حاسي[/CENTER]

قلي البصل مع الطماطم مع اللحم ثم زيدي الكرم تكوني قصتيه و تبلي مليح و مرقي بالماء و خليه علي نار هادية انا زدت الحمص كانت طايبة من قبل ظفتها للطاجين​

 

[rose09000]

رد: جميع وصفات عضوات ماذا ستطبخين اليوم سيدتي

الغرايف لحاملة المسك​

على الغرايف من عادتي نخدمو بيدي
الطريقة : الدقيق السكر الخميرة الماء الدافئ نمحرو براحة اليد بعد مايطلع نضيف الملح و بيضة و نحتفظ بشششششويا صفار للطاجين
ديال اليوم درتو في الميكسور جاني في التقل اخف من اليد لخطراش خفت على الميكسور ليتحرق من الزور
جا شويا قريب لبينيي ... الخاتر يبقى بومبي كيطيب و الناقص يتبلاتا شويا
كيكون جوست جوست في الختورة التقابي يجو خير تقبة في قلبها تقابي
15 د كافية باش يطلع كتر من هكدا يفسد
نطيبو في الطاجين و الله حاولت مع المقلة مدخلتش راسي يبانلي مشي غرايف
درجة النار و الطريقة كفاش تسيحو المزيج يلعب دوركبير في نجاحو
بهدي الطريقة يجيكم متقب و طري يتلوى في اليد

 

[rose09000]

رد: جميع وصفات عضوات ماذا ستطبخين اليوم سيدتي

الطمينة لأمنياتي​

اول حاجة تحمصي السميد في المقلة
السميد تاع المقروط ماشي خشين ماشي رطب
انا نحمصو مليح كاين اللي يخلوه ابيض شوي عينك ميزانك حركي باستمرار باش يجي متجانس وكي تكملي فرغيه في حاجة اخرى لانو يزيد يحمار لوكان تخليه في المقلة
وثاني حمصي بكميات قليلة
ديري زبدة تذوب وزيدي لعسل وحركي فوق النار وهزي بالمغرفة تعرفي اذا كانت الزبدة زايدة زيدي لعسل والعكس صحيح
وتقدري تذوقي كي تكون حلوة بزاف يعني لعسل زايد وهذا يخليها تيبس
كي تتأكدي من العسل زيدي السميد بالشوية وحركي تبقى جارية شوية
كي تفرغيها في طباسة وتبرد رايحة تتجمع
الزواق تهزي القرفة بين صباعك وتبداي تذري بالشوي وانت ترسمي اي شكل
تحبي تديري طابع نجمة او قلب او وردة ادهنيه بشووووية زبدة ثم ديريه في القرفة وحطيه فوق الطمينة عدة مرات على محيط الطبسي
زوقي بحبات ديدراجي او مصيهم وحطي اللوز تاعهمheer:heer:heer:he er: ههههههههههههههه
اذا عندك بيستاش هرسيه وحطيه يجي يسخف
والجوز مانقلكش البنة اللي يزيدها ممممممممم

 

[rose09000]

رد: جميع وصفات عضوات ماذا ستطبخين اليوم سيدتي

الحنيفيات تع كوثر الواهرنية​

لمقادير

-4كيلات فرينة
- كيلة مارغرين الترويق دائبة ودافية
- لفاي
- قرصة ملح
- 2 ونصف خميرة كيميائية
-حليب +ماء الزهر

التحضير

نخلط الفرينة+لفاني+الخميرة+ المارغرين ونبسسها مليح ونجمع بالحليب يكون ساخن شوية وفيه كمية من ماء الزهر حتى نتحصل على عجينة طرية
-نحل العجينة بالحلال ثم بماكنة البقلاوة من الرقم 2 الى الرقم الاخير ونضع عليها المايزينة ونبرمها مثل السيقار ونغلقه بالحليب على الاطراف ونقطعها مقروطات مائلة وبواسطة حلال رقيق نبسط العجينة ونقليها في زيت سخون وبعدها نعسلها ونرشها بالبيسطاش

 

[rose09000]

رد: جميع وصفات عضوات ماذا ستطبخين اليوم سيدتي

المقروط لأم منصف​

3 كيلات دقيق خشين مع 3 مغارف فرينة وكيلة سمن مع شوية زيت ووحدة خميرة الحلويات
وتبلي بما وماء الزهر وتشكلي كيما تحبي
الحشو تحبي غرس او مكسرات
ممكن تقليه او طيبيه في الفور
ويجي خفيف ورائع

 

[rose09000]

رد: جميع وصفات عضوات ماذا ستطبخين اليوم سيدتي

المادلان لروز​

خلطي 8ملاعق سكرو3بيضات حتى يولي الخليط أبيض
بعدها ديري 8ملاعق زيت وافاني و3ملاعق كاكاو و8ملاعق حليب
مع الخلط الجيد وبعدها8ملاعق فرينة مملوؤة مليح
و2خمارة وخلطي مليح حتى يولي خليط متجانس

بعدها ديري حتى للربع في كل قالب مادلين
تقريبا ملعقة كبيرة وحدة
ودخليهم يطيبو في الفور
بعدما يطيبو ديري فوقهم نوتيلا والمكسرات
ولا المعجون واللوز ايفيلي ولا اتحفيهم كما حبيتي

الميرانغ لمريم حاسي​

3بياض بيض مع قرصة ملح طلعيهم مليح بالباتور ثم تزيديلهم 1 فانيلا و تزيدي و انت اضربي السكر مقدار كاس قد 100غ

المادلان لمريم حاسي​

اخلطي 4صفار بيض مع 2كيلات ياغورت مع 2 كيلات سكر مع 1كيلة زيت مع فانيلا مليح ثم زيديلهم 2خميرة الحلويات و 5كيلات فرينة
من جهة اخري اخلطي 4بياض البيض مليح حتي يولي كالثلج
هنا امزجي الخليط الاول مع الثاني
ثم وضعيهم في القويلبات تاع المادلان بصح متعمريهمش بزاف اي حتي النصف برك و دخليهم للفرن

 

[rose09000]

رد: جميع وصفات عضوات ماذا ستطبخين اليوم سيدتي

تارت الليمون​

للعجينة
تخلطي 125غ زبدة مع ملعقة كبيرة سكر مليح و تزيدي صفار بيضة و تخلطي مليح و تزيدي فانيلا و قشور الليمون و تلمي بالفرينة حتي تحصلين علي عجينة متماسكة خليها ترتاح لمدة 10دقائق في الثلاجة ثم عمليها في القالب ديالك بعدما تدهنيه
و ثقبيها مليح بالفرشيطة باش متنتفخش و دخليها للفرن
للكريمة
نصف لتر حليب مع 3ملاعق مايزينة خلطيهم و خليهم علي نار هادية حتي يسخن الحليب
من جهة اخلطي 4صفار بيض مع 2ملاعق اكل سكر قشور الليمون و عصير 3حبات ليمون و انت كيما تحبي الحموضة
خلطي كمية قليلة تاع الحليب و المايزينة مع خليط البيض باش ميطيبش البيض ثم زيدي الكمية المتبقية و خليهم علي نار هادية حتي يثقال المزيج مليح
هنا تكون طابت العجينة زيديلها الكريمة و دخليها للفرن لمدة دقيقتين فقط
للمرانغ
3 بياض بيض مع رشة ملح خلطيهم مليح بالباتور كي يولي كالثلج زيدي فانيلا و السكر مقدار 100غ بالشوية مع الخلط

 

[rose09000]

رد: جميع وصفات عضوات ماذا ستطبخين اليوم سيدتي

الكرافات لروز​

العجينة درت فيها

300غ فرينة +75غ زبدة ذائبة+ماء الزهر ولافاني حتى تولي عجينة

الحشو تقدري تخلطي مكسرات مع بعض مثلا جوز ولوز
كما كنت موالفة ندير هذ المرة درت اللوز وحدو
والحشو فيها
500غ لوز مطحون +300غ سكر عادي +أفاني وبرش ليمون و2بيضات وتخلطي مليح

بعدها تحلي العجينة رقيقة
والحشو انا نحلو وحدو فوق ورق الالمنيوم
ونحطها فوق العجينة العجينة باش ماتفسدش
ونزيد نحل عجينة اخرى وحدها
ونحطها طبقة ثالثة
يعني طبقة عجينة والحشو وطبقة عجينة اخرى
ونمرر الحلال نتاع العجين من فوق برك بدون مانضغط
باش تستوي تولي سمك واحد
وبعدها انا درت العرض بمسطرة
باش يكون العرض نتاع الحلوة يشبهو بعضاهم
ماتكونش وحدة عريضة والاخرى مش عريضة
هيا عندها نورمالمون المول نتاعها انا ماعنديش
طبعت بالمسطرة برك
بعد ماتقطعيهم إلويهم لوية وحدة
وثبتيهم بحبة لوز في احد الطرفين
وديريهم يطيبو
وفقط يصير لونهم بني فاتح نحيهم
ماتخليهمش يطيبو ياسر
بعدها عسليهم بالعسل خاثر وشهية طيبة

 

[rose09000]

رد: جميع وصفات عضوات ماذا ستطبخين اليوم سيدتي

شوربة عدس لمريم حاسي​

قلي في شوية زيت حبة بصل مع 2 حبات طماطم ثم زيديلهم 2حبات جزر مع الكرفس و 2 ورقات رند و تبليهم ملح فلفل اسود فلفل احمر زنجبيل مطحون راس الحانوت شوية كروية شوية كبابة مطحونة
و هنا زيدي 2كيسان تاع عدس و خلطي ثم مرقي بالماء الساخن و خليه يغلي ثم نقصي علي النار و خليه يطيب علي نار هادية
كي يطيب العدس طحنيه و زيديلو شوية كمون في الاخير
شهية طيبة
ملاحظة يمكن الاستغناء علي اللحم ان لم يكن متوفر

البريوش لإبتسام​

2 بيض
2 ملاعق كبار حليب سخون
كاس ونصف فرينة
نصف ملعقة قهوة ملح
ملقعة اكل سكر
4 ملاعق اكل زبدة
نصف ملعقة حميرة فورية
للدهن
صفار بيضو مع الحليب او ماء كيما تحبي وتجي هايلة

 

[rose09000]

رد: جميع وصفات عضوات ماذا ستطبخين اليوم سيدتي

قلب اللوز لمريم حاسى​

المقادير:
10 كيسان شاي سميد يكون خشين كيما تاع المقروط
5 كيسان شاي سكر عادي اي احرش
3 كيسان شاي ماء الزهر
قرصة ملح
ملاحظة:
راكي تلاحظي اختي انه كاس الي نشربو فيه الشاي هو مقدار التكيال عندنا .
الشاربات :
رطل سكر
1 لتر ماء
طريقة التحضير"
في قصعة حطي السميد + السكر خلطيهم مع بعض ثم ابداي تزيدي بالتدريج ماء الزهر رشي الكاس الاول و احبكي مليح بيديك لكن ماتعجنيش افركي بيديك برك و زيدي الكاس الثاني و ماتعجنيش رشي فقط و احبكي بيديك راكي رايحة اتلاحظي بلي السكر الي درتيه بدا يخرج في الماء و زيدي كملي الكاس الثالث حتى متحسييش بالسكر كي اتولي تحبكي في الخليط بلا ماننسى ديري شويه ملح. خليه يرتاح شويه مدة 10 دقائق و تكوني في هذه الاثناء حضرتي السنيوة اتاعك و ادهنتيها بالزيت بعثري الخليط في السنيوة بلا ما تخبزيه مسديه فقط من الفوق و ادهني الوجه بشويه سمن ثم قطعيه و زينيه بحبة لوز او كوكاو الشيء الي كاين
دخليه في الفور لازم ايكون اسخون بزاف و لما ايطيب خرجيه اتكوني وجدتي الشاربات بارده سقيه حتى ايعوم بعد ذلك غطيه بسنيوة و عاودي دخليه للفور و خليه يبرد عليه .
ملاحظة:
راهي رايحة تتشكل طبقة سميكة كي اتشربيه ماتخافيش منها السر كله لما تغطيه راه رايحه يطرى و الذوق اديالو ايجيك ايهبل.

 

[rose09000]

رد: جميع وصفات عضوات ماذا ستطبخين اليوم سيدتي

البراج لحاملة المسك​

خلطي الدقيق مع الزيت و الزبدة و حكيهم مابين يديك نحي كمشة منه في راحة اليد و خليها بجنب
اضيفي الملح شعرة سكر باش يجي الطياب احمر دهبي متكتريش الغرس حلو
الجلجلانية المحمصة طميها بماء الورد و الماء متكتريش العجين و متلتايش بالتشققات عندهم الحل
اقسمي العجينة لـ2 تكوني وجدتي الغرس بالقرفة و القرنفل و نواة زبدة و جلجلانية مطحونة
ابسطي شويا العجينة حطي عليه الغرس و أضيفي التانية
و كلما تبسطي العجينة رشي شويا من الدقيق المحتفظ المسمغ و غطي التشققات
قطعيهم اتقبيهم شويا لخطراش كيطولو بعد ساعات راح يتنفخو إدا معملتيش منفد للهواء
خيري السميد ميكونش أرطب بزاف و إدا مصبتيش ضيفي شويا دقيق متوسط ديال المقروط
كما درت انا البارح
كمية الزيت تكون أكتر من الزبدة باش ميجيش تقيل
الملح ديري بكمية أقل لازم البراج يجو شويا حلوين
القيق المضاف لتغطية التشققات و للمداق مممم كيجي احرش في اللسان

 

[rose09000]

رد: جميع وصفات عضوات ماذا ستطبخين اليوم سيدتي

الكرانتيكا لكوثر الواهرنية​

نص رطل مسحوق الحمص زوج بيضات ملح قليل من الكمون فنجان صغير زيت و لتر و نصف ماء
ناخد صحن نحط فيه مسحوق الحمص مع لملح و الكون و ندي الزيت و نحك مليح نضيف لبيض و نخلط مليح ثم نضيف الماء غير بالشويا و حنا نخخلطوا نخليه ترتاح مدة ساعة ندهن مول بالزيت و نفرغ فيه الخليط يكون جاري نسخن الفرن و ندخل الكارانتيكا تطيب نخليها تحما ر مليح

الشوفلور كوشة لعشقى الإمارات​

أما بالنسبة للشوفلور
شوفي انا اللي درتوو بلا لحم ولا جاج
عليت الشوفلور مع الملح و ورقة رند باش تروحلو الريحة
صفيتو مليح من الماء
درت الشوفلور في طبسي زدتلو الثوم مكرفج "التوم ديري حسب كمية الشوفلور عينك هي ميزانك "
امبعدا زدت درت شوي قلقل لكحل و كمون خلطتهم مليح وشوية زيت
و في طبسي اخر درت البيض + شوية ملح +لاكريم فريش + شوية مايوناز+فرماج رابي و ضربتهم مليح
و ضفتهم للشوفلور خلطتهم مليح
امبعدا درتهم في بلا نتاع الكوشة مدهون بالزبدة و زدت ذرذرت عليه الفرماج رابي
و دخلتو للفور
و شهية طيبة
تقدري اديريه بالصدر نتاع الجاج ولا الفيونداشي

 

[rose09000]

رد: جميع وصفات عضوات ماذا ستطبخين اليوم سيدتي

لابيش لروز​

كيلات فرينة بكيلة دهان وتلميها بالماء الزهر وتعملي اللون لي عجبك انا درت الكاكاو نوعية مليحة 2ملاعق خلاتلي العجينة بذاك اللون
الحشو في: 3
كيلات لوز مطحون بكيلة سكر قلاصي وتلميها بالبيض
"ماتكثريش البيض ديري بالوحدة بالوحدة خلطي مليح وشوفي تولي كي العجينة في يدك "
بعدها تحلي العجينة رقيقة ياسر تعملي حربوش متوسط وتحطيه فوق العجينة تلويها مرة وزوج وتقطعي بذاك الطول لي كما في الصورة
بعدها تحلي عجينة اخرى وحدها وتحطيها في المشينة نتاع البقلاوة حنا تفوتيها في نتاع الشربة يعني لي تقطعهالك كي الشربة
بعدها تدهني الحربوش هاداك ببياض البيض بالبانس
وتحطي هاديك لي فوتيها في مشينة البقلاوة فوق الحربوش باش تلصق
ماتنسايش تخلي شوية عجينة بيضاء باش تصنعي بيها الوردات البيض
وديري فوقها حبة لوز او جوز حسب الذوق
وبعد ما اطيب عسليها

 

[rose09000]

رد: جميع وصفات عضوات ماذا ستطبخين اليوم سيدتي

العروبيات لروز​

كلغ فرينة و125غ زبدة ولا مارغارين
قرصة ملح وتلميها بالماء الزهر وديري اللون لي حبيتيه بالكولوغون واعجنيها مليح وخليها ترتاح

لما ترتاح مليييح حليها وقطعيها مثلثات انا قصيت بالورق المقوى كبرالمثلث لي حاباتو
بسكو عندي مول مي صغير ياسر
وتاني باش يجوني على حبة وحدة

ووليت نحل و نطبع ونقطع بالجرارة

الحشو فيها

3كيلات لوز بكيلة سكر عادي
وافاني وليمون مرابي
والبيض حتى تتشكل عجينة في ايدك
اعملي منها دوائر متوسطين

وجيبي المثلث لي قصيتيه بالجرارة وحطي كربيعة نتاع اللوز في الوسط
واغلقي عليها كما في الصور
حطي بالعجينة البيضاء لي خليتيها مسبقا وديري منها وريدات حطيهم في الوسط
وثبتيهم بحبة لوز وبالنقاش فوتي عليهم في الحواشي كما في الصورة
باش تزيدي تتحفيهم وديريهم يطيبو
ولما يطيبو عسليهم وديري فوقهم البريون

 

[rose09000]

رد: جميع وصفات عضوات ماذا ستطبخين اليوم سيدتي

شباح السفرة لكوثر الواهرنية​

4صفر بيض+1فاني+1ملعقة زبدة+1ملعقة فرينة +نص كاس سكر+نص كاس حليب نضع المقادير في كسرونة على نار هادئة مع الخلط المستمر حتى تدوب الزبدة غير تدوب الزبدة تنحيه من فوق النار متخليهش يغلي
ناخد كاس و نصف لوز محير و مدقوق مدشش مع ملعقة خميرة الحلوى نضيفه لخليط الزبدة تم نضرب بياض البيض مثل الثلج و نضيفه لخليط
ناخد لي مول ندهنهم مليح و نرشهم بالفرينة و نحط ملعقة و نصف في كل مول و ندخله يطيب و كي نخرجه من الفرن نحيم م لي مول و نسقيه بالشاربات

الفرمسيال لإبتسام​

4صفر بيض+1فاني+1ملعقة زبدة+1ملعقة فرينة +نص كاس سكر+نص كاس حليب نضع المقادير في كسرونة على نار هادئة مع الخلط المستمر حتى تدوب الزبدة غير تدوب الزبدة تنحيه من فوق النار متخليهش يغلي
ناخد كاس و نصف لوز محير و مدقوق مدشش مع ملعقة خميرة الحلوى نضيفه لخليط الزبدة تم نضرب بياض البيض مثل الثلج و نضيفه لخليط
ناخد لي مول ندهنهم مليح و نرشهم بالفرينة و نحط ملعقة و نصف في كل مول و ندخله يطيب و كي نخرجه من الفرن نحيم م لي مول و نسقيه بالشاربات

 

[rose09000]

رد: جميع وصفات عضوات ماذا ستطبخين اليوم سيدتي

البراج لندى242008​

3 كيلات سميد
3/4 كيلة زبدة ولا سمن و 1/4 كيلة زيت
رشة ملح
تبسيه مليح ومن بعد تبلي بالما بلا ماتعجنيه لميه برك وخليه يرتاح
الحشو
غرس منقي ومرحي وشوية جلجلانية محمصة و م ك زيت تعجنيه مليح وتحليه على شكل قرصة فوق بلاستيك غذائي
وجوز مدشش // مرحي خشين

الطريقة
تقسمي العجينة الى قسمين

تحلي النصف الاول فوق بلاستيك وتحطي فوقو قرصة الغرس وطبقة من الجوز اختياري
وتزيدي تحلي النصف الثاني من العجينة فوق بلاستيك وتحطيه فوق الجوز
تعقبي عليها الحلال ولازم الحبات كامل يكون فيهم الغرس
تقطعيها مقروضات وتطيبيها في الطاجين
انا طيبتو فوق الالة الكهربائية تاع الخبز العربي
وقلبيه على الجهتين وبالصحة والهنا heer:

 

[rose09000]

رد: جميع وصفات عضوات ماذا ستطبخين اليوم سيدتي

الطورنوا لكوثر الواهرنية​

6 حبات بيض +5 كيسان تاع اتاي سكر+4 كيسان تاع اتاي زيت+4خمارة الحلوة+ 250غ مايزينة+ فاني و مبشور الليمون فرينة على حسب الخلط تكون العجينة طرية مثل عجية الصابلي
القلاساج
750غ سكر قلاسي+بياض بيضة و عصير ليمونة نخلطهم و نضيف ماء زهر و نخلك بملعقة خشب حت تحصل على قلاساج
ادا جراتلك زيدي شويا سكر قلاسي و ديري الملون الي تحبيه

 

[rose09000]

رد: جميع وصفات عضوات ماذا ستطبخين اليوم سيدتي

لتورت لحكيك​

عملت 3 عبار فرينة مع تلت ارباع زبدة دايبة وربع زيت وشوية ملح لميتهم بالماء حليتها ترتاح
اما الحشو قليت الشوية بصل خليتو على الجهة ثم سكرفجت الفرعة وقليتها من بعد خلطها مع البصل زتلها زيتون مقطع دوائر شوية قلقل اسود وهريسة وفرماج طري ونحيتها من بردت شوية
فرغت عليها يارووت طبيعي
قسمت العجينة على الاثنين ممدت الاول فرغت الحشو ثم غلقتها بالتانية وخليت شوية عجينة
زينتها من فوق بالطابع تاع الفراشة تفبتها بالفرشيطة طليت عليها صفار البيض ودخلتها الى الفرن

 

[rose09000]

رد: جميع وصفات عضوات ماذا ستطبخين اليوم سيدتي

دزيريلت لندى242008​

لعجينة كي تاع البقلاوة
4 كيلات فرينة + كيلة سمن ذايب + رشة ملح + ماء زهر وما عادي
تلميها وتعجنيها شوية برك وتخليها ترتاح .. قد ما تطول النتيجة تكون احسن
--
الحشو
نورمالمون 3 كيلات بكيلة // انا درت 4 كيلات بكيلة باش كي نعسلهم مليح مايجوش قاطعين بالحلاوة
4 كيلات لوز ترحيهم مليح بصح مش بودرة
ومن بعد تضيفيلو كيلة سكر قلاصي وفانيلا
وبيض حسب الحاجة ماتجيش رخوة وماتجيش يابسة لازم تتحكمي فيها وتشكليها كويرات

--
الطريقة
تحلي العجينة بسمك رقيق خلاص حتى تعود شفافة وتقطعيها دوائر توالم القوالب المستعملة
تدهني القالب بالسمن الذايب وتحطي فوقو دائرة من العجينة وتزيدي تدهنيها بالسمن
وكويرة تاع لوز وتزينيها بحبة لوز وديري حسابك بلي راهي تتنفخ بعد ماتطيب خطراه فيها البيض
تدخليهم للفور وتعسيهم حتان يحمارو
تكوني وجدتي العسل المخفف بماء الزهر
تغطسيهم في العسل بكمية وفيرة وهوما سخونين وتخليهم يتشربو مليح ومن بعد تصفيهم وتقدميهم في لي كيسات

 

[rose09000]

رد: جميع وصفات عضوات ماذا ستطبخين اليوم سيدتي

لاسوب تع بطاطة بالكرافس​

زوج بصلات كبا تلاتة حبات بطاطا كبار و حزمة كرافس نقيهم و قطعيهم و ديريهم في طنجرة و غمريهم بالماء و قليل من الملح و مكعب ماجي و خليهم يطيبوا
كي يطيبوا حلي الطنجرة حطي فيها طرف فرماج و ملعقة كبيرة زبدة و ميكسيهم بالميكسار مليح مليح حتى تولي سوب تقيلة
ادا شفتيها خفيفة رجعيها فوق لنار ادا تقيلة سربي و اشربي
و شهية طيبة
ملاحضة متكتريش الملح لماجي مالح و الفرماج تاني

المعمول لروز​

4كيلات فرينة كيلة زبدة او سمن، 2 كاس حليب، 1 كاس سكر، ربع ملعقة خميرة،
للحشوة: 1 كيلو تمر غرس مزال النوى+ ربع كوب زبدة طرية، 1ملعقة صغيرة قرفة، جوز (اختياري). وادلكيه مليح حتي يولي املس

العجينة
تخلطي المواد الجافة معا امبعدادلكيها مليح مع الزبدة و امبعد الحليب و يعجن حتى يختلط مليح

تغطى العجينة و تقطع لكرات متساوية حسب حجم المول و تكوري و يعمل في وسطها حفرة و تحشى بقطعة صغيرة من التمر.

يصف المعمول في السنيوة و ديريه في فرن حرارته 180 س او 350 ف في الطبقة الوسطى من الفرن حتى يصير اسفل حبات المعمول ذهبي.

كي يطيب ارفديه بالشوي من السينية وخليه حتى يبرد تماما و يرش بسكر بودرة عند التقديم