الجيل الحالي آلطيف .... ( مشاركتي في المسابقة )

[sahiko hamza]

سلام عليكم ورحمة الله




خليوني اولا نشكر مشرفي القسم هادا لي عندي معاه بزاف حكايات كون غي نبدى نتفكر اني مانحبسش من الهدرة وكلها قصص مشوقة


انا اصلا كنت نتفكر كيفاه كنت هنا ونتفكر كيفاه كنا نتناقشو وبيان سير مع لعراك من قبل ايا قلت نحكي على ظاهرة للاسف ماشي مليحة لي هي ظاهرة السبان



ولكني راح ندير عنوان قصة لموضوعي

ظاهرة السبان في الشوارع



بكري كنا صغار علمونا الكلام لي ماشي مليح للآسف ولكن علمونا معاه وقتاه نسبوا يعني كيما انا مثلااا باه نسب لازم نشوف من ومن مانلقى حتى واحد نقادرو نطيش كلام لي ماشي مليح لكن مع مرور الوقت تعلمنا انو هاد الطبيعة ماشي مليحة و راح نكون صريح وربي يغفرلنا انو ديفوا تخرج كلمة وربي يهديني اولا ويهدي الناس أكل

حكيت على روحي كيفاه نتصرف ومام الجيل تاعنا نورمالمون هادي طبيعتوا
مي جيل التسعينيات لا يعرف يحشم لا يعرف يقدر

تمشي برا تسمع كلام انت بينك وبين نفسك تعيا تفيريفي روحك قبل ماتقولها ماآدراك تسمعها برا نورمال ....
تشكي لباباه يقلك وش دخلك ؟ زعما انت امام جامع :s

معليش اسيدي نفوتو هاد لحكاية لي عادت نورمااااااااال



تلقاو هاد الجيل مقلق من واحد يشوف النيميرو تاعو ويعيطلو بالماسكي ويسبوا حتان يبرد قلبوا ... هنا صرالو يتخبى من ورا التلفون


مام هاد الطبيعة ولاة قديمة

ااااو فالفايس بوك برك يسبك بكونت وحداخر ولعبها عليك راجل و و و .... وناسي روحو مسكين انو متخبي ورا ليكرون

والله تلقاو السبان اكتر من الكلمات العادية واكثرهم من جيل التسعينيات للاسف



هو السبان للاسف ظاهرة مش مليحة
من كلمة لكلمة حتان تولي فيها حاجات نقولوا ربي يسترنــا



باه نقتلو هاد الطبيعة لازم نتعلموا لقدر مليح مليح
لأنو لقدر مكانش ماخير منوا
لازمتنا نتعلموا نحتارمو لي آكبر منا
يكبرني بعامين مايسمعنيش نعيط لازم هذي نحطها في راسي
لازم نحتارم لي اصغر مني لأنو كي نحتارموا راح يبادلني نفس الشي ويعود يحتارمني وهنا تنقص هاد الطبيعة

طبيعة السبان والله ماي مليحة
كون جاتت ملية رانا نسبوا فالجوامع


انا لي يهمني فهاد الموضوع هو انو تفهم رسالتي مليح

وربي يهديني ويهدينا كامل

اخوكم في الله sahiko hamza
​

​

 

[السلطانة]

رد: الجيل الحالي آلطيف .... ( مشاركتي في المسابقة )

وعليكم السلام أهلا وسهلا بيك خويا
ياحصرااااااااه منلي كنتي ساكن هنا في واش راك تهدر :p

ظاهرة كارثية وشايعة بزاف في مجتمعنا للأسف
العبد عاد يحشم كي يجي خارج مع عايلتو
تلقاه دراري ميبانش من اللرض يهدر قنابل
وتلقى والديه ساكتين عليه و:bravo01:
التربية الخامجة يقولولها
اواه الجيل هاذا راه فات فوق العبر خلاص
في الشارع يسبو في المدرسة يسبو
الاحترام مطلوب في كل مضرب
لكن لاحياة لمن تنادي
كون غير جاو حتى يسبو برك راهم يكفرو على ربي ويقولو كلام ميتقالش
لاحول ولاقوة الا بالله

حنا في قالمة :down::down::down::down:وفي الشرق عامة
درجة السبان عندهم شويا زايدة
وهنا في الوسط لقيتهم ماش بالدرجة تاع الشرق بعد ولو انو كامل الجزائر ربي يجيب
لكن كاين بعض المناطق ناقصة فيهم شوي
انا نشفى على روحي مرة
سبني طفل صغير ولد جيراننا رحتلو قتلو متحشمش على روحك انت شوي
زاد سبني جاتني امو تقاقي :very_mad::very_mad::very_mad:
زادت سبتني قتلها باختصار :انتي وولدك في منزلة وحدة تربية ناقصة
:bravo01::bravo01::bravo01::bravo01:
ان شاء الله يتفاعل الأعضاء مع الموضوع

بالتوفيق

​

 

[الباندي]

رد: الجيل الحالي آلطيف .... ( مشاركتي في المسابقة )

قلت جيل التسعينات ميحشمش و ميعرفش القدر انا من جيل التسعينات

و نعرف من جيل الثمانينات لهلا يشوفك فيهم ماهمش متربيين خلاص و يدو حوايج يندى لها الجبين

و نعرف تاني من جيل السبعينات تاني الحشمة في جيهة و القدر في جيهة لذا التعميم لن ترضاه لا انت و لا انا ....

السب و التطياح راهو ماهوش مقتصر على جيل معين اما لانو كثر و تخلط و الشارع تقريبا كامل راه يسب لذا متقدرش

تقول شكون اللي يسب و شكون اللي ماهوش يسب .... هل هو من جيل التسعينات و لا من جيل الثمانينات و لا من جيل

الالفية....هو في كل الحالات التربية تلعب دور وهادي اكبر مسؤولية للاهل ....و المدرسة باقل درجة ...مشكلتنا اخلاق قبل

ان تكون اي شيئ اخر

 

[نجيب]

رد: الجيل الحالي آلطيف .... ( مشاركتي في المسابقة )

شكرا اخي على الموضوع الهادف


لاكن ليس جيل التسعينات وحده من يسب و بطلاقة كما قلت انا فهمتك جيدا وانا معك في طرح الفكرة


السب تناقل من جيل الى جيل


انا من جيل الثمانينات و حتى حنا ربي يغفرلنا كنا صغار و نسبوا


هد السب اخي عدو ينتقل بين الاجيال


و هدا يعود الى المجتمع كافة وليس للعائلة وحدها لان ليس من المعقول الام تتعقب ابنها في الشارع


أو الاب يترك العمل و يتعقب ابنه في المدرسة او الشارع


نسأل الله الغفور الرحيم ان يغفر لنا لاننا نحن ايضا كنا سبب في دالك


عندما يسمعك طفل دو 5 سنوات تسب واش حبيتوا هو يتعلم ؟؟ سي نورمال حتى هو يقعد يشوف السب حاجة كبيرة



موضوع رائع و أطلب من جميع الاعضاء أن يفهموا الموضوع جيدا لكي لا يسيؤا فهم صديقنا


و بالنيابة عنه أطلب السماح من جيل التسعينات .


تقبل مروري اخي


و بارك الله فيك

 

[سفيان اسلام]

رد: الجيل الحالي آلطيف .... ( مشاركتي في المسابقة )

السلام عليكم

شكرا لك خويا بارك الله فيك
الاجيال كامل ضاعت ربي يهدينا ويهديهم
بالتوفيق

 

[اسماعيل22]

رد: الجيل الحالي آلطيف .... ( مشاركتي في المسابقة )

السلام عليكم و رحمة الله وبركاته
خويا لعزيز بالرغم راني معاك في فكرة السب و الشتم الى آ خره
مالgري طيحت بينا قلت حنا لي نسبو بزاف وحنا جيل مش متربي ماعليش
لكن سؤال واحد من أي جيل تعلمنا هذا؟ من المحال نكونوا مولودين بالفطرة بهكذا صوالح
احترامي وتقديري وكل الود لك أخي الكبير ومتفهمنيش بالغالط​

 

[نجيب]

رد: الجيل الحالي آلطيف .... ( مشاركتي في المسابقة )

اخواني راني طلبت منكم السماح بالنيابة عليه


باش الموضوع ميكبرش خونا غلط فالتعبير و أكيد درك يطلب منكم السماح


رانا خوت و صحاب و عائلة جمعتنا هد اللمة .



بارك الله فيكم

 

[اسماعيل22]

رد: الجيل الحالي آلطيف .... ( مشاركتي في المسابقة )

وفيك بركة
والله والو أخي أنا جاوبت على حساب الموضوع
علمته فن الرد
و علمته كيف يكون الود
كما اجبت كيف انتقلت هذه الافة
كما اخبرته ان التعميم ضار
وابتديت كلامي بالعزيز وهي كلمت لا أقولها الا من يقول الصراحة و أنا شاطرته في كلامه
و شكرا لك أنت أيضايا خيّي
والله نحب اللي يتبع أدق التفاصيل
الا وهذا دليل على اطلاعه بكل الخبايا و يتقن فن الاحترام
وأنا بدوري أحترمك أخي وأحبك في الله
تحياتي لك​

 

[نجيب]

رد: الجيل الحالي آلطيف .... ( مشاركتي في المسابقة )

وفيك بركة
والله والو أخي أنا جاوبت على حساب الموضوع
علمته فن الرد
و علمته كيف يكون الود
كما اجبت كيف انتقلت هذه الافة
كما اخبرته ان التعميم ضار
وابتديت كلامي بالعزيز وهي كلمت لا أقولها الا من يقول الصراحة و أنا شاطرته في كلامه
و شكرا لك أنت أيضايا خيّي
والله نحب اللي يتبع أدق التفاصيل
الا وهذا دليل على اطلاعه بكل الخبايا و يتقن فن الاحترام
وأنا بدوري أحترمك أخي وأحبك في الله
تحياتي لك​

شكرا لك أخي و بارك الله فيك


و حتى انت راك خويا و صاحبي


ورانا هنا نديو الحاجة لمليحة و الحاجة لي مشي مليحة منشفوش فيها


و راني عارف بلي فهمت الموضوع بصح كاين واحد لمثل عدنا هنا في مغنية


يقول ارنب تنوض حلوف


حاجة صغيرة تولي حاجة كبير ة



بارك الله فيك صاحبي

 

[sahiko hamza]

رد: الجيل الحالي آلطيف .... ( مشاركتي في المسابقة )

وعليكم السلام أهلا وسهلا بيك خويا
ياحصرااااااااه منلي كنتي ساكن هنا في واش راك تهدر :p

ظاهرة كارثية وشايعة بزاف في مجتمعنا للأسف
العبد عاد يحشم كي يجي خارج مع عايلتو
تلقاه دراري ميبانش من اللرض يهدر قنابل
وتلقى والديه ساكتين عليه و:bravo01:
التربية الخامجة يقولولها
اواه الجيل هاذا راه فات فوق العبر خلاص
في الشارع يسبو في المدرسة يسبو
الاحترام مطلوب في كل مضرب
لكن لاحياة لمن تنادي
كون غير جاو حتى يسبو برك راهم يكفرو على ربي ويقولو كلام ميتقالش
لاحول ولاقوة الا بالله

حنا في قالمة :down::down::down::down:وفي الشرق عامة
درجة السبان عندهم شويا زايدة
وهنا في الوسط لقيتهم ماش بالدرجة تاع الشرق بعد ولو انو كامل الجزائر ربي يجيب
لكن كاين بعض المناطق ناقصة فيهم شوي
انا نشفى على روحي مرة
سبني طفل صغير ولد جيراننا رحتلو قتلو متحشمش على روحك انت شوي
زاد سبني جاتني امو تقاقي :very_mad::very_mad::very_mad:
زادت سبتني قتلها باختصار :انتي وولدك في منزلة وحدة تربية ناقصة
:bravo01::bravo01::bravo01::bravo01:
ان شاء الله يتفاعل الأعضاء مع الموضوع

بالتوفيق

​

اهلا بالأخت البوليسية
وي كنا كيف كيف
يعني انتي راكي اضفتي على الموضوع
صح كاين نقاط ماحبيتش نحكي عليهم
لكني الشي لي لاحظتو حكيت عليه ونأكد عليه تاني :up:
​

قلت جيل التسعينات ميحشمش و ميعرفش القدر انا من جيل التسعينات

و نعرف من جيل الثمانينات لهلا يشوفك فيهم ماهمش متربيين خلاص و يدو حوايج يندى لها الجبين

و نعرف تاني من جيل السبعينات تاني الحشمة في جيهة و القدر في جيهة لذا التعميم لن ترضاه لا انت و لا انا ....

السب و التطياح راهو ماهوش مقتصر على جيل معين اما لانو كثر و تخلط و الشارع تقريبا كامل راه يسب لذا متقدرش

تقول شكون اللي يسب و شكون اللي ماهوش يسب .... هل هو من جيل التسعينات و لا من جيل الثمانينات و لا من جيل

الالفية....هو في كل الحالات التربية تلعب دور وهادي اكبر مسؤولية للاهل ....و المدرسة باقل درجة ...مشكلتنا اخلاق قبل

ان تكون اي شيئ اخر

اهلا خويا وشكرا على الاضافة
جيل السعينات تغيرت فيه امور بزاف ومن بينها تطياح لقدر
كلامي مش معنتها راهم كامل
مام جيلنا يسب وو و و ... رانا شعب واحد وعارفين طبايعنا مي ويناه لي يستر
نتمنى تفهم كلامي مليح .
​

شكرا اخي على الموضوع الهادف


لاكن ليس جيل التسعينات وحده من يسب و بطلاقة كما قلت انا فهمتك جيدا وانا معك في طرح الفكرة


السب تناقل من جيل الى جيل


انا من جيل الثمانينات و حتى حنا ربي يغفرلنا كنا صغار و نسبوا


هد السب اخي عدو ينتقل بين الاجيال


و هدا يعود الى المجتمع كافة وليس للعائلة وحدها لان ليس من المعقول الام تتعقب ابنها في الشارع


أو الاب يترك العمل و يتعقب ابنه في المدرسة او الشارع


نسأل الله الغفور الرحيم ان يغفر لنا لاننا نحن ايضا كنا سبب في دالك


عندما يسمعك طفل دو 5 سنوات تسب واش حبيتوا هو يتعلم ؟؟ سي نورمال حتى هو يقعد يشوف السب حاجة كبيرة



موضوع رائع و أطلب من جميع الاعضاء أن يفهموا الموضوع جيدا لكي لا يسيؤا فهم صديقنا


و بالنيابة عنه أطلب السماح من جيل التسعينات .


تقبل مروري اخي


و بارك الله فيك

اهلا بالاخ نجيب
اولا حبيت نشكرا على مرورك وعلى تعقيبك
مي ماعندك ماتطلب السماح
لأنو كاين نقطة حكيت عليها لي هي السبان قدام الناس
جيلنا يخزر من ومن باه يديرها
اما الجيل لي مورانا ديركت يبدى يرافالي
شفت وش راني نقصد .



​

 

[sahiko hamza]

رد: الجيل الحالي آلطيف .... ( مشاركتي في المسابقة )

السلام عليكم

شكرا لك خويا بارك الله فيك
الاجيال كامل ضاعت ربي يهدينا ويهديهم
بالتوفيق

وعليكم السلام ورحمة الله

شكرا على المرور
​

ربي يهدي ماخلق اخويا دير في بالك حاجة ماتقولش الجيل الفلاني ولا الجيل الاخر
اهدر حاجة قدك قدك نيتك ماشي تهدر فالأجيال ولا تحب غدوى جي يهدر فيك واحد ولا في عايلتك
نت قلت جيل التسعينات يعني راك طيحت بقيمة هذا الجيل وقصدك موش متربيين والله عيب عليك وربي يهدي الجميع
​

اهلا باسم
والله فرحت كي قريت ردك لانو انت واعي وباين فيك ناس ملاح
ياخي راني مانقصدش عليكم اكل
لكني نحكي على فئة من الشباب ليهوما من جيلكم هادا مكان :graduation:
​

السلام عليكم و رحمة الله وبركاته
خويا لعزيز بالرغم راني معاك في فكرة السب و الشتم الى آ خره
مالgري طيحت بينا قلت حنا لي نسبو بزاف وحنا جيل مش متربي ماعليش
لكن سؤال واحد من أي جيل تعلمنا هذا؟ من المحال نكونوا مولودين بالفطرة بهكذا صوالح
احترامي وتقديري وكل الود لك أخي الكبير ومتفهمنيش بالغالط​

الظاهر راكم متفاهمين عليا ههه
لا حاشى لله
ماطيحت بيكم ما والو
انت لي نورمالمون فهمت الموضوع غالط
نتمنى تعاود تقراه مليح :thumb_up02:
​

اخواني راني طلبت منكم السماح بالنيابة عليه


باش الموضوع ميكبرش خونا غلط فالتعبير و أكيد درك يطلب منكم السماح


رانا خوت و صحاب و عائلة جمعتنا هد اللمة .



بارك الله فيكم

وفيك بركة
والله والو أخي أنا جاوبت على حساب الموضوع
علمته فن الرد
و علمته كيف يكون الود
كما اجبت كيف انتقلت هذه الافة
كما اخبرته ان التعميم ضار
وابتديت كلامي بالعزيز وهي كلمت لا أقولها الا من يقول الصراحة و أنا شاطرته في كلامه
و شكرا لك أنت أيضايا خيّي
والله نحب اللي يتبع أدق التفاصيل
الا وهذا دليل على اطلاعه بكل الخبايا و يتقن فن الاحترام
وأنا بدوري أحترمك أخي وأحبك في الله
تحياتي لك​

انت اسماعيل ونجيب
بشويا برك دوك نتفاهموا ...:-h
​

 

[AmiR@RoRo]

رد: الجيل الحالي آلطيف .... ( مشاركتي في المسابقة )

السلآم عليكم
هادو راهم منهم وعليهم وما بقا لا حيا ولا حشمة
يفوت عليك واحد تلقاه يحكي بالسب والكلام لي ميتسمعش ؟؟ تحير فيهم
والمشكل هاد الطبيعة تلعموها حتى لبنات يا عباد ربي كي نشوف بنت تطيح مخي يحبس وتلقاها عاجبها الحال زعما حاجة مليحة وزعما راها تبين في روحها
ربي يهدي ما خلق
ملاحظة برك يا ريت كون كتبت بين قوسين حاشا ولاد وبنات الفاميليا لانو مش كل جيل التسعينات راهو هاك كاين لي ماشاء الله دين وتربية واخلاق
مشكور على الطرح
سلآم​

 

[أم منيــــــر]

رد: الجيل الحالي آلطيف .... ( مشاركتي في المسابقة )

السلام عليكم
في الحقيقة الضاهرة راها تكبرجيل على جيل
كانت كاينة زمان بصح مش بهاد التفاقم كان واحد واحد والناس يدموه ويحشم على روحو
انا ما نقولش جيل التسعينات لاخاطر كاين شباب ما شاء الله في التربية والاخلاق والادب
والله كاين اطفال من اصحاب الالفية ان شاالله برك صحاب الالفية ميزعفوش مني راني نقول كااااااين ههههه
في الابتدائي يطيحو نورمال والله تبق مخلوع
مرة كنت فايتة على طفل يطيح الهدرة مين زعفت عليه لصق فيا كي سوبر gلو
ايوا واش بقا الله يحفظكم
مشكور على الموضوع حمزة تحياتي الخالصة
​

 

[نجيب]

رد: الجيل الحالي آلطيف .... ( مشاركتي في المسابقة )

اقتباس

المشاركة الأصلية كتبت بواسطة نجيب مشاهدة المشاركة


شكرا اخي على الموضوع الهادف


لاكن ليس جيل التسعينات وحده من يسب و بطلاقة كما قلت انا فهمتك جيدا وانا معك في طرح الفكرة


السب تناقل من جيل الى جيل


انا من جيل الثمانينات و حتى حنا ربي يغفرلنا كنا صغار و نسبوا


هد السب اخي عدو ينتقل بين الاجيال


و هدا يعود الى المجتمع كافة وليس للعائلة وحدها لان ليس من المعقول الام تتعقب ابنها في الشارع


أو الاب يترك العمل و يتعقب ابنه في المدرسة او الشارع


نسأل الله الغفور الرحيم ان يغفر لنا لاننا نحن ايضا كنا سبب في دالك


عندما يسمعك طفل دو 5 سنوات تسب واش حبيتوا هو يتعلم ؟؟ سي نورمال حتى هو يقعد يشوف السب حاجة كبيرة



موضوع رائع و أطلب من جميع الاعضاء أن يفهموا الموضوع جيدا لكي لا يسيؤا فهم صديقنا


و بالنيابة عنه أطلب السماح من جيل التسعينات .


تقبل مروري اخي


و بارك الله فيك


اهلا بالاخ نجيب
اولا حبيت نشكرا على مرورك وعلى تعقيبك
مي ماعندك ماتطلب السماح
لأنو كاين نقطة حكيت عليها لي هي السبان قدام الناس
جيلنا يخزر من ومن باه يديرها
اما الجيل لي مورانا ديركت يبدى يرافالي
شفت وش راني نقصد .




شكرا لك أخي على الرد لي ماشاء الله عليك


بدل ما تطلب السماح و ليت تقولي مكان لا تطلب السماح


أطلب السماح انت و منبعد احكي على السب


احدر من ردك اتجاهي و انا نادم لي دخلت هد الموضوع


و راني في لحظة منحملش أي كلمة زايدة


بسلامة

 

[sahiko hamza]

رد: الجيل الحالي آلطيف .... ( مشاركتي في المسابقة )

بدل ما تطلب السماح و ليت تقولي مكان لا تطلب السماح


أطلب السماح انت و منبعد احكي على السب


احدر من ردك اتجاهي و انا نادم لي دخلت هد الموضوع


و راني في لحظة منحملش أي كلمة زايدة


بسلامة

يمكنك الانصراف في هدوء :thumb_up02:
​

 

[اسماعيل22]

رد: الجيل الحالي آلطيف .... ( مشاركتي في المسابقة )

يا أخي الله يهديك والله عيب عليك المفروض راك مشرف و كبير و مسؤول
الاخ نجيب راه فاهم الشيء اللي أنت مافهمتهش و بما أنه من نفس جيلك تقريبا إن لم أكن مخطىء ولكن عرف كيف يجد الكلمات عنك و بادر بالاعتذار لأنع يعرف قيم الأخلاق و كان لازم عليك تشكره و بكلامي لا أقلل من أخلاقك
لكن هنا نجيب هو من لديه ثقافة التموضع صحيح و زاويته كانت صحيحة
كيما نقتبس قول الخالة ام منير لما قالت كل جيل و له أطفاله
كايت لي واعي و متربي
و كاين لي الله غالب
و سامحني حتى أنا راح ننساحب بهدوء
و كل التوفيق لك وكل من هو معك
ســــــلام​

 

[الباندي]

رد: الجيل الحالي آلطيف .... ( مشاركتي في المسابقة )

انت مزالك مخشن راسك جيلكم جيل المتقين و المعتكفين في المساجد ..اما نزيدلك كثر من هاك و روح معاك بعيد اذا حتا جيلنا يسب و يطبح انتوما جيلكم كان في لجبال يقتل في لرواح .....و الفاهم يفهم ياخي بنادم ياخي و هدرنا معاك كلمة قلنالك متعممش وليت باتمان .

 

[ثَسْكُورْثْ نَثْدُوكْلِي]

رد: الجيل الحالي آلطيف .... ( مشاركتي في المسابقة )

سلام عليكم خويا
على كل الله يهدي ماخلق
الظاهرة منتشرة بزاااف صح وكاين نوع من السبان اللي رجع عادة للاسف
وهذي الظاهرة متعلقة بنوعية التربية والمحيط اللي تعيش فيه
وغير مقتصرة على جيل معين
والله يهدينا للخير
في امان الله

 

[السلطانة]

رد: الجيل الحالي آلطيف .... ( مشاركتي في المسابقة )

يغلق الموضوع بطلب من صاحبه


و لعدم فهم محتواه .

 

[السلطانة]

رد: الجيل الحالي آلطيف .... ( مشاركتي في المسابقة )

ماعليهش ياجماعة حصل خير

مهما يصرى ويكون ماتردوش لبعضاكم كيما هك

ورانا كامل من هاذ الجيل

كيما الجيل هاذا فيه سلبيات الاجيال لي قبلو كان فيها سلبيات وجيل ال 2000 وطلع فيه سلبيات جديدة
وهكذا

راهي دنيا ووقت وولادنا معرف كيفاه راح يكونو :bravo01:

ربي يهدينا اجمعين