السلام عليكم و رحمة الله تعالى و بركاته
بارك الله فيكي و جزاكي خيرا غاليتي فيولا و أضحك سنكي و ملأ قلبكي فرحا و سرورا
و الله ضحكت حتى ما قدرتش بالصوت اللي عندي
حقائق عني :
كيما الاخت لؤلؤة نمشي و عينيا في الأرض شحال من مرة نمشي بحدا بابا و مانشوفوش حتى يجري موراي
ماندورش للوراء لما ينادي عليا واحد حتى لما نعرف صوتوا
نحب نصور كل شيء الا روحي لدرجة أنو ماعندي حتى صورة ليا في البيت غير لما كنت صغيرة ، و صورة وحدة صورتها مند اسبوع بالحجاب الشرعي
نكره صورتي و منين نشوف في المراية نمنشر في روحي حتى ما نقدرش
ماانش وحدة لقيتها قلقلنة مارجعتهاش تضحك كيما المهبولة حتى و إن كنت مانعرفهاش
مايهمنيش كلام الناس عليا ، وكون نلقا وحدة تسب فيا نعاونها
جامي حفظت غير العلوم الإسلامية و كي ماتكونش عندي أجابة نمد الورقة فارغة عادي خلاه
كنت نوري في ال×تبارات و الفروض للناس اللي الله غالب عليها ماتعرفش لكن جامي قبلت يوريولي و نهار عرفت بلي حتى هديك غش وليت نقلهم مانوريش طول
أغلب عائلتي يكرهوني بسبب صراحتي ، أحيانا لحد الوقاحة
مانحبش كل أنواع القاطو و خاصة المقروط و البقلاوة و ناكل غير زوج برك
ماناكلش حاجة طيبتها أنا
و كي نتفكر أني نرجع إن شاء الله
