حقائق عنكم..

[أم أحمــــد يــسّ]

رد: حقائق عنكم..

حقيقة

خطرات يجيني حالي نكره الغاشي هههههه نبغي نكون وحدي برك ماكان الي يهدر معايا ماكان الي يدور بيا حتى تروحلي هاديك المعزة الي حرنتلي


......
.....هذي الجنيّة راهي حاكمتني ضرك اسسسسسسكتوووووووو هههههه​

 

[الباندي]

رد: حقائق عنكم..

حقيقة
----
كي نكون نمشي في الطريق موحال نبقى ساكت لازم نحكي مع اي واحد و نضحك مع اي واحد و نقيسله كاش كلمة تضحك لابغا ميعرفنيش هههه

 

[{مُدَلَّلَتُهُ}]

رد: حقائق عنكم..

جٍِنآن. . . نحسب هاديك الجنية عندي غي أنا أيا الحمد لله كي لقيت الي كيفي :d

حقيقة

مآ نطيـgـش نخرج بالماكياج برا -_- نحس روحي جوكر . . . كي نهبل ندير كحل


في القراية مش ممكن نقرا حصة و ما يقوليش الـpـروف نوضي من حدا صحبتك ولا اسكتي علينا ههههه نهدر بسلامتي

كي نتفرج كاش فيلم و يكون مؤثر ندير فياضانات بالبكآ :p

الناس كي يشوفوني يقولو ما كل هذه البراءة بصح ماما و الي يعرفوني يعارضون هذه الإعتقادات تماما

ايا صاي فضحت روحي ف هاد الموضوع


​

 

[لؤلؤة قسنطينة]

رد: حقائق عنكم..

جٍِنآن. . . نحسب هاديك الجنية عندي غي أنا أيا الحمد لله كي لقيت الي كيفي :d

حقيقة

مآ نطيـgـش نخرج بالماكياج برا -_- نحس روحي جوكر . . . كي نهبل ندير كحل


في القراية مش ممكن نقرا حصة و ما يقوليش الـpـروف نوضي من حدا صحبتك ولا اسكتي علينا ههههه نهدر بسلامتي

كي نتفرج كاش فيلم و يكون مؤثر ندير فياضانات بالبكآ :p

الناس كي يشوفوني يقولو ما كل هذه البراءة بصح ماما و الي يعرفوني يعارضون هذه الإعتقادات تماما

ايا صاي فضحت روحي ف هاد الموضوع


​

هههههههه ضحكتيني صح
انا عكسك شتي كي ندخلو للقسم كن يجي معرف شكون مانديرش عليه هههه
تلقاي لي قاعدة قدامي تسقسي فيا وانا خاشعة مع الاستاذ ونركز مع كل حرف يقولو
واذا كترت عليا الطفلة لي قدامي بالأسئلة نديرلها بيدي , يعني استناي ومن بعد نهدرو
اصلا نقعد في الطابلة اللولة كي تاع الابتدائي هههه
ساعات حتى يخلعو ويقولولي كيفاه تحكمي البلايص اللولين بايتة هنا ؟ هههه
وكيفك تاني كي نشوف فيلم محزن نشبع نديب ههههه​

 

[Salam Fleur]

رد: حقائق عنكم..

مرات نحس روحي جايحة ... ندير حوايج تاع واحد رفع عنه القلم

بشوشة بزاااف ... بصح كي نهبط الريدو نولي مانشبه لوالو

طيوبة بصح كي نزعف من واحد يرجع قلبي حجرة ​

 

[adel._dz]

رد: حقائق عنكم..

جامي دخلت لريسوتورو والا طاكسيفون ومالعبتهاش لمولاها حاب نهربلو مانخلصوش الا قليلا
خاصة كون يكون لي يخدم ثم جان شباب مثلي

نكره واحد يلعبها ما يموت مايفرغلو الرصاص ما يطيح من الفرس

نحب العين الكحلة نموت عليها هههههههههه

نكره الروتين نحس فيه يدوبني

نحب الغناء القديم حسني ونصرو وأنور والشعبي والراي القديم
الجديد صعيب باش نلقى لي يعجبني فيه

كنت من عشاق مجدة الرومي في الصغر هههههههههههه

 

[أم أحمــــد يــسّ]

رد: حقائق عنكم..

هههههه ياعيني على لمهابل
ايا انا ندير جملة” وافق شنّ طبقة” ونسكت خير ...
...قالك مايتصاحبوا غير كيما يتشابهو

...
...حقيقة
كي نزعف نضرب السكتة واذا كانو الغير غالطين فيا كون مايبداوش هوما....انسوا باه تهدر اختكم البكمة هههه
ملاحظة : يعطيك رحمة فضحتينا في اللمة” نبسط برك”

 

[Bouchra zarat]

رد: حقائق عنكم..

نهار لتكون فيه مطر منروحش نقرا

 

[{مُدَلَّلَتُهُ}]

رد: حقائق عنكم..

نهار لتكون فيه مطر منروحش نقرا

أنا عكسك تماما كي تكون النو تصب برا يولي قلبي يسطَر باه نخرج هيهيهيهيهي . . . بصح لازم نكون مدفية روحي لا حكمتني برا و انا مانيش دايرة حسابي ما نبغيش

 

[Bouchra zarat]

رد: حقائق عنكم..

أنا عكسك تماما كي تكون النو تصب برا يولي قلبي يسطَر باه نخرج هيهيهيهيهي . . . بصح لازم نكون مدفية روحي لا حكمتني برا و انا مانيش دايرة حسابي ما نبغيش

هههههههههه

أنا منبغيهاش فوقت لقراية سيغتو على 12:00

 

[Bouchra zarat]

رد: حقائق عنكم..

1/منبغيش يقولولي عاوديلنا

 

[همس الوُرود]

رد: حقائق عنكم..

حقيقة عني~

يمكنني نسيآن الإنسآن بسرعة لكن إسمه يبقى خآلدآ في ذكرآي

فتجدني أحفظ أسآمي سبق لي وأن عرفت أصحآبهآ لكنني لآ أذكر من أصحآبهآ ومآالعلآقة التي كآنت تربطني بهم !!​

 

[Bouchra zarat]

رد: حقائق عنكم..

1/لا أحب تلك العلاقات التي تأتي من بعدها الندم

 

[الزهرة الحمراء]

رد: حقائق عنكم..

السلام عليكم
راني رجعت بعد غياب على الموضوع هذا
حقائق عليا
ديما كي نكون نطيب ونفتح الفريجيدار باه نجبد كاش عفسة ننسى ونقعد فاتحة الفريجيدار قريب 5 دقايق نتفكر واش جيت نرفد
ومرات تاني ماما كي تعيطلي وتقولي جيبيلي عفسة من البلاصة الفلانية كي نجي رايحا لهاديك لبلاصة نكون متفكرتها انا نلحق لهاديك البلاصة نحبس وننسى على واش جيت
تصرالكم ولا نروح نداوي ​

 

[لؤلؤة قسنطينة]

رد: حقائق عنكم..

السلام عليكم
راني رجعت بعد غياب على الموضوع هذا
حقائق عليا
ديما كي نكون نطيب ونفتح الفريجيدار باه نجبد كاش عفسة ننسى ونقعد فاتحة الفريجيدار قريب 5 دقايق نتفكر واش جيت نرفد
ومرات تاني ماما كي تعيطلي وتقولي جيبيلي عفسة من البلاصة الفلانية كي نجي رايحا لهاديك لبلاصة نكون متفكرتها انا نلحق لهاديك البلاصة نحبس وننسى على واش جيت
تصرالكم ولا نروح نداوي ​

راني كيفك ماتخافيش هههههه
كيما قلتي بالضبط

 

[{مُدَلَّلَتُهُ}]

رد: حقائق عنكم..

حقيقة

كي نشوف واحد مقلق قدامي نتقلق أوتوماتيكيآ . . . على بيها كي نكون مقلقة ما نبغيش نبين للناس

نموت على الذراري الصغار و نلعب معاهم كي شغل صغيرة :p "كاين أطفال ما يقربو لحتى واحد و أنا يجو عندي و يحفظو إسمي قليل وين ما نتفاهمش مع طفل صغير :d "

اختي مربية قط في الدار و مع اني كي نشوفو في بلاصة ما نروحلهاش هو وين ما يصيبني قاعدة يجي عندي ما نعرف لجده علاه يبغيني -_-


​

 

[Hakan]

رد: حقائق عنكم..

حقيقة



اختي مربية قط في الدار و مع اني كي نشوفو في بلاصة ما نروحلهاش هو وين ما يصيبني قاعدة يجي عندي ما نعرف لجده علاه يبغيني -_-


​

حب من طرف واحد راني حاس بيه مسكين
علابالي راهو يغني ...ياناسيني قلي لمن تخليني ...... هههههتتته

 

[Salam Fleur]

رد: حقائق عنكم..

اكره حاجة عندي لما انسان تهدر معاه نورمال وهو يقلبهالك غريندايزر​

 

[لؤلؤة قسنطينة]

رد: حقائق عنكم..

نقبل الأذية لنفسي معليش
بصح لعايلتي لالا
تاذيني وتسبني نسكت عليك بصح تسبلي عايلتي مانحبش
معادلة واضحة ههههه​

 

["viola"]

رد: حقائق عنكم..

فكرتني مريومة في حقيقة

انا و خويا الصغير منتفاهموش ابدا ..تلقانا على العام متقاتلين بصح يغلط واحد و يخلط فيه

نحطلو سعدوا في يدو ..حتى هو و يحير يقولي ياك تكرهيني :s:d​