حقائق عنكم..

["viola"]

رد: حقائق عنكم..

حقيقة



نكره الوحدة الي عايشة بالزوخ و غي تخرج من بلادهاا تبدا تزوق في هدرتها !

هادا ماكان :d


​

ههههههه اناااااااااا :d:d:d و نقولها علاه راكي تلعبي فيها طوول معنديش الكريدي :d
​

 

[بنقابي افتخر]

رد: حقائق عنكم..

ههههههه اناااااااااا :d:d:d و نقولها علاه راكي تلعبي فيها طوول معنديش الكريدي :d
​

هههه واعره هادي ههههه

 

[{مُدَلَّلَتُهُ}]

رد: حقائق عنكم..

ايمان راني نتخيل فيك كلاشيتي وحد الطفلة نعرفها في وجهها

ههههههههه هادي وحدها تع تقوليهالها

حقيقة

كي واحد عزيز عليا يقولي كلام مش مليح يصيبني الشلل في لساني ههههههه قلييل وين نسرّح لساني و نرد عليه :p مع أني يقولولي لسانك طويل يعني -_-

كي نتخلع خلعة صحيحة تروحلي الهدرة نقعد غي نشوف ما نهدر ما ندير والو حتى تروح عليا الخلعة باه شوية !
​

 

[السلطانة]

رد: حقائق عنكم..

حقيقة عني


أني مازلت نخاف لدركا ههههههههههههه

وكون نقعد وحدي في الظلمة منقدرش لازم نشعل الضو


وكون يحكي واحد قدامي على فيلم يخوف نتوسوس ونبدى نتخيل في الاشباح جاوني

 

["viola"]

رد: حقائق عنكم..

حقائق

*كي نجوع نبدا نقول في كلمات غير مفهومة ..نخرجلك على الموضوع عادي ..و نخلط الهدرة قااع :s

*مثلا نشوف كاش ممثل و ننسى وين شفتو ونبدا نتفكر فيه ..تجيني لاكريز اذا معرفتوش خخخ و اذا تفكروا في نص الليل نوض ختي من النوم نوورمال باش نقولها تفكرتو صايي :d

*نككره الاعراس

​

 

["viola"]

رد: حقائق عنكم..

حقيقة عني


أني مازلت نخاف لدركا ههههههههههههه

وكون نقعد وحدي في الظلمة منقدرش لازم نشعل الضو


وكون يحكي واحد قدامي على فيلم يخوف نتوسوس ونبدى نتخيل في الاشباح جاوني

ههههه شكون لي راه موراك ؟؟؟:p:p

حقيقة

كي نكون نمشي فالظلمة نحس واحد يمشي مورايا داائما تصرالي و نبدا نجريي زعما باه نفوتو خخخخ
​

 

[{مُدَلَّلَتُهُ}]

رد: حقائق عنكم..

حقيقة

خطرات يجيني حالي نكره الغاشي هههههه نبغي نكون وحدي برك ماكان الي يهدر معايا ماكان الي يدور بيا حتى تروحلي هاديك المعزة الي حرنتلي

كي تكون الظلمة محااااااااال نقعد وحدي محاااااال مثلا يتقطع عليا الضو و أنا في شومبرا نروح نجرييييييي للشومبرا لي فيها خاوتي و والديا نخاف نموت :'(
​

 

[ضآحكة مستبشرة]

رد: حقائق عنكم..

حقيقة عني كي تروح الكهرباء
نخاف حتى نجوز من الصالون للشومبرة هههههههه
نحب نغسل المواعن كي نكون مقلقة
و كي نكون نغسل فالموآعن نولي مغنية ههههههههههه
​

 

[AmiR@RoRo]

رد: حقائق عنكم..

حقيقه

فيا طبيعه مشي مليحه
نكون نشوف مثلا فوحده وكي نجي نشوف فتانيه ندور عينيا عليها ههه
بزاف لي يتغششو مني على جال هدا الجاست ويقولو زواخه ومتكبره
بصح والله طبيعه برك مشي بلعاني ههههه​

 

[نجيب]

رد: حقائق عنكم..

الأعضاء يطلابون بقطع الكهرباء في المنتدى ههه

و الله العظيم راني نشوف التعليقات و نضحك بالدموع وحدة كي تجوع ترجع تخلط فالهدرة

وحدة تخاف من الظلمة وحدة تغسل لماعن و تغني

الثقافة راهي متنوعة في هد الموضوع مشاء الله عليكم ههههه

بصح الحاجة الفور نتاع كي نجوع نعود نخلط فالهدرة واش تقولي مثلا ؟؟؟.
​

 

["viola"]

رد: حقائق عنكم..

بصح الحاجة الفور نتاع كي نجوع نعود نخلط فالهدرة واش تقولي مثلا ؟؟؟.
​

خطرة فالحصة تاع الالمانية فالليسي من 11 ل12 متت بالشر ايا والو التركيز يروح اك عارف

ايا قعدت نعاود فالهدرة مورا الاستاذة :d:d لي تقولها نقولها خخخ خرجتني و رحت فطرت ههههه

خطرة خويييييت و شديتها فالكلاسة بلاطاش ادوني لدارنا ادوني لدارنا ادوني لدارنا ههههه

جابولي المراقب و محبيتش نسكت :d:d حتى جابولي القوفريط باه سكتت :d:d

وهاذو عينات برك لخويا نجيب ههههه​

 

[نجيب]

رد: حقائق عنكم..

خطرة فالحصة تاع الالمانية فالليسي من 11 ل12 متت بالشر ايا والو التركيز يروح اك عارف

ايا قعدت نعاود فالهدرة مورا الاستاذة :d:d لي تقولها نقولها خخخ خرجتني و رحت فطرت ههههه

خطرة خويييييت و شديتها فالكراسة بلاطاش ادوني لدارنا ادوني لدارنا ادوني لدارنا ههههه

جابولي المراقب و محبيتش نسكت :d:d حتى جابولي القوفريط باه سكتت :d:d

وهاذو عينات برك لخويا نجيب ههههه​

انت لازم يقروك فالمطعم باش ميكونش عندك مشكل نتاع الجوع :p:p

ان شاء الله فالجامعة تلقاي راحتك

شكرا فيولا على صراحتك اليوم الحمد لله راني ضحكت معاكم​

 

[لؤلؤة قسنطينة]

رد: حقائق عنكم..

خطرة فالحصة تاع الالمانية فالليسي من 11 ل12 متت بالشر ايا والو التركيز يروح اك عارف

ايا قعدت نعاود فالهدرة مورا الاستاذة :d:d لي تقولها نقولها خخخ خرجتني و رحت فطرت ههههه

خطرة خويييييت و شديتها فالكراسة بلاطاش ادوني لدارنا ادوني لدارنا ادوني لدارنا ههههه

جابولي المراقب و محبيتش نسكت :d:d حتى جابولي القوفريط باه سكتت :d:d

وهاذو عينات برك لخويا نجيب ههههه​

ههههههههه اواه نتي خطيرة صح :d
لازلملك اللمجة كيما تاع لولاد الصغار
والله وحدك صح قتلتيني ضحك ​

 

[Yayan]

رد: حقائق عنكم..

خليقه نكره الدلاع ما ناكلش الدلاع لوكان يغنوني من صغري ما ناكلش الدلاع كامل يحيروا فيا
نكره الكبده تاع الخروف ما ناكلهاش لوكان يكون واش يكون ونمووووت على الرية تاعوو
نموت على البقلاوه
نحب نلبس لكحل و نشتي اللون لكحل نحسوو فخامه
نشتي اسم راكان نحسو كيفكيف فاخاماه و نحب اسم الجوهره جميييل *-*
نكره لي يحنوا رجليهم ياخيي ققققرف يجيبون الغثثثااا
نشتي واحد يلعبلي بشعري نحس بواحد الشعور جميل وننعس ههه

 

[Yayan]

رد: حقائق عنكم..

نحب اللهجه السعوديه وماهره فيها قالولي السُعوديين اكي تعرفي لهجتنا خيرمنا هههه و نحب السعوديه و الاهل تاعها ونعرف كوووووووولش عليهم ثقافتهم كلشي عليهم تقريبا ساكنه ثم -.-

 

[Yayan]

رد: حقائق عنكم..

نشتي نحلل ونفسر ونفكك الحقائق من عندي لازم كل حاجه لفتت انتباهي نديرلها تحليل شامل و تفسير من عندي ونبدا نتفلسف تعجبني روحي هكا نحس بلي مكاش حتى راي خير من رايي مؤمنه بوجهات نظري

ما نقدرش نشوف واحد يمشي مشيه غريبه ولا يهدر هدره ماش زي تاعنا وما نقلدش عليه فيا عاده ، تقري فيا استاذه الرياضياات مش من منطقتنا ومتحكيش زينا نهار كامل وانا نعلق عليها انا وملاك صحبتي ههههه

 

[Yayan]

رد: حقائق عنكم..

عندي فوبيا من المرتفعات كي رحت للماناج وحد المره فضحت بروحي يياخي هما كامل قاعدين يعيطوا كـ تسليه غير انا نعيط على طول صوتي ونقول هاكا ااااااااااااااااماااااااااااااااماااااااااااااااااا ونعيط وهوما غير يخزروا فيا وناضت وحد المرا تضحك علياا ههههههه هذاك النهار كنت صح خايفه لا نطيح قلت سير اليوم نموت خخخ و هاذاك الصوت الباهي خخ ياخي قصه ياخخ

 

[@R@ZIK]

رد: حقائق عنكم..

يعطيك الصحة فيولا على الموضوع الهايل
صح فينا حاجات غريبة
انا كي نكون مركزة في حاجة وواحد يدخل عليا على غفلة ويهدر نرجف ونعيط
وحكاية الجوع خليها ولازم ناكل مور الغدا حاجة حلوة قاطو
شكرا ليك​

 

["viola"]

رد: حقائق عنكم..

نورتو YàNà_HzZ و رزيقة :-r
​

 

[Hakan]

رد: حقائق عنكم..

من بؤن بعض الحقائق نتاعي بما انكم بديتو تحكيو على الاكل
انو نقدر ندير برنامج بحيث نلتزم بوجبة واحدة في النهار ومش موحال نخلي بين الوجبة والوجبة مدة نهار ونص وفي رمضان جامي حسيت بحاجة اسمها الجوع
نحب نتفرج المونغا الانمي وجماعتي يدوخ فياا يقولولي راجل قد الراجل و موصطاش ولحية يتفرج الكرتون الله غالب ما نقدرش نصبر عليهم ههه

اكثر من تعرض للضرب على يدي خويا رحيم نهار يدير مشكلة يقعدو كامل يشوفو فيا هوما ما يضربوهش ويحصلوها فياا ومسكين قدام لا نوصل ليه ديجا راهو طيح لترا نتاع دموع ..

اذا تفرت فيلم ولا حلقة نتاع اي برناامج من المستحيلات السبع نعاودو بالاك تفوت عليه خمس سنوات ولا اكثر باش نعاودو وندير تخطي باسكو الميموار نتاعي التصويرية مليحة نقدر نتفرج الحلقة ونعاودها في راسي خخخخخخ علابيها نكره حاجة اسمها اعادة

نرجعلكم من بعد