- إنضم
- 2 أكتوبر 2007
- المشاركات
- 6,767
- نقاط التفاعل
- 8,893
- النقاط
- 351
السلام عليكم ورحمة الله تعالى وبركاته
واش راكم ناس اللمة ان شاء الله كامل تكونوا بخير
أسفة على هذا الخلل الكونيكسيون هبلتني
شكرا لؤلؤة على الاعتماد
المهم ندخلوا في الموضوع
هذا الموضوع عندي مدة ملي كتبتوا لكن الوقت ما سمحليش باه نحطو
حبيت نحكي على سوجي تاع النقل والحافلات لي راني نعاني منو بزاف
اصحاب الحافلات في الاول يشوفك دراهم
نحكي على حالتي شخصيا
انا نخرج على 7 و نص من الدار باه نلحق للخدمة على 8 لكن مع صحاب الحافلات جامي تلحقي في الوقت وكي تهدر معاه تقولو رانا خدامين يقولك انا تاني راني خدام
تخيلوا نديماريو على 7 ونص من مدينتي وهو في الطريق يشارجي ويشارجي حتى الروسوفورغ يولي خارج برا
اتخيلو وكي تهدر معاه يقولك نركب خاوتك راهم روطار وما نحكيلكش على السخانة والهم داخل هذيك الحافلة لكن هو راه يشوف فيهم دراهم منين جات الحنية هاذي
لكن لي زاد الطين بلة ما يديروش حساب للباراج
تخيلوا نكونو نفس الطريق وكي يتلقى باراج واش يدير يتوقف في اقرب مكان قبل الباراج ويقولهم الواقفين ينزلوا الله غالب باراج نخاف ينحيولي الورق وانت كي كنت تشارجي علاه ما خممتش في الباراج والشعب يتقلق شويا ويسكت وينزلوا ويكمل طريقوا عادي
والمرة هاذي المزيرية بعينها كنا في الطريق وتلقينا بصاحبوا جاي في الاتجاه المعاكس ضربوا بالفار وقالو باراج اتخيلوا واش دار حبس الحافلة وقالنا الله غالب ما نقدرش نكمل باراج ما عنديش لالين(تصريح النقل) بقينا واقفين في منطقة ما فيهاش لا ريزو لا والو فرصتك تستنى حافلة اخرى بلاك يركبك وتخيل باراج حتى حافلة ما تركبك
بقينا حتى راحو لا بريقاد ورجع نفس الشخص لي حاطنا وركبنا وبدا يطلب في السماح ووصلنا لكن شحال كانت الساعة كي وصلت للخدمة 10 ونص
المشكل وين راه في صحاب الحافلات ولا في الشعب
نتمنى نسمع آرائكم
تحياتي للجميع
آخر تعديل:
