ياهلا بالغلى....
يا هلا بحبيبتي نورتيني :love01:
وجيناكم خطابة حلوا الباب الشرقي ...ههههههه
هههههههههه قتلتيني ضحك حتى وليت نغني فيها
ريي يسترك باب قلبك فاتحاتوا على مصرعيه للكل وباين من طيبتك انو اللي في قلبك على لسانك ....
ربي يخليك حبيبتي هادا من طيبتك تشوفي الناس طيبين
ايا هوما ينشفوا الدم بالأسئلة قلت انا نحبسوا على الاخير بالخطبة هههههه
ههههههه خرجتي خرجة وحدها حتى درتيلي الرعشة
ياااااو الطفلة قاعدة صابرة عليكم قر قر قر وواحد مافهم روحو؟؟ ههههههه
راكي تشوفي كيفاه مايقولو الطفلة مسكينة تعبناها ماوالو :d
الدراهم كاينة والدار ثاني "بصح خرجتيها طاي طاي "والزين عندي مانقلك
بصح لازمك تعرفي اطيبي احنا اللي ماطيبش تقعد في الدار ..و زيد حصة البكاء على الاطلال هذي انسي انسي
لازمك تبدلي اللوك والضحك ثم الضحك ها ها ها "بصح مش نتاع مرت الدايم لله !!!!"....و ...و..
ايا خلاص خلي نحكو عليها مرة اخرى يا مرت خويا ...
ههههههههه هيا خلي من بعد نحكيو عليها هادي
ايا ضرك هاكي الحار:
ههههه معليش الحار تاعك نعتابرو عسل :$
هيا نبداو على بركة الله،بسم الله
مارأيك فيما ينشر في المنتدى ؟ هل يرتقي لمستوى النشر دوما ام ان الكتابة من اجل المشاركة فقط هو الاساس ؟
الحمد لله لحد الآن ن ساعات ندخلو نلقاو أكثر من 5 و 6 مواضيع مميزة حتى تحيرلك منين تبدا
اما فيما يخص السؤال الثاني نقول الاثنين معا، وانا نأيد الاثنين معاً، مثلا بالنسبة للاعضاء الجدد مايقدرش يجيبلك موضوع حصري وجديد
اصلا يكون خايف كيفاه يجبد المتلقي، يولي يشارك بهدف المشاركة
وباه يخلي بصمتو ساع بحكم راهو جديد، ومن بعد يولي يحاول ينمي القدرات تاعو ويطرح مواضيع حصرية لأنو التكرار والمشاركة فقط تعود ماتنفعوش
على هادي قتلك فيزوج
وهل يروقك كل ماينشر ام انك تدخلين كل جديد وكفى؟
كيما سبق وقلت الحمد لله، اما باه ندخل لموضوع، لما نلقى موضوع مميز راني ندخل ونشارك، واذا متوسط يعني ماعجبنيش 100 بالمئة بصح صاحب الموضوع دار مجهود
ندخل نشجعو ، واذا الشخص موضوعو غير مهم ومادارش عليه مجهود، مثلا يجيبلك جملة ويديرها موضوع هاداك ماندخلش
بعضهم يملك من الموهبة والثقافة ما يجذبك الى مواضيعه (سمي البعض )؟
الامين محمد لما ندخل لمواضيعو ننسى على روحي ونتيه مع الموضوع، عندو قلم ماشاء الله
أختي سكون الفجر، راهي غايبة لكن مواضيعها فيهم موهبة ماشاء الله
خويا حكيم، دائما يجيب مواضيع حصرية ماشاء الله
اختي الساندريلا عندها افكار الله يبارك راهي تطرحهم في مواضيع متميزة
ايضا كاين واحد الشخص لوكان يدير مواضيع والله العظيم اللمة رايحة تزيد تطلع كتر وهو خويا ديسق
عندو موهبة وثقافة عظيمة، وسبق ووضع موضوع الاتجاه المعاكس وكان في القمة
يعني نتمنى كن نشوفوه بمواضيع في قسم النقاش مثلا
وكاين العديد من الاعضاءا لآخرين والقائمة طويلة جدا وهذا مايثبت انو اللمة بداخلها ناس ماشاء الله
هيه ونسيتك نتي، عندك مواضيع وطريقة في الطرح أيضا مميزة ماشاء الله :$
هل تريين ان بعض المواضيع المهمة تنال كفاياتها من المشاركات والردود هنا ام ان زيارة البعض تكون لمعرفة سابقة لصاحب الموضوع قبل معرفة افكاره؟
حسب المعريفة الالكترونية :d غير نضحك ، لا ساعات كاين مواضيع داروها أعضاء جدد ولقات مشاركات عديدة، انا نظن حسب الموضوع واذا دخلنا لموضوع من أجل صاحب الموضوع
هادا خاطر مواضيعو ممتازة وفي محلها هادا مايخلينا نحطو ثقة فيه
ما القسم الأنشط في المنتدى ولماذا يا ترى؟
نظن قسم واش راك تهدر، مع اني نشوف انو قسم البوح هاد الاسابيع الأخيرة ولا فيه حيوية ماشاء الله
ربما نظن انو الاقسام لي تلقى تفاعل هيا لاقسام لي يقدرو كل فئات المجتمع يدخولولها ويشاركو فيها، مثلا لو تروحي لقسم النقاش تلقاي مواضيع قيمة الله يبارك
بصح كاين ناس ماش متمكنين في اللغة العربية الفصحى وهادا مايخليهم يتراجعو قبل مايفكرو يشاركو، نظن هكا
ماذا يمثل لك بيت اللمة :متنفسا فقط او منبر للثقافة او الفضفضة لا غير ؟
اللمة كلشي، لما نكون مخنوقة نلقى قسم فرغ واش كاين في قلبك كمتنفس نفرغ فيه قلبي، ونلقى لي يسمعلي، اذا شفت ظاهرة ماعجبتنيش وحابة نحكيها ونتشاور بيها مع عبد
نروح لقسم واش راك تهدر، اذا حابة نقوم بتنمية لغتي العربية نروح لقسم البوح وقسم الشعر، وخلي قسم النقاش ، ولي متزوجة تشوف قسم الحياة الزوجية
وحتى حنا لي مازال ماتزوجناش نتعلمو معاهم ، يعني ماشاء الله ثقافة وتعاون ومحبة وأخوة، باه ناس تبكي معاك على حروف كتبتها ماش ساهلة
باه ناس تغيب عليهم يوم يسقسيو عليك ويتقلقو عليك ماش ساهلة، هادو خاوتي صح وهادي داري والله العظيم
واضح من مشاركاتك الطيبة والاخلاق فهل حصل مرة وبكيتي تعاطفا مع احدهم جراء احرف نقشها هنا ؟؟
هيه بزاااف، مرة رد الأخ الامين محمد بكاني صراحة، والموضوع لي حطو خويا حكيم قبل البارح بكاني، ومدونة خويا حكيم تاني بكاتني وخاصة الصفحات الأولى
وكاين بعض مواضيع مشكلتي تاني بكاوني صح
هل حدث وان ذرفت الدمع لظلم احدهم /احداهم هنا ؟....
مرة صراتلي ماش ظلم، تلميح في أحد الردود وتهجم تقريبا، عندها بزاف كي دخلت عام 2013 وغاضتني وطاحولي دموع لكن من بعد عادي ونسيت حتى شكون لي دارها هههه
اذا اخطأ احدهم في حقك هنا او خارج اللمة هل تتغير معاملتك ان لم يعتذر؟ وان اعتذر هل تنسيين الخطأ بسهولة؟
كاين لي آذوني وماتبدلتش المعاملة خلااص معاهم، نبقى كيما انا نهدر معاهم ونبتسم معاهم حتى آخر دقيقة، إلا اذا تلقيت الضرر من نفس الشخص
ولأكثر من مرة و زوج وثلاثة وعشرة وعشرين، يعني باه نحارب عبد ولا نقابلو بمعاملة ماش مليحة ( مع اني كي نكره من عبد مانقربش ليه طول باه مانضطرش نتعامل بطريقة ماش مليحة ) نكون عطيتلو ألف فرصة
يعني معاملتي تبقى نفسها، واذا اعتذر وانا مازالت معاملتي ماتبدلتش معاه يزيد يكبر في عيني ونعاملو بأحسن مما كنت نعاملو من قبل، واذا حطيت عليه علامة حمراء وولا اعتذر
نحي العلامة الحمراء ونولي عادي، لكن تقدري تقولي نبقى خايفة، خاطر باه انسان تعطيه اكثر من ألف فرصة ويظلمك يعني باه توليلو لازم تكون حذر شوي
مارأيك في تعارف "النت " عموما هل يشبع حاجةالفرد الى تلك المفقودات في واقعه ام انه لا يغدو ان يكون خيالا جميلا ؟
عالم النت واسع وشاسع وأكيد فيه المليح والحاير، لما يختار الانسان وين يحط رجليه ربما يقدر الانسان يستفاد بيه وينحي الخلل لي ربما ماقدرش يلحقلو في الواقع
مثلا انا في العالم الواقعي نحشم نهدر ولا نعبر على رايي، على عكس عالم النت ولا نقول اللمة بالتحديد تعلمت بزااف حوايج، تعلمت طريقة الحوار
وتعلمت التفكير الصحيح كيفاه يكون، تعلمت نمد رايي بصراحة ونتعلم من اخطائي ،يعني اكيد لازم لمسة من الواقع ، وتطبيق من الواقع ولكن قادر حتى عالم النت يكون فيه فائدة
لي تساعدك في الواقع
ورغم انه عالم الاقنعة هل تتوقعين ان من صادفتهم يملكون وجوها حقيقية ؟؟؟؟
دائما انا نمد حسن الظن بالآخرين، نكتشف أنو انسان مخادع أحسن مانظلم إنسان ونكون حطيت فيه سوء ظن
على هادي ان شاء الله وبإذن الله نقول أنو لي صادفتهم عندهم وجوه حقيقية والدليل كاين لي تلقاو على المباشر وكاين لي راهم يحطيو مع بعض بالهاتف
والامور ماشية مليح والحمد لله
لا شك في انك تملكين مشاعرا "الكترونية " لكل من يقابلك حرفه في اللمة فهل حدث ان تعلقتي بأحدهم ؟؟؟
يا بنتي راهو قلبي ولا كتر من الفندق :d غير تغيب وحدة ولا واحد من اللمة حتى تبانلي اللمة صامطة ، لأنو روح هاد المنتدى موجودة في أعضاءها، وبسبب أعضاءها وتعلقي بيهم لي حبيت هاد المكان
مارأيك في الصداقة بين الولد والبنت عموما ؟ هل تؤيدينها ؟؟؟؟؟
لا، سبق وقلت في أحد الاجابات نرفض مايسمى صداقة بين البنت والولد، وان كانت نفضل نسميها أخوة أحسن
(.....
ايا ياسر عليك ههههههه)
مشكورة مقدما ربي يحفظك حنونة
