كـرسـي التعآرف { الضيـف الـثآلث والعشرون } لؤلؤة قسنطينة

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

مسا مسا لأميرات اللمة .. "وكانش أمير ماتزعفوش ".
اليوم جيتكم وعندي سؤال واحد باسكو قضاو على كلش بسلامتهم هههههه
سؤالي للضيفة او بالاحرى قنبلتي هي " تقبلي نخطبك لخويا ؟ ههههههه
باسكو عرفنا كلش وعجبتينا بلبزاف حبوبتي ايا قلت ندخل نخطب ديراكت....
انتظر الاجابة .....وراني وجدت القاطو خلاص

اهلا حبيبة قلبي ، واش راكي لاباس؟
نورتينا بمرورك مجددا :love01:
اصلا روحيلي بلعقل واش حكاية الخطبة هادي :d، اسمعي بيناتنا خوك عندو الدراهم؟
لاكان ماعندوش دار وسيارة راني مانتزوجش، حابة نعيش أميرة في داري :regards02:
وزيد وصيه انا لازمني كل يوم فليل حصة بكاء نفرغ بيها على قلبي، يحب يشاركني مرحبا مايحبش ماكانش زواج هههه
استناي من بعد نبعتلك لاليست تاع الطلبات ونشوفو :d
هادي لازملها دردشة خلف الكواليس، ماتدريش منين يجي المكتوب ههههه
شكرا غاليتي على مرورك العطر ، واذا عندك اي اسئلة أخرى راني جاهزة، مايكونوش برك على الخطبة والزواج ههه
تحياتي غاليتي :$
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

من اعز اصدقائك في المنتدى؟


يوم لما تكونين متضايقة جدا اين تدهبين ؟


متى اخر مره تخانقتي مع واحد و ضربته و لمادا ؟ ؟
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ادا تريدين ان تضربين احد هنا .. تضربين من ؟؟


عضو توقيعه روعه..( )


عضو نشيط... ( )



عضو مفقود... ( )


عضو تفرح بوجوده .. ( )


عضو تحسين انه واثق من نفسه ... ( )



عضو يغيضك .. ( )


عضو تتمنى تلقتي به ... ( )


عضو مثقف... ( )


عضو تخاف يوم أتشوف اسمه موجود..( )


عضو تريدين تغيير اسمه ... ( )


عضو تريدين ان تعرفي معنى اسمه ... ( )



عضو تريدين ان تتشاجري معاه ... ( )


عضــو تحسين أن فيه خــمول (كسل ) ... ( )


عضــو يجذبـكي بأسلوبه وطريقـة ردوده ... ( )


عضـو أحيانا ينرفزك بـ ردوده ...( )


عضو تريدين ان تقولي له صح لسانك .. ( )


عضو تحسين انه طموح ... ( )



عضو تحسين انه طفولي .. ( )


عضــو يناسبه لـقب المحبوب ... ( )


عضو تقوله (( ماينساك قلبي ابدا )) ... ( )


عضو تقوله (( الله يسامحك )) ..​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

1-باقة ورد لمن تهديها ...؟؟

2- شخص لاترفض له طلبا ..؟؟
3- من هو توأم روحك ...؟؟
4-مالذي يشعرك بأكثر قدر من الحرج...
5-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

6- من هو العضو اللي يستحق انه تقول عنه محبوب بين الاعضاء ؟
7-مين بنظرك بيعمل بجهد بالمنتدى ​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
أتنفسووو شويا سؤال مخليتوهوناش
سورتو ختي شيماء أنا عمبالي سكوتية ههه

​

و عليكم السلام و رحمة الله تعالى و بركاته
ايه الله غالب يا اخي ، ماحبتش تتنازل على كلمة طيبة و بريئة و مسالمة
قوللها تتنازل ننسحب بكل سرور :smile02::smile02::smile02::smile02::smile02:
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

يعطيك الصحة على الاجوبة الـ:up:
القصيدة عجبتني ماتقولش تع كتابة وحدة صغيرة
بصح لي حيرني فيها وضحكني وش من هموم كانو عندك وانت عاد طفلة هههه
sur كانت كاش لعبة راحتلك ولا كنتي حابة تشري كاش دمية وماقدرتيش ههههه
ربي يخليلك اختك ويحفظكم لبعض
كلامك على راسي مريومتي حشمتيني :love01: ربي يخليك ويحفظك شهادة اعتز بها والله
ربي يحفظك ويوفيلك لي بقلبك حبيبتي
موفقة
​

العفو حبيبتي ،أسئلتك كانو ماشاء الله في المستوى ربي يخليك
هههههه شفتي كيفاه ؟ كنا صغار بصح في بالنا رانا عايشين في عالم من الهموم :d
اللهم آمين غاليتي وربي يحفظلك كل عزيز وغالي ياربي
تستاهلي كل خير غاليتي راكي عزيزة عليا والله
ربي يهنيك غاليتي ويفرحك دنيا وآخرة
تحياتي حبيبتي :love01:
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

-ماهو رأيك فى الصداقة بين الولد و البنت ؟


ماهو رأيك فى صداقة النت او حب النت؟



متى تفرحين من قلبك ؟



متى بتحزن من قلبك؟

متى تضحكين ضحكة صافية ؟



متى تكدبين؟

تكرهين شخص معين فى حياتك ؟

من اكتر شخص تحبينه غير بالوالد والوالد ؟


احكيلنا موقف أثر فيك ؟ موقف طريف مقدرتيش تنسايه؟


من العضو اللى تحبي تعرفيه عن قريب؟

كم مرة جرحتي شخص عزيز عليك؟

كم مرة انجرحت من شخص عزيز عليك؟


ماهو رأيك فى الغيرة والشك وماهو الفرق بينهم؟



تحبين ان يغير عليكي خطيبكي او تريدين ان يكون بارد؟



عمرك حسيتي انك انانية ؟


متى تحسين بالندم؟


كلمة تحبين ان تسمعيها كل يوم ؟



تقولين لمن سامحنى _ أحبك _ اشتقت لك _ لا استطيع ان انساك ؟


حكمة تؤمنين بيها؟

انشودتك المفضلة اللى تحسين انها تعبر عنكي؟

متى اخر مرة بكيتي من قلبك؟



اخر مرة ضحكتي من قلبك ؟




ماهو المكان الدي تحبين ان تدهبي اليه وانت متضايقة او فرحانة ؟

من اول شخص تفكرين ان تكلميه و انتي متضايقة او فرحانة ؟



تعملي مادا لو انتي متضايقة؟


ماهو الشيء الدي يغضبك جدا ؟

ماهي مواصفات شريك حياتك؟

ماهو رأيك فى الزواج المبكر ؟ زواج الصالونات؟


اختاري 10 اعضاء ووجهي ليهم كلمة؟





غمض عينيك 10 ثوانى .... من اول شخص جه على بالك؟؟



تخافين من مادا فى حياتك ؟


ماهي اخر هدية حصلتي عليها؟

ماهي الهدية التي تحبين ان تحصلي عليها؟



ماهي اكتر حاجة تحبينها فى الهدايا؟


شخص كلمكي ومكنتش متوقعة انه يكلمك؟

42- ايه هو احلى يوم فى حياتك؟

اصعب يوم فى حياتك ؟


عمرك تمنيت الموت؟


حلم تحلمينه وانت عارفة انه مستحيل؟


حلم تمنيته واتحقق فعلا ؟


حلم تتمنى يتحقق؟


ماهو اكتر عيب في شخصيتك تريدين التخلص منه ؟


ماهي اجمل ميزة تحبينها فى نفسك؟


ماهو المكان الدي تريدين ان تزوريه او تعيشين فيه؟

لو كنتي فى غابة وفيها نهر لازم تعديه لكي تصلي بيتك تختارين ان تسبحي ولا تنتظرين احد ينقذك ؟

لو جاتك فرصة سفرلامريكا وفيها مرتب كبير بشرط الاستقرار هناك توافقين؟


ماهو رأيكي فى حال الدول العربية الان؟




ماهو اصعب سؤال سالته لكي؟​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ادا القيتكش تبتي اني نولي ان شاء الله
​

 

[Skor m@k]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
ختي شيماء منين راكي جيبي الأسئلة هاذو

من اليوم من زيدش نخلط فيك هههه

ختي مريم قوليلها بلي شريرة

هاهاهاها اوو تحبس هذي المصيبة
انا اوو هبلتني بالأسئلة مجوبتش عليهم اوو طلعتلي السكر

ربي يكون معاك
سلام​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
ختي شيماء منين راكي جيبي الأسئلة هاذو

من اليوم من زيدش نخلط فيك هههه

ختي مريم قوليلها بلي شريرة

هاهاهاها اوو تحبس هذي المصيبة
انا اوو هبلتني بالأسئلة مجوبتش عليهم اوو طلعتلي السكر

ربي يكون معاك
سلام​

و عليكم السلام و رحمة الله تعالى و بركاته
سر المهنة يا اخي ، سر المهنة
و وقتاش خلطتي فيا اصلا
ايه انصحها ، قوللها تقول بلي شريرة و ننسجب
ربي يكون معاك و يهبطلك السكر ان شاء الله

​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ياو نهبلك من كل قلبي ، تستاهلي
واحد ماقالك قولي بريءة و مسالمة :yahoo01::yahoo01::yahoo01::yahoo01::yahoo01:
الله يدوم الفرحة ان شاء الله
و يحفظك و يبارك فيكي حبيبة :love01::love01::love01:
اهلا بشيمومة وباسئلتها الممتعة
هاكي يالفحلة
بسم الله نبداو


1. ماذا ستكتب لنا لتعبر عن حياتك التي عشتها الى الان في كلمات قليله ؟
حياة بسيطة وعادية، مررت فيها بالعديد من الظروف القاسية ولكن التماسك القوي لي كان بيني وبين افراد العائلة ماخلى حتى ظرف يفرقنا
وماخلى حتى ظرف يكون صعيب علينا

2. اذا اردت ان تبكي الان , فعلى من تبكي؟
على جداتي ربي يرحمها

من ستختار ليمسح دموعك ؟
كتر خير يديا ههه، واذا اخترت راح يكون امي

3.لو خيروك بين حبيبك وبين اعز صديق فمن تختار ؟
ربما صديق، مع أني ماعشتش معنى الصداقة على أصولو

4.ماهو تقييمك لهذا المنتدى بصراحه ؟
داري وفيه عايلتي، وماكانش اغلى من العايلة

5.من يسكن قلبك؟
كن نشوف لقلبي راهو ساكن شعب كبير هههههه
لكن أولهم أمي

6.هل تعتقد ان حظك سيئ؟
الحمد لله على واش عطانا الله، لما مايتحققش واش حابين معناها ربي بعد علينا الشر ماش معناها حظنا سيء

7.هل هزمك حزنك في يوما من الايام؟
أجل، لكن الهزيمة هاديك ماتستمرش، لأنو الله من وراها مباشرة يفتحلك باب ماظنيتوش يتفتحلك خلاص

8.((مستحيل انساك)) لمن تقولها ؟
لجداتي ربي يرحمها

9.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
هادي ربما نقولها على اشياء ماكتبهاليش ربي ، ماعلاباليش بالضبط وش
10.(( انت كل شيء بحياتي )) لمن تقولها ؟
لماما

11.متى اخر مره بكيت؟
البارحة

12.اي الدول تتمنى ان تزورها ؟
اذا العربية وسبق وقلتي قلبي متمني عمرة. واذا اجنبية نحب اليابان او اسبانيا

13.هل لديك الجرأه ان تقول عمرك أمامنا ؟
22 سنة

14.هل انت راضي عن نفسك ؟
لا، مازال ناقصني الكثير

15.هل تؤيد الزواج العاطفي ام الزواج التقليدي ؟ ولماذا ؟
كيما سبق وقلت في احد اجاباتي، كل واحد فيهم عندو ايجابيات وسلبية
على هادي نقول فيزوج

16.هل تعترف بشيء اسمه الصداقه بين الرجل والمرأة ؟
لا ، وإن وجدت نفضل نسميها أخوة احسن

17.هل انت مدمن تفكير؟
اجل وبزاااااف تاني

18.من هو اكثر شخص تفكر فيه؟
عايلتي دايما نفكر فيهم

19.اذا تم تعيينك ملكا لجميع البلاد العربيه فما اول قرار ستتخذه ؟
نحي العادات الفاسدة كامل، مثل التبرج عند النساء والسراول الطايحين عند الرجال

20.هل تكره شخص بشده في حياتك ؟
مانكرهش انا بزاف، واذا كرهت في حالة شخص قاسني بزاااااف لدرجة لا يتصورها العقل أو شخص قاسلي والديا

21.هل ملابس الشخص امامك تؤثر فيك لتأخذ عنه انطباع ؟؟
ليس دائما، وخاصة في الاعوام الأخيرة وليت حتى نتحدث مع الشخص باه ندي عليه انطباع لأنو اللباس ماش دايما يكشف حقيقة البشر

22.ماالذي يلفت انتباهك بسرعه في الشخص لكي تعجب به ؟
طريقة الحديث وتصرفاتو لي تعكس أخلاقو

23.حكمة تؤمن بها جدا؟؟
إذا أردت ان تعرف شيئا عني فاسألني بدل أن تسأل غيري فعشاق التأليف كثيرون

24.عاده تفعلها دائما تتمنى ان تتركها ؟
ماعنديش عادة، عندي الدموع برك مانقدرش نتحكم بيهم، لدرجة كن عبد يبخصني يخرجو ويبهدلو بيا ههههه

25.ماهو اجمل اسم لولد واجمل اسم لبنت من وجهة نظرك؟
أجمل إسم ولد: ياسين ومحمد
أجمل إسم بنت: لين

26.ماذا تفعل اول شيء اذا ربحت مليون ؟
نكرم والديا ونشريلهم واش حابين ونحققلهم لي في بالهم
27.هل انت من لديهم رغبة حب التملك واذا تملك الشيء اصابه الملل منه ؟
لا ماش من هاد النوع
28.اعتذار تريد ان تقدمه لمن؟
لوالداي، خاطر تعبو عليا وكبروني ، وعاشو ظروف صعبة غير باه يوفرولي لقمة العيش
و لي عودة ان شاء الله تعالى :d:d:d:d
​

شكرا شيماء على الاسئلة والبقية نكملهم غدوة لا كتب ربي سبحانو
تحياتي العطرة :$

 

[أم أحمــــد يــسّ]

رد: كـرسـي التعآرف { الضيـف الـثآلث والعشرون } لؤلؤة قسنطينة

اهلا حبيبة قلبي ، واش راكي لاباس؟
نورتينا بمرورك مجددا :love01:
اصلا روحيلي بلعقل واش حكاية الخطبة هادي :d، اسمعي بيناتنا خوك عندو الدراهم؟
لاكان ماعندوش دار وسيارة راني مانتزوجش، حابة نعيش أميرة في داري :regards02:
وزيد وصيه انا لازمني كل يوم فليل حصة بكاء نفرغ بيها على قلبي، يحب يشاركني مرحبا مايحبش ماكانش زواج هههه
استناي من بعد نبعتلك لاليست تاع الطلبات ونشوفو :d
هادي لازملها دردشة خلف الكواليس، ماتدريش منين يجي المكتوب ههههه
شكرا غاليتي على مرورك العطر ، واذا عندك اي اسئلة أخرى راني جاهزة، مايكونوش برك على الخطبة والزواج ههه
تحياتي غاليتي :$
​

ياهلا بالغلى....
وجيناكم خطابة حلوا الباب الشرقي ...ههههههه
ريي يسترك باب قلبك فاتحاتوا على مصرعيه للكل وباين من طيبتك انو اللي في قلبك على لسانك ....
ايا هوما ينشفوا الدم بالأسئلة قلت انا نحبسوا على الاخير بالخطبة هههههه
ياااااو الطفلة قاعدة صابرة عليكم قر قر قر وواحد مافهم روحو؟؟ ههههههه
الدراهم كاينة والدار ثاني "بصح خرجتيها طاي طاي "والزين عندي مانقلك
بصح لازمك تعرفي اطيبي احنا اللي ماطيبش تقعد في الدار ..و زيد حصة البكاء على الاطلال هذي انسي انسي
لازمك تبدلي اللوك والضحك ثم الضحك ها ها ها "بصح مش نتاع مرت الدايم لله !!!!"....و ...و..
ايا خلاص خلي نحكو عليها مرة اخرى يا مرت خويا ...
ايا ضرك هاكي الحار:....
مارأيك فيما ينشر في المنتدى ؟ هل يرتقي لمستوى النشر دوما ام ان الكتابة من اجل المشاركة فقط هو الاساس ؟
وهل يروقك كل ماينشر ام انك تدخلين كل جديد وكفى؟
بعضهم يملك من الموهبة والثقافة ما يجذبك الى مواضيعه (سمي البعض )؟
هل تريين ان بعض المواضيع المهمة تنال كفاياتها من المشاركات والردود هنا ام ان زيارة البعض تكون لمعرفة سابقة لصاحب الموضوع قبل معرفة افكاره؟
ما القسم الأنشط في المنتدى ولماذا يا ترى؟
ماذا يمثل لك بيت اللمة :متنفسا فقط او منبر للثقافة او الفضفضة لا غير ؟
واضح من مشاركاتك الطيبة والاخلاق فهل حصل مرة وبكيتي تعاطفا مع احدهم جراء احرف نقشها هنا ؟؟
هل حدث وان ذرفت الدمع لظلم احدهم /احداهم هنا ؟....
اذا اخطأ احدهم في حقك هنا او خارج اللمة هل تتغير معاملتك ان لم يعتذر؟ وان اعتذر هل تنسيين الخطأ بسهولة؟
مارأيك في تعارف "النت " عموما هل يشبع حاجةالفرد الى تلك المفقودات في واقعه ام انه لا يغدو ان يكون خيالا جميلا ؟
ورغم انه عالم الاقنعة هل تتوقعين ان من صادفتهم يملكون وجوها حقيقية ؟؟؟؟
لا شك في انك تملكين مشاعرا "الكترونية " لكل من يقابلك حرفه في اللمة فهل حدث ان تعلقتي بأحدهم ؟؟؟
مارأيك في الصداقة بين الولد والبنت عموما ؟ هل تؤيدينها ؟؟؟؟؟
(.....
ايا ياسر عليك ههههههه)
مشكورة مقدما ربي يحفظك حنونة

 

[Skor m@k]

رد: كـرسـي التعآرف { الضيـف الـثآلث والعشرون } لؤلؤة قسنطينة

مسا مسا لأميرات اللمة .. "وكانش أمير ماتزعفوش ".
اليوم جيتكم وعندي سؤال واحد باسكو قضاو على كلش بسلامتهم هههههه
سؤالي للضيفة او بالاحرى قنبلتي هي " تقبلي نخطبك لخويا ؟ ههههههه
باسكو عرفنا كلش وعجبتينا بلبزاف حبوبتي ايا قلت ندخل نخطب ديراكت....
انتظر الاجابة .....وراني وجدت القاطو خلاص

السلام عليكم
نديرو عفسة مليحة هيهيهيهي
قولي لخوك يسجل فاللمة ونستضيفوه فكرسي التعارف
حنى نسقسوه والى عجب مريومة راهي تقبل ههههه
لازم نعلرفوه ممبعد ساهل
هاكذا ياك ختي مريم مارنيش غالط هههه
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
نديرو عفسة مليحة هيهيهيهي
قولي لخوك يسجل فاللمة ونستضيفوه فكرسي التعارف
حنى نسقسوه والى عجب مريومة راهي تقبل ههههه
لازم نعلرفوه ممبعد ساهل
هاكذا ياك ختي مريم مارنيش غالط هههه
​

و عليكم السلام و رحمة الله تعالى و بركاته
ماشاء الله يا اخي ، فكرة تهبل والله
ايه عندك الحق :bravo01::bravo01::bravo01::bravo01::bravo01::bravo01::bravo01:
ربي يبارك فيك ان شاء الله يارب

​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

من اعز اصدقائك في المنتدى؟

كامل نحبهم وكامل نعزهم، لكن لي نحكي معاهم بكثرة، ماجدة ونتي وعبير

يوم لما تكونين متضايقة جدا اين تدهبين ؟
مانروح لحتى مكان، نكمل يومي عادي حتى يلحق الليل ويرقدو كامل تما نبدا البكا ههههه، ونفرغ كامل واش في قلبي على مخدتي، وإلا نحط زربية ونصلي زوج ركعات ونشكي لربي سبحانو ونشبع بكا تاني
وكي نخلص نهز زربيتي ونروح نرقد، هادو هوما زوج طرق لي نديرهم ولي سبق وجاوبت عليهم على أمي " أم منير "

متى اخر مره تخانقتي مع واحد و ضربته و لمادا ؟ ؟
والله انا خاطيني التقابيد دايما عاقلة، وخاصة الأعوام الأخيرة راني نشوف ما رايحة ونعقال كتر ههههه، لكن كاينة حكاية كن نحكيهالكم علابالي تتشوكاو هههههه، وهادي صراتلي في السنة الثالثة في المتوسط
وهاداك العام عديتو كحل كيما سبق وحكيت في احد مواضيع هاد القسم، لأنو هاداك العام ماما زاد عليها الحال وكانت رايحة دير عملية جراحية على القلب لثاني مرة، وعملية خطيرة ، يعني باه واحد يتحل القفص الصدري تاعو مرتين ماش حاجة ساهلة، هاداك العام جبتها غير حزن وغير ساكتة وعلى اعصابي خلاص ، وزيد القسم لي كنت نقرا فيه كانو كامل ضدي معرف علاه، وخاصة رئيسة القسم، مالا واحد النهار بدلتلنا استاذة اللغة الفرنسية البلايص ، لكن غير تخرج الاستاذة تاع الفرنسية نرجعو لبلايصنا عادي ، لكن المشكل لما نروح نقرا فرنسية تجي رئيسة القسم تقعد في بلاصتي العادية، مالا غير خلصنا الفرنسية هزيت حوايجي ورحت لبلاصتي العادية وقعدت، ساع جات ليا رئيسة القسم قاتلي هزي حوايجك هادي بلاصتي، قلتلها راهي خلصت حصة الفرنسية، قاتلي واش دخلني فيك انا حابة نمشي بتخطيط الجلوس لي دارتو تاع الفرنسية تساليني؟، قلتلها بصح الشعب كامل بدل حتى ولو نحب نولي لبلاصتي راهم قعدو فيها، قاتلي مايهمنيش فيك نوضي ودبري راسك، وانا تما زدت خشنت راسي، قلتلها مانوضش ويصرا واش يصرا بعد، ولات تكفر على ربي استغفر الله، قلتلها راكي ماتخوفينيش بكلامك الفاسد، قاتلي درك نهبط نخبر المديرة ( وحنا المديرة كانت واعرة وقبيحة ) ، قلتلها خبري حتى معرف شكون انا مارانيش متحركة من هنا، ومن بعد غير هيا هبطت، جا واحد يقرا معانا قالي: قاتلك نوضي مالا نوضي ولا تحكمي بلايص العباد؟ ، بقيت نشوف معاه، ساع هزلي حوايجي من فوقا لطابلة ورماهم على الارض وقالي هزي روحك، وانا ساكتة وحاسة قلبي يغلي هههه، ومن بعد جا وبقا يخبط في الطابلة ويقولي يهزي روحك، وبفعل لا إرادي هزيت يدي وخبطتو بكف ههههههه :d، والمشكل كي ضربتو حسيت غير دموعي ينزلو، حتى الطفل تشوكا ومافهمش اذا انا لي ضربتو ولا هو لي ضربني ههههه، ولا جبد روحو بلا يقول كلمة، المهم عدا النهار عاداك ومانضتش من بلاصتي، ولغدوا جا لعنديا لطفل هاداك قالي اسمحيلي ومن اليوم مانزيدش نقيسك، واي شخص يجي يقلقك خبريني، قتلو في قلبي راني قادرة على روحي كتر عليك ههههه
يعني كي نتفكرها هاد الحكاية نشبع ضحك ونحشم من روحي لأنو كان فعل لا ارادي وكنت مضغوطة لدرجة لا يتصورها العقل
هاكي فضحتيني يا شيماء ههههه
​

شكرا شيمومة درك نصوطي للجزء الجاي تاع الاسئلة :d​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ادا تريدين ان تضربين احد هنا .. تضربين من ؟؟
والله مانضرب حتى شخص، لي حبني مرحبا ولي ماحبنيش الله غالب ربما فيا عيوب ماقدرش يتقبلها الشخص هاداك

عضو توقيعه روعه..( )
والله كل الأعضاء عندهم تواقيع مميزة، لكن كما سبق وقلت في أحد المواضيع من قبل، توقيع السيد رابح 66 بالرغم من أنو بسيط ومافيهش صور لكن كل ما نمر لازم نقرا الاستغفار والتسبيح لي واضعو
وتحية ليه راني شفتو اليوم من قائمة المتواجدين، رجعة طيبة ان شاء الله ^^
وملاحظة ديما نحب نقولها، خويا مالك راهو قاتلني توقيعك تاع الصح ههههه،منين نشوفو نشبع ضحك

عضو نشيط... ( )
كاين بزاااف، من بينهم خويا حكيم وختي أسماء

عضو مفقود... ( )
والله كاين بزااف راهم غايبين ، لوفلي سمايل، خونا الباندين فيولا تاني راهي تغيب، ليدي، خونا جليلو وكاين العديد والقائمة طويلة

عضو تفرح بوجوده .. ( )
لما ندخل ونلقى قائمة المتواجدين كبيرة بزااااف لدرجة لدرجة الشعب كامل كاين تما نفرح

عضو تحسين انه واثق من نفسه ... ( )
كاين بزااف، منهم خويا حكيم، ختي الساندريلا، ختي حكاية القمر والقائمة طويلة جدا


عضو يغيضك .. ( )
والله مانقدرش نقول يغيضني، خاطر جميع من عضو حسيتو غاضني إلا ولقيت عندو قوة الشخصية والتفاؤل

عضو تتمنى تلقتي به ... ( )
كامل كيما راكم ههههه

عضو مثقف... ( )
خويا ديسق

عضو تخاف يوم أتشوف اسمه موجود..( )
هههههههه علاه هادا من مصاصي الدماء؟؟ ، ماكانش نظن

عضو تريدين تغيير اسمه ... ( )
مانفضل نغير اسم حتى شخص، اصلا حبيتهم بالاسم هاداك

عضو تريدين ان تعرفي معنى اسمه ... ( )
معنى اسم العضوية أو الاسم الحقيقي؟؟
اذا اسم العضوية خويا ديسق واش معناها الإسم هادا :d


عضو تريدين ان تتشاجري معاه ... ( )
يا لطيف، حابة كن نكسب قلوب جديدة ماش نتقابد هههه

عضــو تحسين أن فيه خــمول (كسل ) ... ( )
والله بكل صراحة كاين بزااف، راكم قادرين وعندكم امكانيات ماشاء الله علاه مخبيينها،و تحرمو فينا منها رانا محتاجينكم

عضــو يجذبـكي بأسلوبه وطريقـة ردوده ... ( )
خويا حكيم، وخويا سيف / ديسق/ ، خويا الأمين محمد

عضـو أحيانا ينرفزك بـ ردوده ...( )
ماكانش نرفزة بإذن الله، انا نحترم رأي الجميع، ماش شرط يكون الرد يشابه تاعي،يعني حتى ولو كان الرد انتقاد ليا نحتارمو

عضو تريدين ان تقولي له صح لسانك .. ( )
كاين بزااف حبيبتي مانقدرش نذكرهم كامل، لو نشوفو كل واحد من اهلا للمة لما يدخلو لنفس الموضوع يخليو بصمات ماشاء الله، ساعات نقرا الردود لي قبلي حتى مانلقاش واش نضيف

عضو تحسين انه طموح ... ( )
مممم ماعنديش اجابة بصراحة

عضو تحسين انه طفولي .. ( )
بالاك انا ههههه، مدونة وسمها أنثى تحمل قلب طفلة واش تستناي مالا ههه :d

عضــو يناسبه لـقب المحبوب ... ( )
كاين الكثير، منهم ختي فيولا، خويا مالك، خويا حكيم، الساندريلا،منمونة ، نتي وماجدة، اسماء، عبير، والقائمة طويلة جداااااااااا

عضو تقوله (( ماينساك قلبي ابدا )) ... ( )
يا بنتي راني نحب بالجملة، كل ماتطرحي سؤال ديري صفة الجمع ههههه

عضو تقوله (( الله يسامحك )) ..​

نتي هههههههن راكي شنشفتيني تاع الصح ، غير نضحك والله راني مستمتعة :d​

شكرا شيماء، نصوطيو للجزء لي وراه درك هههه​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

1-باقة ورد لمن تهديها ...؟؟
لكل عضو من أعضاء اللمة، يستاهلو كل خير
2- شخص لاترفض له طلبا ..؟؟
والديا، يا بنتي ماعنديش التذمر، ساعات بابا يقولي ارواحي جيبيلي التيليكوموند وهو راهو قدامو ههه، نجيبهولو، مانجي رايحة يقولي زيدي اعطيني الجرنان، نمدهولو، مانجي رايحة يقولي زيدي اجبديلي النواظر، نجيبهملو،مانجي رايحة يقولي جيبيلي الما وفي طريقك جيبي الدوا، نجيبهملو ههههه، وكن يكمل نزيد نكمل ماعنديش مشكل
وزيد واش لي خلاني نمشي هكا خلال هاد السنوات الأخيرةن كل مايطلبو مني والديا حاجة وتجيني فكرة في راسي مثلا تا عراني غلبانة ولا مانوضش طول نقتلها بكلمة بالاك هادي لي دخلني الجنة
من تم وليت اي حاجة يطلبوها نفذها ليه ليه بعد والحمد لله
3- من هو توأم روحك ...؟؟
مازال ماجاش المصيبة هادا، انا قلت السيارة أونبان ساع ظهر مسكين ماعندوش سيارة خلاص ههههه
4-مالذي يشعرك بأكثر قدر من الحرج...
لما يقرب راجل يحكي معايا ولا يسألني ولا راجل يعيطلي بإسمي، الهدرة تروحلي ونولي كي حبة الطماطم:d ، مرة قعدت في المدرج تاع الجامعة وجا طفل متأخر ومالقى وين يقعد جا قعد قدامي، وانا مت في بلاصتي من الحشمة، لدرجة ماقدرت نكتب والو خلال المحاضرة، وزيد المشكل زاد سألني سؤال للدرك ماشفيتش واش هو لدرجة فاجأني قتلو طول ماعلاباليش هههههه، انا كارثة صح :d
وتاني لي تسببلي احراج، لما نكون انا نمشي وراجل جاي ونتقابلو في نفس الموضع ونولي انا نروح يمين وهو يروح يمين وكي نروح يسار يروح هو يسار هههههه، وساعات يديروهالي مكرا منين نروح يجيو معايا في نفس المكان وانا من الحشمة نزيد نتخربط هههههه
اسكتي برك وماتفضحيناش كتر من هكا هههه

5-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
سبق وقلت في احد اجاباتي، اذا كان شخص غايب فنتمناها تكون من شخص غايب

6- من هو العضو اللي يستحق انه تقول عنه محبوب بين الاعضاء ؟
هادي جاوبت عليها قبيل، يا شيماء ختي حابة تخربطيني ههههه
7-مين بنظرك بيعمل بجهد بالمنتدى ​

والله كل عضو عندو بصمتو، وخاصة المشرفين، لأنو راهم يبذلو جهد مضاعف ماشاء الله عليهم​

شكرا شيمومة، نزيد نصوطي، راني غير نصوطي كاش نهار نطيح هههههه
شكرا غاليتي :love01:​

 

[أم أحمــــد يــسّ]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
نديرو عفسة مليحة هيهيهيهي
قولي لخوك يسجل فاللمة ونستضيفوه فكرسي التعارف
حنى نسقسوه والى عجب مريومة راهي تقبل ههههه
لازم نعلرفوه ممبعد ساهل
هاكذا ياك ختي مريم مارنيش غالط هههه
​

وعليكم السلام ورحمة الله وبركاته...
امممممم شابة هذي بصح ممكن ندير تغيير بسيط وتعرضو المسيو ديالي في بلاصتو "راه يضحك قالي خافي لانكون انا العريس " هههه
هكا تولي عايلة الولد تخطب ماشي واحد وحدو..
بصح فهموني في شئ من وقتاه خرجولي منافسين هنا ؟؟
ولا غرتوا مني وبديتوا ادابزو فيا

يااااو سقسوا في كلشي وكي توصلو لموضوع الزواج ديرو حضر التجول

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

-ماهو رأيك فى الصداقة بين الولد و البنت ؟
سبق وقلت مانعترفش بصداقة بين البنت والولد، واذا كانت نفضل نسميها أخوة

ماهو رأيك فى صداقة النت او حب النت؟
حبيبتي المشكل ماش في الحب، المشكل في العواقب لي يجيبها الحب

متى تفرحين من قلبك ؟
أنا المشكلة قادرة ابتسامة منك تفرحني، كن درك تبعتيلي رسالة تقوليلي مريم نحبك، خلاص نحس روحي طايرة في السماء هههه، ولا نمد حاجة لإنسان كهدية مثلا ونشوف ردة فعلو وتكون ايجابية تما نطير من الفرحة في بلاصتون ولا يقرب ليا طفل صغير ويقولي حاب نقعد في حجرك نمووووت في بلاصتي ههههه، ساعات حتى نستغلهم ندخلهم اللعب في التيليفون ونهددهم نقولهم اذا حابين تلعبو بالتليفون ارواحو في حجري هههههه، شريرة انا :dن ولا كن نشوف حيوان صغير ويقرب ليا ويلصق في رجلي خاصة القطط ماعلاباليش واش ندير نتغاشا من الفرحة ههههه
على هادي قلت شخصيتي معقدة هههه

متى بتحزن من قلبك؟
لما نشوف عبد قريب ليا مريض، ولا لما نشوف عبد يبكي، مرة فليل كانت ماما تتفرج في جاك المرسول، وماما رقدت وانا قاعدة قدامها ونتفرج،و جات واحد المرأة عرضها ولدها وقاعدة تحكي في قصتها، علابالك جبتها قريب ساعة وانا نبكي، هي تبكي وانا نبكي هههههه، ماجات تخلص الحصة وجهي خلص من البكا هههه

متى تضحكين ضحكة صافية ؟
انا اصلا معروفة ديما نضحك ههههه، وخاصة لما نكون مع ختي نجبدو واحد الحكايات وعندنا واحد الخيال هههههه اسكتي برك

متى تكدبين؟
لما نشوف بلي هدرتي رايحة تجرح غيري، ماش مجاملة، كيفاه نفهمك، ساعات وحدة تجي تشكيلي بهمومها وانا علابالي بلي مشكلتها صعيبة باه تتحل، مانقدرش نقولها مشكلتك مستحيل تتحل
نضطر نكذب عليها نقولها عادي خلاص ومشكلتك سهلة الحل، ساعات ختي تكون خايفة ومانقدرش نقولها بليا لشي هاداك راهو يخوف نولي نقولها عادي
يعني عرفتي واش نقصد؟؟

تكرهين شخص معين فى حياتك ؟
انا كيما سبق وقلت مانكرهش بزااف، الا اذا عبد عذبني لدرجة لا يتصورها العقل، وكن يديرلي مبادرة مليحة ننسى كلشي
لكن حاليا كاين بعض الاشخاص نكرهم مانكدبش، لأنو لو نحكي المعاناة لي سببهالنا نتي نفسك تكرهيهم

من اكتر شخص تحبينه غير بالوالد والوالد ؟
ختي، وعايلة ماما لأنو تربيت عندهم
ونتوما ^^

احكيلنا موقف أثر فيك ؟ موقف طريف مقدرتيش تنسايه؟

والله كاين بزااف لدرجة درت موضوع اسمو اطرف اللحظات ، ورايحة نجبدلكم آخر موقف طريف حطيتو تما، درك نكوبيهولك كيما راه
هادي مالا قبل اسبوعين هكاك وانا عند جداتي ، مالا كان ولد خالتي (لي ديما نحكي عليه ونقول عندو اسئلة ماش في محلها) قاعد مع جدي في الصالون، وجدي يحكي معاه على الثورة ( لأنو جدي جوز الثورة ) مالا قاعد يحكي جدي لولد خالتي ويقولو انا بكري وقت الثورة دخلوني للحبس وعذبوني وولد خالتي يتبع معاه ههههه
قالو ومن بعد حكمو علينا كامل بالإعدام، واش قالو ولد خالتي في رايكم؟ قالو جدي كي حكمو عليك بالإعدام منعت ولا قتلوك ؟ هههههههههههههه ، قالو جدي راني حي قدامك وتشوف فيا كيفاه قتلوني
وحدو صح وقتلني ضحك بهدرتو، هادي هي آخر الطرائف لي مريت بيها

من العضو اللى تحبي تعرفيه عن قريب؟
كامل والله

كم مرة جرحتي شخص عزيز عليك؟
والله في الوقت الحالي علابالي وبإذن الله بلي ماكانش انسان جرحتو خاطر كيما قتلك مارايحة وانا نعقال هههه
اما بكري ماشفيتش انسان اذا جرحتو، صدقيني تخوني الذاكرة لما نحاول نولي لذكريات بعيدة

كم مرة انجرحت من شخص عزيز عليك؟
آلاف المرات
لكن ماش شخص عزيز ليا، ربما اعتبرتهم في الفترة هاديك عزاز عليا لكن من بعد اكتشفت حقيقتهم

ماهو رأيك فى الغيرة والشك وماهو الفرق بينهم؟

الغيرة هي حاجة طبيعية في الانسان، لما تشوف حاجة تخصك بيد شخص آخر ماتتحملش
اما الشك فهو مرض، حتى ولو حاجة ماكانش يخترعهالك الشك تاعك

تحبين ان يغير عليكي خطيبكي او تريدين ان يكون بارد؟
أكيد نحب يغير عليا، وسبق وقلت في اجابتي على الغالية " أم منير" بلي الغيرة من الشروط لي نحبها في الرجل
مانحبش لي قلبو بارد ومايغيرش على مرتو ولا خطيبتو ولا ختو

عمرك حسيتي انك انانية ؟
هيه ساعات، لما نحب نخلي الاشخاص لي نحبهم ليا وحدي، ربما تدخل في الغيرة اكثر
لكن ماش بالدرجة لي تأثر فيا وين نسبب الأذى لغيري، يعني نحس بشعور صغير داخل قلبي لكن مايتغلبش عليا
حالة عابرة كيما نقولو

متى تحسين بالندم؟
على ايام ضيعت فيهم عمري ونقابل ناس بمعاملة حسنة وهوما من بعد قابلوني بالشر، وهكاك ماعدتش نندم في هاد الاعوام الاخيرة، عدت ديما نخلي امري لربي

كلمة تحبين ان تسمعيها كل يوم ؟
مريومة ^^

تقولين لمن سامحنى _ أحبك _ اشتقت لك _ لا استطيع ان انساك ؟


سامحني لكل شخص ربما ظلمتو ولله سبحانه وتعالى خاطر رانا مقصرين بزااف ولوالديا ليت عبتهم طوال هاد الفترة وهوما يجريو معايا باه يقريوني ويوفرولي الظروف الملائمة
أحبك نقولها لعايلتين ولكل شخص خلى حاجة جميلة في حياتي
اشتقت لك ولا استطيع ان انساك نقولها لجداتي ربي يرحمها

حكمة تؤمنين بيها؟
هادي ذكرتها حابة تهبليني هههه
إذا أردت أن تعرف شيئا عني فاسألني بدل أن تسأل غيري فعشاق التأليف كثيرون

انشودتك المفضلة اللى تحسين انها تعبر عنكي؟
اممم بصراحة من اكثر المنشدين لي نسمعلهم هوما ماهر زين، وماهر زين أول مرة سمعتلو كانت في رمضان عام 2011 تما ديت الباك وجابلي خالي تيليفون
ولدرجة التيليفون جديد ماكان فيه والو فارغ، مالا حطيت الراديو وطحت في انشودة إن شاء الله، ماكانش علابالي شكون المنشد لكن سجلت نص منها من الراديو على تليفوني
وبعدها بأيام عيطولي باه نروح للمستشفى وديت معايا الهاتف ونشفى كلما نحس بالقلق ولا نخاف نحط نسمعها مع اني ماعلاباليش شكون لي غناها
ومن بعد كي عرفت المنشد زادت دخلت في قلبي وحدة خلاف :$ وهي for the rest of my life هادي تاني نحبها بزااف

متى اخر مرة بكيتي من قلبك؟

اذا من قلبي صح كانت قبل 5 ايام ربمان حسيت روحي مخنوقة خلااااص، وندير فيها حصة بكاء ههههه

اخر مرة ضحكتي من قلبك ؟
آخر مرة ضحكت من قلبي كانت قبل 3 ايام نظن، بسبب حكاية حكاتهالي ختي، قاتلي طفل يقرا معاهم شافتو الاستاذة جبد البورتابل قاتلو خبيه ، قالها شفت الساعة بركن قاتلو وعلاه لي يشوف الساعة ينوض يبتسم هههههههههه، هادي قتلتني ضحك معرف علاه

ماهو المكان الدي تحبين ان تدهبي اليه وانت متضايقة او فرحانة ؟
هادا جاوبت عليه شيمومة وعجزت حتى نولي نجيب الرد السابق هههه

من اول شخص تفكرين ان تكلميه و انتي متضايقة او فرحانة ؟


نفس الاجابة تاع السؤال السابق عندي ربي نشكيلو وإذا عبد نحكي لماما ولا نجي لقسم فرغ واش كاين في قلبك :d

تعملي مادا لو انتي متضايقة؟
نفس الاجابة السابقة غاليتي

ماهو الشيء الدي يغضبك جدا ؟
الناس لي تتكبر وتنافق
والناس لي تاذي الأطفال والحيوان

ماهي مواصفات شريك حياتك؟
سبق و ذكرتهم في اجابتي على الغالية " ام منير"، الصلاة وطاعة الوالدين واللسان النظيف والغيرة ،و طيبة القلب وغيرها من الامور

ماهو رأيك فى الزواج المبكر ؟ زواج الصالونات؟
لما تقوليلي بنت صاحبة 14 سنة نقولك لالا، وراني ضد لأنو الزواج مسؤولية قبل كل شي
وواش معناها زواج الصالونات؟

اختاري 10 اعضاء ووجهي ليهم كلمة؟



اسمحيلي حبيبتي مانقدرش نخير
مانقدرش في نص باقة مليحة نخير 10 برك، اعتذر لأنو كامل ناس اللمة يستاهلو كل خير

غمض عينيك 10 ثوانى .... من اول شخص جه على بالك؟؟
ماجاني حتى شخص، لكن حسيت بناس حرمهم ربي من نعمة البصر وحنا نشوفو ونتكبرو

تخافين من مادا فى حياتك ؟
الموت، ولا نغضب ربي ولا والديا

ماهي اخر هدية حصلتي عليها؟
آخر هدية من حبوبتي عبير دارتلي تصميم :love01:

ماهي الهدية التي تحبين ان تحصلي عليها؟
ماهي اكتر حاجة تحبينها فى الهدايا؟
المهم الشخص لي يقدم الهدية، لما يكون الشخص عندو مكان في قلبي حتى ولو يجيبلي حبة حلوة نفرح بيها

شخص كلمكي ومكنتش متوقعة انه يكلمك؟
مممم ماعنديش فكرة

42- ايه هو احلى يوم فى حياتك؟
كاين بزااف منهم نهار ديت الباك، خاطر شفت الفرحة في عينين والديا

اصعب يوم فى حياتك ؟
نهار دخلت ماما للمستشفى دير عملية
ونهار دخلت انا ندير عملية، لأنو لما تدخلي لغرفة العمليات وتلقاي الشعب كامل مغطي فمو، والآلات قدامك وأدوات الجراحة محطوطين قدامك ديرلك الرهبة هههه

عمرك تمنيت الموت؟
ربي يغفرلي، ايه درتها

حلم تحلمينه وانت عارفة انه مستحيل؟
ماكانش حاجة عند ربي مستحيلة، لكن نفضل نحلم حلم عادي خيرم انروح لحاجة تعبني نفسيا

حلم تمنيته واتحقق فعلا ؟
الحمد لله على واش عطاني ربي، تمنيت نفرح والديا ببعض الحوايج وفرحتهم

حلم تتمنى يتحقق؟
سبق وقلت نوصل لمرحلة نحقق كل طلبات والديا لي متمنينهم
ونكون اسرة صغيرة :$

ماهو اكتر عيب في شخصيتك تريدين التخلص منه ؟
الحساسية الزايدة

ماهي اجمل ميزة تحبينها فى نفسك؟
ماعلاباليش هههه، ربما مانحقدش على العبد

ماهو المكان الدي تريدين ان تزوريه او تعيشين فيه؟
نزورو راني قلت مكة المكرمة ومن البلدان الاجنبية اليابان واسبانيا
اماا لاستقرار فلا

لو كنتي فى غابة وفيها نهر لازم تعديه لكي تصلي بيتك تختارين ان تسبحي ولا تنتظرين احد ينقذك ؟
لازم نعدي ولا نخلي الذئاب ياكلوني ههههه

لو جاتك فرصة سفرلامريكا وفيها مرتب كبير بشرط الاستقرار هناك توافقين؟
مانقبلش، راني في بلادي وسط عايلتي ماعندو مايخصني

ماهو رأيكي فى حال الدول العربية الان؟
نقول ربي يجيب الخير برك

ماهو اصعب سؤال سالته لكي؟​

الحمد لله اسئلتك في المستوى وخممت بزااف وانا نجاوب بارك الله فيك

وأخيرا خلصت :yahoo01: :yahoo01:
على الاقل نصوطي لاعضاء خلاف ههههه
شكرا حبيبتي شيماء ​

 

[مريم.]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
ختي شيماء منين راكي جيبي الأسئلة هاذو

من اليوم من زيدش نخلط فيك هههه

ختي مريم قوليلها بلي شريرة

هاهاهاها اوو تحبس هذي المصيبة
انا اوو هبلتني بالأسئلة مجوبتش عليهم اوو طلعتلي السكر

ربي يكون معاك
سلام​

ههههههههه​