كـرسـي التعآرف { الضيـف الـثآلث والعشرون } لؤلؤة قسنطينة

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ما رأيكي في مواضيعي و تعليقاتي ؟
هل هي هادفة ان شاء الله تعالى ؟

ماشاء الله عليك حبيبتي، مواضيعك قيمة ومفيدة
وردودك دائما تخلي فيها اضافات لي يقراها من الاول للأخير رايح يستفاد منها بزاااف
ان شاء الله ماتحرميناش من هاد الابداع غاليتي


​

انتظر عودتكِ حبيبتي وانتظر عودة اسئلتك الشيقة ​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم ورحمة الله وبركاته

الله يبارك، أخت لؤلؤة موجودة على كرسي ( الاعتراف ) على ما يبدو وليس التعارف ^^
حاولت أن أقرأ اجاباتك على أسئلة الأخوة والأخوات ووجدتها في القمة ما شاء الله عليك
وبدى لي أنك انسانة واعية ما شاء الله، ان شاء الله تتحق أحلامك وخاصة بما هي متعلقة
بوالديك، وسيكون لك مستقبل زاهر باذن الله، فالطِيبة لا تسحر الأشخاص فحسب وانما
الكون كله، وسيسخر الله لك كل الظروف لكي تنعمي بحياة سعيدة وهنيئة، ولكن فقط عليك
أن تتوكلي عليه أحسن التوكل، وان قلنا ذلك فعلينا أن ننسى شيء اسمه الحزن والألم
لنستبشر بالغد الأفضل الذي وعده الله لعباده المؤمنين.

لا أسئلة لدي، فالاخوة والأخوات قد كفوا ووفوا ^^، وددت فقط أن تكون لي بصمة بسيطة
في هذا الموضوع الذي ( يرهق ) الكاهل ^^

كوني بخير أينما كنتِ، واستشعري حالة الطمأنينة والأمل أينما حللتِ ووطأت قدماكِ

أخوك سيف ^^
​

وعليكم السلام ورحمة الله وبركاته
اهلا خويا سيف ^^ نورت الموضوع
وبارك الله فيك على كلماتك الراقية، هادا طبعا من نبل وطيبة أخلاقك
ويشرفني طبعا مرورك ، ولو وضعت اسئلة كنت رايحة نتشرف بيها أكيد
لأنو عندك خبرة ومثقف ماشاء الله ، واي سؤال كنت رايح تطرحو اكيد كنت رايحة نستفاد منو
شكرا جزيلا خويا على مرورك العطر وعلى بصمتك لي خليتها في الموضوع لي اكيد هي بصمة مميزة
ونصائحك رايحة نعمل بيها بإذن الله، فبارك الله فيك
ربي يوفقك خويا وربي يهنيك ويحققلك واش تتمنى
تحياتي العطرة لك :regards01:​

 

[@R@ZIK]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
كيف الحال أختي لؤلؤة على الكرسي
ان شاء الله تكوني مرتاحة
الله يبارك الأعضاء راهم متهليين فيك
شيماء ما خلاتنا ولا سؤال راهي جايبتها
ربي يحفظكم
هاكي باه تبلي ريقك سور راه ناشف

وهذي باه تحليه
ربي يحلي كل أيامك

في المتابعة
تحياتي​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
كيف الحال أختي لؤلؤة على الكرسي
ان شاء الله تكوني مرتاحة
الله يبارك الأعضاء راهم متهليين فيك
شيماء ما خلاتنا ولا سؤال راهي جايبتها
ربي يحفظكم
هاكي باه تبلي ريقك سور راه ناشف

وهذي باه تحليه
ربي يحلي كل أيامك

في المتابعة
تحياتي​

و عليكم السلام و رحمة الله و بركاته
ياو نهبلها ، مع انو مهبولة اصلا :d:d:d:d:d:d
باه تنسى كلمة بريئة و طيبة هديك ، و تتاكد بلي شغيغة :bravo01::bravo01::bravo01::bravo01::bravo01:
الله يخليكي و يبارك فيكي حبيبة
مازال الخير القدام ان شاء الله
عاونيني ههههههههههه
​

 

[AmiR@RoRo]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلآم عليكم
راني رجعتلك مريومة بصح اسئلة خفاف مشي كما قلت محرحرين لاني خفت عليك تهلكي هههه
بون نبدا وادا لقيتي شي مكرر فوتيه :d

مريم اول قصيدة كتبتيها متفكرتها ؟ ادا ايه حطيهالنا ..
تحبي تقراي الروايات ؟ ادا ايه وش قريتي كامل ؟
قريتي احببتك وفلتغفري ؟ وش رايك فيهم ؟
شكون هما الكتاب لي متابعتهم ؟
كاتب جزائري تحبي تقرايلو بزاف ؟

المهنة لي كانت تحلم بيها مريومة ؟
التخصص لي راكي تقرايه انتي حبيتيه ولا غي رماوك ليه ؟ههه
وش هي المهنة لي راكي تخدمي ليها درك ؟

بما انو عندك اخت وحيدة كفاش علاقتك بيها ؟فارق السن بينتكم ؟ زعما ماتكونش حتى هي عضوة لماوية ههه:d ؟
ايه تفكرت كاش تهوال من جيهتكم ولا والو ههه ؟ يبالي راه نقص مدام نقصو لعراس :p
واخيرا وش رايك فأميـــرة ؟ :love01:

ربي يوفقك غلاتي ويوفيلك لي بقلبك ♥

 

[أم منيــــــر]

رد: كـرسـي التعآرف { الضيـف الـثآلث والعشرون } لؤلؤة قسنطينة

ما شاء الله عليك و ربي يبارك فيك
على حساب اجاباتك استنتجت انك
شاطرة
قلبك نظيف
تحبي والديك و تحوسي على رضاهما
تحبي الخير للناس
ان شاء الله كل امنياتك تتحقق
تنجحي و تفرحي والديك
و تتزوجي مع واحد فيه كل المواصفات لي تتمنياها و تحبيها
نتمنى لك من كل قلبي الصحة و العافية و السعادة و الهناء
و الفوز في الدارين

بارك الله فيك ووفقك لما يحب و يرضى

​

 

[Skor m@k]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
أتنفسووو شويا سؤال مخليتوهوناش
سورتو ختي شيماء أنا عمبالي سكوتية ههه
اوو هذيك أسماء أبابابابا ديgا

حوزيهم ختي مريم هههه

راني لقيت شويا أسئلة معلبليش الى ملاح
الى معجبوكش نقسي فالسرعة غير شويا ردي السلام اوو سوطيهم كي الدودانا هههه

على بركة الله وجدي روحك خخخخ
نقولك منتدى من اللمة وانت قوليلي عنوان تاع موضوع تقدري تكتبيه حصري فيه

منتدى معالم وعلماء الإسلام في الجزائر

منتدى الترحيب والتهاني

منتدى أهنا فرغ واش كاين فى قلبك

منتدى قضايا الأسرة والمجتمع العام

منتدى المطبخ الجزائري

منتدى عادات وتراث وتقاليد الجزائر

ركـن المحـاولات القصصية للأعضاء

ركن النكت والطرائف

في الأخير و مساء الخير خخخخ
ربي ينجحك ختي ويهنيك
سلام​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
كيف الحال أختي لؤلؤة على الكرسي
ان شاء الله تكوني مرتاحة
الله يبارك الأعضاء راهم متهليين فيك
شيماء ما خلاتنا ولا سؤال راهي جايبتها
ربي يحفظكم
هاكي باه تبلي ريقك سور راه ناشف

وهذي باه تحليه
ربي يحلي كل أيامك

في المتابعة
تحياتي​

وعليكم السلام ورحمة الله وبركاته
اهلا حبيبتي رزيقة وبطلتها الرائعة
والله ي نشوفك طليتي حتى ترجعلي الروح هههه شيماء راهي جايبتها من ورايا :d
غير نضحك ^^
وربي يحلي ايامك كيما حليتيهالي، وفقط كملاحظة، علابالك بلي تقول طليتي على قلبي؟
خاطر من انواع الشوكولاتة لي نحبها هي ميلكا بطعم الكاراميل والله هههه
وقبل يومين تقريبا وانا نتكلم مع ماجدة وقلتلها بلي نحب ميلكا كراميل ونتي جبتيها سوا سوا
نستعرف بيك :yahoo01: :thumb_up02:
ربي يحفظك غاليتي على المرور العطر وماتبعديش بزااف لأنو مرورك أكيد يفرحني ويشرفني
ربي يهنيك حبيبتي الغالية
تحياتي القلبية :love01:​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

و عليكم السلام و رحمة الله و بركاته
ياو نهبلها ، مع انو مهبولة اصلا :d:d:d:d:d:d
باه تنسى كلمة بريئة و طيبة هديك ، و تتاكد بلي شغيغة :bravo01::bravo01::bravo01::bravo01::bravo01:
الله يخليكي و يبارك فيكي حبيبة
مازال الخير القدام ان شاء الله
عاونيني ههههههههههه
​

ربي يستر هههههه مادام مازال الخير لقدام يسما الحالة مارايح وتوعار :d
معليش شيمومة اسئلتك اكيد تفرحني ونستمتع بالإجابة عليها
ربي يحفظك حبيبتي :love01:​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلآم عليكم
وعليكم السلام ورحمة الله وبركاته
راني رجعتلك مريومة بصح اسئلة خفاف مشي كما قلت محرحرين لاني خفت عليك تهلكي هههه
اهلا حبيبتي نورتِ بمرورك ، وان نقول اميرة نساتني ، كن ماجيتيش تشوفي واش نديرلك، نبعتلك الاشباح للدار :d
بون نبدا وادا لقيتي شي مكرر فوتيه :d
اوكي حبيبتي نبداو على بركة الله، ومهما شي مكرر ماش خسارة فيك نعاود نجاوب ^^
بسم الله

مريم اول قصيدة كتبتيها متفكرتها ؟ ادا ايه حطيهالنا .
والله ماش متفكرة أول كتابة كتبتها في حياتي، لكن عندي اقدم كتاباتي وكانت عن البحر، نظن في السنوات الأولى من المتوسط
نحطهالك، بصح لي يضحك نجبدلو عينيه -_-

اشتقت لجلسة على شاطىء البحر
أشكو فيها همومي لأمواجه النقية
فأرمي دموعي فوق رماله الذهبية
فترسم على رماله أحلامي الوردية
وابني بيتا باصدافه البهية
فتشكل نبضات قلبي ألحانا شجية
آه يا بحر ما أروعك ...
آه يا بحر كم أعشق نسمات هوائك وهي تطرق باب رئتاي
آه يا بحر كل أهوى رؤية ألوان جمالك
وهي ترسم الفرحة في عيناي
وكيف لا؟ وأنت أزرق جميل تواكب لون السماء
آه يا بحر ما أروعك ...
حين تنام الشمس على كتفك عند كل غروب
وترمي امواجك نفسها بين أحضان الصخور
وتنام أصدافك في قلب كل موجة بكل هدوء
آه يا بحر ما أروعك ...
فأنت الذي تفتح ذراعيك للبشر من كل مكان
سواءا كانوا مخترعا أو عالما أو فنان
بعضهم يتحداك للحصول على المرجان
والبعض يتمنى رؤية اللؤلؤ الفتان
والبعض يريد التحقق من أساطير حكاها الزمان
لكن لن يستطيع أحد اكتشاف غموضك ولو كان قبطان
آه يا بحر ما أروعك ...

تحبي تقراي الروايات ؟ ادا ايه وش قريتي كامل ؟
قريتي احببتك وفلتغفري ؟ وش رايك فيهم ؟
شكون هما الكتاب لي متابعتهم ؟
كاتب جزائري تحبي تقرايلو بزاف ؟
حبيبتي سامحيني رايحة نجمع الاسئلة هادو في جواب واحد
بصراحة قليل وين نقرا كتب، اصلا هواياتي مرتبة كالآتي:
1- الرسم ، 2- الكتابة، 3- المطالعة
واذا قريت نقرا بشكل عشوائي على هادي ماش حافظة اسم كتاب أو كاتب ،
وخاصة انو بابا كانو عندو كتب دينية بزاااف
كي كنت صغيرة كنت نقراهم بزاااف ونعاودهم ، خاصة لي يتحدثو على اهوال يوم القيامة نموت عليهم هههه
اما الروايات ماقريتش، ولا بعبارة اوضح كانت خالتي تقراهم وتقراهملي ههه، كنا نقراوهم كيف كيف انا وياها كي كنت صغيرة
لكن الرواية الوحيدة لي شفيت عليها هي رواية ماجدولين
اما البقية ماعنديش فكرة
ان شاء الله اجابتي في المستوى، واذا اي حاجة نسيتها معليش مستعدة نوضح ^^
المهنة لي كانت تحلم بيها مريومة ؟
كنت نحلم نولي بيطرية ، لأنو عندي عشق جنوني للحيوانات ، وخاصة المفترسة، ساعات حتى نقول لماما علاه مانربيوش كاش اسد ولا نمر ولا فهد هههههه
تقولي باه ياكلني وياكلك، ومستحيل نمشي فيا لطريقو نشوف حيوان ومانقربش ليه ههه ، كي تصب النو تلقايني نجمع من الارض الحلزونات يعودو يعفسوهم ههه
على هادي تمنيت نكون بيطرية، لكن الحمد لله على واش عطانا ربي
التخصص لي راكي تقرايه انتي حبيتيه ولا غي رماوك ليه ؟ههه
بصراحة كيما قلت كنت حابة نكمل علوم، ونهار بعتوني تسيير واقتصاد كرهت كل شي، لكن لحسن الحظ اني بدلت الثانوية خلاص، يعني حسيت مع الشعبة الجديدة لي بعتوني ليها
بديت بداية جديدة، ومن تم حبيتها ، ولما طلعت للجامعة العام الأول كرهتو شوي خاطر كانت ظروف قاهرة، لكن تاني عام ليا خيرت بنفسي اقتصاد وكي قريتها حبيتها بزااااف الشعبة
وثالث عام اخترت تأمينات وبنوك و كي قريتها عشقتها ماش غير حبيتها ههههه، يعني الحمد لله، هاد العام مع الماستر شوي لأني كنت في كلية الاقتصاد ووليت كلية التسيير
يعني تبدلت المنهجية تاع الدراسة عليا، لكن الحمد لله ربي ما فيه غير الخير، خاطر خيرت شعبة خلاف في الماستر ومعدلي كان مليح ونتقبل بسهولة ولكن سبحان الله من بين كامل الناس مابعتونيش ليها وبعتوني لهادي لي راني فيها درك
يسمى ربي شايفلي فيها خير والحمد لله
وش هي المهنة لي راكي تخدمي ليها درك ؟
والله مانكدب عليك حبيبتي ، المهم تكون خدمة شريفة، انا الليسانس تاعي تأمينات وبنوك يسمى تقدري تقولي مجال البنوك أو التأمينات
وانا حسب التربصات لي درتهم في الليسانس ولدرجة درت دراسة ميدانية للبنوك وللتأمينات، حبيت عمل التأمينات كثر
ودرك كل شخص وواش كاتبلو ربي، ولي من عند ربي مرحبا بيها

بما انو عندك اخت وحيدة كفاش علاقتك بيها ؟فارق السن بينتكم ؟ زعما ماتكونش حتى هي عضوة لماوية ههه:d ؟
هههه اسكتي برك راهي مدايرة فيا رايها، صدقيني هي قبيحة عليا ههه، هي تاع التفاهم بالغمزة نتفاهمو، ونموتو على الحكايات والضحك هههه
لكن انا عاقلة زيادة وهي قبيحة زيادة، زوج دقايق دور عليا وزيد ماتهدرش معايا، ماش كيما انا نتقابد زوج دقايق نولي نورمال، والشي لي يقتلني لما تنوضني في نص الليل وتقولي خفت هههه
نولي على سعدي نوض معاها، ولا كن نكون مريضة وتغسل ولا تخدم في بلاصتي تحكمهالي طول حياتي ههههه، منين نجي نديرلها حاجة تقولي تشفاي عام 1825 نهار غسلت في بلاصتك؟؟ ههههه
بصح قلبها مليح بالرغم من قباحتها هههه، الفارق 3 سنوات وانا الكبيرة، لالا ختي خاطيها اللمة والفايس بوك تقولي مانحبش نكون مربوطة بموقع فيه اسم مستعار
تقول نحب نمشي في النت بحرية ههههه
ايه تفكرت كاش تهوال من جيهتكم ولا والو ههه ؟ يبالي راه نقص مدام نقصو لعراس :p
اني قتلك كنت نتهول كي كنت صغيرة، لكن من نهار دخت وعدت نشوف الدنيا دور مازدتش درت بيه :d
هيه مانروحش للاعراس، وآخر عرس كان تاع خالتي ، يعني كن مايكونش الشخص مقرب خلاااص مانروحش
واخيرا وش رايك فأميـــرة ؟ :love01:
اميرة من بنات اللمة لي ماندمتش كي عرفتهم وتشرفت بمعرفتهم، متربية وراقية وطيبة
ولي يعجبني فيها خوافة من الاشباح، اصبري الحلقات الجاية تاع السلسلة وتشوفي نخرجلك عينيك هههه
ربي يحفظك حبيبتي ويوفقك وينورلك طريقك
لأنك تستاهلي كل خير
ربي يوفقك غلاتي ويوفيلك لي بقلبك ♥

بارك الله فيك حبيبتي على الاسئلة والله استمتعت بالاجابة
ان شاء الله نشوفك مرة اخرى هنا لأنك ماتقلقينيش خلااص والله
تحياتي​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ما شاء الله عليك و ربي يبارك فيك
على حساب اجاباتك استنتجت انك
شاطرة
قلبك نظيف
تحبي والديك و تحوسي على رضاهما
تحبي الخير للناس
ان شاء الله كل امنياتك تتحقق
تنجحي و تفرحي والديك
و تتزوجي مع واحد فيه كل المواصفات لي تتمنياها و تحبيها
نتمنى لك من كل قلبي الصحة و العافية و السعادة و الهناء
و الفوز في الدارين

بارك الله فيك ووفقك لما يحب و يرضى

​

ربي يحفظك ويخليك أمي الغالية أم منير، كلامك والله على راسي
ودعواتك ربي يتقبلها ان شاء الله و ربي يعطيك ما احسن منها ان شاء الله ^^
مامتمنيين والو في الدنيا هادي، إلا نعدلو تصرفاتنا ويكون الخالق راضي علينا ووالدينا راضيين علينا
لأنو كل شي يفوت ومايبقى غير الصح، واذا على الدنيا والله ماتسوى بفرنك
المهم واش يخلي العبد من وراه
ربي يحفظك ان شاء الله أمي " أم منير" وربي يهنيك
ويحفظلك ولادك ويجعلهم ذرية صالحة ان شاء الله
ربي يدوم تواجدك بيناتنا لأنو منك نستفادو ونتعلمو
تحياتي العقلبية :$ :love01:
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
وعليكم السلام ورحمة الله وبركاته
اهلا خويا مالك شرفتنا بمرورك ^^
أتنفسووو شويا سؤال مخليتوهوناش
سورتو ختي شيماء أنا عمبالي سكوتية ههه
اوو هذيك أسماء أبابابابا ديgا

حوزيهم ختي مريم هههه

هههههه راك تشوف شنشفوني خاصة شيماء راهي طايحة عليا بجبل من الاسئلة ههه
لدرجة حكمت طاكسي وماقدرتش نلحق للاسئلة تاعك :d
راني لقيت شويا أسئلة معلبليش الى ملاح
الى معجبوكش نقسي فالسرعة غير شويا ردي السلام اوو سوطيهم كي الدودانا هههه

معليش خويا اي حاجة من عندكم أكيد مليحة ^^، مادام شقيت روحك وجبت اسئلة نجاوب عليهم واحد بواحد ان شاء الله
على بركة الله وجدي روحك خخخخ
على بركة الله ههههه راني درت حزام الأمان :d
بسم الله
نقولك منتدى من اللمة وانت قوليلي عنوان تاع موضوع تقدري تكتبيه حصري فيه

منتدى معالم وعلماء الإسلام في الجزائر
اعتذر ماعنديش الثقافة اللازمة في هاد المجال لي تخليني نكتب موضوع عليه
كاين لي راهم اكفأ مني
منتدى الترحيب والتهاني
أعضاء اللمة في قلبي
ويكون موضوع نشكر فيه كامل أهل اللمة ونبين مكانتهم عندي
منتدى أهنا فرغ واش كاين فى قلبك
هاد القسم من بين الاقسام لي نتواجد فيه بزااف لأنو الظروف لي عشتها في حياتي مادبيا نفرغها
لكن في الوقت الحالي الموضوع لي راهو يدور في راسي
"أريد أن أعرف نفسي "
لأنو ساعات مانعرفش اذا الحوايج لي فيا نقاط قوة أو ضعف
هل الخجل نقطة قوة أم نقطة ضعف؟ التسامح الزايد هل هو نقطة قوة أو نقطة ضعف
الحساسية الزايدة كذلك
ساعات نحس روحي ضعيفة مقارنة ببعض الناس
وساعة نكون قانعة بنفسي
منتدى قضايا الأسرة والمجتمع العام
"التشرد وعواقبه"
ونحب نحكي فيها على الأسر لي ترمي ولادها للشوارع بلا ماتعرف العواقب
منتدى المطبخ الجزائري
اممم ان مارانيش متفوقة كيما بنات اللمة في القاطوات، لكن قبل عام نظن جربت واحد الوصفة لكن نسيت اسمها ههههه
لكن الحاجة لي نخدمها بزااف ونحبها هي الصابلي :d
نكتب مالا "صابلي من مطبخي" :up:
منتدى عادات وتراث وتقاليد الجزائر
"الأعراس القسنطينية"
يكون يشبه لموضوع خويا حكيم حول الاعراس لكن يخص قسنطينة، ماعلاباليش اذا سبق وداروه ولالا
ركـن المحـاولات القصصية للأعضاء
"سر توبتي "
وهي من القصص لي كتبتها انا من مدة عامين نظن مانشفاش مليح
عن شاب طايش كان سبب توبته فتاة ^^

ركن النكت والطرائف
"البرامج الجزائرية" :d ، وعندي مانهدر فيه
في الأخير و مساء الخير خخخخ
ههههه مساء الأنوار مع انها متأخرة :d
ربي ينجحك ختي ويهنيك
اللهم آمين خويا ولك بالمثل وزيادة
سلام​

شكرا خويا مالك على الاسئلة المميزة
بارك الله فيك وربي يهنيك ، واي اسئلة تحب تضيفها راني واجدة بإذن الله
ربي يوفقك خويا ^^
تحياتي​

 

[Hakan]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلااام عليكم
رجعت للاخت بمزيد من الاسئلة :
من هو الاقرب اليك من بين والديك ؟
ماهو العام الذي احسست فيه بالسعادة الكبيرة ؟
هل سبق وان فقدت الامل ؟
هل تمت خطبتك من قبل ؟
هل اعترف احدهم بحبه لك ؟
هل وجدت في ه\ه الحياة ما يستحق ان تعيشي من اجله ؟
وفي الاخير نصيحة لخيك ..​

 

[ضآحكة مستبشرة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلامعليكم مريمومتي
مشاء الله راكي فوور و زكارة في مالك لي حب يحاوزنا نزيد نسقسي ههههه

نعطيك كلامات و قوليلي واش يعنولك ؟؟؟
- الحب
- الصلاة
- الحياة
- الدراسة
- الاصدقاء
- البحر



- ماذا يعني لك اسم مريم ؟
- ما هي رياضتك المفضلة ؟
- فريقك المفضل جزائريا و عالميا ؟
- لاعبك المفضل جزائريا و عالميا ؟
​

 

[أم أحمــــد يــسّ]

رد: كـرسـي التعآرف { الضيـف الـثآلث والعشرون } لؤلؤة قسنطينة

مسا مسا لأميرات اللمة .. "وكانش أمير ماتزعفوش ".
اليوم جيتكم وعندي سؤال واحد باسكو قضاو على كلش بسلامتهم هههههه
سؤالي للضيفة او بالاحرى قنبلتي هي " تقبلي نخطبك لخويا ؟ ههههههه
باسكو عرفنا كلش وعجبتينا بلبزاف حبوبتي ايا قلت ندخل نخطب ديراكت....
انتظر الاجابة .....وراني وجدت القاطو خلاص

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلااام عليكم
وعليكم السلام ورحمة الله وبركاته
أهلا بخويا حكيم ^^ وبرجعتو ،نورت الموضوع
رجعت للاخت بمزيد من الاسئلة :
مرحبا بيك وبالاسئلة المتميزة ، ونبداو معاها بعد بسم الله
من هو الاقرب اليك من بين والديك ؟
والله نحبهم فيزوج، لكن أكيد الأم أقرب ، خاطر ربما الأم تعبر عن مشارعها على عكس الاب ، لكن حتى بابا نحبو والله
ماهو العام الذي احسست فيه بالسعادة الكبيرة ؟
والله يا أخي ، ماكانش عام يعدي كامل مليح، دايما نص بنص، لو نحب نقول العام لي ديت فيه الباكالوريا رايحة نتفكر المرض لي خلاني ندخل للمستشفى
لو نقول العام لي ديت فيه البيام عانيت نفس الشي من المرض، طفولتي كانو فيها حوايج ملاح لكن الظروف كانت صعبة ، العام لي فات وتاع الليسانس كان مليح الله يبارك ومايتعوضش ولو درك يقولولي تعاوديه نعاودو ،لكن لولا خبر موت جدتي في أول يوم دراسي كن بقى مليح
يعني على هادي قلت نص بنص، لكن ربما العام لي مازال في بالي هو العام الثاني في الجامعة، هاداك العام الاساتذة كامل يعرفوني ويحبوني، والفوج لي نقرا فيه لبنات كامل نحبهم ويحبوني
لدرجة كانو يقولولي نتي يمانا ^^ ، حتى توصلت لما نغيب نهار يحرقو التيليفون عليا، يعني حبيتهم صح وعشت معاهم اجمل اللحظات
علابالي دوختك ههههه، والله كل عام وفيه الحلو والمر خويا

هل سبق وان فقدت الامل ؟
قداه من مرة ، لدرجة الدنيا تولي ظلمة بين عينيا ، ساعات يمر الانسان بظروف وين يكره حياتو نهائيا
لدرجة نجيبها ساعات غير بكا ونولي نشوف وجودي في الدنيا ماعندو حتى معنى
لكن سبحان الله ربي يفتحهالك من جديد ومن بلاصة ماتتوقعهاش تخليك تنسى كامل الأحزان
هل تمت خطبتك من قبل ؟
لا، مازال ماجاش تعيس الحظ :d واقيلا حبستلو السيارة انوبان ههه
المهم يكون طيب هادا الأهم حتى ولو يجي بعد 80 سنة
هل اعترف احدهم بحبه لك ؟
لا، اصلا يخافو يقربو ليا هههه خاصة في مجال الدراسة يعني مانهدر معاهم مايعرفو عقليتي ،
ربما تلقيت في حياتي بعض التلميحات من بعض الاشخاص
لكن تاع اعتراف مباشر ماكانش
واصلا واش يعترفلي تحبني نتغاشالو هههه، انا اصلا كي يقرب واحد يسقسيني على الساعة برك الهدرة تروحلي
ووجهي يولي طماطم وين حتى نوصلو للاعتراف، بالاك نطيح في غيبوبة هههه
هل وجدت في هذه الحياة ما يستحق ان تعيشي من اجله ؟
اولا علابالنا بلي نعيشو في الدنيا باه نرضيو ربي سبحانو وتكون خاتمتنا مليحة بإذن الله ، هادي مافيهاش نقاش
اما الباقي ،والله يا خويا ماعلاباليش اذا هادي حاجة مليحة فيا ولالا، ولكن تكبر رغبتي في الحياة بقدر الناس لي نحبهم،
ماعلاباليش اذا هذا ضعف فيا ، لكن كن تقولي على الحياة، نقولك الساعات لي نعيشهم مع والديا ونسمع صوتهم يستحقو نعيش على جالهم
لو مثلا نكبر ويتقدملي واحد ونبدا معاه حياة جديدة نقولك رغبتي تكبر كتر، على جال الانسان هادا لي دخل حياتي لأنو لما نكون معاه راهي رغبتي في الحياة تزيد ونحس انو كاين شخص يستحق نعيش على جالتو
لو يجيو ولاد تزيد تكبر رغبتي فيا لحياة خاطر دخل عنصر جديد عندو مكانة في قلبي، يعني فهمتني؟
على هادي نقولك، قد مايكون كاين شخص عزيز عليا في قلبي رايح نعيش على جالتو ويستحق نعيش على جالتو خاطر ابتسامة من هاد الشخص هيا لسعادة بالنسبة ليا
علابالي دخلتك في الفلسفة :d شخصيتي معقدة للأسف ههه
وفي الاخير نصيحة لخيك
كيفاه تحبني ننصحك ونتا راك تقدم نصائح للناس :d
والله ياخويا، كيما دايما ننصح البقية، طاعة ربي ورضا الوالدين واللسان النظيف، هادا هو الاهم في الدنيا هادي
والمبادىء لي راك تمشي عليهم ماشاء الله ماتخلي حتى شخص يبدهملك، لانو الاهم في الدنيا ماش كي تكون تشبه للناس
تكون مختلف على روحك المهم تكون قانع بنفسك
​

بارك الله فيك خويا حكيم، والله الاسئلة لي راكم تحطوها راني نافعتني بزااف
راني حاسة نحاور في نفسي ،و نكتشف في نفسي
ان شاء الله تكون اجاباتي في محلها
ربي يوفقك خويا، واي اسئلة تجي في بالك راني واجدة بإذن المولى
تحياتي ^^​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

اصبرو عليا دقائق ونرجعلكم
واختي قمر الوادي، كنت نهدر مع خويا حكيم قتلو ماجاش تعيس الحظ ساع نلقاك كاتبة من فوق نخطبك لخويا
درتيلي الرعشة في ركايبي هههههه
راني راجعة بإذن الله ونجيبلك الجواب ههه
لي عودة بإذن الله​

 

[AmiR@RoRo]

رد: كـرسـي التعآرف { الضيـف الـثآلث والعشرون } لؤلؤة قسنطينة

بارك الله فيك حبيبتي على الاسئلة والله استمتعت بالاجابة
ان شاء الله نشوفك مرة اخرى هنا لأنك ماتقلقينيش خلااص والله
تحياتي​

يعطيك الصحة على الاجوبة الـ:up:
القصيدة عجبتني ماتقولش تع كتابة وحدة صغيرة
بصح لي حيرني فيها وضحكني وش من هموم كانو عندك وانت عاد طفلة هههه
sur كانت كاش لعبة راحتلك ولا كنتي حابة تشري كاش دمية وماقدرتيش ههههه
ربي يخليلك اختك ويحفظكم لبعض
كلامك على راسي مريومتي حشمتيني :love01: ربي يخليك ويحفظك شهادة اعتز بها والله
ربي يحفظك ويوفيلك لي بقلبك حبيبتي
موفقة
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم مريومتي
وعليكم السلام ورحمة الله وبركاته
اهلا بأسومتي وبعودتها الراقية :$، نتي مريومتي وانا اسومتي رايحة طايحة المحبة واش نقولك ههههه
مشاء الله راكي فوور و زكارة في مالك لي حب يحاوزنا نزيد نسقسي ههههه
الله يخليك غاليتي، اسئلتكم لي مميزة ماشاء الله
ههههه معليش سقسي وخودي راحتك راني هنا باه نجاوبك بإذن المولى
بسم الله
نعطيك كلامات و قوليلي واش يعنولك ؟؟؟
ان شاء الله حبيبتي
- الحب: كل شي في الحياة، حب الله وحب الرسول وحب الوالدين لولادهم وحب الزوج لزوجتو والزوجة لزوجها، وحبا لأخ لختو والاخت لخوها ، كن مايكونوش هادو الدنيا تولي غابة
- الصلاة: كيما سبق وقلت لشيماء هي تربية للانسان قبل ماتكون عبادة، لأنها تنهى عن الفحشاءو المنكرو تبعدك على كل فعل ماش مليح وتربيك تلقائيا، يعني اذا كنت تصلي ونتا تروح لطريق ماش مليح اعرف بلي صلاتك ماراكش تصلي فيها قدقد وإلا كن راهي بعدتك عن كل فعل ماش مليح
- الحياة
- الدراسة : هي اكتساب معرفة وخبرة، ماش مجرد تعلم حروف وأرقام، لأنو لو كانت تعلمك حروف وارقام فقط كن ماش مع تخلص لقراية تدخل للحياة المهنية، يعني راهي تكونك في كلشي حتى شخصيتك
- الاصدقاء: الكلمة هادي ماعشتهاش طول حياتي ولما عشتها تلخصت في مدة عامين فقط ولكن كانت تجربة مليحة لأنك رايحة تلقاي روح تقاسمك افكارك و هبالك هههه
- البحر: يا يما نموت على البحر ، كن جا رجل بالاك كن تزوجت بيه هههه، يعني البحر نحسو كتاب أسرار ، ويعجبني لأنو هادىء وعنيف في نفس الوقت، يعني اللون تاعو وصوت الأمواج والرائحة تاعو
روعة بصراحة ،و خاصة كي يكون خالي وفي الشتاء، ماش وين يهجم عليه الشعب هاداك هههه

- ماذا يعني لك اسم مريم ؟
يعجبني ليس شرط لأنو اسمي، لكن لي حملت هاد الاسم هي أطهر نساء الأرض ، ولأنو سورة من سور القرآن تحمل هذا الإسم
يعني نحبو حتى قبل مايكون اسمي ^^
- ما هي رياضتك المفضلة ؟
مممم مانميلش بزااف للرياضة لكن في الثانوي كنت نحب كرة السلة وكرة اليد
وواحد الوقت والله ملت بزااف لكرة القدم لكن كمشاهدة ماش نلعب

- فريقك المفضل جزائريا و عالميا ؟
في الجزائر ماعنديش ،ما نتبعهمش، اما عالميا فهو الفريق الاسباني
- لاعبك المفضل جزائريا و عالميا ؟
هنا ماعنديش اشخاص محددين اعتذر غاليتي
يعني نحب نشوف فريق متكامل مع بعضاه طول
​

شكرا على اسئلتك أسومة دايما في المستوى الله يبارك
واذا عندك المزيد راني هنا :sport02: مستعدة نجاوب على كل شي
تحياتي غاليتي ​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

ربي يستر هههههه مادام مازال الخير لقدام يسما الحالة مارايح وتوعار :d
معليش شيمومة اسئلتك اكيد تفرحني ونستمتع بالإجابة عليها
ربي يحفظك حبيبتي :love01:​

ياو نهبلك من كل قلبي ، تستاهلي
واحد ماقالك قولي بريءة و مسالمة :yahoo01::yahoo01::yahoo01::yahoo01::yahoo01:
الله يدوم الفرحة ان شاء الله
و يحفظك و يبارك فيكي حبيبة :love01::love01::love01:

هاكي يالفحلة



1. ماذا ستكتب لنا لتعبر عن حياتك التي عشتها الى الان في كلمات قليله ؟


2. اذا اردت ان تبكي الان , فعلى من تبكي؟


من ستختار ليمسح دموعك ؟


3.لو خيروك بين حبيبك وبين اعز صديق فمن تختار ؟


4.ماهو تقييمك لهذا المنتدى بصراحه ؟


5.من يسكن قلبك؟


6.هل تعتقد ان حظك سيئ؟


7.هل هزمك حزنك في يوما من الايام؟


8.((مستحيل انساك)) لمن تقولها ؟


9.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟


10.(( انت كل شيء بحياتي )) لمن تقولها ؟


11.متى اخر مره بكيت؟


12.اي الدول تتمنى ان تزورها ؟


13.هل لديك الجرأه ان تقول عمرك أمامنا ؟


14.هل انت راضي عن نفسك ؟


15.هل تؤيد الزواج العاطفي ام الزواج التقليدي ؟ ولماذا ؟



16.هل تعترف بشيء اسمه الصداقه بين الرجل والمرأة ؟


17.هل انت مدمن تفكير؟


18.من هو اكثر شخص تفكر فيه؟



19.اذا تم تعيينك ملكا لجميع البلاد العربيه فما اول قرار ستتخذه ؟


20.هل تكره شخص بشده في حياتك ؟


21.هل ملابس الشخص امامك تؤثر فيك لتأخذ عنه انطباع ؟؟


22.ماالذي يلفت انتباهك بسرعه في الشخص لكي تعجب به ؟



23.حكمة تؤمن بها جدا؟؟


24.عاده تفعلها دائما تتمنى ان تتركها ؟


25.ماهو اجمل اسم لولد واجمل اسم لبنت من وجهة نظرك؟


26.ماذا تفعل اول شيء اذا ربحت مليون ؟

27.هل انت من لديهم رغبة حب التملك واذا تملك الشيء اصابه الملل منه ؟

28.اعتذار تريد ان تقدمه لمن؟

و لي عودة ان شاء الله تعالى :d:d:d:d
​