كـرسـي التعآرف { الضيـف الـثآلث والعشرون } لؤلؤة قسنطينة

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

اولا شكرا شيوم على احياء الفكرة من جديد
وشكرا لانك اخترتي العضو المناسب في الكرسي المناسب
اهلا حبيبتي اسماء نورتِ الموضوع يا غالية :$

مريوووووومة رح تشيبي هنا وجدي الصبيغة لشعرك هههههههههه
اسكتي برك راني وليت عجوزة ماجيت نلحق ليك هههه
اهلا و سهلآ بك مريم
الله يسلمك حبيبة قلبي شكرا على حسن الضيافة

- اولا ما هو هدفك الحقيقي الذي استصعب عليك تحقيقه ؟
قصدك حلم تمنيتو وماتحققش؟؟
اذا هكا تمنيت نتبع في حياتي الطب ونكون بيطرية وماكتبش ربي
واذا معنى آخر قوليلي ونجاوبك بإذن الله
- ما رايك في تقمص الاشخاص لاكثر من وجه ؟
هادوك ناس ماعندهمش قناعة بنفسهم، لأنو ربي خلقنا في الدنيا كل واحد وشخصيتو
والجمال الحقيقي لي فيك هو هاداك الاختلاف لي يميزك عن الغير
- هل تؤمنين بشيء اسمه الصداقة ؟
بصراحة عمري لا عشت الصداقة كيما باقي الناس
تمنيت تكون عندي صديقة تبقى معايا من الصغر حتى للكبر، لما كنت في الابتدائي وخيرت صديقة
غير نجحنا ورحنا للمتوسط خلاتني وخيرت غيري، وفي المتوسط غير خيرت صديقة حنا طلعنا للثانوي
وهي بدلت الثانويةن في الثانوي قريت عام وحدي بدون اصدقاء، ومن بعد انتقلت لثانوية جديدة
تما تلاقيت بأول وأروع وافضل صديقة جمعني بيها ربي لمدة عامين وكانت من اروع الناس، ومنها عرفت الصداقة
بصح من بعد انا نجحت فيا لباك وهي لالا، ومن وراها تزوجت ومازدتش هدرت معاها، لكن علابالي بلي راني في بالها
هادا هو زهري المعوج مع الصداقة ههههه

لي عووودة​

شكرا غاليتي، زعما الاسئلة تاعك كامل ظراف هكا ولا هادي البداية ههههههه
ربي يخليك حبيبتي وانتظر عودتك ، وسامحيني على التأخير
​

 

[Salam Fleur]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
اوية الزردة راكبة و انا لا خبر ... اصبروا عليا :sport02::sport02:

يا عمري الزينة تاعنا راهي هنا .... احم احم .... مرحبا بيك ....:regards01::regards01:

واش نسقسي قالوا كلش هههه

مممممممممممممممممممممممممممممممممممممممممممممممممممممممم

خيري واحدة من زوج

الكسرة و لا الخبز ... :p
الطعام و لا بطاطا مقلية بالجاج محمر :d
التشاراك ولا بقلاوة :p:p

دركة نروح للسيريو هههه

حلم تتمناي انه يتحقق ؟؟؟

بلد عربي تحبي تروحي ليه ؟؟؟

بلد اخر تحبي تسافري ليه ؟؟؟

مارايك في الفتيات اللواتي يدرسن في الخارج ؟؟؟ و هل لو اتيحت لك الفرصة تقبلين ؟؟؟

هل تحبين هواية المطالعة ؟؟؟ اذا نعم من هو الكاتب الذي تحبينه ؟؟؟؟ و ماهو اروع كتاب قراته و اثر فيك ؟؟؟

ماهي الشخصية العالمية التي تتمنين لو انك تلتقين بها ؟؟؟ و ماذا ستقولين لها ؟؟؟؟



هذا واش جا في بالي اذي تفكرت نزيد نولي

:d:d
​

​

 

["viola"]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم و رحمة الله و بركاته

مشكوورة اختي شيمااء على ارجااع الكرسي للواجهة :d ( معاك محبة التقرعيج اونباغصون :p) و احسنتي الاختيار اكيييد

اهلاا مريووومة الزينة توحشنااك ..دوماج راني لاهية و لا الحواجب نشيبهملك خخخخ :sport01:

بصح معليش نسألك خفيف ظريف و نخلي الاوباش يخدموا خدمتهم :thumb_up02:

باسم الله

*لؤلؤة قسنطينة في 3 صفات ؟؟

*فالصراحة شحال تعطي لؤلؤة قسنطينة لنفسها من 10؟؟

*طيبة قلبك.. اسكو كاين لي استغلها فيك ؟؟

*كي تتنارvا لؤلؤة واش ادير؟؟

*كي تفرح واش ادير؟؟

*تحدثي عن بنات الجامعة باختصار؟؟

*احسن كتاب او رواية؟؟

و سؤال المليون :d رأيك صراحة في فيولا ..و اذا حبيتي دعوة طيبة منك :-r

هايا استمتعي :d راني مادرتش الهريسة :p

سلامي خيتو و ربي يحفضك ​

 

[Amine7N]

رد: كـرسـي التعآرف { الضيـف الـثآلث والعشرون } لؤلؤة قسنطينة

الســــلام عليكم
لؤلؤة قسنطينة الله يبـــارك عليها
طريقـة ردودها وذكــائها
محبوبة من الكل

نتمنالك إقــامة طيبة على الكرســـي ​

 

[حكاية قمر]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
معليش نهبلك شويه ^^ غي شويه برك
قولينا كتدخلي للكوزينا شاهي لحاجه لي تبغي تطبخيها
وقتاش تجيك افكار والمخططات ؟
ولأني أفضل الفصحى الجولة الثانية بالفصحى
بين الموت والحياة ماذا يوجد برأيك؟
على أي أساس تثقين بالناس ؟
هل لك القدرة ع الانتفاضة تعبيرا عن رفضك المطلق
ما مقدار جرأتك
من الجرأة ما هو وقاحة الى أي مدى ينطبق هذا القول
ما هي ميولاتك الأدبية
هل حاولت خوض تجربة شعرية
هل حدث وأن قرأتِ موضوعا هنا باللمة وقلتي ماهذه السخافة
ما رأيك بمن يتكلم عن نفسه كثيرا
لو قلت لك الحياة كذبة ما قولك
لو قلت لك الحياة لعبة ما قولك
لو قلت لك الحياة امتحان ما قولك
لو قلت لك الحب كذبتنا كي نحيا بسلام ما قولك
هل ترين أنه لك القدرة ع خلق التغيير
بما أنك مسامحة زيادة سأنتقدك^^
لاني قرأت قولا لك ،،،،تضربيني ونقولك اسمحيلي
هل تقبلين لشخصك أن يمس ولما ترضين
في قرارة نفسك تنزعجين من صمتك أم لا يهمك الأمر
لو قلت ما بك سأسميه جياحة فكيف تردين


وفي الأخير ما هي الا اسئلة بسيطة لي عودة
بالتوفيق أختي

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

1 - من هو العُضو ؟! الذي استفدتَ منهُ كثيرًا ؟
والله كل عضو خلالي حاجة تعلمت منها في حياتي، كاين لي تعلمت منو الهدوء، وكاين لي تعلمت منو الرزانة ، وواحد تعلمت من العزيمة تاعو كامل نفعوني ماشاء الله
2 - من هو العُضو ؟! الذي ترتاح في الحديث معه - مناقشته - ؟
كاين بزاااف والله ومنهم انتِ :$
3 - من هو العُضو ؟! الذي تشعر أنه - مثقف - حقا ؟
والله بزاف، منهم خويا سيف / ديسق / عندو ردود وأفكار تخليني نحير صح، ماشاء الله
4 - من هو العُضو ؟! الذي تود لقاءه في الواقع ؟
والله كامل بدون استثناء
5 - من هو العُضو ؟! الذي حدث بينكم سوء تفاهم و تتمنى تصالحه ؟
الحمد لله لحد الآن غير الخير ماصرا والو وان شاء الله مايصرا حتى خلاف ومانقيس حتى عبد
6 - من هو العُضو ؟! الذي تشعُر أنه يتوافق مع أفكارك ؟
مممم كاين بزاف، منهم شيماء وماجدة
7 - من هو العُضو ؟! الذي تعجبك طريقة حديثه ؟
كاين بزاف والله لي ردودهم مبهرة مانقدرش نذكر شخص محدد
8 - من هو العُضو ؟! الذي تتمنى أن يذهب كل الخير إليه ؟
ههههه نتمنى تتقاسموه خير، هكا نستفادو كامل :d
9 - من هو العضو ؟! الذي لا تتوقع تماما أن يحدث بينكما شجار و لو من الحجم البسيط
يعني كامل، بصح نظن شيماء
10 - من هو العُضو ؟! الذي تود بقاءه أكثر في المنتدى لأنك تعلم أنك ستستفيد منه ؟
والله كيما سبق وقلت كامل تعلمت منهم حاجة
11 - من هو العُضو ؟! الذي تشعُر بفقدانه حين يغيب عن المنتدى ؟
انا نتوحش بالجملة :d نتوحش اللمة كاملة بيها بناسها
12 - من هو العُضو ؟! الذي تشعر أنه أخوك الذي لم تلده أمك ؟
الأمين محمد
ماهو سر اختيارك ل اللقب الحالي ؟
كيما سبق وقلت لشيماء
أنا من عشاق الجزائر ومن عشاق ولايتي، وبما أنو اللمة تجمع بين 48 ولاية
حبيت يكون اسم العضوية يبين ولايتي ، اما لؤلؤة فأنا اعتبر ابناء الجزائر كامل لآلىء
منهم انا :$:$ ( قمة التواضع )
وهل هناك اسباب معينة ؟
لا
هل تنوي تغييره ؟
لا، ربيت عليه الكبدة :d
ايضا هل تفضل اللقب الحقيقي ام المستعار ؟
انا نفضل المستعار احسن
ماسبب إختيارك لتوقيعك وصورتك الرمزية ؟
والله حسب المزاجية، بالنسبة للصورة عجبتني ووضعتها
اما التوقيع فهو مقتبسات عجبتني وضعتها
​

وانا نقول الاسئلة تاعك ظراف ونتي راكي مخبيتلي الحارين هنا ههههه
شكرا حبيبتي على طلتك الجميلة وانتظر عودتكِ

 

[Djamel.Dz]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم و رحمة الله و بركاته
من دون أن أطرح أسئلة
مستوى أكثر من رائع
إقامــة طيبة
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

شفتي كيفاه راكي محبوبة الله يبارك
و لكل اللي قالي شكلاا على احياء الموضوع نقلهم لا شكر على واجب ان شاء الله تعالى
و كون تزيدوا تعوادوها ندقدقكم بالبشماق

ما تقول بحق التصرفات الصبيانية للبعض الأعضاء ؟:d

هل تؤمنين بالحب -بعد الله و-؟:-r

ماهو الأختصاص الذي تحبــينــه:-r

واش رايك فيا:d

أقصر مهمة يوميه تقومين بها ؟ :s

عيب شخصي تعترفين به ؟ :up:

كيف تعبرين عن غضبك,فرحك,رفضك ؟

هل أنت صريحة , أم كتومة, أم مجاملة؟

أحب زاوية إليك في بيتك ؟في المنتدى ؟

عبارة أو حكمة تعجبك؟

((......)) عضو نشيط بصراحه.

((......)) عضو حاب تعرف معنى اسمه.

( العلاقات في الإنترنت تصبح قوية بصورهـ سريعه ... وسرعان ماتضعف و تتحطمـ ).. رأيك بهذهـ المقولة .. ! :d

أعضاء تنطبق عليهمـ هذهـ الأسماء من وجهة نظرك ... :p
الشاعري
المسالمـ
الخلوق
المميز
خفيف الدمـ
العنيد
الملقوف


أكمل الفراغات التاليه : :p

عضو تتمنى تشوف شكله هو .........

عضو تلقبه زعيمـ أو زعيمة المنتدى .......

عضو بتقوله يا غايب ليه ما تسأل ..........

عضو بتقوله الله يعطيك العافيه و يجزاك خير .........

عضو بتقوله ماتوقعتها منك ويجي منك أكثر ..........

عضو تعرفه برى المنتدى ......

عضو تحس انه طيوب وعلى نياته ........

عضو تحس انه حلووووو .........

عضو شعبيته كبيرة و محبوب عند غالب الأعضاء ..........

( الثقل و الرزانه والهدوء والفرفشه ) تجتمع في العضو ........

عضو ذووويق .........

هل أنت شخص نستطيع الإعتماد عليه وقت الضيق و الحاجة ؟:-o

و هدو سرقتهم من عند خويا حمزة ، الله غالب مانعرفش نسال ههههههههههههه
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

أصعب المواقف اللي مريت بها ؟
_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
أعطيلي نصيحة:d
هل تؤمنين أن طريقة كلام الأعضاء في المنتدى تعبر على شخصياتهم الحقيقية؟:up:
بماذا تحسين عندما يصبح الكمبيوتر بطيئا لأي سبب من الأسباب؟


​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

عضو بنظرك
يخلق الأجواء بطرحه للمواضيع ..وردوده؟
عاشقة الجنة، حكيم ستوري، اميرة، الساندريلا، بنت ال25 والزهرة الحمراء وخولة وكاين بزااااف يسمحولي لي ماذكرتش اسمهم
ليس في صدقه شبيه ؟
كاين بزاف لي تحس بصدقهم من كتاباتهم والله اعلم
واقعي ويتعامل بشفافية وسهولة وانشراح ؟
ختي فيولا وخويا الباندي وخويا مالك
مواضيعه تعكس رقيه ؟
كاين بزااااف لكن لي يعجبوني بكثرة مواضيعهم خويا الامين محمد وخويا حكيم ستوري
وحسب القسم لي تم فيه طرح الموضوع يعني مانقدرش نقول شكون بالضبط
لكن كاين بزاااف
عضو ردوده تبرد قلبك في مواضيع النقاش ؟
الزهرة الحمراء هههه عندها واحد اللسان يبرد القلب
تاني خويا حكيم ستوري لأنو عندو الصراحة في الردود وماتهمو لا طابت لا تحرقت ههههه
خويا سيف / ديسق /
وكاين الكثير
العضو الأقرب لتفكيرك ؟
كاين بزاف, لكن الاكثر الزهرة الحمراء وشيماء
لمن تقول تعجبني ردودك ؟
خويا حكيم ستوري وخويا سيف /ديسق / يعجبوني ردودهم بزااااف
عضو بنظرك غامض ؟
معرف شكون . المهم انا يعرفوني :d
أكثر عضو يضحكك ؟
الزهرة الحمراء / اخي مالك وحياتو المجنونة هههه / فيولا / اخي الباندي / عبير ( red rose )
وكاينة واحد المصيبة تاني بثينة 19 عندها واحد المواضيع يقتلوني ضحك هههه
أكثر عضو يحيرك؟
كاين الأخ ياسين يحيرني بابداعاتو في الكتابة, والاخ سيف / ديسق / عندو ردود مبدعة تحيرني
أكثر عضو ارتحت له ؟

أكثر عضو ارتحت له ؟
من الاخوات : الزهرة الحمراء / ملك له / عبير / ريان / اميرة / اختي سكون / ساندريلا / بنت ال 25 / جنان / لوفلي سمايل / باحثة /
فيولا / بيرل بلونش / وبلو بارل / ذكرى / سارة / خولة / جيجي ستار / ليدي عاشقة الكرة وعاشقة الجنة / ام منير / والله العظيم كامل رايحة نكلمهم ههههه
راكم كامل نرتاح معاكم والله لي نسيتها تسمحلي
اما بالنسبة للاخوة ربما مانقولش نرتاح ليهم لكم لي ميزت اخلاقهم من خلال ردودهم وتعاملت معاهم
خويا عبدو بلانكو / خويا حكيم 1 وحكيم 2 هههه / خويا مالك / خويا الباندي / خويا سيف / خويا زابانا / خويا الامين محمد والله العظيم
ربما نعرفو غير من خلال النت لكن نحسو خويا تاع الصح لدرجة لا يتصورها العقل
اخي الكريم بقايا انسان / خويا جليلو قريب نسيتو
وكاين بزاااف اسماء والله من خلال كتاباتهم نحسهم صح عايلتي
ولي ماذكرتوش يسمحلي بزاااف لأنو الذاكرة خانتني
عضو تراه مرح ودمه خفيف ؟
نص اهل اللمة عندهم جانب مرح ماشاء الله اما لي يقتلوني ضحك راني ذكرتهم
عضو اجتماعي ؟
والله بزااف ومانقدرش نذكرهم كامل
عضو نشيط ؟
والله كاين بزااف منهم نتي ^^
عضو متفائل ؟
اممم والله معرف. لكن لي الزوج لي كي نسمع لهمومهم ونلقاهم يضحكو هوما خويا الامين محمد و ختي ملك له
عضو حزين ؟
الله اعلم بالقلوب
لمن تعطي هذه الألقاب
بسمة المنتدى ؟
نظن كامل الاعضاء,لأني نلاحظ لما يغيب عضو عن اللمة تحسي بالفراغ هاداك وبمكانتو
على هادي كامل مع بعض نشكلو بسمة
ملح المنتدى ؟
كامل اهل اللمة, لانو الطبخة بدون ملح ماتكلمش واللمة بدون اعضاءها ماتكملش ^^
حكيم المنتدى ؟
الأخ بقايا انسان والأخ الأمين محمد, والسيدة الكريمة ام منير, وكاين ختي سكون الفجر
وكاين بزاااف اعضاء اراءهم حكيمة كيما ختي ساندريلا وختي بنت ال 25 خويا حكيم وخويا سيف وغيرهم من الاعضاء بزاااف
بريء المنتدى ؟
اختي شيماء /ملك له / بالاكم تأمنو راهي شريرة هههه :d
شاعر المنتدى ؟
الأخ يآسين, الأخت حكاية القمر , والأخت آل المطر واختي الباحثة عن الحظ
​

حبيبتي اسماء سامحيني ماجبتش اجوبة جديدة وجبت اجوبتي من موضوع اختي الزهرة الحمراء لأنو نفس الأسئلة
نتمنى هادا مايشكلش ازعاج ليك غاليتي
وانتظر باقي اسئلتك الجميلة :love01:
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

وانا تاني مستمتع بالاجابة
بالفعل نقرى في اجوبك وكانك تتفننين في كتاباتها :graduation:
ماشاء الله عليك
نخليك شويا ولا كتب ربي نرجع .
​

ربي يخليك خويا ويحفظك
هذا من طيبة اخلاقك
ان شاء الله خويا خود راحتك وراني نستنا رجعتك لا كتب ربي
تحياتي العطرة :regards01:
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

اختيار موفق
في المتابعة ^^
بالتوفيق اختي

اهلا غاليتي صاحبة الكلمات الراقية :love01:
ربي يخليك حبيبتي ومتابعتك تشرفني اكيد
كوني بالقرب حبيبتي
​

 

[أم أُنٌَيسة]

رد: كـرسـي التعآرف { الضيـف الـثآلث والعشرون } لؤلؤة قسنطينة

بريء المنتدى ؟
اختي شيماء /ملك له / بالاكم تأمنو راهي شريرة هههه :d

كون مازدتيش هديك الجملة الاخيرة ندقدك بالبشماق
شغيغة و افتخر
دورك نوريلك استناي برك ان شاء الله
​

 

[Skor m@k]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
ياك راهم متهليين فيك الأعضاء
ضرك نشوف الأسئلة والأجوبة ونولي كاش ما نهدر ولا نسأل
ربي يعينك ختي
هذي السمانة الدم ديالك نجبدوه هههه
معليش ممبعد ادي عطلة مدفوعة الأجر هههه
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم
وعليكم السلام حبوبتي خولة نورتينا بمرورك :$
اوية الزردة راكبة و انا لا خبر ... اصبروا عليا :sport02::sport02:
هههههه ماتخافيش مانقدروش نبداو العرس بلا بيك لازم تكوني حاضرة
يا عمري الزينة تاعنا راهي هنا .... احم احم .... مرحبا بيك ....:regards01::regards01:
ربي يخليك حبيبة قلبي ، راكي تشوفي راهم عرضوني نقعد على الكرسي
واش نسقسي قالوا كلش هههه
معليش اسألي برك اي حاجة من عندك تعجبني ^^
مممممممممممممممممممممممممممممممممممممممممممممممممممممممم

خيري واحدة من زوج

الكسرة و لا الخبز ... :p
اكيد الكسرة ههه
الطعام و لا بطاطا مقلية بالجاج محمر :d
البطاطا المقلية بالجاج محمر اصلا هي حياتي :$
التشاراك ولا بقلاوة :p:p
البقلاوة
دركة نروح للسيريو هههه
يا ربي واستر ههههه
بسم الله وعلى بركة الله
حلم تتمناي انه يتحقق ؟؟؟
كيما سبق وقلت نلحق لمستوى ولمرحلة وين نقدر نحقق طلبات والديا ونشريلهم لي يحتاجوها
ونوفرلهم كل حاجة
وتاني حلم نكون اسرة :$ تكون محافظة ويكونو ولاد يمشيو على طريق ربي وصالحين
بلد عربي تحبي تروحي ليه ؟؟؟
اول شي قلبي متمني عمرة
اما البلدان العربية لي تعجبني ربما دبي
بلد اخر تحبي تسافري ليه ؟؟؟
اليابان
مارايك في الفتيات اللواتي يدرسن في الخارج ؟؟؟ و هل لو اتيحت لك الفرصة تقبلين ؟؟؟
والله يا اختي حسب الظروف، مانقدرش نهدر عليهم بالمليح والا الحاير
لكن عن نفسي مانفضلش مرأة تروح للخارج باه تقرا وبدون محرم، ربما متزوجة وتروح مع راجلها بالاك تتقبل
بصح وحدها لالا،وانا عن نفسي كن تجيني فرصة نرفضها وراني درت عليها موضوع الحكاية هادي في قسم واش راك تهدر ^^
هل تحبين هواية المطالعة ؟؟؟ اذا نعم من هو الكاتب الذي تحبينه ؟؟؟؟ و ماهو اروع كتاب قراته و اثر فيك ؟؟؟
والله يا حبيبتي بصراحة نحب نطالع بشكل عشوائي، نحب نقرا الكتب الدينية
وغيرها ، ماعنديش مجال محدد، والمطالعة هي احدى هواياتي لكن بعد الرسم والكتابة
اما الكتب كيما قتلك نقرا بشكل عشوائي ماعنديش كتاب محدد
ماهي الشخصية العالمية التي تتمنين لو انك تلتقين بها ؟؟؟ و ماذا ستقولين لها ؟؟؟؟
ماكانش يعني شخص في بالي، لكن اعظم شخص هو الرسول عليه الصلاة والسلام
متمنية نشوفو ولو في المنام

هذا واش جا في بالي اذي تفكرت نزيد نولي

:d:d
​

​

شكراااا خولتي على المرور الجميل والاسئلة المميزة
انتظر عودتك غاليتي
​

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

السلام عليكم و رحمة الله و بركاته
وعليكم السلام ورحمة الله وبركاته
مشكوورة اختي شيمااء على ارجااع الكرسي للواجهة :d ( معاك محبة التقرعيج اونباغصون :p) و احسنتي الاختيار اكيييد
شوفو شكون لي جا هههه فيولا المشاغبة :d
اهلاا مريووومة الزينة توحشنااك ..دوماج راني لاهية و لا الحواجب نشيبهملك خخخخ :sport01:
تتشاقلك الجنة حبيبتي الغالية، ههههههه مزية لي راكي لاهية مالا ماكفانيش شعري شاب حابة تكمليلي لحواجب ههه
بصح معليش نسألك خفيف ظريف و نخلي الاوباش يخدموا خدمتهم :thumb_up02:
هيا معليش روحي ونجاوبك بإذن الله
باسم الله
بسم الله وعلى البركة الله
*لؤلؤة قسنطينة في 3 صفات ؟؟
حنونة، خجولة، اجتماعية :$
*فالصراحة شحال تعطي لؤلؤة قسنطينة لنفسها من 10؟؟
والله مانقدرش نقيم روحي، لما يتعلق الأمر بتعريف عن النفس نقولك 10 / 10 خاطر هادي هيا انا
كيما في الواقع كيما هنا ماعندي واش نخبي
لكن الشي لي ساعات يخليني نبعد على الصراحة هي الخوف على مشاعر الغير
مانقدرش نصارح انسان بكل شي غير باه مانسببلوش الحزن

*طيبة قلبك.. اسكو كاين لي استغلها فيك ؟؟
اسكتي برك راهم مدايرين رايهم ههههه، ساعات نولي نتقابد مع نفسي نقول علاه انا ضعيفة هكا :d
المهم الانسان يمشي بنيتو والباقي على ربي سبحانو

*كي تتنارvا لؤلؤة واش ادير؟؟
انا قلييييييييل وين نقلق ، وكي نقلق من شخص تلقايني نجبد روحي وحدي لمدة من الزمن
حتى نرتاح نفسيا ومن بعد نرجع عادي
*كي تفرح واش ادير؟؟
ماعلاباليش هههه لأنو تجي على غفلة لكن اذا كانت فرحة غير متوقعة قادر نردها بكاء ههه
واذا فرحة عادية نكتفي بالابتسام وساعات نصوطي ههههه
حسب الفرحة هاديك
*تحدثي عن بنات الجامعة باختصار؟؟
والله فيهم وعليهم كاين لي حشمة وتربية واخلاق وهدفها الدراسة والنجاح
وكاين لي لبس فاضح يا لطيف وتجي بهدف العلاقات والتمسخير
ربي يهدينا ويسترنا برك
*احسن كتاب او رواية؟؟
كيما قلت لخولة ماعنديش كتاب محدد نقرا قليل وبشكل عشوائي
اما الروايات كاينة رواية حكاتهالي وحدة من العائلة كانت قريبة ليا وهي رواية ماجدولين
و سؤال المليون :d رأيك صراحة في فيولا ..و اذا حبيتي دعوة طيبة منك :-r
فيولا حبيبة القلب، مرحة ولي في قلبها على لسانها ، بنت ماشاء الله وربي يكتر من امثالها
ربي يوفقك حبيبتي وينورلك طريقك ويهنيك ويحفظلك كل شخص عزيز يارب
هايا استمتعي :d راني مادرتش الهريسة :p
اذا هادا مادرتيش فيه لهريسة مالا واش مدايرة فيه ههههه
مدايرة فيه لعسل بالاك :$
سلامي خيتو و ربي يحفضك ​

شكرا حبيبتي فيولا على مرورك الاكثر من رائع ربي يهنيك ختي لعزيزة ويوفقك
وانتظر عودتك
تحياتي

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

الســــلام عليكم
لؤلؤة قسنطينة الله يبـــارك عليها
طريقـة ردودها وذكــائها
محبوبة من الكل

نتمنالك إقــامة طيبة على الكرســـي ​

وعليكم السلام ورحمة الله وبركاته
اهلا بك اخي الكريم نورت الموضوع بمرورك العطر ^^
بارك الله فيك اخي ربي يحفظك من كل سوء
هذا طبعا من رقي اخلاقك
نتمنى انك تكون في المتابعة وان امكن تتحفنا باسئلتك القيمة
ربي يوفقك خويا ويهنيك
تحياتي العطرة :regards01:

 

[لؤلؤة قسنطينة]

رد: كـرسـي التعآرف { الضيـف الـثآلث والعشرون } لؤلؤة قسنطينة

خاوتي ربي يحفظكم جميعا على المرور العطر
وشكرا لكل من ترك بصمته في الموضوع
درك تأخر الوقت غدوة بحول الله نرجع نكمل نجاوب على البقية
تصبحو على خير وليلة سعيدة للجميع
تحياتي
​

 

[red rose]

رد: كـرسـي التعآرف { الضيـف الـثآلث والعشرون } لؤلؤة قسنطينة

ههههههههه نقرا برك
منحبشنعييك خخخخ~تفنيين لا نكتب هههه
تصبحين عواقع اجمل غالتي♥​

 

[ثَسْكُورْثْ نَثْدُوكْلِي]

رد: كـرسـي التعآرف { الضيـف الـثآلث والعشرون } لؤلؤة قسنطينة

سلام عليكم

هههه قرعجت شوية برك ماشاء الله عليك الزينة ربي يوفقك و ينجحك في حياتك ...

ربي يكون معاك مريومة ...

اقامة طيبة وممتعة لك اكيد راح تستمتعي مع اسئلة الاعضاء الكرماء ...

وشكراا للاخت شيماء ع الموضوع

بالتوفيق للجميع

تحياتي
​