السلام عليكم
وعليكم ورحمة الله وبركاته، أهلا بعودتك حبيبتي :$
معليش نهبلك شويه ^^ غي شويه برك
معليش هبليني بزااف هههه، معليش حبيبتي خودي راحتك ولي تقيلة عليك خفيفة عليا بإذن الله ^^
قولينا كتدخلي للكوزينا شاهي لحاجه لي تبغي تطبخيها ؟
بصراحة الحاجة لي كي ندخل الكوزينة نتمنى نديرها هي الحاجة لي يكون فيها ابداع ، لأني نكره الطياب الممل تاع برمة وحط توابل واقعد لهيه،
لأني حاجة طياب وبرمة ماعنديش مشكل، لكن متمنية وين نلحق لمرحلة نقدر ندير حلويات مزخرفة وفيها ابداع ، لأنين ميل بزاف للرسم والتشكيل،
لكن للاسف ماعنديش الظروفو الأدوات اللازمة، ساعات نخدم بالشي لي عندي حاجات خفاف فقط، وعلى هادي ساعات نغير من بنات اللمة 
دبرو راسكم درك ديرولي حل :yahoo01:
وقتاش تجيك افكار والمخططات ؟
في الليل، وفي المرحلة لي نحط راسي فيها على المخدة بهدف النوم، وكمعلومة عليا لازمني قبل مانرقد نحكي مع نفسي على الاقل نصف ساعة
هادي على الأقل، يعني قادرة تدوم المحادثة ساعة وساعتين وحتى 3 ساعات هههه، كن مانرغمش نفسي عل ىالنوم قادرة نبقى نجبد في الماضي والحاضر والمستقبل :d
ولأني أفضل الفصحى الجولة الثانية بالفصحى
نروحو للفصحى، بسم الله وعلى بركة الله
بين الموت والحياة ماذا يوجد برأيك؟
يوجد كلمة اشهد أن لا إله إلا الله وأن محمدا رسول الله
كامل علابالنا أنو نهاية الفترة المسماة بالحياة هي بداية فترة أخرى وتسمى بالموت
والمفتاح السري لي يخليك تدخل المرحلة الثانية بسلام بإذن الله هي الشهادة
على أي أساس تثقين بالناس ؟
في الحقيقة كنت واضعة في بالي بلي كن انسان يعرف بينو وبين ربي ويصلي تقدر تحط فيه الثقة
لكن في النهاية عرفت انو كاين لي يستخدمو الصلاة كمظهر خارجي فقط
على هادي غيرت طريقة تفكيري، ووليت نمشي بقاعدة حسن الظن بالجميع، يعني نحط الثقة في جميع الناس
لكن حسب المواقف، يعني كاين حالات تكون درجة الثقة أكبر وهنا لازم تفرز الناس لي تستاهل هاد الثقة
هل لك القدرة ع الانتفاضة تعبيرا عن رفضك المطلق؟
لا، مستحيل نعبر على رفضي ونبينلك بلي راني رافضة، حتى ولو تضربيني كيما سبق وقلت ومانقدرش نقولك راكي وجعتيني
خاطر ربما الضربة هاديك تعبري بيها على المحبة تاعك وانا نفسدلك نيتك ونجرحلك مشاعرك، يعني تقريبا مانعبرش على رفضي خلااص للناس
اي حاجة نتقبلها، إلا اذا كانت خارجة الحدود، تما مجبرة نرفض لأنو هادي اضرارها كبار
ما مقدار جرأتك؟
لما يكون الأمر يخصني، مستعدة نتحدى بعض الامور وإلا مانلحقش لواش حابة، لكن ماش جرأة لتولي خارجة على الحدود، يعني في حدود المعقول
اما جرأتي مع الناس قلتلك مانتجرأش نجرح انسان حتى ولو هادي حقيقة في الشخص هاداك
من الجرأة ما هو وقاحة الى أي مدى ينطبق هذا القول؟
الجرأة تتحول لوقاحة لما تتعدى الحدود، لأنو لكل حاجة حدود مالازمش تعديها
ما هي ميولاتك الأدبية ؟
ماعنديش ميولات ادبية كبيرة، يعني نكتفي بخربشات على الورق وقراءة بعض الكتب بشكل متذبذب
يعني ماقمتش بتنمية قدراتي في هاد المجال ،ن تمنى تكون اجابتي في محلها
هل حاولت خوض تجربة شعرية؟
مثلا؟؟ مافهمتش السؤال مليح، اذا بيني وبين نفسي قلتلك نحب نوضع بعض الخربشات، يعني كتاباتي ماتعداتش بيني وبين ورقة
هل حدث وأن قرأتِ موضوعا هنا باللمة وقلتي ماهذه السخافة؟
نعم، لكن مانقولش سخافة، لأنو في اللمة كاين اقسام وكل قسم ونوع المواضيع لي لازم تكون فيه
درك مستحيل نروح نقرا نكتة في قسم الطرائف ونقول سخافة، يعين فهمتيني؟
لكن بدل مانقول سخافة نقول هاد العضو عندو امكانيات كبيرة مالا علاه حارم نفسو؟؟ مثلا تدخلي لقسم فرغ واش كاين في قلبك وتلقاي موضوع فيه 3 كلمات تستغربي
يعني راهو القسم نفسو يتطلب تفرغ قلبك مالا علاه تكتفي ب3 كلمات؟؟ ، ربما قسم الحوار والنقاش ماراكش مجبور تكتب بزااف خاطر راك مقيد باللغة العربية الفصحى وزيد مواضيع نقاشية
يعني يكفي تكتب شويو تحط اسئلة في محلها وخلاص ، بصح قسم وشا راك تهدر وقسم فرغ وشا كاين في قلبك راهو المجال مفتوح ليك يعني عبر وبين قدراتك
ماش معناها نقيم على اساس حجم الموضوع لكن كاين مواضيع بالرغم من انها منقولة وتكو نقريتها مرات عديدة وهكاك من طريقة تقديم العضوو التنسيق تاعو تحب تعاود تقراه مجددا
يعني لازم العضو يبنين قدراتو، بدل ما يكتيف بكلمات عديدة ماتوصلش الفكرة
ما رأيك بمن يتكلم عن نفسه كثيرا؟
نكره هاد النوع، لأنو نفضل الفعل يغلب القول، لأنو الانسان لي صح مداير حوايج ملاح في حياتو مايهدرش بزااف على نفسو
والله اعلم
لو قلت لك الحياة كذبة ما قولك؟
فعلاً الحياة كذبة، ولي يصدق حلاوة هذه الكذبة ويغرق فيها نهار يفطن ويلحق للواقع وللحقيقة تما تكون طفرت.
لو قلت لك الحياة لعبة ما قولك؟
أجل، الحياة لعبة، لكن كل لعبة عندها قوانين تسيرها لازم تلتزم بيها باه تربح في نهاية اللعبة ، وحنا القوانين لي دارهالنا ربي هي القرآن وسنة الرسول عليه الصلاة والسلام
إذا اتبعت هاد القوانين رايح تربح فين هاية اللعبة
لو قلت لك الحياة امتحان ما قولك؟
أجل، الحياة امتحان، وقد مارانا عايشين الكراس راهو أمامنا والدروس نتعلمو فيها، لكن لما يلحق وين يتقفل الكراس تما ماينفعك والو، لأنك إذا ماراجعتش دروسك نتا الوحيد لي رايح ترسب
ورسوب للابد.
لو قلت لك الحب كذبتنا كي نحيا بسلام ما قولك؟
لا بالعكس، نحن لا ندعي الحب ولكن نبحث عن الحب لأنه شيء جميل، خاطر الحب ماش قناع ترتديه، هو مشاعر صافية مايلحقلهاش اي شخص
لأنو الحب ما تحتاجش تلعب الدرو تاعو يجيك تلقائيا
يعني كاين بزااف كلام يتقال في هاد المجال
هل ترين أنه لك القدرة ع خلق التغيير؟
يعني قصدك إذا راني قادرة على التغيير؟؟ مانظنش نتغير بشكل كبير، يعني نتغير بشكل صغير
يعني حسب نوع التغيير
وهذا يعتمد على معاشرة الناس، كل ماتعاشر انسان تتعلمم نو حوايج وتغير حوايج فيك
بما أنك مسامحة زيادة سأنتقدك^^
معليش حبيبتي خودي راحتك :$
لاني قرأت قولا لك ،،،،تضربيني ونقولك اسمحيلي
هل تقبلين لشخصك أن يمس ولما ترضين؟
كيفاه ؟ مافهمتش السؤال مليح، اذا قصدك شخص يسبني ولا يجرحلي مشاعري بكلام خارج الطريق، نقولك مانردش
باه انسان يبدا يسبني وانا نرجع السبة وهو يسب وانا نسب ، تما يسما راني نزلت لمستواه ، وقادرة نلحق حتى وين نجيب السب لوالديا
وانا سبق وقلت الا عايلتي مانحبش يتقاسو سواءا عايلتي الحالية او عايلتي مستقبلا، واصلا انا بعد مانوصلش روحي وين شخص يقيسني ولا يسبني
نتعامل مع الناس بطريقة ماتخليهمش بإذن الله يقيسوني واذا لحقو وين جرحوني نخليها لربي
الجرح يبرا مع الوقت، وماتبقى غير المعاملة الحسنة هي لي تشهد عليك
في قرارة نفسك تنزعجين من صمتك أم لا يهمك الأمر ؟
ساعات تغيضني روحي مانكدبش، نحس بالضعف لأني مانقدرش نرد الهدرة ولا نجيب حقي كيما نقولوها
لكن في النهاية اعتدت، ووليت كلشي نحسبو لربي سبحانو، لانو حاجة ماتدوم
لو قلت ما بك سأسميه جياحة فكيف تردين ؟
نقولك نحترم رايك ^^، ربما فيا عيوب وانا ماش متولهتلها ولما انسان يعطيني نقاط الضعف فيا اكيد نحترم هاداك الرأي ونحاول نغير من نفسي شوي طبعا اذا كان التغيير ايجابي
وفي الأخير ما هي الا اسئلة بسيطة لي عودة
بالتوفيق أختي
