السلام عليكم
موضوع فالصميم
في الايام الاخيرة انتشرت بزاف هاذ الظاهرة
تلقاي الوالدين يزوجوا بناتهم في سن 17 18 او اقل حتى يعني ما تجي تلحق للـ 20 ربما تكون ام لطفلين
المشكل وعلاش هاد الشي ؟؟؟؟؟؟
انا ضد فكرة الزواج المبكر مع احترامي لكل الآراء
برأيي اذا حبينا يكون عندنا مجتمع مثقف ومتخلق وناجح فالمستقبل لازم نقريوا بناتنا وهادي أول خطوة لانو فتاة اليوم هي اول معلم لطفل الغد اللي كل الآمال معلقة بيه
انا اؤيد وأدعم فكرة دراسة الفتاة ووصولها لاعلى درجات العلم والثقافة
والزواج هو نصف الدين طبعا ولكن لكل شيئ وقت
لابد ان يكون للفتاة احلام واهداف في هته الحياة ولا ينبغي ان ينغلق مستقبلها في فكرة ان المستقبل يتمثل في زوج وعائلة فقط
بل العكس لازم في نفس الوقت تحاول تعطي للمجتمع شيئ جديد وتساهم في بناءه
كخلاصة اقول الدراسة ثم الدراسة ثم الدراسة
اما الزواج يكون بعد ما يكون عندنا فتاة واعية ومتسلحة بشكل جيد من ناحية العقل الواعي والاخلاق باش تكون زوجة وتتحمل مسؤولية الحفاظ على عائلتها
