رد: كرسي التعارف الضيفة ~Lovely ღ smile~
في انتظار عودتك ان شا الله . . تنور في كل وقت
يعطيك الصحة خويا أسامة على الأسئلة . . عشيتني بصح خرجتها مني هههههههه !السلام عليكم
و عليكم السلآم ورحمة الله تعالى وبركاته
أهلين أسامة مرحبا بيك من جديد خويا
حبيت نجيبلك حاجة تشربيها.... مي ماعليش راهو وقت العشا و علابالي راكي جيعانة و نتوما تاني
تفضلوا و ما تحشموش ** البوراك خلوه لنور الهدى ههه **
ههههههههه يعطيك الصحة . . ربي يجازيك
بركاو ما تشوفو في البوراك -_- خدموهلي ليا سـpـيسيال
-----------------
---------------------------
شبعتو ؟؟
الحمد الله :d
ايا جاوبي على الاسئلة وراهم مشي بزاف :d
------------------------------
هل هزمك حزنك في يوما من الايام؟
مع أنني أقاوم أحزاني بضراوة إلا أنه هزمني في كثير من الأحيان !
اي الدول تتمنين ان تزوريها ؟
السعودية باه نروح لمكة هاديك راهي باينة حلم كل مسلم . بصح ما غيرها في قلبي نروح لدبي . تركيا . لبنان .
ماليزيا
هل انت راضية عن نفسك ؟
ليس بالقدر الكافي ! ربي يهديني ان شا الله
هل تؤيدين الزواج العاطفي ام الزواج التقليدي ؟ ولماذا ؟
لكل إيجابياته و سلبياته . . ! الزواج العاطفي ما يجو يتزوجو حتى يكونو عرفو على بعضاهم كل شي يعني بعد الزواج تولي كاينة سماطة إضافة إلى أنه كل طرف يكون متخيل الطرف الآخر بصفة و مبعد الزواج يلقاه بصفة أخرى
الزواج التقليدي صاعب . . يعني تخيل مراة تتزوج بواحد ما تعرفهش و مبعد تصيبه مريض نفسيا ولا زير نساء ولا تع دعاوي الشر ! مشكلة كبيرة بالأخص لا كان هادوك الصفات مش ظاهرين عليه يعني مام يسقسو والدين الطفلة عليه ما يلقاو والو و مبعد هي تتفآجأ بحوايج عمرها ولا توقعتهم
كتبت جرنان ! الله غالب انت قلت لماذا
.ايهما اهم شهادتك الجامعيه أم الزواج ممن تحب ؟
شوف نقولك لي يبغيني يصبر عليا مشي كي بقالي عام يقولي هو ريحي في الدار راني باغي نتزوج بيك ! ماجاياش
هل انت مدمنة تفكير؟
شوية شوية . بالأخص في المرات لي تكون صح خادمتلي
ما هو السؤال الذي لا تستطيعين الاجابة عليه ؟
اممم ما نعرف !
أجمل سنوات مرت عليك؟
سنوات الطفولة هاذوك راهم باينين وما غيرهم سنوات الليسي . . و سنة ثانية تاعي في الجامعة
البرامج المفضلة؟
ما نتبعش التلفاز . . ما عدا كي ما نصيب ما ندير نريح مع ماما نتفرج كاش مسلسل
ماهو لونك المفضل ؟
أزرق . أحمر . أسود
لو خيروك تكون مشرف أي قسم تختار ؟
تعرض عليا الإشراف شحال من مرة و ما بغيتش . . ما نخير حتى قسم
هل تعرفين الشات ؟
نعرفه واه
ما هو افضل شات عربي برأيك ؟
ربي يعلم . . . ما عنديش علاقة مع الشات
اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
ندير للأعضاء نهار نلاقيهم كامل ببعضاهم هيهيهيهيهي !
هل تغارين كثيرا ؟ ما رايك بالغيرة ؟
واش من غيرة ؟ اذا راك على نغير من الغاشي لا هاذي ما فياش !
و إذا راك على نغير على الناس لي نبغيهم . . أكبر غيورة عرفتهاا البشرية هي أنا -_- !
رأيي بيها . . هاذاك الي يغير من الغاشي يمرض غي روحه يخلي النعمة لي عاطيهاله ربي و يشوف ليد الناس
و الي يغير على الناس لي يبغيهم "بدون مبالغة بصح" الله غالب مش بيديه هاذيك طبيعة دارها ربي في الناس!
عضو توقيعه روعه..( )
توقيعي :p. . الأخ Amine 7N
عضو نشيط... ( )
جماعة قسم الألعاب و التسلية :d
عضو مفقود... ( )
ياسين
عضو تفرحين بوجوده .. ( )
كامل لي نعرفهم
عضو تحسينه واثق من نفسه ... ( )
حكيم
عضو مثقف... ( )
الأخ seifellah
عضو تخافين يوم أتشوف اسمه موجود:d..( )
لا يوجد
عضو تريدين تغيير اسمه ... ( )
لآ يوجد
عضو تريدين ان تعرفي معنى اسمه ... ( )
الأخ zagane
عضــو تحسين أن فيه خــمول (كسل ) ... ( )
لا يوجد
عضــو يجذبـك بأسلوبه وطريقـة ردوده ... ( )
كاين بزاف
عضـو أحيانا ينرفزك بـ ردوده ...( )
هههه ..امم لا داعي لذكر الأسمآء
عضو تقوليلو صح لسانك .. ( )
كاين بزاف
عضو تحس انه طموح ... ( )
ثااني هاذي كاينييين بزاف
عضو تقوليلو (( الله يسامحك )) ..
لا داعي لذكر الأسمآء
قم بتوجيه نصائح الى خمس اعضاء قم باختيارهم انت ؟؟
طيب ..
نبدآ بلؤلؤتي . نقوللها ابقاي دايماا قلبك صافي . . خلي هاذيك البراءة ديما في روحك و ماا تخلي حتى حاجة تعكرلك صفو حياتك
الزهرة الحمرآء . . نقوللها اقراي و زيري روحك عام و يفوت ان شاء الله . . ربي يوفقك انت و أميرة و عبير وكامل ناس الباك ♥ ان شا الله نفرحو بيكم
أخي حكيم . . نقوله أعلم أن السبيل للنسيآن طويل و مملوء بالمطبّآت لكنّهُ لَيسَ مُستَحٍيلا أبدا . . ! يجب أن تَنسَى لٍتَعٍيش . . لا تسمح للماضي بتعكير صفو مستقبلك
لوحدة راهي في راسي . . . كنت دايما نقوللك في كل تأاخيرة خيرة و ربي ما راه مانع عليك الباك إلا لحكمة يعرفها هو كنت ديما تكذبيني وصلتي وين نايفتيني و نسيتي عشرة السنين على جال حاجة مااهيش بيدي ! المهم الحمد الله ربي عوضك بما خير من الباك ربي يكملك بالخير . . ماذابيك تنحي الحقد من قلبك si non ما توصليش بعيد !
الخاامس راه في عداد المفقودين . . !
غرق المنتدى ومعك قارب لا يحمل الا خمسة اعضاء من تاخذين معك ؟
نطلع ماما في القارب هي و طاطا أم منير و كاش 3 من أمهاتناا لي راهم معانا في المنتدى و الباقي ندبرو ريسانا نعومو على رواحنا و صايي :d
في انتظار عودتك ان شا الله . . تنور في كل وقت
