موضوع هام و عندنا منحكو فيه
ما رأيكم في التأشيرات المقدمة من طرفنا لأبناء وطننا ؟
اكيد حاجة سيئة يديرو حواجز بين ولاية و تانية و يستصغرو بعض المناطق و الغير يطلعولهم شانهم الفووووق و رغم يكونو كيف كيف تقريبااا...كاين ولاية سياحية ولا صناعية ولا زراعية بصح هذا ماشي دافع اننا نطلعو الشان لولاية و ولاية نرجعوها في الارض
من زرع هاته النظرة وهاته العقليات لدى سكان الولايات الكبرى ؟
هذي حاجة من بكري كاينة تقولك جاية من هذي البلاصة و هي عادي ....مثلا شفت كي يجو من الشرق ينخلعو في الغرب و هما كيف كيف و حنا الغرب نحبو نروحو للشرق و الجنوب يطلعو للشمال هذي هي نبقو دايما هكدا مي لما تنتقل من ولاية لولاية ميقبلوكش على اساس ارضهم و نتي دار تخلصيها من جيبك مي ناس دارو هذا القانون
حتى ولاو عندنا في وهران بين الاحياء الشعبية ميتلاقاوش ...كاين احياء لي فيها ناس كل واحد عايش وحده عادي مي بلايص وحدخرين يا ويلك تدخلي بيناتهم والله يعجبو فيك ...و مرة وين نقرا يمات نسمعو بلي صرات حرب عصابات و يكون يقرو معانا من ديك بلاصة و يحكولنا بلي فلان من حي تاني جا لحيهم بلاك غير باش يشري الخبز و هنا ميقبلوهش و يضربوه مرات و هذي شفتها
البحث عن لقمة العيش أو دراسة هو وافد ولاجيء في بلده ينظر له نظرة استصغار ؟
صح كاينة ..مي كي تكوني في بلادك علاش تحوسي على نضرة صغار العقول معندهم اي فايدة
التأشيرة بين الولايات من الذي منحها ؟
نحن اكيد ..كون تشوفي كل وحدة تحب تطلع شان ولايتها و بلاصة لي تسكن فيها معناها حنا لي درنا هذي التأشيرة
هل رأيتم حولكم هكذا قصص وتاشيرات تمنح ؟
مرة في القسم جات وحدة من بلعباس و بلعباس و وهران قراب مي هذيك البنت هبلوها و كل دقيقة يقولولها بلي ميستعرفوش بيها حتى تحسبي هما حاكمين الولاية ....مي انا يبانولي اطفال
و حنا وين رحلنا بلاصة وحدخرا درك كي نخرجو يشوفونا بنظرة بلي حنا ماشي كن اهل المنطقة منيش عارفة وقتاش يمدولنا الجنسية هههههههه
