السلام عليكم جميعا رمضانكم مبروك والله يقبل منكم ومنا
أحبابي واحباب اللّمة اليوم نبداو ان شاء الله رحلة
سهرات قهوة وتاي ....... احباب واش راك تهدر
احبابنا كمل ليلة راح تكون عندنا سهرية
نتلمو واحنا اصلا افراد اللّمة
على قهوة وتاي وضيافات تليق بمقام ضيفنا
الضيف هذا اكيد راح يكون تلقى دعوة مني من قبل
راح تمر السهرات على مراحل
وسبق وخبرتكم بها لكن معليش نرجع نقولكم في مقتطفات
ايها الضيف المراحل هي :
تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم
واحد من عشرة .... راهي ارقام وانت يا ضيفنا تختار رقم وراح نمدولك بوقالتك
انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك
كلمة ختامية ........ منك كلمة ختامية
واخيرا هدية الضيف هذي نمدلك فيها كادو انا يبقالك ذكرى
نتلاقو الليلة ان شاء الله مع اول ضيف
يا ترى من يكون
