السلام عليكم جماعة الخير
هاهي سهرة اخرتنا من سهراتنا بعد سهرة الاخت سكون الرائعة اليوم ملتقانا مع ضيف آخر
كالعادة ضيوفني نظن راكم عرفتو الموضوع واش فيه ولانو انا نحاول نتعرفو على اكثر الاعضاء راني مرة نجيب عضو قديم ومعروف ومرة نجيب عضو جديد حتى نتقاربو منهم ونمدو فرصة يكونو معانا وحنا معاهم
للي ما يعرفش الموضوع نقول هذي سهرة ليلية ولمة احباب وتفوت على مراحل هذي هي
تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم
واحد من عشرة .... راهي ارقام وانت يا ضيفنا تختار رقم وراح نمدولك بوقالتك
انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك
كلمة ختامية ........ منك كلمة ختامية
واخيرا هدية الضيف هذي نمدلك فيها كادو انا يبقالك ذكرى
اليوم زعمى شكون هو ضيفي راحين نعرفو
