كلش تبدل يا حسراااه

[GI Joe]

رد: كلش تبدل يا حسراااه

lol makanch menha mzelt sa3a hadik ta3 l entv??
ana waalou nkhamem f lenfance w l adolescence netfaker ghir negatif
ghayertouni b les bon souvenir ta3kom :-r
​

 

[جليلوس]

رد: كلش تبدل يا حسراااه

lol makanch menha mzelt sa3a hadik ta3 l entv??
ana waalou nkhamem f lenfance w l adolescence netfaker ghir negatif
ghayertouni b les bon souvenir ta3kom :-r
​

ههههههه مازالت وينتا تتبدل اليتيمة وينتاا :d:d
غير هيا لي ماتتبدلش .... :p
ماعليش خيتي .... ربي يقدرك برك
هههههه شفتي مهابل تاع الصح والله :d

 

[حفيدة الخنساء]

رد: كلش تبدل يا حسراااه

موضوع راآآئع
تحكيلنا فيه على حياتنا
فيه بعض المواقف اللي عشتها وفيه بعضها لي ماكنتش زآيده
رووعه موضوعك يستحق ختم التميز
​

 

[جليلوس]

رد: كلش تبدل يا حسراااه

موضوع راآآئع
تحكيلنا فيه على حياتنا
فيه بعض المواقف اللي عشتها وفيه بعضها لي ماكنتش زآيده
رووعه موضوعك يستحق ختم التميز
​

واااه ليام الزينة يااااه ... ماعليش المهم تخضرمتي خخخخ
ربي يحفظك ... مرورك الأروع اختي حفيدة الخنساااء
شكرا لتواجدك

 

[AmiR@RoRo]

رد: كلش تبدل يا حسراااه

ههههه الله يعطيك الخير مستر جليلوس
عيشتنا معاك لحظات ولا اروع
واختك منا مخضرمة عشت هاك وهاك ههه كاين لي محضرتهمش
+ ما لعبتش برا و خونتش الفاكية من الجناين حقروني نهار نهار مبلعة فالدار هههه
ايه وماحكيتش على حفلات اخر الفصل خخخ
تشري شكارة قاطو وحلوة وانت طاير بالفرحة ههه وسعدو لي تخدملو يماه القاطو فالدار يدخل يتزدق على الغاشي
نشفى ماما دارتلي وحد القاطو وديتو وكلاو منو اساتذة وعجبهم وقالولي شكون خدمه وقتلهم ماما ويسقسو فيا قدام التلاميد حسيت روحي شي حاجة كبيرة وانا ميتة بالفرحة ههه
ما هداك لي يجيت الطارطة كي شغل وزير الغاشي الكل يفرح بيه هههه
(حتى درك وراهم ما يخلوهمش يحفلو -_- يخافو على نظافة الاقسام )
يامات شابين تع صح وما يتعاودوش
هادي وحدها " ثلاث أشياء لا تتغير : الساعة لي يديروها فاليتيمة و الغلاف تع بيمو و موسيو لو بريزيدون " هههههههههه
يعطيك الصحة مستر جليلوس

 

[مشتاقة الى الله]

رد: كلش تبدل يا حسراااه

والله عندك الحق

 

[kawthaar]

رد: كلش تبدل يا حسراااه

اييييييييييه يا خويا رجعتنا لوحد اليامات حلوين، و عرفت حجة بلي حنا الجيل تع التسعينات حياتنا كانت standard :p
كل واحد حياتو نسخة عن حياة وحدوخر غير في بلاصة خلاف

انا ثان سرقت الفاكية من جنان تع جدي بتحريض من وليد خالتي و قالي نروحو نبيعوهم نربحو الدراهم وانا رحت ندير عليه حبيت نولي فام دافار حتى طل فينا جدي و لا سويت ما نحكيلكمش :'( ههه

وكاينة حاجة ما قلتهاش، حنا لبنات كي كنا نلعبو لاماغال اللي كنا نسموها لا ماغين ههه بالباطة تع الشمة ذيك اللي تجي تع إينوكس ولا منعرف وش ونعمروها بالرملة، يا سعدها اللي تلقاها ما تخسرش قاع ههه

كش مانتفكر نعاود نولي باسكو موضوع هايل
صحا فطوركم

 

[ليليا مرام]

رد: كلش تبدل يا حسراااه

السلام عليكم جليل
واااااااااع نحس فروحي من وقت الفراعنة نقرا ونتبسم ونبكي شوي تفكرت الطفولة وياع وشا يسكتني وانا راني على سبة
انا نحكيلكم ايييع يا جليل فكرتني فيماات نعنوع الدلوع كان يلعب على 7 نتاع الصبباح ونتفكر كانت حرب الخليج اييه الاخبار فالتليفزيو يمشي بالكف نوض نعطيه كف يرجعو ليكولور مرات يولي نوار ايبلو ومرات يرجع بالكف والفرشيطة ويا محاينك واش دارت نهار درنا برابول اول مرة دخل بالزغاريت للدار ههههههههههه
اييه وساندي بل وما دارت فيا راني رميت روحي من فوق الدار مع اوليفر
اييه والرولمة كنت نكريها على ولاد الجيران ونهبط فيها ياو نهار دارونا القودرون اول مرة الرولمة ولات رانج يا محاينك واختك المشهورة بالدقديق فالبيبان وقت القايلة وتنطلق لبنى السريعة واييه شعال كنت نحب لبنى السريعة
والدبزة نديرو بويتة وهي دار زعمى نتاع ابنات ونلعبو عريس وعروسة الشباب فيهم دايما انا نلعب معاه والمزعوق نطبعو للبنات ههههههههههههههه وااااااااااااااااع
وكانت الصندالة النيلو الشهيرة ياو اللي تلبسيها ذاق الوقت تعادل بيونسي الوقت هذا والتربولات اييه انا لعبت بالعاب الذكور اكثر من نتاع لبنات تربولات ندير فيها واحد الحشيش يجي مكور وخشينت فيه الشوك وتيري على شعر البنات ويلصق يا جدك وما يطيرش كرطابي معمر بيه نهبط للغابة ونلقطو ونعمر كرطابي
كنت متوحشة نتاع الصح هههههههههههههه مي نقرا فليكول يا حسراه المعلمة دور للصبورة وهات يا تربولات وين جاتها جاتها هههههههههههه واااااااع ودور وانا حاكمة السسيرو ونواظر كبار عالمة نتاع الذرة تقول الطفلة هذي عاقلة تقتل
او جيبي يا ليليا البنان وكوليه واول ما توصل لعندي نرميه تحت الطابلة وتفوت المعلمة وتاتيني الزحليقة من حيث لا ندري ونشوفو اللي ما لازمشس نشوفوه المعلمة اللي تلبس القصير مي توبتهم رجعو يلبسو السراول شفت راني ديت اجر هههههههههههههه
والله فكرتني يعطيك الصحة

 

[جليلوس]

رد: كلش تبدل يا حسراااه

ههههه الله يعطيك الخير مستر جليلوس
عيشتنا معاك لحظات ولا اروع

هههههههه امين ياااربي يعيشك اميرة ربي يحفظك
واااه خيتي واااه لازم منين داااك نتفكرووهااا
سمحيلي راني نرد عليييك بمام كولار المنتدى راه فيه بروبلام مانعرف واش بيييه

​

واختك منا مخضرمة عشت هاك وهاك ههه كاين لي محضرتهمش
+ ما لعبتش برا و خونتش الفاكية من الجناين حقروني نهار نهار مبلعة فالدار هههه

قولي نص مخضرمة ....يااااو
ياربي مسكينة حقروهااا وهي صغيرة :yahoo01: قييييييو خخخخخ

​

ايه وماحكيتش على حفلات اخر الفصل خخخ
تشري شكارة قاطو وحلوة وانت طاير بالفرحة ههه وسعدو لي تخدملو يماه القاطو فالدار يدخل يتزدق على الغاشي
نشفى ماما دارتلي وحد القاطو وديتو وكلاو منو اساتذة وعجبهم وقالولي شكون خدمه وقتلهم ماما ويسقسو فيا قدام التلاميد حسيت روحي شي حاجة كبيرة وانا ميتة بالفرحة ههه
ما هداك لي يجيت الطارطة كي شغل وزير الغاشي الكل يفرح بيه هههه
(حتى درك وراهم ما يخلوهمش يحفلو -_- يخافو على نظافة الاقسام )

هههههههه حفلة آخر الفصل هي الاحلى بصح كاينة حاجا كنا ندووو القازوز والقاطووو وماناكلوووش :tongue02::smile02:
المعلمة تاكل معا صحاباتها واحنااا نشووفواا كي يكمل ويشبعو يقولونااا كولوا ... اميرة حgرونا حgرونااااااا
​

يامات شابين تع صح وما يتعاودوش

اي وي هادي هيااا والله
البكية تحكمك ياااريت قعدنااا صغااار
​

هادي وحدها " ثلاث أشياء لا تتغير : الساعة لي يديروها فاليتيمة و الغلاف تع بيمو و موسيو لو بريزيدون " هههههههههه
يعطيك الصحة مستر جليلوس

هههههه يسلمك شكرا لمرورك اميرة الله يحفظك
:up::up:

 

[جليلوس]

رد: كلش تبدل يا حسراااه

والله عندك الحق

اي وي هادي هيااا واش نديروو
شكرا لتواجدك :up:

 

[جليلوس]

رد: كلش تبدل يا حسراااه

ههههههه مانيش عارف يلا تفهموني ولا لالا
راني نرد كيفكم في ردودكم اسمحولي خخخ يااااك
المنتدى راه فيه مشكل ولا غير عندي مانيش عارف
​

اييييييييييه يا خويا رجعتنا لوحد اليامات حلوين، و عرفت حجة بلي حنا الجيل تع التسعينات حياتنا كانت standard :p
كل واحد حياتو نسخة عن حياة وحدوخر غير في بلاصة خلاف

اي وي كامل عشنا كيف كيف
الجيل الذهبي المتشرد لا يختلف :d:d
شفتي شفتي كيفاه فاتو ليامات يجروو سبحان الله
​

انا ثان سرقت الفاكية من جنان تع جدي بتحريض من وليد خالتي و قالي نروحو نبيعوهم نربحو الدراهم وانا رحت ندير عليه حبيت نولي فام دافار حتى طل فينا جدي و لا سويت ما نحكيلكمش :'( ههه

ههههههه باينة ديتو فيه طريحة ملكباااار
خخخخخخخ ها لي يتقيفز :p:p جبتوها في رواحكم
هههههههههههههه يا حسراااه على لياااام
​

وكاينة حاجة ما قلتهاش، حنا لبنات كي كنا نلعبو لاماغال اللي كنا نسموها لا ماغين ههه بالباطة تع الشمة ذيك اللي تجي تع إينوكس ولا منعرف وش ونعمروها بالرملة، يا سعدها اللي تلقاها ما تخسرش قاع ههه

وااااه زعما الزهر ياحي :yahoo01:
مانعرف كيفاااه نسيتهاااا
​

كش مانتفكر نعاود نولي باسكو موضوع هايل
صحا فطوركم

مرحبااا بيك في اي وقت اختي راهو ليكم الموضوع :up:
شكرا لتواجدك يعطيك الصحة
صحا فطوركم ... تقبل الله منا ومنكم

 

[جليلوس]

رد: كلش تبدل يا حسراااه

السلام عليكم جليل
واااااااااع نحس فروحي من وقت الفراعنة نقرا ونتبسم ونبكي شوي تفكرت الطفولة وياع وشا يسكتني وانا راني على سبة

وعليكم السلام ورحمة الله ... اهلا ليليااا نورتي
هههههههههه رانا محنطيييين كي نتفكروووو نبغو نبكووو :d
والله العظيييم يامااات شابين يا محاينك مايتعاودوووش
​

انا نحكيلكم ايييع يا جليل فكرتني فيماات نعنوع الدلوع كان يلعب على 7 نتاع الصبباح ونتفكر كانت حرب الخليج اييه الاخبار فالتليفزيو يمشي بالكف نوض نعطيه كف يرجعو ليكولور مرات يولي نوار ايبلو ومرات يرجع بالكف والفرشيطة ويا محاينك واش دارت نهار درنا برابول اول مرة دخل بالزغاريت للدار ههههههههههه
اييه وساندي بل وما دارت فيا راني رميت روحي من فوق الدار مع اوليفر

نعنوعك كون جا عايش لدروك كووون هو انتحر على جالك خخخخخ
مسكين داااك التيلي كااان يدير الرش ويااااا وليماااج مرة تجي مراا تروووح هههههه
هلكونااا بنوااار والبلون :-r عينيك ينقلبووو
كووووون تشوفي بشاااار واش دااار فيناااا ... بشار يا بشار هايا الى العمل
زينة ونحووووول خخخخخخ تاني ماتنسايهاااش

​

اييه والرولمة كنت نكريها على ولاد الجيران ونهبط فيها ياو نهار دارونا القودرون اول مرة الرولمة ولات رانج يا محاينك واختك المشهورة بالدقديق فالبيبان وقت القايلة وتنطلق لبنى السريعة واييه شعال كنت نحب لبنى السريعة

يااا حنا نقولوا لورمة يااا حتى تلفتيلي لهدرة راني مصباااح ننطق فيهاااا تلفتيهااالي :p
:dههههههههههههههههه ... آآآه تلعبي بيها يااااه تلعبي بلعاااب شاشرة :yahoo01:
ههههههههههههه :bravo01: ليليا السريعة خخخخ
​

والدبزة نديرو بويتة وهي دار زعمى نتاع ابنات ونلعبو عريس وعروسة الشباب فيهم دايما انا نلعب معاه والمزعوق نطبعو للبنات ههههههههههههههه وااااااااااااااااع

مسكيييين العريس كانووو ديمااا يضربوووه المخلوووق
يديرو كورتاااج وgاااع مانحكيلكش ودنيا هانية :yahoo01:
ياخي هباااال صغر وحدوووو

​

وكانت الصندالة النيلو الشهيرة ياو اللي تلبسيها ذاق الوقت تعادل بيونسي الوقت هذا والتربولات اييه انا لعبت بالعاب الذكور اكثر من نتاع لبنات تربولات ندير فيها واحد الحشيش يجي مكور وخشينت فيه الشوك وتيري على شعر البنات ويلصق يا جدك وما يطيرش كرطابي معمر بيه نهبط للغابة ونلقطو ونعمر كرطابي
كنت متوحشة نتاع الصح هههههههههههههه مي نقرا فليكول يا حسراه المعلمة دور للصبورة وهات يا تربولات وين جاتها جاتها هههههههههههه واااااااع ودور وانا حاكمة السسيرو ونواظر كبار عالمة نتاع الذرة تقول الطفلة هذي عاقلة تقتل

ياخاااه مهبووولة كنتي دايرة رايك بالشوووك تريبولات ياااااه
مليحة هادي :sport02::sport02:...
مgواها ديييك المعلمة .... كنتو مخرجييين فيها ترgوو هععععع

​

او جيبي يا ليليا البنان وكوليه واول ما توصل لعندي نرميه تحت الطابلة وتفوت المعلمة وتاتيني الزحليقة من حيث لا ندري ونشوفو اللي ما لازمشس نشوفوه المعلمة اللي تلبس القصير مي توبتهم رجعو يلبسو السراول شفت راني ديت اجر هههههههههههههه

هههههههههههههههه دعوشة غير مافاقولكش :-r
بن عمي علييييك ... ماشي ديتي اجرر اودي درتي فيهم بالمزية وبالبوزاااااف هاهاهاهاهاها
ياوددي شحااال ضحكت اليوم يعطيك الربح ... قتلتيني :thumb_up02:
:thumb_up02: يعطيك النووو مالgري لمورااال كان طايح بصح طلع لحمد لله ههههههه
​

والله فكرتني يعطيك الصحة

الله يسلمك خيتي شكرا لتواجدك ولمشاركتك مغامراااتك الشغيغة :love01:
ههههههههههههه الله يحفظك :up:

 

[اية الرحمان78]

رد: كلش تبدل يا حسراااه

يعطيك الصحة الموضوع عجبني بزاف وفكرني بايام زمان نتاع الصح كي كانت النية وكانت الضحكة من القلب .......صحيت

 

[جليلوس]

رد: كلش تبدل يا حسراااه

يعطيك الصحة الموضوع عجبني بزاف وفكرني بايام زمان نتاع الصح كي كانت النية وكانت الضحكة من القلب .......صحيت

الله يسلمك
شكرا لمرورك بورك فيك
:up:

 

[عاشقة الإحسان]

رد: كلش تبدل يا حسراااه

ههههههه
قلبي و كرشي وجعوني من الضحك
صح أنا كنت عاقلة و ما درتش كامل هاذوك الطوايش ، مي اللي تفكرت بلي درتهم باش نحكيهالكم نلقاكم كتبتوها بعد ما خليتولي والو
ربي يخليك جليلوس فكرتنا في يمات زمان و ضحكتنا :thumb_up02::thumb_up02::thumb_up02::thumb_up02::thumb_up02::thumb_up02::thumb_up02:

 

[عاشقة الإحسان]

رد: كلش تبدل يا حسراااه

من كثرة ما ضحكت نسيت أنقوللكم صح فطووووووووركم تقبل الله منكم الصيام و القيام و صالح الأعمال

 

[جليلوس]

رد: كلش تبدل يا حسراااه

ههههههه
قلبي و كرشي وجعوني من الضحك
صح أنا كنت عاقلة و ما درتش كامل هاذوك الطوايش ، مي اللي تفكرت بلي درتهم باش نحكيهالكم نلقاكم كتبتوها بعد ما خليتولي والو
ربي يخليك جليلوس فكرتنا في يمات زمان و ضحكتنا :thumb_up02::thumb_up02::thumb_up02::thumb_up02::thumb_up02::thumb_up02::thumb_up02:

هههههه صحا العاقلة
خخخخ ... يامااات زينة والله :d
شكرا لمرورك وتواجدك

من كثرة ما ضحكت نسيت أنقوللكم صح فطووووووووركم تقبل الله منكم الصيام و القيام و صالح الأعمال

الله يسلمك ونتوما تاني
صحا فطوركم وربي يتقبل منا ومنكم

 

[mima09]

رد: كلش تبدل يا حسراااه

كلشي تبدل صح
هاذ الحوايج درناهم وكنا فرحانين بيهم وزاهييين
ايييه طوايش بصح هايلين
عشنا طفولة مميزة تبانلي
جيل ما يتعاودش الحمد لله لي عشتو
ومانش نندم على حتى حاجة ملي فانو وياؤيت كان
لزمان يرجع
يعطيك الصحة رجعتلي ذكريات بزاف نحبها
رجعتني لوقت مايعاودش
ربي يحفظك خويا ​

 

[دعاء الجنات]

رد: كلش تبدل يا حسراااه

لحاجة لي مليحا انو الطفل الزوالي بالاك عندو ذكريات جميلة خير من لمرفه ... في الحقيقة حبيت نحكي مقطع حكاهولي خطيبي وقتلتي بالظحك تاع الطفولة اكيد
قال لي : كنا صغار وفي عايلة كبيرة وبزاف صغار لي يقراو.... وبما انو المصروف مايفيش باه نتغداو يعطونا "الكسرة" وخلاص ... امالا احنا الذكور كنا كل مرة نديرو خطة باه ندخلو على كاش حانوت ونسرقوه وربي يغفرلنا ... باه نسرقو اي حاجة ناكلو بيها الكسرة.. ماكوناش نسرقو حاجة غالية بزاف ساعات شويا بصل وساعات شويا زرودية مع الكسرة (ههههههههه) المهم كل يوم حاجة يجوزو بيها هاذيك الكسرة وخلاص ومرة كي ماتصلحلناش السريقة كنا ناكلو الكسرة بالورد لي قدام الجامع "ههههها هاذي لي ماقدرتش ننساها" وشحال كان بنين في ذاك الوقت....ههههه
هاذي هي الحكاية قتلني بالظحك جامي تخيلتها مي كي كبرو شويا طلبو السماح من ااحوانت وقالولهم عادي كنتو صغار السماح....
شكرا جزيلا كي فكرتنا في يامات زمان.

 

[جليلوس]

رد: كلش تبدل يا حسراااه

كلشي تبدل صح
هاذ الحوايج درناهم وكنا فرحانين بيهم وزاهييين
ايييه طوايش بصح هايلين
عشنا طفولة مميزة تبانلي
جيل ما يتعاودش الحمد لله لي عشتو
ومانش نندم على حتى حاجة ملي فانو وياؤيت كان
لزمان يرجع
يعطيك الصحة رجعتلي ذكريات بزاف نحبها
رجعتني لوقت مايعاودش
ربي يحفظك خويا ​

اي وي هادي هياااا
دنيا راهي تجري جري سبحان الله تقول غير لبارح
الله يسلمك شكرا لتواجدك بارك الله فيك
آمين يعيشك :up: