كلش تبدل يا حسراااه

[جليلوس]

رد: كلش تبدل يا حسراااه

لحاجة لي مليحا انو الطفل الزوالي بالاك عندو ذكريات جميلة خير من لمرفه ... في الحقيقة حبيت نحكي مقطع حكاهولي خطيبي وقتلتي بالظحك تاع الطفولة اكيد
قال لي : كنا صغار وفي عايلة كبيرة وبزاف صغار لي يقراو.... وبما انو المصروف مايفيش باه نتغداو يعطونا "الكسرة" وخلاص ... امالا احنا الذكور كنا كل مرة نديرو خطة باه ندخلو على كاش حانوت ونسرقوه وربي يغفرلنا ... باه نسرقو اي حاجة ناكلو بيها الكسرة.. ماكوناش نسرقو حاجة غالية بزاف ساعات شويا بصل وساعات شويا زرودية مع الكسرة (ههههههههه) المهم كل يوم حاجة يجوزو بيها هاذيك الكسرة وخلاص ومرة كي ماتصلحلناش السريقة كنا ناكلو الكسرة بالورد لي قدام الجامع "ههههها هاذي لي ماقدرتش ننساها" وشحال كان بنين في ذاك الوقت....ههههه
هاذي هي الحكاية قتلني بالظحك جامي تخيلتها مي كي كبرو شويا طلبو السماح من ااحوانت وقالولهم عادي كنتو صغار السماح....
شكرا جزيلا كي فكرتنا في يامات زمان.

عندك الحق والله يلا نيشاان ...
بالاك لي كلا التراب في صغرو خير ملي عاش في القصور والفيلات
راهو نادم لي ماعشش صغروو ...
هههههه خطيبك مهبول والله ... ربي يغفرلنااا كامل درنا حوايج ماكناااش نعرفولهم :p
الله غالب النية وكناا صغااار .... ويااا التالية اكديلي عليها تاااع الكسرة بالورد :d:d يادرااا البنة يادراا :p
وي يماااات مايولوش يا حسرااه ... هههههههه يعطيك الصحة بارك الله فيك

 

[جليلوس]

رد: كلش تبدل يا حسراااه

ارواحو نحكيلكم شوي على رمضااان في صغرنااا كيفاش عشناااه

هههههه

كيما تعرفو كامل النهار في وقتنا كان قصير واحنا صمنا في يامات الشتاااء ... كنا نتسحرو على ال 6 تاع الصباااح ، ونشربو الحليب ونروحو نقراو .... الكور فيه 45 دقيقة برك والعشية نخرجو على 2.30 نروحو نجرو للدار الحق ماتلحق خخخخ باش نتفرجو الكواسر والجوارح
هههههههه وتلقانا بعد الفطوور رافدين مطارق وندورو من زونقة لزونقة كواسر كواسر ههههههههه
اياا ومن بعد تجي يمااااك تقلك : هاك ذوق الحريرة اذا مليحة بنينة ولا خصها الملح

خخخخ
ممبعد قبل الغرب كانت تجي حصة خاتم سليمان وكل يوم بوراكة بوراكة ههههه اياااا المغرب كان ياذن على 5.30 ماكسيموم على 6 ههههه وتاكل كلش سخون وماتخلي والو في الطابلة ، ماشي كيما ضروك الما برك السهرة كانت تبدا على ال10 مور التراويح مع ولاد الحومة ها بصح مرااات كنا نخرجو خيانة ونرجعو قبل مايجي الشيباني من التراويح ...

كنااا نديرو حالة بالدربوكة والغميضة يا حسراااه

... الليل كان طويل ، نسهرو ونرقدو ونوضو نتسحرو وحنا جيعانين ههههه ونروحو فاطرين لليكون خخخخخ يا كي فاتت ليااام يااا ربي هااا

كنا نسناو العيد بفارغ الصبر غير باش نلبسو كسوتنا الجديدة ونخرجو نلعبو نيبلي ونلايمو دراهم ونخلو قشنا تاع العيد الصغير للعيد الكبير هههههه وكانت الشتا حالفة فينا

غير يجي العيد ماتصحااااش ياااه يا لياااام ياااه

جماااعة الخييير زوروني هناا ههههههه

حكايتنا في رمضان { مسابقة مهبول ومهبولة }


​

 

[عاشقة الإحسان]

رد: كلش تبدل يا حسراااه

واااااو أنا اللولة اللي نعلق ماشي كيما المرة اللي فاتت ما خليتولي واش نقول
اييييه كلش تبدل يا حسراه
صح أزمان كنا كي نتشاهو حاجة ناكلوها أنخبيوها للمغرب باش ناكلوها و تجي بنينه مي درك خبي على روحك حاجة متقدر تاكلها يادوب مغرفة تاع الشوربة و تتعمر الكرش غير بالما و الحليب و السوائل و الحاجة الباردة
أنا نشفى كونت نخبي البوراك تاعي و خبز المطلوع و نخدم خويا المسكين باش نعطيلو قسمتي مسكين كان يموت عليهم ، تبا الحقرة من الصغر
ربي اخليك خويا جليل كثرلنا من هاذو المواضيع اللي يرجعونا ليامات أزمان نحس روحي كبرت و ليت عجوزة هههههههه
صح فطوركم يا لحباب
لي عودة لقراءة التعليقات و الضحك حتى الموت​

 

[جليلوس]

رد: كلش تبدل يا حسراااه

واااااو أنا اللولة اللي نعلق ماشي كيما المرة اللي فاتت ما خليتولي واش نقول

هههههه حقك يا ختي حقك راكي تقارعي غير وينتا نكتب :d
:dهههههه سارفيس رابيد

اييييه كلش تبدل يا حسراه
صح أزمان كنا كي نتشاهو حاجة ناكلوها أنخبيوها للمغرب باش ناكلوها و تجي بنينه مي درك خبي على روحك حاجة متقدر تاكلها يادوب مغرفة تاع الشوربة و تتعمر الكرش غير بالما و الحليب و السوائل و الحاجة الباردة

والله غير صح راحت البنة معا زمانهااا يا حسراااا

أنا نشفى كونت نخبي البوراك تاعي و خبز المطلوع و نخدم خويا المسكين باش نعطيلو قسمتي مسكين كان يموت عليهم ، تبا الحقرة من الصغر

مسكييين زكااايرية من الصغر ... حgاااارة :d:d

ربي اخليك خويا جليل كثرلنا من هاذو المواضيع اللي يرجعونا ليامات أزمان نحس روحي كبرت و ليت عجوزة هههههههه

هههههه يعطيك الصحة خيتي بارك الله فيك

صح فطوركم يا لحباب
لي عودة لقراءة التعليقات و الضحك حتى الموت​

الله يسلمك وانتوما تاني صحا فطوركم
مرحبا بيك في اي وقت ان شاء الله ^^
شكرا لتواجدك

 

[zagane]

رد: كلش تبدل يا حسراااه

السلام عليكم
نعيب زماننا والعيب فينا
اللي فات ديما احلى من اللي جاي

 

[بقايا إنسان]

رد: كلش تبدل يا حسراااه

موضوعك 444444 اخي الكريم يستحق التثبيات باش يرجعوا ليه المؤرخين يرفدو منو مناهج وحوايج اخرى ههههه منسميهاش
واكدلي على البرويطة المزدوجة الوضائف ,,, صح والله كان وقت شباب وبالرغم واش فيه مكاش مصطلح اسمو الاكتآب نهار ويفوت وكل الخلق تموت ,بنة ايام زمان متتقاش في حتى مكان كان تلفوان واحد في الكاتي كامل ناس كامل تتكلم منو لي زوجها في فرنسا تحكي معا منو ولي وليدو في لارمي يحكي منو والحالة ماشية بالثقة والنيف والناس كامل كيف كيف
ودرك وفي هذا الوقت واحد ميشوف خوه كلو مكونيكتي عجب ,,,المهم خويا لعزيز نحيك على هذا الموضوع الشباب وان فاتنا الشباب

 

[جليلوس]

رد: كلش تبدل يا حسراااه

السلام عليكم
نعيب زماننا والعيب فينا
اللي فات ديما احلى من اللي جاي

وعليكم السلام والرحمة والإكرام
وي شفت كيفاااه يا خويااا ... عندك الحق اللوم فينا ياخويااا
ويبقى ديما الحنين للصغر لي عشناااه لا يعوض :smile02:
شكرا لتواجدك ^^

 

[جليلوس]

رد: كلش تبدل يا حسراااه

موضوعك 444444 اخي الكريم يستحق التثبيات باش يرجعوا ليه المؤرخين يرفدو منو مناهج وحوايج اخرى ههههه منسميهاش
واكدلي على البرويطة المزدوجة الوضائف ,,, صح والله كان وقت شباب وبالرغم واش فيه مكاش مصطلح اسمو الاكتآب نهار ويفوت وكل الخلق تموت ,بنة ايام زمان متتقاش في حتى مكان كان تلفوان واحد في الكاتي كامل ناس كامل تتكلم منو لي زوجها في فرنسا تحكي معا منو ولي وليدو في لارمي يحكي منو والحالة ماشية بالثقة والنيف والناس كامل كيف كيف
ودرك وفي هذا الوقت واحد ميشوف خوه كلو مكونيكتي عجب ,,,المهم خويا لعزيز نحيك على هذا الموضوع الشباب وان فاتنا الشباب

اخي الكريم سرني تواجدك يعطييك الصحة ... ههههه خلاص راني فهمت الكووود
في ميزك سبيسياليتي تاع الجيل الذهبي غير حنا لي نفهموا بعضانا ... :d
كااان الفيكس وشكون لي دايروو غير فلان وفلان يااااه كي كانت النية والقلوب زينة بصح دروك كلش تبدل يا حسراااه
شفت كيفاااه جااات مسودة السعد الكونيكسيون .... قطعت صلة الرحم طووول ربي يهدينا وخلاص
الله يعطيك الصحة خويا بارك الله فيك ... :regards01:

 

[إحسان♥]

رد: كلش تبدل يا حسراااه

مشكوور جدا اخي
فعلا راحت ايام زمان و ايام الطفولة و الان لا اعلم لما احس ان الاطفال يفتقرون لما عشناه
زمن مختلف جدا جداا

 

[جليلوس]

رد: كلش تبدل يا حسراااه

مشكوور جدا اخي
فعلا راحت ايام زمان و ايام الطفولة و الان لا اعلم لما احس ان الاطفال يفتقرون لما عشناه
زمن مختلف جدا جداا

العفو يعطيك الخير:up::up:
ايييه ليااام الزينة راحت ودااات ناسها معاها
بقاااو غير ليسوفونير ياااه
الله يحفظك شكرا لتواجدك