السهرة 11 ..... قهوة وتاي

[ليليا مرام]

كالعادة رانا مع موضوع

السلام عليكم جماعة الخير اسمحولي البارح من المفروض ندير موضوع السهرة كنت مسافرة وجيت للدار مع المغرب وكنت تاعبة
الليلة راحين نكملو سهراتنا في وقت راكم تخيرو احسن سهرة للدفعة الاولى
نرجعو لسهرتنا المعتادة والليلة عندي ضيفة مميزة
وضيفتنا لازم تعرف انو هذي مراحل الموضوع
الضيفة هذي الاكيد انو راهي تعرف كل مراحل الموضوع المعروفة ومعليش اسيدي الزوار والوافدين الجدد
يتعرفو وهاهي مراحل الموضوع

تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك

يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم


واحد من عشرة .... راهي ارقام وانت يا ضيفنا تختار رقم وراح نمدولك بوقالتك


انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك

كلمة ختامية ........ منك كلمة ختامية


واخيرا هدية الضيف هذي نمدلك فيها كادو انا يبقالك ذكرى

اليوم زعمى شكون هو ضيفي راحين نعرفو

​

 

[ليليا مرام]

رد: السهرة 11 ..... قهوة وتاي

السلام عليكم جميعا احباب اللمة والسهريات الرمضانية
مرة اخرى نتلاقو فاول سهرة للدفعة الثانية
ضيفتي الليلة ضيفة مميزة سمارها خلاني نعرضها لانو ليليا تحب السمار وعند الشاوية اكثريتها:yahoo01::yahoo01:
ختنا مش شاوية اكيد راني نفكر فيكم على الشاوي نتاعي الفحل

المهم رحبو معايا بضيفتي المميزة الاخت

la brunette
:: عضو مشارك ::

ضيفتي الكريمة اهلا وسهلا نورتيني

ضيفتي اسمحيلي ديت من ضيافة الاخت سوسو لانو قوقل ما يمشيش النت مشكل فيها اسمحيلي ونخلفهالك ههه



​

 

[ليليا مرام]

رد: السهرة 11 ..... قهوة وتاي

عرّف بنفسك

[FONT=&quot]
[/FONT]
عرف بنفسك
ضيفتي لابرونات انا اللي نعرفو عليك انك مشاركة تبارك الله وفية للمواضيع وتناقشي
هادئة لحد الساعة مازال ما حتكيتش بيك ولو حاولت نقلقك مي كالم تبارك الله
ضيفتي نحبك تعرفينا على روحك
نحبو نعرفو عليك امور برضايتك انت اكيد تسمحينا ندقدقو بابك وندخلو لحياتك برا من المنتدى تفضلي

ونروحو للفقرة الجاية
​

 

[ليليا مرام]

رد: السهرة 11 ..... قهوة وتاي

يومياتك

الاكيد انو لكل واحد فينا عندو نظام او بروغرام يمشي عليه فرمضان ومرات الامور تجي وحدها تخططي لحاجة تخرجلك حاجة اخرى
يعني ضيفتي واش هي يومياتك فرمضان واش ديري من وقت السحور لوقت المغرب
وقولينا على برونات والكوزينة كيفاه

الفقرة ليك تفضلي

​

 

[ليليا مرام]

رد: السهرة 11 ..... قهوة وتاي

خمسة بخمسة

-ضيفتي فقرة خمسة بخمسة لازم تجاوبيني على اسئلة ممكن تكون شوي شخصية
1-ضيفتي فتاة وتحب امور كيما كل النات والزواج من بينها الزواج عن حب او تقليد ووعلاه ؟
2-برونات اسم سمار تحبي راجلك يكون سمر او ابيض ووعلاه لازم نعرف ومعليش يكون قوس قزح هههه
3-شكون اهم شخص في حياة ضيفتي
4-هل ممكن تقبلي برجل من المنتدى للزواج طبعا ؟ واذا لا الاسباب
5-كل شي مقدر من الله مي عندنا ديما حاجة نحبوها واش حابة برونات دير فحياتها


نروحو للفقرة اللي وراها
​

 

[ليليا مرام]

رد: السهرة 11 ..... قهوة وتاي

شكون تختار؟

ضيفتي شكون تختاري فالتحدي
التحدي هذا انا نحبو لانو الدبزة ونبقى نتفرج ناوية خير انا حتى ما تقولوش نيتها كحلة نونو بيضة والدليل ماراحش نسلككم ولا واحد من المشاركين يسلك
راح حنا علينا نشعلوها
والحماية يطفوها وحتى الحماية فالفقرة هذي راحين يشعلوها
ضيفتي اختاري شكون تتحداي


​

 

[ليليا مرام]

رد: السهرة 11 ..... قهوة وتاي

من 1لل10

عندك ارقام من 1 لل 10
الارقام هذي راهي زهرنا الراقد او المنتحر او المسافر
ماراناش راحين نضربو الكارطة هي راحا تضربنا
انت خيري البوقالة وانا نقراها ونديرولها تحليل ونشوفو اذا هي كيما انت برونات
[FONT=&quot] [/FONT]

​

 

[ليليا مرام]

رد: السهرة 11 ..... قهوة وتاي

انت وزهرك

ضيفتي راسلتها حتى نقولها تعاوني ندير كاميرا كاشي لعضوة
مي ماكانتش عارفة انو هي الضحية وراهي ليكم الرسائل

رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: la brunette
إقتباس: المشاركة الأصلية أضيفت بواسطة: زهرة الزنبق
السلام عليكم
اهلا وسهلا اختي واش راكي
اختي حبيت نقولك برك راني حابة ندير مقلب لعضوة لو تعاونيني حتى تكون ضيفتي الليلة تعيشي لازم اخرى تراسلها ونشوف واش رايك

وعليكم السلام غاليتي

معليه اوافق مي نظن مشاركاتي مزاال ملحقتش 1000
منقدرش نراسل اعضاء برك الادارة

اذا كانت من الادارة اعلميني كيفاش
نديرلها المقلب :d
صحا فطورك
​

ضرك نقولهم يخلوك تراسلي
اسمعي انا نعلمك ديري مقلب المهم نيرفيها وخلاص اصبري نجرب نيرفيك انت وتعلمي
زعمى انت علاه سميتي ورحك برونات حابة تقوليلهم انك سمرا بالعاني او واش
تنيرفيتي والا لالا

هههههه اييه خلاص فهمت
معلييه اختي
واعتذر تاخرت فالرد
:regards01::regards01:




إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: la brunette
قوليلي يا اللي واسمك سمرا انت تتقلقي والا لالا وقوليلي اسمك الحقيقي واش انا نقول سمرا وبرك نحب نعرف اسمك الحقيقي
لانو راه راسلني واحد وقالي واش رايك فالسمرا هذيك وانا قتلو واشبيك تشوف فيا فاكتور انا ما نعرفهاش ولو نعرفها علاه تسقسيني عليها
المهم اختي اسمك الحقيقي قوليلي ونقولك واش ديريليها مقلب

لالا منتقلقش خخخخخخ
وينااه داك العضو يادرااا:d

احمممم ماي نايم ايييز
رجاآآء :love01:

​

اييه رجاء اسمعس يا طفلة اخطينا من العضو راح يعوم ههههههههههههه
الليلة راكي ضيفتي ونظن راكي فقتيلي ايا انا ما نوالمش للكاميرا كاشي وااااااااااااااع راهي دور عليا
المهم اختي راكي ضيفتي الليلة فالسهرة[/QUOTE]

ههههههههه
امم ملا انا الضيفة مخطرش ببالي
لا راني نوجد فالافكاار الجهنمية لديك العضوة بااش ندير فيها مقلب تبااا:d
يشرفناا نكون ضيفة فسهرتك اختي
وان شاء الله نكون خفيفة عليكم
صحا فطورك
:regards01::regards01:


ضيفتي كانت ضحية وفنفس الوقت فاقت انو راح نعرضها لضيق الوقت والنت تروح انا كنت عرفت على الضيفة نظنها فاقت

نشكر ضيفتي ونقولها تبارك الله راكي كالم
وشكرا


​

​

 

[ليليا مرام]

رد: السهرة 11 ..... قهوة وتاي

هدية الضيف

ضيفتي مقامك غالي وتستهالي الف هدية مي راكي عارفة ختك ليليا تروح لسوبرات عمها قوقول

 

[ليليا مرام]

رد: السهرة 11 ..... قهوة وتاي

كلمة ختامية

ضيفتي انا نشكرك بزاف على قبول الدعوة
واعذريني راني طولت لانو النت تمشي بصعوبة ما جيت نكمل الموضوع حتى وليت شايبة معليش كاين الصبغة
ضيفتي الكريمة لهنا رحلتي معاك خلاصت ونخلي الاعضاء يكملو السهرة ومنا ومنا يكون عندي تدخلات واذا النت كانت صعبة كملي ضيافتك حتى لغدوة العشية معليش ماكانش مشكل
راهي بن قوفريط دارت رايها فينا
المهم ضيفتي نشكرك بزاف
ونقولكم نتلاقو غدوة مع ضيف آخر
تهلاو فرواحكم

​

 

[AmiR@RoRo]

رد: السهرة 11 ..... قهوة وتاي

مم ماتكونش زعما الاخت السمرا
la brunette

 

[الحلم الوردي]

رد: السهرة 11 ..... قهوة وتاي

السلام عليكي
صحا فطورك
بلاك الاخت هدى
ولا
la brunette​

 

[tistissa dj-tissou]

رد: السهرة 11 ..... قهوة وتاي

انا نقول الاخت توينكل ستار
​

 

[ليليا مرام]

رد: السهرة 11 ..... قهوة وتاي

مم ماتكونش زعما الاخت السمرا
la brunette

السلام عليكم
اختي اميرة فعلا هي الاخت برونات
وهذي هديتك نتمنى تعجبك

 

[la brunette]

رد: السهرة 11 ..... قهوة وتاي

السّلآمُ عليكمْ


كيفَ احوالكم لمااويين ؟
صحاا فطوركم

اييه نعم انا ضيفتكم للسهرة اليوم
نتمنى نكون خفييفة عليكم ونعقبو سهرة مليحة شكرا حبيبتي ليلياا على الاستضاافة والدعوة

سهرة ممتعة
تحياتي

​

 

[Skor m@k]

رد: السهرة 11 ..... قهوة وتاي

السلام عليكم
مرحبا بك ختي لابرونات واش راكي حدايا فجزر القمر هههه
كاش كونكسيو عندكم خاطرش فوحد لبلاد معندهومش مساكن ههههه
المهم حبيت نسقسيك وين جايا جزر القمر هههه تعرفيها زعما خخخخ
كيفاش تعرفتي على اللمة ولا كرهتي من الفايس دورتيها منتدى هههه
انت صح برونات ولا تزعقي بينا برك هههه
المستوى الدراسي تاعك
الاسم تاعك عرفناه خلاص الصامطة هذيك كتباتو اخ اخ اخ
كاميرا كاشي مزال متعرف ديرها بهدلت بينا هههه
يرحم والديك هذيك كاميرة كاشي اه
تسقسيك على اسمك ممبعد تقولك الى زعفتي هاهاها
مديريش عليها ختي لابرونات هههه
معنداك ختي ليليا نgسسر برك والى زعفتي كي شغل كاميرا كاشي هههه
الى لقيت كاش اسئلة راني نولي​

 

[la brunette]

رد: السهرة 11 ..... قهوة وتاي

عرّف بنفسك

[FONT=&quot]
[/FONT]
عرف بنفسك
ضيفتي لابرونات انا اللي نعرفو عليك انك مشاركة تبارك الله وفية للمواضيع وتناقشي
هادئة لحد الساعة مازال ما حتكيتش بيك ولو حاولت نقلقك مي كالم تبارك الله
ضيفتي نحبك تعرفينا على روحك
نحبو نعرفو عليك امور برضايتك انت اكيد تسمحينا ندقدقو بابك وندخلو لحياتك برا من المنتدى تفضلي

ونروحو للفقرة الجاية
​

اممم ربي يحفضك ليلوشْ

نعرّف بنفسِي

اناآآ رجاآآء [ امم صراحة ماهوش اسمي الحقيقي مي نفضل تعيطولي بيهْ باآآسكو نمشي بييه فالمنتَديات :d احم سياآآسة الخصوصية هههه وتفأآديا لابراآج المراآبقة ]
عمري 19 سنَة حبسْت فالثاآنية ليسي مكمّلتش قرايتي ظروفْ :-r شعبة آداب وفلسفة :d
من الحضنَة ولاية 28 اممم عزباْء حاآآلياا:p

هاآدئة فالحقيقة منحبش بزأاف الهدرة هههه ثرثاآآرة الكترونيآآ فقط :d
ايييه مهبولة احيااأنا خخخخ اممم احب امي وابي لاداآعي للتصفيق خخخخ اعلابالي قديييمة
بسيطة جداآآآ وحاآآليأأ ماني ندير فوأألو لسع خرجت من تجربة قاآآسية شوي
وبعد ماآهجرت عالم النت والمنتدياآآت فترة رجعت حاآليااا
امممم عصبية قليلا هههه ونحب القسرة ايييه مبعد تكتشفو المواآهب الخارقة لي عندي وهي كالآتي التقرعيج والتمسخيير :d
النومْ والتفلسييييف ايييه قلتلكم آ داب وفلسفة يشوفني ارسطو يحيرْ خخخخ نقسر برك متخلعوووش :-r

عندي وشحأأل كنت نتابع اللمة وقررت نسجل دركْ ولقيتهاآ هايلة
اييه ترقبوني درك نحكي قصْة حياآتي هادي لا بروناآىت بالمختصر :d
:regards01::regards01:

​

 

[la brunette]

رد: السهرة 11 ..... قهوة وتاي

يومياتك

الاكيد انو لكل واحد فينا عندو نظام او بروغرام يمشي عليه فرمضان ومرات الامور تجي وحدها تخططي لحاجة تخرجلك حاجة اخرى
يعني ضيفتي واش هي يومياتك فرمضان واش ديري من وقت السحور لوقت المغرب
وقولينا على برونات والكوزينة كيفاه

الفقرة ليك تفضلي

​

يوميّاآآتي

اممم صراآحة عادة نسهر مع الفايسبوك والمنتدياآآت حتى للسحور نشرب الحليب :d مع البريوووش
ونصلي الفجرْ ونرقد نوض قبل الظهر كل مرة كيفاآه :d نصلي ونقراآآ من القراآن ما تيسر لي

ومبعد نجي للمة هههه نكونكتي شوي بعد العصرْ المطبخ العزيز يعيطلي
ندخل و كشماآآ نطيب والحمد لله علاقتي بالطبخ مليحة كلْ مرة في تحسن :tongue02:

بعد الفطور ثاني نلتقي مع الكوزينة ياايماآ قدش تحبني طبعاآ الماعن لازم نغسلهمْ
وبعدهاآآ العشاآء والتراويح ثم اللمة وكاش فيسبوك
وهكذا نفس هادا البرناآمج يتعاود كل يومِ :-h

:regards01::regards01:
اياآآ للفقرة التالية



​

 

[la brunette]

رد: السهرة 11 ..... قهوة وتاي

الشَعب راأأقد خخخخخ

انهاآآ الكونكسيون كالسلحفاأأة بففف معلييهْ

للفقرة التالية

​

 

[الحلم الوردي]

رد: السهرة 11 ..... قهوة وتاي

السلام عليكي
خيار الناس اختي
بون نبدا باسئلة خفاف برك
نحبك تمديلي
كلمة في
الخيانة؟
الحزن؟
الحب؟
الصداقة؟
الأخوة؟
العمل؟
الحجاب؟
اللمة؟
أقرب الأعضاء ليك؟
الاكلة المفضلة ليك؟
كي تتقلقي واش ديري؟
الشاعر المفضل عندك؟
واش تحبي تكتبي خواطر ولا شعر ولا في زوج؟
لي عودة ان شاء الله
​