السهرة12........قهوة وتاي

[ليليا مرام]

السلام عليكم جميعا
احباب اللمة منتدانا الغالي روّاد وزوار القسم
اهلا وسهلا بيكم عندي واهلا بيكم عندي فموضوع

الليلة ككل الليالي عندنا ضيف مميز
نستضيفو الضيف ونرحبو به ترحيب يليق بمقامو واكيد مقصرين فحقو
الليلة عندنا ضيف أخر من سلسلة

وهذا الضيف يعرف انو للموضوع مراحل خلونا نشوفوها

تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم

واحد من عشرة .... راهي ارقام وانت يا ضيفنا تختار رقم وراح نمدولك بوقالتك


انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك

كلمة ختامية ........ منك كلمة ختامية


واخيرا هدية الضيف هذي نمدلك فيها كادو انا يبقالك ذكرى

اليوم زعمى شكون هو ضيفي راحين نعرفو

​

 

[ليليا مرام]

رد: السهرة12........قهوة وتاي

سلام عليكم جماعة الخير
صحا فطوركم الاحباب الليلة تلاقينا مرة اخرى في سهرة من سهرات

كيما تعرفو راني مرة نجيب عضو قديم ومرة عضو جديد حتى تكون فرصة ونتعرفو على الاعضاء
الليلة عندنا ضيف مميز من رواد مسابقة اللمة واللي الحقيقة بلاما يغلط معايا فاول مشاركة لي هناك طلب مني السماح وهذا ان دل يدل على إنو ضيفي شخصية ذو اخلاق رفيعة وهذا اللي راحين نعرفوه
رحبو معايا بالأخ

NOUREDDINE 31
:: عضو متميز ::

ضيفي الكريم اهلا وسهلا بيك فسهرة الليلة

ضيفي اهلا وسهلا بيك ونروحو لاول فقرة



​

 

[ليليا مرام]

رد: السهرة12........قهوة وتاي

عرّف بنفسك

ضيفي الكريم الفقرة هذي لازم نتعرفو عليك طبعا اذا سمحتنا
ضيفي ما نعرفوش عليك امور بزاف او تقريبا ما نعرفو والو وهذي فرصة وشرف لينا نتعرفو عليك
ونخلوك انت حر فالتعريف نتاعك نحبو نعرفو خونا نور الدين واش هي حياتو وواش يدير
اي شي انت حاب تقولو تفضل المساحة ليك ومعرفتك كنز
تفضل خويا


​

 

[ليليا مرام]

رد: السهرة12........قهوة وتاي

يومياتك

ضيفي الكريم فالفقرة هذي تحكينا على برنامج فرمضان واش دير من وقت تتسحر لوقت الفطور
اذا خدام كيفاه تتعامل مع رمضان وهكذا
لازم نعرفو برنامجك فرمضان وواش اللي تبدل عليك يعني الفرق بين رمضان وضرك
شكرا ونروحو لفقرة اخرى

​

 

[ليليا مرام]

رد: السهرة12........قهوة وتاي

خمسة بخمسة

ضيفي الكريم اسمحلي ندخل شوي لخصوصياتك ونسقسيك امور ممكن تكون محرجة بالنسبة ليك
1- ضيفي واش الحدث اللي اثر عليه فحياتو وخلالو جرح او حاجة مازال يتفكرها وجعاتو ؟
2- واش راي ضيفي فالمرأة العاملة وهل يفضلها عاملةاو ماكثة والسبب
3- واش راي ضيفي فزواج النت وهل تؤمن به ؟
4- ضيفي شاب كيما كل ليجون فرايك ليجون واش يخصهم ؟
5- أهم شخص خونا نورالدين ما يرفضلو حتى طلب ؟

ربي يخليك وشكرا نروحو لفقرة الجاية
​

 

[ليليا مرام]

رد: السهرة12........قهوة وتاي

شكون تختار؟

ضيفي الكريم فالمرحلة هذي اختك ليليا الشر تحبو ما تحبش الخير تحب الدبزة تشعلها وتبعد
هنا انت إختار عضو تتحداه فموقف ما
دبزة ركلة كوتبيي احنا خاطينا انا نروح نجيبلك السيد ونبعد يا خويا ناوية خير والله ما نسلك
ولا الاعضاء راحين يسلكو راحين نتفرجو برك

شكرا ورانا نستناو


​

 

[ليليا مرام]

رد: السهرة12........قهوة وتاي

من 1 لل 10

ضيفي الكريم شوف هنا زهرنا راح يرقد قالك ما حبش ينوض انا قالولي راه فوق باطيمات يحوس ينتحر
راني لاحقاتو بالبوقالات
اييه عارفة ما تامنش بيه وانا نأمنش مي حنا راحين نلعبو
ضيفي اختار رقم وختك ليليا راح تكمل الباقي
ايا نروحو لفقرة اخرى


​

 

[ليليا مرام]

رد: السهرة12........قهوة وتاي

انت وزهرك

ضيفي اول شي نقدملك تحية كبيرة كبيرة ونشكرك بزاف على اخلاقك الرفيعة
ونقولكم يا جماعة شفت من الاخ احترام كبير كبير وشوفو واش كان بيناتنا

رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: NOUREDDINE 31
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: NOUREDDINE 31
إقتباس: المشاركة الأصلية أضيفت بواسطة: زهرة الزنبق
السلام عليكم خويا نور الدين
خويا حبيت نفهم منك امر
ذاك النهار فموضوع المسابقة ياخي ما صرا والو وعلاه تروح تقول راهي حبت نمدلها الاسئلة انا قتلك مدلي الله يهديك
انا كنت نزعق قلت راهي تسربت كيما نتاع الباك انت كبرتها وتروح تحكي عليا ما حقش عليك


أستغفر الله العظيم
أختي راكي غالطا أنا ماهدرتش قاع هاكا
كنت نمزح و قلت راهي كاينة تسريبات كيما تع البكالوريا و هداك النهار كان النهار الثالث من رمضان أختي
أختي اسمحيلي إذا كنت أهدرت عليك ولا حاجة من هاذا القبيل اسمحيلي

لالا مارانيش غالطة وانا بريتك قريتها سبحان الله يا اخي والله ما نعرفك ونحترمك وجامي كان بيناتنا سوء فهم او حتى حسن فهم يعني شفتك دير فمسابقة وانا كنت نزعق برك
وحتى انك اعتذرات عادي وفهمتك انو ما زعفتش مي علاه تهدر عليا اليوم دخلت حتى فكلام بيني وببين عضو قالي ليليا واشبيك مع نورالدين وانا نسيت الحادثة قتلو شكون نور الدين قالي الللي دار المساببقة الصراحة ما امنتوش حتى بعثلي البرية والله دهشت وعلاه واش درتلك انا ؟
الله يهديك

أختي سامحيني بلاك ماكنتش مليح والله أنا نسيتها أختي و أنا مانبغيش نخسر مع الناس
و أرجو منك أن ترسلي لي رابط هاذي المشاركة أو الموضوع و سامحيني سامحيني سامحيني أنا دايركم عائلتي الثانية ماعلاباليش كيفاه درت باش كتبتها سامحيني
اذا ماكانش هناك مانع قوليلي شكون العضو ليقالك
سامحيني سامحيني سامحيني سامحيني سامحيني سامحيني
آمين و يهدي جميع

ههههههههههههههه خويا نور الدين
ماشاء الله على اخلاقك ونقولك ما حكيت عليا ما والو راهي كاميرا كاشي
وراك ضيفي الليلة لو توافق فموضوع السهرة حتى نتعرفو عليك
شكرا وربي يخليك من نيتك تطلب فالسماح والله يعطيك الصحة

سحيتي و ان شاء الله ان كون في الموعد لكن سأدخل بعد التراويح إن لم يكن لديك مانع أختاه
خلعتيني


ضيفي كان جد محترم واخلاقو رفيعة مسكين ويطلب السماح ويعاود ونقولك خونا نور الدين هاو حقك :regards01:


​

 

[ليليا مرام]

رد: السهرة12........قهوة وتاي

هدية الضيف

ضيفي الكريم ان شاء الله يعجبوك الكادوات

شكرا ونروحو لآخر فقرة
​

 

[ليليا مرام]

رد: السهرة12........قهوة وتاي

كلمة ختامية

كلمة ختامية
ضيفي الكريم وصلت معاك لآخر مرحلة مي السهرة هذا وين بدات مع الاعضاء
ضيفي نقولك شكرا لانك مباشرة قبلت الدعوة وعلى اخلاقك الرفيعة واللي خلاتني نرفعلك القبعة وفعلا مازال ناس محترمة وشباب اصيل فبلادنا
نقولك تبارك الله ونشكرك بزاف بزاف
وانا نقولكم نتلاقو غدوة بحول الله مع سهرة اخرى وضيف آخر
في امان الله

​

 

[AmiR@RoRo]

رد: السهرة12........قهوة وتاي

السلام عليكم
مم نظن الاخ نور الدين 31

 

[la brunette]

رد: السهرة12........قهوة وتاي

صحاآ فطوركم
أهلآ وسهلآ بالضيف

نتمناآآلك اقامة ممتعَة

لي عودَة بالاسْئلة

​

 

[AmiR@RoRo]

رد: السهرة12........قهوة وتاي

السلام عليكم
اهلا وسهبلا بضيفنا الكريم
صحا فطورك
عمرك ؟
تقرا ولا تخدم ؟
كيفاش كان نهارك ؟
احوالك مع رمضان ككل ؟غالب ولا مغلوب؟
وش الاكلة لي تحبها ديما حاضرة فالطابلة ؟
وش القسم لي يستهويك بزاف فااللمة ؟
كفاش تعرفت على اللمة ؟
فريقك المفضل ؟

سهرة طيبة جاري ^^

 

[دعاء الجنات]

رد: السهرة12........قهوة وتاي

تحية لليليا وللضيف
انا نقولو سهل علينا شويا اسئلة تاع المسابقة
ههههههه تحية ليك وللجميع وسهرة ممتعة

 

[ليليا مرام]

رد: السهرة12........قهوة وتاي

السلام عليكم
مم نظن الاخ نور الدين 31

اهلا اختي اميرة صحا فطورك
اييه ثاني مرة ياو راكي تضربي الكارطة اكثر مني
ذي هديتك تسوفجي هههه

 

[جيهان جوجو]

رد: السهرة12........قهوة وتاي

السلام عليكم
اهلا وسهلا بالضيف
صح فطوركم
سهرة ممتعة
في المتابعة ولي عودة باذن الله
في امان الله ​

 

[AmiR@RoRo]

رد: السهرة12........قهوة وتاي

اهلا اختي اميرة صحا فطورك
اييه ثاني مرة ياو راكي تضربي الكارطة اكثر مني
ذي هديتك تسوفجي هههه

هههه نضرب خيط الرمل ماشي الكارطة انا :p
اه قلبي الصغير لا يتحمل ، شكغا شكغا شكغا يهبلو :d

 

[الفتى المغامر]

رد: السهرة12........قهوة وتاي

السلام عليكم
شكراااا على الإستضافة
صح فطوركم

 

[la brunette]

رد: السهرة12........قهوة وتاي

السلآم عليكم
هاني وليييت
ضيفناآآ كيف احواآلك ؟
احممم شوي ايسكريم قبل الاسئلة باآش مينشفش ريقك خخخخخ

بون الاسئلة هياآآ

واش هياآآ اهدافك وطموحاآتك ؟
نور الدينْ عصبي ولاّ هادئ ^^ ؟
حاآجة درتهاآآ وندمت عليهاآآ ؟
لو كان يقولولك نرجعوكِ للماآضي واش تدّي منو؟
حاجة تناآريVيك ؟
حاجة تفرحك ؟
علالاقتك بواآلديك ؟
لونكْ المفضّل ؟

الآن يكفي هد الاسئلَة
نتمنى منكونش كثرت عليييك
صحاآآ صحورك
ولي عودة ان شاآآء الله




​

 

[la brunette]

رد: السهرة12........قهوة وتاي

حالياً الأعضاء النشيطين الذين يشاهدون هذا الموضوع: 19 (5 عضو و 14 ضيف)
‏la brunette, ‏AmiR@RoRo, ‏ملاك التراب, ‏Manel Noula, ‏NOUREDDINE 31

الله يباآرك ضيوف اكثر من الاعضاآء قرعاأجين خخخخخ ^^


​